Rauðu djöflarnir

„Ekki hrokafullir, bara betri.“ Svo hljóðar borði nokkur sem hressir United stuðningsmenn létu prenta á sínum tíma sem svar við þeim háværu röddum að stuðningsmenn Manchester United væru upp til hópa hrokafullir leiðindapúkar. Þó við tökum ekki undir slíkar alhæfingar þá minnist undirritaður engu að síður annarra tíma þegar gamli maðurinn Ferguson sá til þess að sigrar og árangur voru nánast sjálfsagður hlutur. Það var kannski ekki ætlunin að vera hrokafullur en ég minnist þeirra tíma þegar leikir gegn Wigan/Watford/West Ham/klúbbur í neðri hlutanum að eigin vali á Old Trafford vöktu upp tilhlökkun. Þrjú stig og fjögur mörk í plús á laugardaginn, hljómar vel!

Embed from Getty Images

Okkar manni David Moyes fannst þessir yfirburðir United eitthvað ósanngjarnir og rétti stöðuna aðeins af, skyndilega voru allir leikir á Old Trafford bullandi barátta og ekkert gefins. Við United menn munum sennilega aldrei fara í okkar gamla horf enda ólíklegt að nokkuð lið muni drottna yfir velgengni enskrar knattspyrnu eins og United gerði á gullaldarárum Sir Alex, en það er einhver neisti kominn aftur á leikvang draumanna. Hroki? Kannski ekki, en þegar ég las Crystal Palace á heimavelli um helgina þá hugsaði ég einfaldlega; þrjú stig og fjögur mörk í plús á laugardaginn, hljómar vel.

Jose Mourinho bauð ekki upp á neitt óvænt með uppstillingunni 4-2-3-1 en Marouane Fellaini var nokkuð óvænt í liðinu. Anthony Martial þurfti að setjast á bekkinn eftir frábæran leik í Moskvu fyrr í vikunni og einhverjir urðu fyrir vonbrigðum með það en Marcus Rashford byrjaði í hans stað, nokkuð fyrirsjáanlegt að mínu mati.

Bekkur: Romero, Bailly, Blind, Darmian, Herrera, Lingard, Martial

Roy Hodgson stillti Crystal Palace upp svona:

Bekkur: Speroni, Lee Chung-yong, McArthur, Ladapo, Mutch, Kelly, Reidewald

Leikurinn

Okkar menn byrjuðu þetta með látum þegar Marcus Rashford fór illa með Joel Ward, vinstri bakvörð Palace, og renndi boltanum fyrir á Juan Mata sem skoraði af öryggi, 1:0 eftir þrjár mínútur. Þetta varð þó ekki jafn öruggt og byrjunin gaf til kynna; spilamennskan var losaraleg á tímum og ljóst að þétt leikjaálag undanfarið er farið að taka sinn toll. Fyrri hálfleikurinn var þó frekar þægilegur enda gestirnir ekki á sínum besta stað, Crystal Palace hefur ekki skorað mark í vetur og leikmenn liðsins eru gjörsneyddir af öllu sem heitir sjálfstraust. Eftir rúmlega hálftíma leik var forystan svo tvö mörk þegar Ashley Young átti frábæra fyrirgjöf á fjærstöngina þar sem okkar maður Marouane Fellaini var mættur, 2:0.

Embed from Getty Images

Síðari hálfleikurinn byrjaði svo eins og sá fyrri. Rashford sveiflaði inn fyrirgjöf úr aukaspyrnu og belgíska hraðlestin stangaði boltann í netið! Fellaini kominn með þrjú deildarmörk á tímabilinu; hann skoraði samtals tvö á síðustu tveimur. Eftir þetta virtist botninn aðeins detta úr spilamennsku okkar manna er þreyta fór að segja til sín. Gestirnir hefðu mögulega getað fengið vítaspyrnu skömmu eftir þriðja markið þegar Chris Smalling virtist fella Bakary Sako inn í teig, dómari leiksins, Mike Dean, hafði þó ekki áhuga.

