Björn Friðgeir skrifaði þann | 1 ummæli
Þó fæstir stuðningsmenn United hér á landi þekki vel sögu United árin eftir seinna stríð vita flestir meginatriðið: Sir Matt Busby tók við liðinu eftir stríð með Old Trafford í rústum og 10 árum síðar voru piltarnir hans Busby flottasta unga liðið í Evrópu.
En í millitíðinni hafði Busby tekið við United mönnunum sem snúið höfðu til baka úr striðinu, og gert þá að bikarmeisturum 1948 og meisturum 1952. Lesa meira
Björn Friðgeir skrifaði þann | Engin ummæli
Jóhannes úr Kötlum beitti smá ritskoðun þegar hann ákvað að setja Hurðaskelli í ljóð sitt í stað Faldafeykis. Þess vegna þurfum við að hugsa aðeins útfyrir rammann þegar við hugsum um Ryan Giggs sem Giljagaur.
Hvað er hægt að segja um Ryan Giggs? Öll hugsanleg leikjamet fyrir United, 21 ár, 9 mánuðir og 11 dagar síðan hann lék sinn fyrsta leik og hann er enn að. 50% fleiri Englandsmeistaratitlar en næsti ekki-United maður á titlalistanum, einn besti kantmaður allra tíma. Allt afrek sem erfitt er að sjá að verði nokkurn tímann leikin eftir. Lesa meira
Björn Friðgeir skrifaði þann | 11 ummæli
Stekkjarstaur kom fyrstur
stinnur eins og tré
Af leikmönnum United síðari áratuga hafa fáir átt í meiri vandræðum með fæturna á sér en Louis Saha, og ef til vill er þa rangnefni að láta hann standa undir nafni Stekkjarstaurs í jólasveinadagatali Rauðu djöflanna. Ef hefði hann haft alvöru staurfætur hefði hann kannske meiðst sjaldnar!
Saha kom til Manchester United í janúar 2004 frá Fulham og kostaði 12,4 milljónir punda. Hann skoraði 7 mörk í tólf leikjum það sem af lifði tímabilinu og stóð sig vel. En næstu fjögur árin voru saga meiðsla. Hann missti af stórum hlutum af hverju einasta tímabili og þó hann stæði sig oft vel þegar hann kom inn í liðið var saga hans hjá United að miklu leyti saga vonbrigða. Lesa meira
Björn Friðgeir skrifaði þann | 16 ummæli
Síðasti leikur okkar í riðlakeppni Meistaradeildar Evrópu verður á morgun þegar Rúmenarnir frá Cluj koma í heimsókn. Fyrri leiknum lauk með naumum sigri United í einum af streðleikjum þessa hausts. Fjórir sigrar í fyrstu fjórum leikjum riðilsins hafa þó tryggt okkur áfram og við getum tekið á móti Cluj með hálfgerðu varaliði, enda erfiðasti leikur tímabilsins framundan um næstu helgi, heimsóknin á Etihad. Lesa meira
Björn Friðgeir skrifaði þann | 11 ummæli
Liðið aðeins öðruvísi en ég setti það upp áðan.
Lindegaard
Rafael Ferdinand Evans Evra
Carrick Anderson Fletcher
Rooney Van Persie Young
Skemmst frá því að segja eftir þokkalega byrjun United kom sending inn á teig okkar á 8. mínútu, Jonny Evans skallaði úti teiginn og Robson-Kanu afgreiddi boltann snyrtilega í netið. Fjórtánda skiptið í vetur sem United lendir undir. En United var óvenju snöggt að svara þessu og tvö mörk á þrem mínútum komu United yfir, Fyrst skoraði Anderson með þrumuskoti úr teignum eftir góða sendingu Young, og síðan Rooney úr víti eftir óhemju klaufalegt brot á Evans. Lesa meira
Vertu með í Fantasy leiknum okkar!