Rauðu djöflarnir

Enska úrvalsdeildin

Manchester United 0:0 Burnley

skrifaði þann | 24 ummæli

utd-burnley-twitter-cardÓtrúlega svekkjandi markalaust jafntefli er niðurstaðan í dag. United gjörsamlega yfirspilaði Burnley en gátu bara ekki komið tuðrunni í netið. Ótrúlega léleg dómgæsla Mark Clattenburg hjálpaði ekki en hann allar stóru ákvarðanirnar voru rangar hjá honum í dag.

Þessi leikur var í rauninni stórfurðulegur. Liðið spilaði virkilega vel og vörnin var traust. Burnley mætti með tvær rútur í dag og lögðu þeim á mjög svo árangursríkan hátt. Það hjálpaði t.d. Tom Heaton að líta út fyrir að vera meira en bara miðlungs markvörður. En það er náttúrulega ekki nýtt að þannig markverðir eigi leiki lífs síns á Old Trafford.

Manchester United átti 26 skot í dag og þar af 10 á rammann. Liðið átti 19 hornspyrnur sem ekkert kom úr. United var líka 64% með boltann. Zlatan hlýtur bara að fara fá hvíld af því að honum er gjörsamlega fyrirmunað að skora fótboltamörk. Marcus Rashford er ekki kantmaður og það sást vel í dag. Skiptingarnar í dag meikuðu ekki mikið sens. Fellaini settur inn til að vera djúpur. Rooney í stað Mata og Memphis fyrir Rashford.

Dómgæslan í dag var svo léleg að ég mun seint jafna mig á henni. Clattenburg gaf Ander Herrera tvö gul spjöld í dag og mögulega átti fyrra spjaldið rétt á sér en samt varla. Hann rak Mourinho af velli eftir að stjórinn mótmælti ákvörðuninni að gefa ekki augljóst víti þegar Flanagan brýtur á Darmian í fyrri hálfleik. Flanagan sem var á gulu spjaldi setti höndina viljandi í boltann en var að sjálfsögðu ekki rekinn af velli.

Embed from Getty Images

Þetta var klárlega ekki nógu gott í dag en liðið spilaði þó vel og bjó til fullt af færum. Átta mig ekki almennilega á því hvað gerðist í dag. Þetta var hreinlega bara einn af þessum dögum.

Byrjunarliðið var:

1
De Gea
3
Shaw
5
Rojo
17
Blind
36
Darmian
6
Pogba
21
Herrera
19
Rashford
8
Mata
14
Lingard
9
Zlatan

Bekkur: Romero, Carrick, Fellaini, Schneiderlin, Young, Memphis, Rooney

Enska úrvalsdeildin

Manchester United tekur á móti Jóa Berg og félögum í Burnley

skrifaði þann | Engin ummæli

United spilar klukkan 14:00 á morgun sinn þriðja leik á sex dögum. Gengið í þessum leikjum hefur verið afskaplega sveiflukennt. Liðið vann góðan og sannfærandi 4-1 sigur á Fenerbahce þar sem liðið hefði getað og jafnvel átt að skora fleiri mörk. Næsti leikur þar á eftir var 4:0 lestarslysið gegn Chelsea á Stamford Bridge. Eðlilega voru margir þá stressaðir fyrir næsta leik sem var heimaleikur gegn City í EFL bikarnum en liðið átti fína kafla í þeim leik og vann sanngjarnan 1:0 sigur.

Fyrir þennan leik á morgun þá er United liðið ekki beint vængbrotið en hjarta varnarinnar er svolítið í lausu lofti. Eric Bailly sem óvænt hefur slegið í gegn á tímabilinu er frá í tvo mánuði sem er mikið reiðarslag fyrir liðið. Chris Smalling var meiddur fyrir Chelsea leikinn og hefði bara aldrei átt að spila þann leik en hann bar eins og margir muna eftir stóra ábyrgð á því tapi. Félagarnir Marcos Rojo og Daley Blind stigu upp og léku báðir miðvörð gegn City í deildarbikarnum á dögunum og stóðu sig frekar vel. Svo hefur mikið verið ritað um hinn bráðefnilega Axel Tuanzebe en hann hefur verið yfirburðarmaður í U-23 liðinu og margir að velta fyrir sér hvort hann muni fá sénsinn í fjarveru Eric Bailly og einnig vegna því hversu tæpur Smalling er fyrir leikinn á morgun.