Embed from Getty Images

Þó spilamennskan hafi dalað eftir því sem á leið héldu færin áfram að dúkka upp. Lukaku klúðraði dauðafæri einhverjum 20 mínútum fyrir leikslok þegar hann sendi Hennessey í vitlaust horn en sneri boltann svo rétt framhjá hinumegin. Varamennirnir voru svo nálægt því að henda í mark þegar Herrera spilaði Martial í gegn en Frakkanum brást bogalistinn og hann skaut beint á Hennessey í góðu færi. Enginn leikur er þó úti fyrr en stóri Belginn er búinn að skora og auðvitað henti United í mark á síðustu 10 mínútunum (við höfum nú skorað 9 af 21 deildarmörkum okkar á síðustu 10 mínútum leikja). Herrera spilaði Martial í gegn vinstra megin í teignum og hann renndi boltanum fyrir markið þar sem Lukaku skoraði af stuttu færi, 11 mark hans í 10 leikjum.

Sannfærandi sigur gegn neðsta liði deildarinnar, áfram ósigraðir í deildinni og búnir að endurheimta toppsætið (í bili allavega). Fínn dagur á skrifstofunni það.

Umræðupunktar eftir leik

Þreyta. Nemanja Matic og Romelu Lukaku voru rétt svo hvíldir í deildabikarnum gegn Burton en hafa annars spilað alla leikina okkar í september, það sást. Við spiluðum í Rússlandi í miðri viku og það hefur tekið sinn toll líka, það er því ánægjulegt að við komumst í gegnum þennan leik slysalaust. Nú tekur við landsleikjahlé og við krossleggjum fingur og vonumst til að allir komi heilir frá því. Næsti leikur er gegn Liverpool á Anfield og við megum varla við áföllum fyrir þá ferð.

Fjögur mörk. Við höfum nú skorað fjögur mörk í sex af 11 leikjum okkar, frábær tölfræði. Við höfum nokkrum sinnum byrjaði leiki strax á marki en helst skorum við undir lok þeirra. 9 af 21 deildarmörkum okkar hafa komið á síðustu 10 mínútum leikja (43%). Ekkert annað lið ensku úrvalsdeildarinnar státar af slíkri tölfræði.

Liverpool. Næsti leikur er ferð á Anfield beint eftir landsleikjahlé og þar kemur einfaldlega fyrsta risa próf tímabilsins. Byrjunin hefur verið afar sterk og liðið er að vinna akkurat þá leiki sem fóru gjarnan illa í fyrra en margir hafa bent á að andstæðingarnir hingað til hafa auðvitað ekki verið liðin í hæsta klassa. Þetta verður því tækifæri til að sjá hversu langt við höfum komist í raun og veru.

https://twitter.com/halldorm/status/914158214584918016

Marouane Fellaini. Fyrir 10 mánuðum síðan kostaði belgíski hljóðneminn okkur tvö stig þegar hann gaf klaufalegt víti á Goodison Park gegn Everton á síðustu andartökum leiksins. Nokkrum dögum seinna tóku óþekkir stuðningsmenn United sig til og bauluðu á hann á Old Trafford. Hann hefur svo sannarlega svarað þeirri gagnrýni frábærlega og er núna búinn að skora fjögur mörk strax í upphafi tímabils; hann skoraði fjögur á öllu síðasta tímabili og sömuleiðis árið þar á undan. Allir góðir menn fagna því að það er loks komið í tísku að sitja á Fellaini-vagninum. #TeamFellaini.

Margir horfðu á annríkan september mánuð sem ákveðið próf fyrir Manchester United sem hafði farið vel af stað og unnið alla þrjá deildarleiki sína í ágúst. Eftir óheppilegt jafntefli á útivelli gegn Stoke í fyrsta leik mánaðarins hafa lærisveinar Mourinho ekki litið til baka. Í Meistaradeildinni hafa tveir leikir unnist þægilega sem og einn í enska deildabikarnum og í úrvalsdeildinni var Wayne Rooney og félögum í Everton skellt 4:0 áður en Mourinho gerði það sem Mourinho gerir best í sterkum útivallarsigri gegn Southampton. Á morgun kemur Crystal Palace í heimsókn í lokaleik september og óhætt er að segja að með sigri þar hefur lið United svo sannarlega staðist prófið.

Crystal Palace

Sex leikir, sex töp, engin mörk skoruð og neðstir í deildinni er staðan hjá andstæðingi morgundagsins. Hinn hollenski Frank de Boer tók við stjórnartaumunum í sumar en hann átti að hjálpa félaginu að breyta um áherslur og verða betra fótboltalið. 10 vikum og fjórum tapleikjum seinna var þeim áætlunum hent út um gluggann, Boer látinn taka poka sinn og forráðamenn ákveðið að fara í eitthvað aðeins meira enskt og klassískt: hinn sjötuga Roy Hodgson sem hefur m.a. unnið það til afreka að stýra Liverpool og enska landsliðinu. Undir Roy gamla heldur liðið áfram að tapa og ekki skora mörk en það gæti vel verið að gamli maðurinn hafi reynsluna og kænskuna í að snúa ógöngum félagsins við.

