Rauðu djöflarnir

Leikmenn Slúður

Rooney fer ekki fet, í bili

skrifaði þann | 3 ummæli

Þá er það komið á hreint. Eftir ansi miklar sögusagnir og slúður um framtíð Wayne Rooney, ákvað kappinn að koma með tilkynningu í dag til þess að lægja öldurnar og róa stuðningsmenn United. En hann hefur mikið verið orðaður við alls kyns félög í kínversku deildinni

Despite the interest which has been shown from other clubs, for which I’m grateful, I want to end recent speculation and say that I am staying at Manchester United,“ declared the Reds’ record goalscorer.

I hope I will play a full part in helping the team in its fight for success on four fronts.

It’s an exciting time at the club and I want to remain a part of it.

Það er þarmeð ljóst með þessari yfirlýsingu að hann verður leikmaður United að minnsta kosti út tímabilið. En það verður að teljast ansi líklegt að þetta séu síðustu mánuðir hans hjá okkur eftir að hafa verið keyptur til liðsins í ágúst mánuði 2014.

Markahæsti leikmaður Manchester United frá upphafi

Ekki annað hægt að segja að en það verði ansi stór tímamót í augum mjög margra stuðningsmanna United að sjá eftir tvö hundruð og fimmtíu marka manninum sem hefur verið leikmaður liðsins hátt í þrettán ár. Hvaða álit fólk hefur á honum þá verður því ekki neitað að hann hefur átt ansi stórt hlutverk í velgengni United.

Enska úrvalsdeildin

Saint-Étienne 0:1 Manchester United

skrifaði þann | 10 ummæli

Þrátt fyrir að vinna 3-0 í fyrri leiknum þá stillti José Mourinho upp mjög sterku liði fyrir leik kvöldsins, samt sem áður voru nokkrir sem fengu að halda sæti sínu þvert á spár undirritaðs. Sergio Romero byrjaði þriðja leikinn í röð ásamt því að Ashley Young byrjaði aftur í hægri bakverði.

Liðið var eftirfarandi:

20
Romero
17
Blind
12
Smalling
3
Bailly
18
Young
6
Pogba
16
Carrick
22
Mkhitaryan
27
Fellaini
8
Mata
9
Ibrahimovic

Varamannabekkur: De Gea, Valencia, Rojo (’65), Schweinsteiger (’60), Lingard, Martial og Rashford (’25).

Leikurinn

Það fyrsta sem maður hugsaði með sér þegar byrjunarliðið kom í hús var hversu undarlegt það væri að Zlatan Ibrahimovic og Henrykh Mkhitaryan væru að byrja leikinn þar sem það væri úrslitaleikur í EFL bikarnum á sunnudaginn. Sömu sögu má segja af Juan Mata og Paul Pogba.

Leikurinn byrjaði frekar rólega og var frekar lítið að gerast. Manchester Untied virkaði sátt með settan hlut enda á leiðinni áfram nema að einhver katastrófa ætti sér stað.

Þegar rúmt korter var búið af leiknum gerði United hins vegar út um einvígið en þá skoraði Mkhitaryan eftir frábæra sendingu Mata utan af kanti. Stuttu síðar fór markaskorarinn útaf sökum þess sem virtist vera tognun. Stuðningsmenn United vona að þetta hafi verið fyrirbyggjandi skipting frekar en alvarleg meiðsli því Mkhitaryan hefur verið með betri leikmönnum undanfarið og er mikilvægur allri sóknaruppbyggingu liðsins.

Annars gerðist lítið fyrir utan tvær fínar fyrirgjafir annarsvegar Mata og hinsvegar Ashley Young enda United komið í 4-0 samtals og úrslitin svo gott sem ráðin.

Mourinho gerði engar breytingar í hálfleik en margir höfðu kallað eftir því að Pogba og Zlatan yrðu teknir útaf. Það virðist þó sem þeir félagar hreinlega heimti að spila hvern einasta leik enda Zlatan sá leikmaður í ensku úrvalsdeildinni sem hefur leikið flesta leiki í vetur.

Þegar það voru þrjátíu mínútur eftir af leiknum gerði Mourinho aðra breytingu dagsins en þá kom Bastian Schweinsteiger inná fyrir Michael Carrick. Sitt hvorum megin við skiptinguna ákvað Eric Bailly að slökkva á heilanum á sér og koma mjög seint í tvær tæklingar sem leiddu báðar til þess að hann fékk gult spjald.

