Rauðu djöflarnir

Staðfest

Zlatan Ibrahimovic er aftur orðinn leikmaður Manchester United *staðfest*

skrifaði þann | 2 ummæli

Það er búið að staðfesta það sem okkur grunaði, Zlatan Ibrahimović hefur skrifað undir nýjan samning við Manchester United:

Þetta eru miklar gleðifréttir og það sést á samfélagsmiðlum bæði félags og leikmanns að það er mikil gagnkvæm ánægja með þetta.

Við erum líka mjög ánægðir hérna hjá Rauðu djöflunum. Zlatan kemur með mikil gæði, mikla reynslu, mikinn karakter, mikla skemmtun og mikið af mörkum inn í liðið, það er alveg á hreinu.

Mourinho hafði þetta að segja um málið:

We are delighted Zlatan is on the road to recovery and we are equally delighted to have his ambition and experience back with us. After his contribution last season he deserves our trust and we will be patient waiting for him to return. I have no doubt that he will be important in the second part of the season.

Zlatan sjálfur sagði þetta:

I am back to finish what I started. It was always mine and the club’s intention for me to stay. I cannot wait to get back out on that Old Trafford pitch, but I also know that I have to take my time to make sure that I am ready. I have been working hard and will continue to do so to make sure I am in the best possible condition for my return to the pitch.

Slúðurfréttir í dag sögðu að Zlatan væri að stefna að endurkomu í október. Það væri auðvitað gjörsamlega sturlað eftir slík meiðsli. En það er allavega ljóst að með þessum samningi þá er verið að hugsa til þess að Zlatan geti komið inn í hópinn fyrir áramót ef hann verður orðinn heill. Hvenær sem hann kemur þá verður hann mikil styrking á hópnum.

Hér er annars greinin frá því í fyrra þegar Zlatan var staðfestur.

Svo minnum við á að það verður dregið í riðla Meistaradeildarinnar seinni partinn. Við fylgjumst með því hérna.

Meistaradeild Evrópu

Dregið í Meistaradeildinni kl 16:00 í dag

skrifaði þann | 5 ummæli

 

Klukkan 4 í dag verður dregið í riðlakeppni Meistaradeildarinnar og United er aftur þar eftir árshlé!

Styrkleikaflokkarnir eru sem hér segir

 

1. flokkur

Real Madrid, Bayern München, Chelsea, Juventus, Benfica, Monaco, Spartak Moskva, Shakhtar Donetsk

2. flokkur

Barcelona, Atlético Madrid, Paris Saint-Germain, Borussia Dortmund, Sevilla, Manchester City, Porto, Manchester United

3. flokkur

Napoli, Tottenham Hotspur, FC Basel, Olympiakos, Anderlecht, Liverpool, Roma, Beşiktaş

4.flokkur

Celtic, CSKA Moskva, Sporting CP, APOEL Nicosia, Feyenoord, NK Maribor, FK Qarabağ, RB Leipzig

United er fallið í annan styrkleikaflokk eftir að ófarirnar fyrir tveimur árum og sigurinn í Evrópudeildinni nægir ekki til að bæta fyrir það. Á hinn oginn þá er 2. flokkur ekki síður sterkur en sá fyrsti.

Eins og venjulega geta lið frá sama landi ekki dregist saman.

Real Madrid, United, Napoli, RB Leipzig. Það yrði eitthvað!

En til að gleðja samsærisraddir þá væri Shakhtar, Basel og Maribor auðvitað mun fyndnara.

Get ekki beðið! Kl fjögur á eftir!

 

Djöflavarpið

Djöflavarpið 42. þáttur – Zlatan snýr aftur

skrifaði þann | 1 ummæli

Maggi, Björn og Halldór settust niður og ræddu stórsigrana gegn West Ham og Swansea. Einnig var komið inná endurkomu Zlatan Ibrahimovic sem gæti jafnvel gerst í þessari viku. Svo svöruðu þeir spurningunni hvort einhver leikmaður muni bætast í hópinn í þessum glugga.

Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:

Gerast áskrifandi í iTunes
Gerast áskrifandi í öðrum forritum

MP3 niðurhal: 42. þáttur

Enska úrvalsdeildin

Swansea City 0:4 Manchester United

skrifaði þann | 11 ummæli

José Mourinho sá ekki frekar en stuðningsmenn United ástæðu til að breyta liðinu sem rústaði West Ham um síðustu helgi en það var Swansea sem sótti í byrjun. Fyrstu tilraunir þeirra voru stöðvaðar en á þriðju mínútu kom boltinn upp vinstra megin, Bailly hreinsaði beint í Ayew sem komst í gegn og alla leið inn í teig, De Gea fór út og bjóst við fyrirgjöf en Ayew vippaði boltanum framhjá honum og í slána. Stálheppnir þar United. Strax á næstu mínútu kom Lukaku í sókn, reyndi að renna boltanum á Rashford en vörnin blokkaði og viðstöðulaust skot Lukaku fór síðan framhjá.

