Rauðu djöflarnir

Ofurbikar Evrópu

Real Madrid 2:1 Manchester United

skrifaði þann | 16 ummæli

Hörmulegt gengi Manchester United í þessari Super Cup keppni heldur áfram en nánar má lesa í upphitunarpistlinum fyrir þennan leik. Fyrir leik kom einnig fram að United hefur áfrýjað banni Phil Jones.

Förum samt sem áður aðeins yfir leikinn. United byrjaði eins og við bjuggumst við í 3-5-1-1 leikkerfi en það sem kom á óvart var Jesse Lingard í hlutverki vinstri vængbakvarðar. Eflaust var það til þess að hægt væri að skipta um leikkerfi í miðjum leik, sem José gerði, og svo að United hefði varnarmann á bekknum en Daley Blind var eini varnarmaðurinn á tréverkinu.

Byrjunarliðið var því svona, byrjaði þó í 3-5-2 en færði sig svo yfir í meira 4-3-3 eftir að liðið lenti undir.

De Gea
Darmian
Smalling
Lindelöf
Valencia
Pogba
Matic
Herrera
Mkhitaryan
Lukaku
Lingard

Varamannabekkurinn: Romero, Blind, Carrick, Fellaini, Mata, Martial og Rashford.

Byrjunarlið Real Madrid: Navas, Carvajal, Varane, Ramos, Marcelo, Casemiro, Kroos, Modric, Isco, Bale og Benzema.

Fyrri hálfleikur

Fyrstu tíu mínúturnar voru ágætar. Bæði lið virtust ætla að spila stífa vörn en það var ljóst að þegar Real Madrid var ekki með boltann þá voru þeir fljótir niður í stöður ásamt því að línan þeirra var mjög aftarlega. Mögulega ástæða var líka hversu óhemju hægar sóknaraðgerðir United voru – Real menn gátu alltaf rölt niður í stöður og stillt sér upp.

 

Hægt og rólega tóku Real menn þó yfir leikinn og á endanum var það Casemiro, sem skoraði líka í æfingaleik liðanna, sem kom Real yfir eftir sendingu frá Dani Carvajal. Það gleymdist algjörlega að setja pressu á Carvajal sem setti boltann yfir höfuðið á Lindelöf þar sem Casemiro kom á blindu hliðina á honum og skoraði. Enn og aftur virðast það vera samskiptaörðugleikar sem hrjá United en bæði David De Gea og fyrirliði liðsins í kvöld, Antonio Valencia, hefðu átt að láta Lindelöf vita af hlaupinu.

Embed from Getty Images

Svo hefði Valencia sjálfur ef til vill átt að elta Casemiro.

Eftir þetta átti United fá svör við leik Real Madrid og gekk liðinu illa að búa sér til færi eða loka almennilega á Real. Hitinn virtist líka spila sitt hlutverk en leikmenn United virkuðu mjög svifaseinir þrátt fyrir að fá vatnspásu á 30. mínútu. Eini leikmaður liðsins sem leit virkilega vel út í fyrri hálfleik var Nemanja Matic en hann var eins og herforingi á miðri miðjunni. Bæði Paul Pogba og Ander Herrera virtust hins vegar alveg týndir.

Embed from Getty Images

Síðari hálfleikur

Mourinho gerði eina breytingu í hálfleik en Marcus Rashford kom inn á fyrir góðvin sinn Jesse Lingard. Við það var ljóst að United myndi spila 4-3-3 í síðari hálfleik. David De Gea byrjaði allavega síðari hálfleikinn vel en þá varði hann gott skot Toni Kroos í horn en United virtustu hreinlega sofandi í byrjun síðari hálfleiks.

Það var svo endanlega staðfest þegar Real Madrid komust í 2-0 en þá tættu Isco og Benzema vörn Manchester United í sig og Isco kláraði af yfirvegun. Það virtist sem Isco hefði fellt Matic sem gat því ekki elt hann en að því sögðu var vörn Untied mjög stöð og það virtist sem bæði Valencia og Darmian væru að spila hann réttstæðan á meðan báðir miðverðir United settu hendina upp í veikri von um rangstöðu.

 

Besta færi United kom strax í næstu sótt þegar Herrera átti góða sendingu í teiginn þar sem Pogba skallaði á markið. Navas varði en beint á Lukaku sem fékk hamraði knettinum yfir úr ákjósanlegu færi.

Embed from Getty Images

Mourinho gerði það sem Mourinho gerir eftir að Real komst í 2-0. Hann setti Marouane Fellaini inn á fyrir Ander Herrera.