Fyrra gula spjaldið orsakaði leikbann í fyrri leiknum í 16 liða úrslitum og það síðara rak hann af velli í þessum leik sömuleiðis. Hann fer því í eins leiks bann en byrjar síðari leikinn í 16 liða úrslitum aðeins einu gulu spjaldi frá leikbanni.

https://twitter.com/StuMathiesonMEN/status/834467642157256707

Mourinho brást við með því að taka Mata útaf fyrir Marcos Rojo.

Það var nokkuð ljóst að United var sátt með fenginn hlut enda fóru leikmenn varla úr öðrum gír. Að sama skapi virtust leikmenn Saint-Étienne ekki nenna að leysa leikinn upp í vitleysu né sóa óþarfa orfku þrátt fyrir að vera manni fleiri og því endaði leikurinn 0-1 fyrir United.

Punktar

  • United er komið í 16 liða úrslit Evrópudeildarinnar – þau fara fram 9. og 16. mars.
  • Afmælisbarn dagsins, Sergio Romero, er búinn að halda hreinu í 7 af 9 leikjum í vetur. Og aðeins fengið á sig tvö mörk. Spurning hvort Mourinho hafi leyft honum að byrja leikinn í tilefni dagsins.
  • Ashley Young er fínasti hægri bakvörður.
  • Zlatan skoraði EKKI og bætti því ekki við sína sturluðu tölfræði gegn Saint Étienne.
  • Fyrir utan það sem virtist vera meiðsli hjá Carrick og Mkhitaryan ásamt rauða spjaldinu hans Bailly þá spilaðist þessi leikur nákvæmlega eins og Mourinho hefur veljað. United skoraði snemma og þurfti í rauninni ekkert að hafa fyrir leiknum.
Enska úrvalsdeildin

Evrópukeppnin: Haldið til Frakklands

skrifaði þann | 9 ummæli

Þar sem úrslitaleikur EFL bikarsins er á sunnudag virðist sem Manchester United hafi fengið leyfi fyrir því að seinni leikurinn í rimmunni gegn St. Etienne fari fram á morgun. Leikið er miðvikudag klukkan 17:00. Smá Meistaradeildar fýlingur í því að spila ekki á fimmtudegi.

Það er í raun mjög lítið um þessa rimmu að segja. Fyrri leikurinn fór eins og allir vita 3-0 þar sem okkar albesti Zlatan Ibrahimovic skoraði léttustu þrennu sem hann mun nokkurn tímann skora. Leikurinn var þó alls ekki einstefna United og sýndu St. Etienne á sér fínar hliðar.

Í FA bikarleiknum gegn Blackburn gerði José Mourinho svo sjö breytingar á byrjunarliði sínu en endaði þó með því að setja þá félaga Zlatan og Paul Pogba inná til að bjarga leiknum. Það verða eflaust einhverjir leikmenn hvíldir í kvöld fyrir úrslitaleikinn á sunnudaginn en nokkrir í hópnum hafa gott af hvíldinni.

Embed from Getty Images

Hvað varðar leikmenn möguleika þá er Ander Herrera í leikbanni vegna of margra gulra spjalda ásamt því að Wayne Rooney og Phil Jones eru enn á meiðslalistanum og reiknar Mourinho ekki með þeim á morgun né gegn Southampton. Einnig er James Wilson frá en það er ef til vill óþarfi að minnast á það.

Tapið gegn United virðist hafa setið í St. Etienne um helgina en þeir töpuðu 2-1 fyrir Montpellier ásamt því að Jorge Intima fékk rautt spjald. Það má þó reikna með þeim mjög æstum til að byrja leikinn vel enda eru þeir enn að pirra sig á dómara fyrri leiksins.

Þó ég hafi ekkert fyrir mér í því ætla ég að spá því að Luke Shaw byrji leikinn á morgun og byrjunarliðið verði eitthvað á þessa leið:

1
De Gea
23
Shaw
17
Blind
12
Smalling
36
Darmian
6
Pogba
31
Schweinsteiger
27
Fellaini
19
Rashford
9
Zlatan
8
Mata

Leikurinn hefst eins og áður sagði klukkan 17:00 á morgun.

