Björn Friðgeir skrifaði þann | Engin ummæli
United fer á suðurströndina á morgun og hittir þar fyrir Bournemouth í hádegisleiknum.
Fyrir tveim vikum síðan hefði útileikur haft í för með sér grátur og gnístran tanna og líklegast hefði upphitarinn alfarið komið sér framhjá því að minnast á gengi liðsins á útivöllum. En síðan þá hafa komið þrír útisigrar í röð og nú þarf sá fjórði að koma til að viðhalda góðu gengi liðsins. Lesa meira
Björn Friðgeir skrifaði þann | 10 ummæli
Byrjunarlið Manchester United var líkt því sem búist var við, Young missti ekki sæti sitt þrátt fyrir góða frammistöðu Brandon Williams gegn Partizan.
Varamenn: Romero, Rojo, Williams, Mata, Garner, Lingard, Greenwood
Lið heimamanna:
United byrjaði svo sem þokkalega, en það var samt Norwich sem fékk fyrsta færið, góð sókn upp hægra megin, enginn United maður gerði árás á boltann og endaði með sendingu á Cantwell í miðjum teignum. Wan-Bissaka var 2 metra frá og gat engan veginn stöðvað skotið, en vildi til að það fór hátt yfir. Á engan hátt ásættanleg varnarvinna. Lesa meira
Björn Friðgeir skrifaði þann | 5 ummæli
Eftir fyrsta útisigurinn síðan kvöldið góða í París er United aftur á útivelli og nú eru það nýliðar Norwich sem verða heimsóttir.
Vandamálið er samt augljóst þegar úrslitin í haust eru skoruð: United virðist fyrirmunað að skora fleiri en eitt mark í leik. Þegar Ole tók við og fram að leiknum í París var bent á að United væri að nýta færi sín betur en búast mætti við, skoruð mörk voru mun fleiri en vænt mörk (xG) en þetta tímabil hefur það verið að snúast við og nú er svo komið að United er ekki að skora eins mikið og búast mætti við. Lesa meira
Björn Friðgeir skrifaði þann | 44 ummæli
Lið United kom ekki á óvart nema Victor Lindelöf er meiddur og því kom Axel Tuanzebe inn í miðvörðinn og Dalot og Young fóru í sínar bakvarðastöður. Nemanja Matic fékk að fara á bekkinn.
Í upphituninni talaði ég um að Newcastle færi í 3-4-3 en flestir stilltu byrjunarliðinu upp sem 5-4-1
Það var engu að síður Newcastle sem byrjaði af miklum krafti Young þurfti að blokka skot Almirón uppi við markteig strax eftir 40 sekúndur. Um leið og United fékk boltann og sótti á kom hins vegar vel í ljós að Newcastle ætlaði að spila mjög aftarlega og mjög þétt. Ef eitthvað var voru Newcastle menn aðeins ákveðnari framávið, en hvorugt lið náði upp miklu spili og United mönnum reyndist afskaplega erfitt stundum hvort tveggja að koma boltanum á samherja og að halda boltanum. Lesa meira
Björn Friðgeir skrifaði þann | 9 ummæli
Á morgun takast á þau tvö lið sem eru í hvað mestum vandræðum í deildinni það sem af er hausti.
Newcastle er næst neðst, með fimm stig eftir sjö leiki og nýr stjóri, Steve okkar Bruce er engan að heilla. Okkar menn eru hins vegar í 10 sæti með aðeins níu stig eftir sjö leiki og undir venjulegum kringumstæðum væri umræðan um að reka stjórann orðin alltumlykjandi. En þetta eru ekki venjulegar kringumstæður og ég dreg fram uppáhalds, ef uppáhalds skyldi kalla, myndina mína.
Í þetta skiptið horfum við bara á leikmenn keypta eftir 2013, árið sem Sir Alex Ferguson og David Gill hættu og eigendurnir stóðu uppi án besta framkvæmdastjóra allra tíma og eins besta fjármálastjóra allra tíma. Ekki einasta réðu þeir David Moyes, sem þó var rekinn fljótlega, heldur hafa leikmannakaup verið á höndum Edward Woodward og þess framksvæmdastjóra sem mönnum datt í hug að gæti bjargað málum. Lesa meira
Vertu með í Fantasy leiknum okkar!