Þegar sléttur klukkutími var liðinn af leiknum þá hefði Gareth Bale átt að slútta leiknum en frábært spil Real skilaði honum einum og á auðum sjó inn í vítateig United – þó í þröngu færi – en hann þrumaði knettinum í slánna. Sem betur fer. Í næstu sókn fékk United svo líflínu en þá átti Nemanja Matic þrumuskot fyrir utan teig sem Navas náði ekki að halda og Lukaku skilaði knettinum að þessu sinni í netið. Staðan allt í einu orðin 2-1 og United í smá séns.

https://twitter.com/CheGiaevara/status/895013861555929088

Á 72. mínútu gerðu Real sínar fyrstu skiptingar en þá komu Marco Asensio og Lucas Vazquez fyrir Gareth Bale og Isco. Fimm mínútum síðar þurfti Fellaini að fá aðhlynningu á vellinum vegna áreksturs við Sergio Ramos. Spilaði hann það sem eftir var af leiknum með umbúðir á höfðinu.

Á 80. mínútu fékk United svo hið fullkomna færi til að jafna metin en Rashford slapp í gegn en því miður var hann með boltann á vinstri fæti en ekki þeim hægri og Navas varði. Stuttu síðar trylltist svo allt á vellinum þegar Cristiano Ronaldo kom inn á. Það breytti ekki miklu fyrir hvorugt lið en United tókst ekki að finna jöfnunarmarkið og Real tókst ekki að bæta við og þetta tíst hér að neðan lýsandi fyrir síðustu 30 mínútur leiksins.

Punktar

  • Slök spilamennska en United var að spila á móti ríkjandi Spánar- og Evrópumeisturum. Það var ekki eins og liðið hafi tapað fyrir Watford. Einnig voru engir nýjir leikmenn í liðinu hjá Madrid á meðan United byrjaði með Lindelöf, Matic og Lukaku.
  • Nemanja Matic leit einstaklega vel út – sérstaklega í fyrri hálfleik. Á meðan sást varla til Paul Pogba sem er áhyggjuefni.
  • Eins frábær og Antonio Valencia er sóknarlega þá er hann svo skelfilega illa staðsettur varnarlega stundum að maður er nánast orðlaus.
  • José Mourinho var óþarflega fljótur að henda Fellaini inn á og fara í hátt&langt. Að því sögðu þá gjörbreytti það leiknum.
  • Mourinho hefði mátt henda í þriðju skiptinguna þar sem Carrick, Mata og Martial hefðu allir geta breytt einhverju í þessum leik.
  • David De Gea var frábær en varnarleikur Manchester United var arfaslakur á köflum.
  • ÞESSI HELVÍTIS FÆRANÝTING!? Hún kostaði liðið á síðasta tímabili og í dag klúðruðu bæði Lukaku og Rashford algjörum dauðafærum.
  • 2-1 tap gegn Real Madrid er ekki dauði og djöfull en manni finnst eins og liðið þurfi að vera töluvert betra ef það ætlar sér að gera atlögu að ensku deildinni og tala nú ekki um Meistaradeildinni. En þetta var nú bara síðasti æfingaleikurinn á undirbúningstímabilinu svo það er öllum alveg sama um þennan leik.
Enska úrvalsdeildin

Ofurbikar Evrópu á morgun

skrifaði þann | 6 ummæli

Ef eithvert okkar skyldi hafa gleymt því þá er United Evrópudeildarmeistari. Og fyrir vikið fáum við að taka þátt í keppninni um Ofurbikar Evrópu.

Embed from Getty Images

Þetta er auðvitað eins og Góðgerðaskjöldurinn lítið meira en upphitunarleikur, og þó. United er að fara inn í Meistaradeildina aftur eftir hlé, og þarf að sýna að við séum eitt af stóru liðunum. Nú verða engar heildsölubreytingar á liðinu í hálfleik, þetta er alvöru leikur hvað það varðar. Við vitum að José taldi Góðgerðaskjöldinn með bikurunum okkar á síðasta ári og hann vill án efa vinnan þennan líka, ekki síst gegn sínum gömlu vinnuveitendum.

Þetta verður því eins alvöru og hægt er án þess að vera alvöru.

Saga United í Ofurbikarnum

Saga Ofurbikarsins hefst óopinberlega 1972, en opinberlega 1973. Sigur Manchester United í Evrópukeppni meistaraliða 1968 var því of snemmt fyrir þátttöku í þessum leik, en síðan hefur United keppt þrisvar

Eftir sigurinn í Evrópukeppni bikarhafa 1991 tók United á móti þáverandi Evrópumeisturum Rauðu stjörnunnar frá Belgrað. Á þeim tíma var ennþá leikið heima og heiman en vegna stríðsins í Júgóslavíu sem var hafið, var ekki hægt aðkeppa í Belgrað og því var aðeins um einn leik að ræða, á Old Trafford.