Miðjan er líka eilífðarpúsluspil virðist vera. Paul Pogba, Ander Herrera og Michael Carrick samsetningin virkaði mjög heillandi gegn City og er sennilega skásti kosturinn ef að Mourinho vill nota þriggja manna miðju. Það er nefnilega gjörsamlega nauðsynlegt að sníða þessu miðju þannig að sem mest fáist út úr Pogba. Ander Herrera hefur verið í miklu uppáhaldi hjá okkur stuðningsfóki liðsins en virtist aldrei vera treyst af  Louis van Gaal en er hreinlega orðinn lykilmaður hjá Mourinho og er með eina bestu tölfræðina í deildinni af miðjumönnum.

Fyrir þennan leik eru þeir Anthony Martial, Wayne Rooney og Chris Smalling tæpir. Eric Bailly og Phil Jones eru frá í einhvern tíma.

Burnley

Gestirnir frá Burnley ólíkt Manchester United eru að leika sinn þriðja leik á þrettán dögum. Liðið hefur byrjað um það bil eins og við var búist en hafa vakið athygli fyrir það að tveir af þremur sigurleikjum liðsins í deildinni voru gegn Liverpool og Everton frá Bítlaborginni. Liðið er í 14.sæti bara þremur stigum frá fallsæti og baráttan í neðri hlutanum álíka spennandi og toppbaráttan þessa stundina.

Fyrir okkur hérna á litla Íslandi er gaman að segja frá því að Jóhann Berg Guðmundsson hefur komið við sögu í öllum leikjum Burnley í deildinni hingað til og vonandi fáum við að sjá hann spila á morgun. Jafnvel er möguleiki að hann byrji leikinn að sökum smávægilegra meiðsla annarra leikmanna.

Burnley virðist vera ágætlega staddir þegar kemur að mögulegu liðsvali en á meiðslalistanum eru einungis fjórir leikmenn og er enn möguleiki á að þeir verði allir í hóp en þeir eru George Boyd, Ashley Barnes, Steven Defour og Stephen Ward.

Mögulegt byrjunarlið

1
De Gea
23
Shaw
5
Rojo
17
Blind
25
Valencia
6
Pogba
16
Carrick
21
Herrera
19
Rashford
9
Ibrahimovic
8
Mata
Lesefni

Djöfullegt lesefni: 2016: 16

skrifaði þann | Engin ummæli

Af nógu er að taka í lestrarpakka vikunnar.

Leikmenn

Football Fan Zone skrifaði um Jesse Lingard og hvernig stuðningsmenn líta á unga leikmenn þessa dagana

Memphis ræddi um stöðu sína við fjölmiðla í landsleikjahléinu

Luke Shaw ræðir aðeins um andrúmsloftið í klefanum, danssýki Paul Pogba og grínarann Zlatan

Hver elskar ekki Juan Mata?

Tímabilið er líklega búið hjá James Wilson

Phil Neville og Jamie Carragher tala um hversu mikill lykilleikmaður Juan Mata er að verða fyrir United

Klúbburinn

United hefur ráðið 50 nýja njósnara á árinu og endurskipulagt net þeirra algerlega

United ætlar vonandi að slaka á harkalegum reglum um miðaskipti á útileiki

Paul Gunning vill meina að vandamál United þessa dagana megi rekja til stjórnar félagsins og hvernig hún hefur unnið frá því Ferguson hætti

José Mourinho

Var Móri að finna upp rútuna eða hefur United mögulega kannski spilað varfærnislega á erfiðum útivelli áður?