Embed from Getty Images

Okkar maður Timothy Fosu-Mensah er á láni hjá Palace og spilar auðvitað ekki á morgun og sömu sögu er að segja af fyrrum United manninum Wilfried Zaha sem er meiddur. Á meiðslalistanum er einnig Christian Benteke og er það heldur betur skarð fyrir skildi fyrir Crystal Palace að vera án þeirra.

Okkar menn

Leikirnir halda áfram að koma á færibandi og Jose Mourinho sá tilefni til að kvarta undan því að þurfa spila á miðvikudegi í Meistaradeildinni og svo strax á laugardegi í úrvalsdeildinni en hvernig sem því líður eru væntingarnar einfaldlega miklar. Við virðumst vera að skora fjögur mörk í leik oftar en ekki og mætum á morgun langneðsta og lakasta liði deildarinnar til þessa. Það má að sjálfsögðu engan andstæðing vanmeta en allt annað en sigur á morgun yrði hreinlega skellur.

Embed from Getty Images

Við erum nokkuð fátækir á miðjunni og sennilega mun mæða mikið á Nemanja Matic og Ander Herrera sem spiluðu 90 mínútur í Rússlandi. Eitthvað eru menn óvissir um þátttöku Phil Jones, sem hefur verið frábær hingað til, og þá ekki ólíklegt að Chris Smalling komi inn í vörnina. Ashley Young hefur verið öflugur í vinstri bakverðinum og var tekinn af velli eftir rúman klukkutíma leik á miðvikudaginn, það er því ansi líklegt að hann haldi sæti sínu á morgun. Í sókninni er flest að ganga upp; Romelu Lukaku heldur áfram að skora og Anthony Martial, Marcus Rashford og Henrikh Mkhitaryan taka allir sénsinn þegar hann býðst. Það er hausverkur af góðu sortinni fyrir Mourinho að velja á milli Rashford og Martial sem spila sjaldan saman; undirritaður býst við Rashford á morgun fyrst að Frakkinn spilaði Meistaradeildarleikinn.

http://gty.im/845791896

Zlatan Ibrahimovic og Marcos Rojo eru sem fyrr á meiðslalistanum. Þar bætast svo þeir Paul Pogba, Michael Carrick og Marouane Fellaini við og ljóst að við erum nokkuð fátækir á miðjumenn þessa daganna. Phil Jones spilaði ekki í miðri viku í Meistaradeildinni og er tæpur fyrir leik morgundagsins.

Í Moskvu spiluðum við 3-5-2 leikkerfi sem svínvirkaði. Ég ætla þó að spá því að Mourinho fari hefðbundnari leiðir gegn Crystal Palace á heimavelli og jafnvel gerist ég svo djarfur að spá 4:0 sigri. Byrjunarliðið gæti orðið eftirfarandi:

Dýrlingarnir tóku á móti okkar mönnum á St. Mary’s í dag en Jose Mourinho stillti upp sterku liði, Fellaini, De Gea, Lukaku, Matic og Mkhitaryan komu allir inn í byrjunarliðið.

Lið Southampton var einnig gríðarlega sterk. Þó vermdu Gabbiadini og Virgil van Djik bekkinn, greinilegt að sá síðarnefndi er enn í skammarkróknum en svo virðist vera að Shane Long hafi átt að þreyta vörnina hjá United og Gabbiadini átt að koma ferskur inn í lok leiks.

Leikurinn byrjaði ágætlega, fjörugur og opinn og stefndi í skemmtilegan leik. Sú varð þó ekki raunin, en bæði lið fengu ágætis skot á fyrstu 10 mínútunum, fyrst Henrik Mkhitaryan fyrir United og svo Nathan Redmond hinu megin á vellinum.

Það var ekki fyrr en á 20. mínútu að Young fær sendingu frá Mkhitaryan á vinstri vænginn, tekur góða gagnhreyfingu og nær fyrirtaks fyrirgjöf inn í teig þar sem enginn annar en belgíski prinsinn okkar, Romelu Lukaku, á í smá baráttu við Weasley Wood áður en hann nær að koma boltanum á markið sem er varið en Lukaku nær að fylgja eftir og skorar framhjá Fraser Forster.