Leikur þessi er enn í minnum hafður meðal þeirra sem sáu hann því að Rauða stjarnan yfirspilaði United gjörsamlega. Lið Rauðu stjörnunnar var frábært á þessum tíma, stjarna þess var Dejan Savićević en Robert Prosinečki, Siniša Mihajlović, Darko Pančev og Vladimir Jugović voru ekki langt á eftir. Sir Alex Ferguson hefur meðal annars sagt:

Anyone who was at that game must still be wondering how we managed to win it. I know I am. In the first half, the Yugoslav’s star player, Dejan Savicevic, was absolutely sensational and it was a miracle that we came in level at half-time.

We were absolutely annihilated that night, they could have been 5-0 up at half-time

Steve Bruce lét verja frá sér víti á annarri mínútu en það var mark Brian McClair í seinni hálfleik sem skildi liðin og eini Ofurbikarsigur United var staðreynd.

Embed from Getty Images

Síðan þá hefur United tvívegis orðið Evrópumeistari en í bæði skiptin tapað Ofurbikarleiknum, 1-0 gegn Lazio árið 1999 og 2-1 fyrir Zenit árið 2008.

United liðið

Eftir þennan formála myndi ég  venjulega segja: „Við getum því búist við sterkasta liði United í þennan leik“.  En það er ekki svo gott. Eric Bailly fékk auka tvo leiki í Evrópubann fyrir brottreksturinn móti Celta Vigo, og Phil Jones  fékk um daginn tveggja leikja bann fyrir eitthvað vesen við lyfjaprófunarmenn eftir úrslitaleikinn. Þar fara því þeir miðverðir sem við hefðum búist við að byrjuðu þennan leik og fyrir vikið eru flest á því að United muni leika með þrjá miðverði eins og í sumum æfingaleikjanna, og þeir þrír sem byrjuðu síðasta leik byrja á morgun.

1
De Gea
2
Lindelöf
4
Jones
17
Blind
36
Darmian
6
Pogba
31
Matić
21
Herrera
25
Valencia
22
Mkhitaryan
9
Lukaku

Það er því miður ekki hægt að segja að þessi varnaruppstilling fylli mig öryggi. Daley Blind var afskaplega slakur gegn Sampdori, og Lindelöf þarf enn tíma. En þetta er samt það skásta.

Við munum hins vegar sjá aðalmiðjuna okkur í vetur í leiknum á morgun. Það veltur allt á því að Pogba, Matić og Herrera nái vel saman. Þetta er í raun miðja sem beðið hefur verið eftir og miðjan sem á að geta spilað eins og Mourinho vill. Fyrsta prófið verður á morgun, en það er samt ekki lokaprófið þannig að við verðum róleg þó þetta gangi ekki alveg upp. Vonandi samt!

Darmian og Valencia á köntunum eru því sem næst sjálfval. Vinstri bakvörðurinn verður líklega höfuðverkjastaðan okkar í vetur, nema Luke Shaw stígi upp.

Lukaku verður fremstur og í þetta sinn veðja ég á Mkhitaryan fyrir aftan hann eins og gegn Sampdoria. Það væri samt fróðlegt að sjá hvort Anthony Martial fær sénsinn eftir að hafa verið frískur í þeim leik.

Real Madrid

United gerði 1-1 jafntefli við Real um daginn en getur búist við erfiðari leik á morgun. Real setti varaliðið inn á í hálfleik þá en sem fyrr segir verður ekkert þannig á morgun. Ronaldo er í hópnum eftir efa um hvort hann yrði kominn til baka eftir frí og sömuleiðis er Gareth Bale eitthvað lítillega meiddur og óvíst um hann líka.

En Real hefur ekki gengið vel á undirbúningstímabilinu, tapaði 4-1 fyrir Manchester City og 3-2 fyrir Barcelona. Einnig gerðu þeir jafntefli við úrvalslið MLS, 1-1 og því má búast við þeim nokkuð grimmum á morgun. Tímabilið þeirra byrjar 20. ágúst og því enn tími fyrir þá að slípa sig saman.

Byrjunarliðið þeirra í leiknum um daginn var svona, nema Bale spilaði en Ronaldo ekki.