Sjö hlutir sem Mourinho er að gera öðruvísi í dag en áður

Rob Smyth hjá The Guardian segir að það skuli ekki afskrifa Jose Mourinho strax

Mourinho er búinn að fá nóg af hótel lífinu

Annað

Rafael gaf góðgerðarsamtökum öll launin sín

Guardian fer í saumana á lélegu áhorfi á ensku deildina á þessu tímabili

Martin Atkinson hefur fengið mikla gagnrýni fyrir að reka ekki David Luiz af velli í leik United gegn Chelsea

Ryan Giggs er byrjaður að skrifa fyrir Telegraph

Enska deildarbikarkeppnin

Manchester United 1:0 Manchester City

skrifaði þann | 18 ummæli

Það voru margir sem óskuðu þess að sjá Mkhitaryan byrja leikinn gegn Manchester City. En það var ekki í spilunum. Ekki aðeins var Mkhitaryan utan byrjunarliðs heldur var hann ekki einu sinni í hópnum. Og það þrátt fyrir að hafa sést með leikmannahópi Manchester United sem stimplaði sig inn á Lowry hótelið fyrir leik. Svo hafi hann ekki náð að meiðast með einhverjum hætti á hótelinu þá getur maður ekki annað en velt fyrir sér hvort það sé hreinlega eitthvað í gangi með Mkhitaryan og hvort Mourinho treysti honum ekki til að spila. Vonandi er það ekki málið en þetta er farið að líta grunsamlega út.

Í öllu falli var byrjunarliðið í kvöld á þessa leið:

1
De Gea
23
Shaw
5
Rojo
17
Blind
25
Valencia
16
Carrick
19
Rashford
6
Pogba
21
Ander Herrera
8
Mata
9
Zlatan

Varamenn: Romero, Darmian, Fellaini, Schneiderlin (73′), Lingard (82′), Memphis, Young

Lið gestanna er þannig skipað:

13
Caballero
22
Clichy
30
Otamendi
4
Kompany
50
Maffeo
9
Nolito
6
Fernando
75
Garcia
15
Navas
19
Sané
72
Iheanacho

Varamenn: Gunn, Gündogan, Sterling (63′), Agüero (71′), Adarabioyo, Fernandinho, Kolarov (46′)

Ég set 4-1-4-1 á þetta byrjunarlið en það er ekki alveg nógu nákvæmt. Flestar knattspyrnusíðurnar settu á þetta klassískt 4-2-3-1 þar sem Carrick og Herrera voru sexurnar og Pogba í holunni en það er ekki heldur alveg nógu nákvæmt.

Michael Carrick var aftasti maðurinn á miðjunni, svo mikið var allan tímann fullljóst. Að sama skapi var ljóst að Pogba væri sá miðjumaður sem ætti helst að leitast við að vera fremstur en þó með ákveðið frjálsræði. Ander Herrera var svo box to box miðjumaður. Sem er eiginlega hans besta staða. Bara æsa hann nógu mikið upp fyrir leik, halda honum á brúninni og sleppa honum svo lausum í ærslagang og brjálæði, það er staðan hans.

Það er svipuð pæling þegar kemur að „kantmönnunum“ okkar megin í kvöld. Annars vegar höfðum við framherjan Rashford vinstra megin og hins vegar holusérfræðinginn Juan Mata hægra megin. Þrátt fyrir að þeir væru báðir settir á kantana þá skein í gegn hver þeirra eðlislæga staða var því Juan Mata var mikið að vinna út frá miðjum vellinum, töluvert að leysa inn og finna sér pláss á meðan Rashford vann mikið framarlega á vellinum, pressaði á varnarmennina hátt uppi og vildi vera í þessum týpíska framherjahasar.