Enska bikarkeppnin

Blackburn Rovers 1:2 Manchester United

skrifaði þann | 10 ummæli

Þetta var leikurinn þar sem Mourinho setti loksins alvöru rótasjón í gang. Pogba og Zlatan fóru á bekkinn, De Gea fékk alveg frí og Rashford fékk framherjastöðuna. Darmian og Young komu í bakvarðastöðurnar og Luke Shaw fékk að setjast á bekkinn.

20
S.Romero
36
Darmian
5
Marcos Rojo
12
Smalling
18
Young
16
Carrick
21
Herrera
11
Martial
10
Mkhitaryan
14
Lingard
19
Rashford

Varamenn: Henderson, Bailly, Shaw, Schweinsteiger, Pogba, Mata, Ibrahimovic

Á pappírnum virkaði þetta eins og framlínan væri mjög hröð en það sást lítið til þess fyrstu mínúturnar, utan ein rispa Lingard upp kantinn sem endaði í vandræðagangi hans og Mkhitaryan uppi við teig.

United átti síðan nokkra spretti sem enduðu í engu, en fyrstu markvörsluna að ráði átti samt Sergio Romero, kýldi frá ágætt skot Emnes.

Mínútu síðar skoraði svo Benny Graham, markahæsti maður Blackburn í vetur. Hann fékk sendingu á teiginn, sneri Smalling alltof auðveldlega af sér og hamraði boltann í netið. Blackburn hafði verið síst minna með boltann og þetta var ekki ósanngjarnt.

United hélt áfram að leyfa Blackburn að vera of mikið með boltann, og sækja síðan hratt og það gekk loksins eftir á 27. mínútu. Hraðaupphlaupið byrjaði hjá Romero, Mkhitaryan fékk boltann á miðjunni og vörn Blackburn var teygð þannig að Rashford var gersamlega á auðum sjó til að fá sendinguna frá Mkhitaryan. Eftirleikurinn var laglegur, Rashford fór framhjá markverðinum og renndi boltanum í netið.

https://twitter.com/PeoplesPerson_/status/833364291650777088

Þetta mynstur hélt áfram í leiknum, United sótti reyndar aðeins meira, en Blackburn gaf ekkert eftir og Conway hefði alveg getað gert betur en að skjóta yfir þó að Young væri að trufla hann.

Enn eitt hraðaupphlaup United virkaði mjög lofandi þegar Martial tætti í sig Blackburn á kantinum og tókst að gefa á hárréttu augnabliki á Herrera sem gaf beint á Mkhitaryan en hann ætlaði sér um of og endaði á því að missa boltann þegar sending hefði getað valdið miklum usla.

1-1 í hálfleik og hægt að líta á það sem frekar sanngjarnt. United gátu hins vegar sjálfum sér um kennt að vera ekki yfir, áttu góðar sóknir en vantaði bit og lokasendingar.

Mourinho hefur væntanlega lesið yfir leikmönnum í hálfleik, United komu ákveðnari til leiks í síðari hálfleik, og sóttu stíft. Það vantaði samt tilfinnanlega að búa til færi og José var búinn að fá nóg þegar kortér var liðið af seinni hálfleik, og setti Pogba og Ibrahimovic inná fyrir Lingard og Martial. Aukaleikur enda það síðasta sem liðið þurfti til að auka á leikjaálagið.

Sóknirnar héldu áfram og þetta bar loksins árangur. Pogba gaf enn eina frábæra langsendingu inn á Zlatan sem beið lengi eftir að taka á móti boltanum áður en hann sneri sér og smellti einfaldlega skoti í fyrstu snertingu. Gríðarlega nett mark.

https://twitter.com/OptaJoe/status/833375352458207232

Eitthvað það magnaðasta atvik sem maður hefur lengi séð kom þegar fimm mínútur voru eftir, Blackburn skaut að marki, Romero hélt ekki boltanum, alveg ótrúlega lélegt þar, og missti hann á Stokes. Romero bætti hins vegar um betur og varði skot Stokes mjög vel út í teiginn. Þar var Emnes en enn varði Romero. En í þetta sinn hélt hann aftur ekki boltanum og missti hann aftur fyrir sig. Þar var Stokes og setti boltann inn á einfaldan hátt. Stokes var hins vegar fyrir innan þegar Emnes skaut og því réttilega dæmdur rangstæður. Þar slapp United og Romero!