Navas
Marcelo
Nacho
Varane
Carvajal
Kroos
Modrić
Vazguez
Isco
Ronaldo
Benzema

og það er ekkert ólíklegt lið á morgun. Annars er ég smá spenntur að sjá Dani Ceballos reyna sig en hann eru stóru kaup Real það sem af er sumri, keyptur frá Real Betis eftir að hafa verið maður mótsins á Evrópumóti U21 landsliða í sumar, mjög flottur leikmaður.

Embed from Getty Images

Makedónía

Leikurinn fer fram á morgun kl 18:45 á Phillip II leikvanginum í Skopje í Makedóníu og verða vonandi aðeins fleiri áhorfendur þar en á þessari mynd.

Djöflavarpið

Djöflavarpið 41. þáttur – Sumarkaupin rædd og hitað upp fyrir Real Madrid

skrifaði þann | Engin ummæli

Maggi, Björn, Halldór, og Tryggvi settust niður og ræddu kaup sumarsins. Einnig var hitað upp fyrir leikinn gegn Real Madrid og rætt um hvaða leikmenn gætu komið áður en glugginn lokar.

Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:

Gerast áskrifandi í iTunes
Gerast áskrifandi í öðrum forritum

MP3 niðurhal: 41. þáttur

Æfingaleikir

Manchester United 2:1 Sampdoria

skrifaði þann | 1 ummæli

Liðið í þessum sjöunda og síðasta upphitunarleik United var eilítið óvenjulegt

1
De Gea
2
Lindelöf
12
Smalling
17
Blind
36
Darmian
15
Pereira
31
Matić
6
Pogba
25
Valencia
22
Mkhitaryan
9
Lukaku

Byrjaði frekar rólega en á 7. mínútu kom Blind með sendingu aftur sem var alltof langt frá De Gea sem þurfti að dýfa sér í hornið fjær  og slá boltann frá marklínunni. Dómarinn sá einhverja furðulega ástæðu til að dæma óbeina aukaspyrnu utan markteigs. Glórulaus dómur. Eins og oftast fór samt skotið í vegginn, United sótti upp, Valencia lék up kantinn, Mkhitaryan gaf af hægri kanti yfir á vinstri, þar var Darmian í teignum, hann gaf fyrir og Mkhitaryan þá mættur aftur og var á undan varnarmanni á fjær stöng og stangaði boltann í netið. Fín sókn. Darmian hafði reyndar átt aðra fyrirgjöf á fyrstu mínútunum sem gerði ekki eins mikið en gott að sjá hann ákveðinn framávið.

Embed from Getty Images

United réði síðan lögum og lofum á vellinum án þess að skapa alltof mikið. Lukaku átti ágætt skot utarlega í teignum um miðjan hálfleikinn,en það fór framhjá og ranglega dæmt horn. Blind var ekki að heilla og hornið hans fór í fyrsta varnarmann.

Annars var of lítið af færum miðað við einokun United í fyrri hálfleik. Leikmenn voru að standa sig þokkalega en ekkert meira. Helsta ógnin var í fyrirgjöfum, og við megum búast við slíkum í vetur. Matić var sterkur á miðjunni, ekki að sjá að þetta væri fyrsti leikur hans á undirbúningstímabilinu. Hann var ekkert feiminn við að stjórna leikmönnum í kringum sig og sýna að hann ætti heima í liðinu

Embed from Getty Images

Í hálfleik komu Herrera, Carrick, Mata og Fellaini inn á miðjuna fyrir Pereira, Pogba, Matić og Mkhitaryan.

Þessi nýja miðja var ekki jafn örugg og Sampdoria var meira inni í leiknum án þess að skapa nokkuð að ráði. Helsta ógn United fyrsta hlutan í seinni hálfleik var upp hægra megin þar sem fyrirliðinn Valencia var mjög frískur eins og í fyrri hálfleik.

Á 60. mínútu kom Martial inn fyrir Blind sem hafði verið slakur og Rashford inn fyrir Lukaku. United breytti í 4-5-1 við þetta, sótti stíft í tvær mínútur eða svo, þá kom Sampdoria í hraðaupphlaup, Valencia missti af tæklingu á miðjunni, sóknin hélt áfram, boltinn inn í teig, Smalling hreinsaði beint á Praet sem skoraði með frekar lélegu skoti utan teigs. Mjög slælegt hjá United þarna. Leikurinn varð síðan alltof slakur af hálfu United, lítið að gerast, áhorfendur dottnir í Mexíkóbylgju og þegar kortér var eftir komu fjórar skiptingar hjá Sampdoria og fjórar hjá United:Tuanzebe, Bailly, Jones og Joel Pereira komu inn á fyrir Darmian, Smalling , Lindelöf og De Gea.