Það eru aðeins tveir leikmenn Manchester United sem hafa spilað hverja einustu mínútu í úrvalsdeildinni til þessa. Annar þeirra er dýrlingurinn heilagi Davíð frá Madrídarborg sem er verndari hins heilaga marks. Hinn leikmaðurinn er goðsögnin Zlatan Ibrahimović sem, þrátt fyrir óumdeilda hæfileika á heimsmælikvarða, er nýorðinn 35 ára gamall. Fyrir utan hverja einustu af 810 mínútum úrvalsdeildarinnar spilaði hann heilan leik gegn Leicester í góðgerðarskildinum, hefur spilað 117 mínútur í 2 af 3 Evrópudeildarleikjum og tekið þátt í báðum deildarbikarleikjunum til þessa, þar af 90 mínútur í þessum leik.

Gæti þetta ekki mögulega verið full mikið fyrir þetta gamlan leikmann? Hann hefur upp á síðkastið virkar frekar þreyttur. Hann hefur verið að fá fullt af færum en nýtt þau misvel og það er komið heldur langt síðan hann skoraði síðast. Það sást vel í fyrri hálfleik þar sem Zlatan spilaði alls ekki vel. En það sama átti reyndar við um flesta í liði United. Og eiginlega flesta í liði Manchester City líka, fyrri hálfleikurinn var hvorki góður né skemmtilegur fótboltaleikur. Leikmenn náðu ekki almennilegri baráttu og voru að gera klaufaleg byrjendamistök. M.a.s. Juan Mata var farinn að setja frekar einfaldar sendingar á samherja í innkast og þá er nú mikið sagt.

Zlatan hefur þó það mikla hæfileika að jafnvel þegar hann á slæman leik þá getur hann minnt rækilega á sig. Þannig átti hann stórskemmtilega sendingu á Rashford undir lok fyrir hálfleiks sem hefði getað endað með hættulegri skyndisókn. Rashford lék sér með boltann á góðum stað í teig þeirra bláklæddu en náði ekki að koma skoti framhjá varnarmönnum City. Raunar náði enginn leikmaður liðanna að setja marktilraun á rammann í fyrri hálfleik. Það var því um ýmislegt að hugsa í hálfleik fyrir stjórana.

Pep Guardiola þurfti að gera skiptingu í hálfleik þar sem Vincent Kompany gat ekki haldið áfram leik vegna meiðsla. Mourinho gerði enga skiptingu í hálfleik en hefur greinilega farið ágætlega yfir stöðuna með sínum mönnum því lið United mætti sprækara til leiks í síðari hálfleik. Á 49. mínútu átti Manchester United eina af bestu sóknum tímabilsins þegar Ander Herrera og Juan Mata spiluðu sig upp hægri vallarhelminginn og komu svo boltanum á Zlatan. Zlatan sólaði leikmann Manchester City upp úr skónum áður en hann gaf góða stungusendingu á Paul Pogba. Pogba átti þéttingsfast skot á nærstöngina sem Caballero náði að verja í stöngina. Sérstaklega vel gert hjá öllum fjórum United leikmönnum og gaf tóninn fyrir seinni hálfleikinn.

Pep Guardiola stillti ekki upp sínu sterkasta liði í þessum leik. Þetta voru þó öngvir aukvissar sem þarna spiluðu en það hefur eflaust haft sitthvað að segja yfir liðið allt að ákveðna burðarstólpa vantaði í liðið.

Manchester United var mun nær sínu sterkasta liði og náði að nýta sér það fyrir alvöru í síðari hálfleik. Manchester City hafði byrjað fyrri hálfleikinn á að vera meira með boltann en þegar komið var vel fram í síðari hálfleik hafði possession prósentan snúist við og United var meira með boltann. Munaði þar ekki síst um Ander Herrera. Það skiptir yfirleitt ekki öllu máli hversu mikilvægar keppnirnar þykja, Ander Herrara mætir til leiks eins og hver leikur gæti verið hans síðasti. Það er eiginleiki sem ætti alltaf að vera hægt að nýta.