Leikurinn leið síðan tíðindalaus út og sigur hafðist þó ekki hefði þetta nú verið eins auðvelt og hefði átt að vera. Eftir góða frammistöðu í vikunni var Martial næstum ósýnilegur og Lingard slakur. Vörnin var ekki nógu sterk og Smalling hefði aldrei átt að leyfa markið. En United var með ása á hendi og Pogba og Ibrahimovic kláruðu þetta.

Drátturinn fór fram núna rétt áðan og United dróst gegn Chelsea á Stamford Bridge helgina 12. og 13. mars.

Núna er vonandi formsatriði eftir á miðvikudaginn að klára Saint-Étienne og svo deildarbikarúrslit á sunnudaginn.

Enska bikarkeppnin

Bikarinn – Blackburn á morgun

skrifaði þann | 2 ummæli

Það er löngu liðin tíð að leikir United og Blackburn Rovers séu toppslagir í deildinni, það reyndar entist ekki lengi eftir að Alan Shearer hvarf frá Blackburn. En þrátt fyrir fall í kringum aldamótin komu þeir sterkir tilbaka og voru með þokkalegt lið upp úr því. En eins og mörg önnur lið lentu þeir í slæmum eigendum. Árið 2010 keypti indverskt fjölskyldufyrirtæki, sem hafði þangað til aðallega stundað kjúklingarækt, klúbbinn og hefur síðan tekist afspyrnuvel að keyra hann í svaðið.

Blackburn er nú í næst neðsta sæti Championship deildarinnar og virðist fátt annað bíða þeirra en fall. Liðið hefur selt leikmenn fyrir 26 milljónir punda á síðustu árum, en keypt fyrir hálfa. Klúbburinn skuldar stórfé, aðallega eigendunum, og stuðningsmenn hafa eytt góðum hluta síðustu ára í að reyna að mótmæla og koma eigendunum frá en ekki gengið hingað til. Í fjórðu umferð bikarsins mættu þeir Blackpool sem hefur verið í svipuðum eigendakröggum og stuðningsmenn beggja liða sameinuðust í því að mótmæla

Það er ekki ljóst hvernig stemmingin verður á morgun. Verða leikmenn og stuðningsmenn stemmdir fyrir að gleyma aðeins daglegum deildaráhyggjum eða er bikarinn bara truflun frá aðalverkefninu, fallbaráttunni? Hvort sem er þá er ljóst að á pappírnum á United að eiga léttan leik fyrir höndum á morgun. En það má aldrei vanmeta andstæðingana og þó að liðið sem bíður okkar manna á Ewood Park á morgun sem laust við nöfn sem við þekkjum, þá mun Danny Graham framherji þeirra nokkuð lunkinn og hefur skorað 11 mörk í vetur. Aðra leikmenn í væntu byrjunarliði er víst ekki mikið að segja um annað en að það verður 4-4-2 sem stjóri þeirra, Owen Coyle mun stilla upp í. Það gæti hins vegar verið kunnuglegt nafn á bekknum. Wes Brown er þjálfari í unglingaliði Blackburn, sem vann einmitt U18 lið United í morgun, 3-2, og er einnig að æfa með aðalliðinu en hefur ekki leikið mikið með í vetur. Við myndum að sjálfsögðu fagna því ef Coyle ákveður að nýta reynslu Brown og hafa hann í hóp á morgun.

Að liði United. Samkvæmt Mourinho í gær var enn ekki ljóst hvort Rooney, Carrick og Mkhitaryan yrðu orðnir góðir af meiðslum og veikindum sínum fyrir leikinn á morgun, en við megum reikna með Ander Herrera í liðinu, enda verður hann í banni í seinni leiknum gegn Saint-Étienne. Ef við sjáum ekki Luke Shaw í hóp þá hlýtur að fara að hilla undir lok ferils hans hjá United en að öðru leyti býst ég við frekar sterku liði á morgun, það er síðan hægt að hvíla menn í leiknum í Frakklandi fyrir deildarbikarúrslitin á sunnudag.

Hvernig lítur þetta út?

1
De Gea
23
Shaw
12
Smalling
3
Bailly
25
Valencia
6
Pogba
21
Herrera
11
Martial
8
Mata
14
Lingard
9
Ibrahimovic

Leikurinn er kl. 16:15 á morgun, sunnudag!