Björn Friðgeir

Eitt stig í fjórum leikjum. Á Old Trafford.
Sagði einhver fordæmalausir tímar? Sannarlega. Burnley hefur samt tapað öllum heimaleikjunum. Það er huggun. En það eru víst bara þrír leikir
West Bromwich kemur í heimsókn á morgun, með heilt stig úr sínum fjórum útileikjum og þrjú í allt og það hlýtur að vera kominn tími til að United sýni sitt betra andlit því það sem ef er hausti hefur þetta ýmist verið í ökkla eða eyra. Ágætar frammistöður, aðallega í Meistaradeildinno og svo hrein hörmung inn á milli.
Hvers eigum við að vænta á morgun? Þetta landsleikjahlé var ömurlegt, ekki síst vegna þess að við hér heima höfum síðustu átta árin eða svo verið vön því að íslenska landsliðið kæti smá á meðan rauði herinn í Manchester lítur á eina tilgang enska landsliðsins vera að senda okkar menn í meiðsli. Það var erfitt enda Harry Maguire eini útileikmaðurinn sem spilaði í þessum leikjum. Enda meiddist hann eitthvað í leiknum gegn Íslandi og óvíst hvort hann byrji. Victor Lindelöf spilaði hnjaskaður þannig miðvarðastaðan okkar er í þessum líka fínu málum. Lesa meira

Eftir frækinn sigur í miðri viku og eitt skref áfram í þróun liðsins komu tvö ef ekki þrjú slík afturábak í dag í hreint út sagt skelfilegum leik.

Ole Gunnar Solskjær hélt sig við demantinn, Scott McTominay kom inn í varnarmiðjuna, Bruno Fernandes tók við af Donny van de Beek og Marcus Rashford hóf leikinn í stað Martial sem er enn í banni

Varamenn: Henderson, Williams, Tuanzebe, Matic 62′, Mata, Van de Beek 75′, Cavani 75′ Lesa meira

Stórleikirnir koma í röðum þessar vikurnar, Tveir fræknir meistaradeildarsigrar komu sitt hvor megin við jafnteflið við Chelsea og á morgun verður aftur slagur tveggja stjóra sem mikið er talað um, Mikel Arteta mætir með sína menn á Old Trafford. Mikel Arteta tók við Arsenal rétt fyrir jól í fyrra eftir að Unai Emery var sparkað og náði að setja mark sitt á liðið. Það fer tvennum sögum af því hversu vel, Arsenal tók vissulega enn einn Englandsbikar en gengið hefur verið upp og ofan. Stuðningsmenn eru hæstánægðir virðist vera og nokkrir leikmenn hafa stigið upp og sýnt gott spil. Arsenal er hins vegar einungis með tveimur stigum meira en United og hefur leikið leik meira. Þeir hafa vissulega unnið þrjá leiki, en tapað hinum þremur. Það hljómar illa en töpin komu gegn Manchester City, Liverpool og síðan Leicester City um síðustu helgi. Tveir af sigrunum hafa síðan komið gegn Fulham og Sheffield United, liðum sem hafa virst heillum horfin. Lesa meira

Landsleikjahléi lokið og við tekur alvaran. Síðasti leikur var fyrir tæpum tveimur vikum og kannske einhver búin að gleyma því en það er alveg víst að ef leikurinn á morgun vinnst ekki þá verður það svo sannarlega rifjað upp. Blöðin og Twitter elska fátt meira en valtan stjóra og Ole Gunnar Solskjær stefnir í það ef ekki næst að rétta kúrsinn af.

Það hefði mátt halda að krísan hjá United færi í frí í landsleikjafríi, en nei, Harry Maguire hélt henni vel gangandi með að fá raut spjald í leik Englands og Danmerkur á miðvikudaginn fyrir vægast sagt tvö glórulaus brot og raddir orðnar háværar að hann þurfi smá frí til að hressast aðeins. Í dag koma fréttir um að hann sé hreinlega tæpur fyrir leikinn á morgun og væru þá flest til í að þá væri enn frekar ástæða itl að gefa honum frí. Solskjær kvaðst samt vona að hann spili. Lesa meira