Á 54. mínútu kom svo eina mark leiksins. Marcos Rojo, sem átti merkilega góðan dag í miðvarðahlutverkinu, skallaði þá háan bolta fram úr vörninni. Zlatan Ibrahimović sá að hann gat ekki unnið skallaeinvígið svo hann nýtti styrk sinn og steig einfaldlega leikmann City út og vann boltann þannig. Brunaði svo upp völlinn með boltann þar til hann var kominn að endamörkum innan teigs. Þá gaf hann stungusendingu út í teiginn, ætlaða Ander Herrera. Ander Herrera áttaði sig snögglega á því að leikmaður City kom aðvífandi í tilraun til að ná boltanum svo hann steig leikmanninn út en leyfði boltanum að fara. Það reyndist skynsamleg ákvörðun í meira lagi því það leiddi til þess að boltinn barst til Juan Mata á miðjum vítateignum aðeins vinstra megin. Juan Mata hefur einstakt lag á því að vera alltaf mættur á réttan stað á réttum tíma og hann þakkaði pent fyrir sig með því að leggja boltann í sama markhorn og boltinn kom úr. Virkilega gott mark.

Eftir það reyndi Pep Guardiola að fá Manchester City til að sækja meira. Hann setti Raheem Sterling og Sergio Agüero inn á. En United þétti pakkann á móti hjá sér. Morgan Schneiderlin fékk langþráð tækifæri til að láta ljós sitt skína og gerði vel í að efla varnarleik Manchester United. City var meira með boltann en náði ekki að skapa sér neitt að ráði. Raunar áttu þeir bláklæddu ekki marktilraun á rammann allan leikinn á meðan United átti 2 tilraunir á markið.

Þetta var, þegar allt kemur til alls, nokkuð þægilegur sigur. Og sigur sem veldur því að Pep Guardiola er núna að upplifa sitt versta run sem knattspyrnustjóri þar sem hans lið hefur nú spilað 6 fótboltaleiki án sigurs. Næsti leikur þeirra er svo á útivelli í deildinni gegn WBA. En næsti leikur okkar manna er á heimavelli gegn Burnley.

Eftir leikinn kom í ljós hvaða lið United mætir í 8-liða úrslitum deildarbikarsins og það er West Ham. Það voru ýmsar sjóðheitar viðureignir í boði, t.d. gegn Liverpool, Arsenal, Leeds United eða Rafa Benitez. En eftir uppákomuna síðasta vetur með rútuna þá er alveg ákveðinn broddur í viðureign gegn West Ham.

En hvað þýðir þetta fyrir Mkhitaryan? Er hann bara pikkfrosinn í fyrstikistunni eða er Mourinho að geyma hann fyrir annað tilefni? Mourinho ákvað að taka sénsinn á honum í risaleik þegar hann setti hann í byrjunarliðið gegn Manchester City þrátt fyrir að hann væri nýkominn úr meiðslum. Sú ákvarðanataka bendir til þess að Mourinho hafi allavega á þeim tímapunkti haft töluvert álit á Mkhitaryan. Gerðist eitthvað á milli þeirra í kringum það eða eftir það sem veldur því að Mkhitaryan fær ekki sénsinn eða er kannski eðlileg skýring á því af hverju hann er ekki farinn að spila aftur? Það verður bara að fá að koma í ljós en fyrir mitt leyti þá vona ég að hann eigi afturkvæmt í byrjunarliðið. Leikmaður eins og Mkhitaryan í sínu besta formi er akkúrat það sem Manchester United gæti notað þessa dagana.

Twitterhornið

Enska deildarbikarkeppnin

Stór leikur í lítilli keppni – Manchester City kemur aftur í heimsókn

skrifaði þann | 9 ummæli

Manchester United - Manchester cityKlukkan 19:00 annað kvöld fer fram óvenju þýðingarmikill leikur í annars heldur þýðingarlítilli keppni þegar nágrannarnir í Manchester City koma í heimsókn á Old Trafford. Þótt báðum liðum sé líklega nokk sama um EFL bikarinn sem slíkan þá munu þau samt koma inn í þennan leik í leit að langþráðum sigri. Stjórarnir eru undir pressu, leikmenn þurfa að stíga upp, það hefur verið að safnast upp pirringur meðal stuðningsmanna liðanna, blöðin hafa kjamsað á óförum síðustu vikna (reyndar töluvert meira United megin) og hlátrasköll stuðningsmanna annarra liða, sem velta sér upp úr hæðnisfullri Þórðargleði, bergmála í eyrunum. Nú er tíminn til að draga fram sokkaskúffurnar og korktappana, nú er tíminn til að byrja að svara almennilega fyrir sig. Það er komið að næsta stóra prófi Manchester United, endurtektarprófi gegn ljósbláklæddum leikmönnum Pep Guardiola. Bring it on!