Embed from Getty Images

Eftir markið færðist lið Southampton framar á völlinn en engin almennileg færi litu dagsins ljós fyrr en United fékk aukaspyrnu fyrir utan teiginn. Rashford tók spyrnuna, lyfti boltanum yfir vegginn og svo virtist sem Forster myndi ekki ná til hans en boltinn endaði röngu megin við stöngina.

Næst kom góður kafli hjá Southampton þar sem þeir voru mikið með boltann en lítil hætta skapaðist þar sem síðasta sendingin virtist alltaf bregðast þeim. Á 42. mínútu fékk Mata hins vegar sendingu inn fyrir vörn dýrlinganna sem gáfust upp og virtust hreinlega allir halda að hann væri rangstæður en United náði ekki að nýta sér það.

Vörn United leit vel út í fyrri hálfleik og náði að slökkva nánast alla elda sem heimaliðið reyndi að kveikja.

Embed from Getty Images

Seinni hálfleikur

Í seinni hálfleik komust Southampton mun meira inn í leikinn, stjórnuðu ferðinni lengst af og United átti í basli. Þeim tókst ekki að halda boltanum né færa liðið framar á völlinn. Leikmenn liðsins vörðust þó af krafti og vinnusemin skein úr liðinu, má þar helst nefna Rashford sem var áberandi duglegastur við að Young.
Snemma í síðari hálfleiknum tók Redmond, sem var einn albesti leikmaður Southampton í leiknum, að leika á Valencia og kom með fullkomna fyrirgjöf en Shane Long stýrði boltanum langt framhjá markinu.

Embed from Getty Images
Skömmu síðar áttust Phil Jones og Shane Long við í baráttu um boltann og vildu sumir Southampton menn meina að Jones hefði brotið af sér og heimtuðu rautt á Jones. Craig Pawson, sem átti sæmilegan dag, var ekki á sama máli og lét leikinn halda áfram. Enn réðu dýrlingarnir öllu á vellinum en svo virtist sem flestar þeirra sóknir væru ansi bitlausar og hefur De Gea oft átt mun annasamari daga en þennan.

Á 62. mínútu kom Herrera inn á fyrir Mata, sem var vísirinn að skipulagi Mourinho í síðari hálfleik, örlítið meiri áherslu á varnarleikinn en við upphaf leiks. Strax eftir skiptinguna komust United í hættulega sókn, þar sem Mkhitaryan, Lukaku og Rashford komust einir gegn tveimur varnarmönnum en Mkhitaryan ákvað að senda á Lukaku frekar en Rashford, en skot hans var varið auðveldlega.

Embed from Getty Images

Stuttu síðar átti Romeo skot sem rúllaði framhjá De Gea og, sem betur fer, stönginni líka. Strax í kjölfarið átti Rashford flotta sendingu framhjá varnarmönnum Southampton á Lukaku sem renndi boltanum á Herrera sem var einn og óvaldaður á vítapunktinum en fipaðist eitthvað og skot hans fór yfir rammann.

Þegar hér var komið við sögu var Southampton mun meira með boltann og United einungis að beita hálfgerðum skyndisóknum. Jose Mourinho brá þá á það ráð að taka Mkhitaryan útaf og setja Smalling inná, miðvörð inn fyrir sóknartengilið, greinilega ætlaði Mourinho að halda þessum 3 stigum og sætta sig við að skora ekki fleiri. Næsta skipting bar keim af því sama, Daley Blind inn fyrir Rashford.
Embed from Getty Images
Southampton reyndu hvað þeir gátu að reyna brjóta sér leið í gegnum himinnháan varnarmúr rauðu djöflanna, Fraser Forster kom meira að segja út í horn undir lok leiks en allt kom fyrir ekki. Það vantaði þessar grimmd, þetta bit til að klára leikinn, eitthvað sem United stuðningsmenn þekkja of vel frá fyrri leiktíðum.

Rétt fyrir lok leiks var Jose Mourinho vikið af velli fyrir afskipti sín af fjórða dómaranum, en það hafði ekki áhrif á leikinn að öðru leyti en að tefja fyrir Southampton. Loks gall flauta Pawson við og United öruggt um þrjú stig í hús sem við þurftum virkilega að hafa fyrir.

Embed from Getty Images

Southampton var mun baráttuglaðara liðið í seinni hálfleik og greinilegt að Mourinho þarf að skerpa á okkar mönnum sem eiga núna marga útileiki á næstunni, þann næsta í Rússlandi við CSKA Moskvu í Meistaradeildinni.

Embed from Getty Images