Björn Friðgeir skrifaði þann | 1 ummæli
Samkvæmt Guardian er Luke Shaw búinn að standast læknisskoðunina, búið er að semja við Southampton um kaupverð upp á 27 m. punda auk viðbótargreiðslna (leikir og titlar fyrir United, leikir fyrir England væntanlega).
Þannig að það þarf mikið að gerast til þess að við sjáum ekki nýjan leikmann hjá United annan daginn í röð.
Við *staðfest*um þetta um leið og hægt er! Lesa meira
Björn Friðgeir skrifaði þann | 8 ummæli
Ekki vorum við fyrr búnir að setja uppfærslu á Fésbókinni um að Herrera væri búinn að skila inn nauðsynlegum skjölum til spænska knattspyrnusambandsins og nú væru aðeins einhver tæknileg mál að tefja sem myndu leysast í dag eða morgun en þetta kom:
Athletic tilkynnti á heimasíðu sinni að þeir hefðu hafnað boði Manchester United í Ander Herrera.
EIns og gefur að skilja logaði Twitter á eftir og skýringarnar eru ýmsar en þó er ljóst að þarna eru nokkur atriði í gangi: Lesa meira
Björn Friðgeir skrifaði þann | 7 ummæli
Munið þið eftir Ander Herrera? Ég var næstum búinn að gleyma honum, enda gerði hann lítið hjá Athletic Bilbao í vetur til að minna á sig. Hann var þó fastamaður í liðinu.. En núna fullyrðir spænska blaðið Marca að hann sé búinn að skrifa undir fjögurra ára samning við United. Þetta verði tilkynnt opinberlega í dag. United á að hafa greitt upp klásúluna góðu upp á 36m. Upphaflega á þetta sér rætur í frétt Cadena Ser útvarpsstöðvarinnar. Lesa meira
Björn Friðgeir skrifaði þann | 5 ummæli
Þau sem vildu einhvers konar Football Manager úthreinsun, 10 út, 10 inn verða fyrir vonbrigðum. En það var svo sem vitað, þó þurfi að endurnýja liðið þá verður það frekar að taka menn inn frekar en selja. Antonio Valencia er búinn að skrifa undir nýjan þriggja ára samning þannig að hann fær tækifæri til að rífa sig uppúr þeirri lægð sem hann hefur verið í undanfarin tvö tímabil. Honum til varnar var hann í erfiðum meiðslum þar á undan og í fyrra missti hann besta vin sinn úr ekvadorska landsliðinu, Chucho Benítes. Lesa meira
Björn Friðgeir skrifaði þann | 5 ummæli
Þar kom að því, nýtt og ferskt og þokkalega áreiðanlegt slúður!
Og þá er það að Thomas Vermaelen hafi samþykkt samning við United og nú eigi bara eftir að ganga frá kaupverði við Arsenal. Vermaelen á ár eftir af samningi og því ætti Arsenal ekki að geta heimtað mikið.
Það er ekki hægt að segja að þetta séu flottustu fréttirnar. Vermaelen er búinn að vera fimm ár hjá Arsenal, stóð sig vel í fyrstu en hefur verið nokkuð meiddur undanfarið. Hann var valinn fyrirliði liðsins eftir að Van Persie fór, en hefur ekki átt fast sæti í liðinu í vetur. Lesa meira
Vertu með í Fantasy leiknum okkar!