Enska úrvalsdeildin

Þá er stundin runnin upp því það er komið að stærsta leik United á leiktíðinni til þessa. Bikarúrslitaleikurinn gegn Newcastle United í deildarbikarnum – Carabao Cup og verður þetta fyrsti úrslitaleikur United frá því liðið mætti Villareal fyrir tæpum tveimur árum síðan og tapaði á grátlegan hátt í vítaspyrnukeppni.

2013 dagar eru hins vegar liðnir frá því United vann síðast úrslitaleik en það gerðist síðast þegar José Mourinho stýrði liðinu til sigur gegn Ajax í úrslitum Evrópudeildarinnar 2017. Af núverandi leikmannahóp United sem voru í hópnum fyrir þann úrslitaleik eru einungis Anthony Martial, Marcus Rashford og De Gea sem eftir standa en Rashford var sá eini sem byrjaði þann leik. Það er því svo sannarlega kominn tími á að skila málmi í hús fyrir hópinn okkar í dag og þó margir í núverandi hóp United hafi gert það annars staðar þá skiptir það okkur litlu sem engu máli því eins og Casemiro sagði í viðtali á dögunum þá kom hann hingað til að vinna fleiri titla. Lesa meira

Seinni leikur Manchester United og Barcelona er á morgun og verkefni beggja er einfalt: Sigur eða dauði. Jafntefli þýðir framlengingu, jafnt eftir framlengingu þýðir vítakeppni.

Fyrir sex dögum síðar mættust liðin í frábærum leik, United hélt að þeir hefðu kannske gert nóg til að fara með sigur heim frá Camp Nou, en Barcelona hirti, líklega verðskuldað, jafnteflið. Nú þarf United sigur til að komast áfram og eftir 14 slíka í síðustu 15 á Old Trafford er það vissulega eitthvað sem á ekki að vera ofverkið þeirra. Byrjum á góðu fréttunum: Lisandro Martínez og Marcel Sabitzer eru komnir úr banni, Casemiro verður með eins og á Camp Nou og fékk síðustu bannhvíldina um helgina, og Antony og Harry Maguire eru orðnir leikfærir. Lesa meira

Byrjunarliðið gegn Leicester kom ekkert sérstaklega á óvart nema það að Lindelöf byrjaði ásamt Martinez í hjarta varnarinnar. Garnacho kom inn í byrjunarliðið fyrir Sancho og Dalot í stað Wan-Bissaka. Það voru einhverjar sögusagnir um að byrjunarliði United hefði verið lekið og að Elanga ætti að byrja á kantinum en sá leki hefur a.m.k. ekki verið mjög áreiðanlegur. Brendan Rodgers gerði engar breytingar á Leicester liðinu sem pakkaði Tottenham saman 4-1 um síðustu helgi. Lesa meira

United tekur á móti Leicester City á Old Trafford klukkan 14:00 á morgun, sunnudaginn 19. febrúar. Eftir fín úrslit í miðri viku á Nývangi mun United taka á móti refunum frá Leicester á heimavelli á konudaginn sjálfan. Leicester hefur verið í brasi á þessari leiktíð og oft hefur því verið velt upp hvort Brendan Rodgers sé kominn með liðið á endastöð. Liðið situr nú í 14 sæti ensku úrvalsdeildarinnar og miðað við undanfarin tímabil telja sig eiga meira inni. Liðið hefur þó aðeins rétt úr kútnum eftir vonda byrjun á tímabilinu og virðast hafa komið aðeins ferskari inn í nýtt ár. Leicester hefur unnið síðustu tvo síðustu leiki í úrvalsdeildinni og síðustu helgi gjörsamlega valtaði liðið yfir Tottenham. Lesa meira

Þessi frábæri leikur! Bæði lið horfa líklega á töpuð tækifæri en jafnteflið var sanngjarnt.

United stillti upp nokkurn veginn eins og búist var við

Varamenn: Butland, Heaton, Dalot, Lindelöf, Maguire, Mainoo, Pellistri, Iqbal, Elanga Garnacho (82′)

Barcelona var sömuleiðis ekki með nein óvænt útspil

United byrjaði með smá sóknartilburðum en fljótlega varð ljóst að Barcelona myndi ráða lögum og lofum á vellum eins og svo sem mátti búast við. Vörnin var þétt og fjölmenn og stoppaði það sem Barcelona reyndi. Það var hins vegar erfiðara að halda boltanum og koma honum upp. Lesa meira