Magnús Þór skrifaði þann | 47 ummæli
Fyrir þennan leik bjuggust flestir við sigri Chelsea. Meira að segja stuðningsmenn okkar megin. Ég man hreinlega ekki eftir því að fara í leiki og ‘vonast’ eftir sigri. Ekki bara gegn stóru liðunum heldur gegn öllum liðunum.
United byrjaði leikinn mjög vel og léku í raun töluvert vel í fyrri hálfleiknum en eins og oft áður í vetur voru þeir sviknir af 5.flokks varnarleik. Samt sem áður gaf 2-0 forysta Chelsea í hálfleik engan veginn rétta mynd af leiknum. Lesa meira
Magnús Þór skrifaði þann | 6 ummæli
Á morgun leika Manchester Utd við Chelsea á útivelli. Robin van Persie verður ekki með og ekki heldur Wayne Rooney. Ashley Young er líka meiddur sem veikir liðið líklega ekki neitt og sem fyrr eru Fellainio og Nani frá ásamt Phil Jones og Patrice Evra. Jonny Evans og Rio Ferdinand eru líklega leikfærir.
Ég held að ég hafi aldrei verið jafn svartsýnn fyrir stórleik hjá United í þau rúmu 20 ár sem ég hef stutt liðið. Það er ekki eins og liðið hafi aldrei lent í meiðslakrísum fyrr en liðið hafði alltaf magnaðan baráttuanda sem Alex Ferguson barði í það. Það er helsti munurinn á liðinu núna og undanfarin ár að liðið virðist ekki vilja leggja sig 110% fram fyrir David Moyes eða að þeir eru einfaldlega ekki jafn hræddir við að spila illa fyrir hann og fyrir Ferguson. Lesa meira
Jæja það var mikill léttir að sjá United vinna Swansea nú rétt í þessu, sérstaklega eftir að maður sá að Tottenham, Everton og Chelsea unnu sína leiki fyrr í dag. Þetta tekur töluverða pressu af af liðinu og stuðningsmenn liðsins geta slakað aðeins á neikvæðninni næstu vikuna.
Liðið sem byrjaði leikinn leit svona út:
De Gea
Rafael Smalling Vidic Evra
Valencia Carrick Fletcher Kagawa Lesa meira
Á morgun tekur United á móti Swansea í annað skipti á innan við viku. Við þurfum ekkert að ræða það neitt frekar hvernig leikurinn spilaðist síðasta sunnudag, enda einn af lágpunktum tímabilsins (hingað til allavega). Ef ég væri leikmaður United þá væri ég mjög æstur í að spila þennan leik á morgun og hefna fyrir „ruglið“ um síðustu helgi. Það verður því forvitnilegt að sjá hvaða leikmenn mæta dýrvitlausir til leiks og hverjir ekki (ef einhverjir). Ef þetta er ekki tækifærið fyrir leikmenn liðsins til að sýna öllum hvað þeim virkilega finnst um gengið undanfarna daga, já þá veit ég ekki hvað þarf til að vekja þessa menn. Lesa meira
Úfff, þetta voru svo sannarlega svekkjandi úrslit svo ekki sé meira sagt. Tottenham sækir annan sigur sinn í röð á Old Trafford, eitthvað sem hefur ekki gerst síðan 1989. Förum aðeins yfir þetta, byrjum á liðinu:
De Gea
Smalling Vidic Evans Evra
Carrick Cleverley
Valencia Rooney Januzaj
Welbeck
Varamenn: Lindegaard, Büttner, Ferdinand, Fletcher, Kagawa, Young, Hernandez.
Leikurinn byrjaði af miklum krafti af hálfu United, liðið spilaði að manni fannst 4-4-1-1, mjög hátt á vellinum, voru grimmir í pressunni og héldu boltanum vel. Welbeck var sprækur frammi og miðjan öll að gera bara fína hluti. Valencia var sérstaklega sprækur, með Rose gjörsamlega í vasanum og krossaði boltanum trekk í trekk, eitthvað sem hefur varla sést í allan vetur. Þrátt fyrir alla þessa krossa þá náði United ekki að skapa sér nein hættuleg færi, maður var alltaf að bíða eftir því að boltinn rataði á einhvern United mann sem myndi hamra honum í netið, en í staðinn fóru allir boltar í lappirnar á varnarmönnum Tottenham. Þetta tíst segir í raun allt sem segja þarf: Lesa meira
Vertu með í Fantasy leiknum okkar!