Þrælspennandi byrjun á þessum leik, United tók flótlega öll völd og á 9. mínútu var komið að þeim að hitta slána, aukaspyrna Mata fór í öxlina á Phil Jones og í slána. Fremri miðlína United var eins og við var að búast mjög hreyfanleg, Rashford og Mkhitaryan birtust á köntunum til skiptis eftir því sem United reyndi að brjóta sér leið gegnum varnarvegg Swansea sem dró liðið alveg til baka þegar United var að sækja.

Embed from Getty Images

Það gekk samt ekki vel að komast gegnum 10 manna vörnina og Swansea reyndi alveg sitt til að sækja þegar þeim gafst tækifæri á. Paul Pogba fékk gult spjald um miðjan hálfleikinn fyrir groddalega tæklingu og mátti passa sig eftir það. Swansea fékk eiginlega hættulegra tækifæri en Unitd hafði fengið þegar Bartley skallaði framhjá eftir hornspyrnu, átti að gera betur þar. Ekki var það þó jafn gott og færið sem Markus Rashford fékk. Rashford fékk boltan af Swansea manni, óð inn í teig og reyndi að vippa yfir Fabianski en það fór bara beint á markmanninn. Afskaplega slakt það hjá Rashford.

United jók pressuna síðustu mínútur hálfleiksins og dældi inn fyrirgjöfum sem urðu sífellt hættulegri og ein slík gaf horn á síðustu mínútunni. Blind tók það frá vinstri, Pogba hamarskallaði boltann, Fabianski varði í slá og niður en Bailly var nógu vakandi til að fylgja á eftir og reka sólann í boltann og skora. Þó það hefði litið út fyrir það fór skallinn ekki inn þannig það var frábært hjá Bailly að fylgja svona vel á eftir. Frábær tímasetning fyrir Bailly að skora sitt fyrsta mark fyrir United.

Embed from Getty Images

United pressaði frá fyrstu mínútu seinni hálfleiks en gekk sem fyrr ekkert of vel að skapa hættu. Stungusendingar inn á teiginn rötuðu á varnarmenn enda nóg´af þeim. Sóknir Swansea voru fáar en þegar þær komu voru þær fjarri því hættulausar. Jones og Bailly voru góðir en samt fékk til að mynda Abraham tækifæri á fríum skalla sem fór yfir, heppnir þar.

Swansea bætti í og voru hreinlega um tíma að sækja meira. Mourinho brást við með tvöfaldri skiptingu á 74. mínútu, Martial og Fellaini komu inná fyrir Rashford og Mata. Rashford hefur átt betri leiki, fann ekki samherja nógu oft og átti að skora þegar hann komst innfyrir í fyrri hálfleik.

En United hélt áfram að berja á vörn Swasnsea. United pressaði vel þegar liðið missti boltann og Martial gerði mjög vel að vinna boltann áfram á miðjunni, böðlaðist áfram, var næstum dottinn en þá var Mkhitaryan við hliðina á honum og fann Lukaku óvaldaðan í teignum með einfaldri sendingu. Lukaku gerði engin mistök og hamraði boltann í netið.

Embed from Getty Images

Leikurinn var síðan varla byrjaður aftur þegar United vann boltann á eigin vallarhelmingi, sóttu hratt og það endaði á að Mkhitaryan renndi inn á Pogba sem vippaði einfaldlega yfir Fabianski sem kom út og var kominn í jörðina.

Og þetta var ekki búið því United skoraði þriðja markið á fjórum mínútum. Swansea sótti, United hreinsaði, Lukaku tók botann á kassann, gaf fram og boltinn fór á Martial sem sótti hratt fram, inn í teig, gabbaði Mawson og skoraði með fallegu skoti.

Embed from Getty Images

Mkhitaryan fór útaf fyrir Herrera og United kláraði leikinn á rólegu nótunum.

Leikurinn breyttist þannig úr því að vera spennandi og taugatrekkjandi yfir í aðra völtun. Lokatölurnar eru ef til vill ferkar ósanngjarnar fyrir Swansea sem áttu færin til að skora og héldu United í skefjum í næstum 45 mínútur í fyrri hálfleik og næstum 80 í þeim seinni. En þetta var frábær sigur fyrir United, gáfust aldrei upp, og kláruðu þetta á endanum. Tveir leikir, tveir 4-0 sigrar í leikjum sem voru jafnteflisleikir í fyrra. Ekki hægt að biðja um meira

Mkhitaryan átti tvær glæsilegar stoðsendingar, Lukaku var gríðarsterkur og Pogba-Matic miðjan er frábær.

En það var hraðinn í liðinu sem kláraði þennan leik, frábært að sjá og United er að spila verulega skemmtilega þegar sá gállinn er á þeim!