Martial var einna skástu leikmanna þessar mínútur og Mata skoraði eftir góða rispu Martial upp vinstri kantinn. Fyrirgjöfin var alveg fullkomin, Mata var á auðum sjó í teignum og sendi boltann í hornið, 2-1.

Embed from Getty Images

United sótti stíft síðustu mínúturnarog áttu nokkur góð færi og varamarkvörður Sampdoria varði nokkrum sinnum vel, sérstaklega frá Herrera og Rashford. En fleiri urðu síðan færin ekki og 2-1 sigur staðreynd.

Þetta var æfingaleikur, ekkert meira, og frekar dræmur. Liðsuppstillingin í fyrri hálfleik virkaði vel upp á spilamennskuna að gera en bitið vantaði. Seinni hálfleikur var slakur en Martial kom sérlega frískur inn með hraða í spiliið og Rashford reyndar líka þó minna væri. Valencia var sterkur, Pogba fínn, en Lindelöf og Blind líklega slakastir United manna.

Lesefni

Djöfullegt lesefni 2017:05

skrifaði þann | 3 ummæli

Við höfum alveg gleymt að viðhalda þessum lið í sumar enda kannski óþarfi að fylla skjáinn af endalausu slúðri alltaf hreint. Nú þegar fer að styttast í mót þá er samt kominn tími til að skoða það helsta sem hefur verið skrifað um okkar menn í sumar.

Allt sem viðkemur leikmannakaupum United í sumar

Félagar okkar hjá United Rant fóru yfir hvað United ætlaði sér að gera í glugganum.

United fékk einn af aðalmönnunum í kringum uppbyggingu Juventus síðustu ár en félagið keypti einn af þeirra helstu leikmanna-njósnurum í sumar.

Meira um Javier Ribalta og nú á ensku.

Independent ræddi við Jack Cohen, sem hefur unnið að mörgum leikmannasölum og kaupum, um hvernig ferlið virkar í raun og veru.

José elskar varnarsinnaða miðjumenn og telur það vera lykilatriði að finna einn slíkan fyrir United.

José virðist vera með ákveðna áráttu þegar kemur að því að kaupa leikmenn hjá Manchester United. Þeir eru allir hærri en meðalmaðurinn.

Mourinho er ekki ánægður með sumargluggann í ár. Vill fá tvo leikmenn inn en myndi sætta sig við að United kaupi einungis einn leikmann í viðbót.

Nemanja Matic gæti verið lykillinn sem opnar hurðina fyrir Paul Pogba. Andy Mitten fór yfir hvað Matic kemur með til liðsins.

Ivan Perisic þetta og Ivan Perisic hitt.

Áhugaverð grein um Ivan Perisic og hvernig hann fór úr núll&nix í það að verða eitt helsta skotmark Manchester United.

Migual Delaney útskýrir af hverju Ivan Perisic gæti verið mikilvægustu kaup United þetta sumarið.

Allt sem þú þarft mögulega að vita um Romelu Lukaku – og meira til

Andy Mitten skrifaði nokkur orð um nýja framherja United.

Andy Mitten með fleiri orð um United, kaupin á Lukaku og mikilvægi þess að framherjar geri meira en að skora mörk hjá liðinu.

Squawka fór yfir Lukaku orðróminn rétt áður en kaupin voru staðfest.

Kristian Heneage segir að United sé búið að finna hina fullkomnu níu fyrir liðið.

Lukaku hefur þurft að höndla fordómafulla bjána síðan hann var krakki. 

Fróðleikur

Luke Shaw er að taka sig á utan vallar. 

Shaw ætlar að gefa allt sem hann á í vetur.

Damien Duff, já sá Damien Duff, elskar Manchester United og reyndi á sínum tíma að komast til liðsins – Sir Alex Ferguson vildi ekki kaupa hann því hann var of dýr.

Ryan Giggs er ennþá atvinnulaus.

Eric Dier er eins og pípulögn. Óeftirminnilegur en lífsnauðsynlegur (allavega þangað til við fengum Matic).

Af hverju náði Adnan Januzaj ekki að verða sá leikmaður sem við flest héldum að hann yrði? Kristan Heneage fór yfir málið.

Andy Mitten skrifaði um æfingarferðalag United til Bandaríkjanna.

Að lokum – Hvernig José Mourinho leyfði Wayne Rooney að spila sig út úr byrjunarliðinu.

Hann kom, hann sá, hann sigraði.

I came. I said. I conquered.

A post shared by IAmZlatan (@iamzlatanibrahimovic) on