Liðið var sem fyrr segir óbreytt

1
De Gea
17
Shaw
4
Jones
3
Bailly
25
Valencia
6
Pogba
31
Matić
11
Martial
8
Mata
22
Mkhitaryan
9
Lukaku

en lið Swansea leit svona út

Fabianski
Mawson
Bartley
Fernández
Olsson
Carroll
Roque Mesa
Fer
Naughton
Ayew
Abraham
Enska úrvalsdeildin

Swansea á morgun: Hvað gera Gylfalausir Svanir

skrifaði þann | 3 ummæli

Swansea - Manchester United

Í hádeginu morgun er það ferð til Wales sem er á dagskránni. Í fyrradag lauk einni af lengstu sölusögum sumarsins og þeirri sem Íslendingar fylgdust mest með þegar Swansea seldi sinn besta mann, Gylfa Sigurðsson, fyrir 45 milljónir punda til Everton. Þeir hafa augljóslega ekki náð að koma þeim peningum í lóg og verða því veikari en ella gegn United.

Gylfi hefur verið duglegur að skora gegn liðinu sem hann heldur með og um tíma gekk Swansea mjög vel gegn United, unnu þrjá leiki í röð 2014 og 2015 en síðan unnust tveir. Leikurinn í vor var hins vegar enn eitt jafnteflið á jafnteflisvetrinum mikla og það var auðvitað Gylfi sem skoraði mark Swansea.
Embed from Getty Images
Það er ekki bara Gylfi sem verður ekki í liði Swansea á morgun, heldur eru Fernando Llorente, Ki Sung-Yeung og Nathan Dyer líka frá vegna meiðsla. Það verður því 19 ára lánsmaðurinn frá Chelsea, Tammy Abraham sem verður fremsti maðurinn í víglínu Swansea. Eini maðurinn sem þeir hafa bætt við sig að ráði er Roque Mesa, 28 ára miðjumaður frá Spáni sem var ekki með í fyrsta leik Swansea, dræmu 0-0 jafntefli gegn Southampton á St Mary’s. Búast má við Swansea óbreyttu úr þeim leik, og því er þetta sams konar lið og rétt slapp við fall í fyrra, að Abraham frátöldum. Reyndar gekk Swansea þokkalega í síðustu upphitunarleikjunum, unnu B-deildarlið Birmingham 2-0 og síðan Sampdoria auðveldlega 4-0.

Fabiański
Olsson
Mawson
Fernández
Naughton
Carroll
Britton
Fer
Ayew
Routledge
Abraham

Það er óhætt að segja að brúnin hafi lyfst verulega á stuðningsmönnum United um síðustu helgi. Öruggur sigur, og flott spilamennska.

https://twitter.com/ManUtd/status/898160478882455552

Nú er að halda verkefninu áfram og sýna að þetta hafi ekki verið tilviljun. Fyrstu sex leikir tímabilsins eru allir gegn liðum sem voru utan við efstu sex sætin á síðasta tímabili og því leikir sem, á pappír, eiga að vinnast. Það verður fljótt að fara loftið úr blöðrunni ef ekki gengur sem skyldi, og skemmst að minnast síðasta tímabils þegar fyrstu þrír leikirnir unnust vel en síðan kom tapið gegn City og strax í kjölfarið tap gegn Watford. Nú, og jafnvel þó allir þessir leikir í ágúst og september vinnist má alveg minnast á City sem unnu eins alla leiki í ágúst og september í fyrra, þar með talið United leikinn og farið að tala um þá sem ósigrandi, sem varð síðan síður en svo raunin.

Allt þetta er auðvitað bara til að koma okkur aðeins niður á jörðina eftir frábæran síðasta leik. Frammistaðan um síðustu helgi vinnur ekki leikinn á morgun og það er langur vetur framundan.

En: ef þetta lið hér spilar eins og það á að geta þá á ekki að vera vafi á því að liðið sigrar Swansea.

1
De Gea
17
Blind
4
Jones
3
Bailly
25
Valencia
6
Pogba
31
Matić
19
Rashford
22
Mkhitaryan
8
Mata
9
Lukaku

Ég spái óbreyttu liði, það verður þannig gegn minni liðum að Ander Herrera verður á bekk en sóknarþunginn aukinn. Það eru engin meiðsli í gangi utan langtímameiðslanna og miðað við að Young og Shaw tóku vel á því í sex á móti sex æfingaleik á Old Trafford eftir leikinn um síðustu helgi er meira að segja að styttast í þá. Haustleikir þegar vika er á milli leikja og enginn meiddur að ráði eru góðir tímar.

Embed from Getty Images

Þessi leikur á morgun er samt strax gríðarmikilvægur. Fyrsti leikurinn sló tóninn og ef United nær svipaðri frammistöðu á morgun þá myndi það auka á sjálfstraust leikmanna og sýna að United sé í alvöru á leiðinni til baka. Það fær enginn að tala of digurbarkalega þegar ég heyri til um hvers má vænta í lok tímabils þó vel gangi núna, en hitt er jafn víst að ef töp og jafntefli fara að sýna sig eins og á síðasta tímabili þá verður erfitt að rífa liðið upp á ný. Sigurleikur gefur hins vegar þrjú stig og það er aldrei að vita hvaða máli þau skipta þegar upp er staðið. Það er enginn að fara að vanmeta Swansea, en alveg eins og að vinna West Ham örugglega á heimavelli í stað þess að gera jafntefli, þá eru leikir eins og leikurinn á morgun prófsteinn á lið sem ætlar sér að berjast um efstu sætin í deildinni.