United og City

Það er frekar stutt síðan liðin mættust siðast, í 4. umferð deildarinnar. Það var mikil eftirvænting fyrir þann leik um allan heim en hann endaði ekkert alltof vel fyrir Manchester United. Síðan þá hafa bæði lið spilað 9 leiki, með misjöfnum árangri. Hvort lið er með 4 sigra en á meðan United hefur tapað 3 og gert 2 jafntefli þá hefur Manchester City tapað 2 og gert 3 jafntefli.

Undanfarinn mánuður hefur verið erfiður fyrir bæði Manchesterliðin. Rauða liðið hafði yfirburði gegn Stoke en missti þann leik niður í jafntefli áður en það stóðst engan veginn væntingar gegn Liverpool og Chelsea. Að vísu náði liðið að sigra tvisvar í Evrópudeildinni og fyrri hálfleikurinn gegn Liverpool var góður en heilt yfir hefur þessi mánuður verið vonbrigði.

Bláa liðið hefur þó átt verri mánuð. Það er sigurlaust í 5 leikjum í röð eftir jafntefli við Celtic, Everton og Southampton og slæm töp gegn Tottenham og Barcelona. Það hefur einu sinni gerst áður að lið stýrt af Pep Guardiola spilaði 5 leiki án sigurs, það var í febrúar 2009. Pep hefur aldrei á ferlinum stýrt liði í 6 eða fleiri leiki í röð án sigurs. Við viljum sjá það gerast, þá kannski fær Mourinho smá frið á meðan í sínu starfi (ólíklegt þó).

Sögulega samhengið

Manchester United hefur spilað 187 leiki í deildarbikarnum frá árinu 1960. Oftar en ekki hafa leikirnir verið gegn lægra skrifuðum andstæðingum og nýttir til að hvíla aðalliðið og leyfa ungum leikmönnum að spreyta sig. Flestir uppaldir leikmenn Manchester United sem hafa komist í aðalliðið tóku sín fyrstu skref í þessari keppni. En einstaka sinnum dettur inn stórleikur í þessari keppni. Sá síðasti var í september 2013 þegar Manchester United vann Liverpool á Old Trafford með marki frá Chicharito. Tæpu ári áður, í lok október 2012, hafði United tapað 4-5 fyrir Chelsea í mjög eftirminnilegum leik þar sem þrjú mörk voru skoruð í framlengingu.

Síðasta viðureign liðanna frá Manchester í þessari keppni var í undanúrslitum árið 2010. Fyrri leikurinn fór þá fram á Etihad vellinum, sem þá hét reyndar bara The City of Manchester Stadium, 19. janúar 2010. Ryan Giggs kom United yfir en góðkunningi þáttarins, Carlos Tevez, skoraði 2 mörk fyrir City. Seinni leikurinn fór svo fram á Old Trafford 27. janúar. Þegar stutt var eftir af leiknum var staðan 2-1 fyrir Manchester United, eftir mörk frá Scholes, Carrick og Tevez, og allt útlit fyrir framlengingu. En þá tók Wayne Rooney málin í sínar hendur og tryggði United sigur með marki á lokamínútunum. United vann síðan þennan bikar í þriðja skiptið með sigri á Aston Villa á Wembley. Síðan þá hefur United bætt einum deildarbikartitli til viðbótar í safnið.

Manchester United og City hafa mæst 6 sinnum í þessari keppni. Manchester United hefur unnið 2 leiki, City 3 og 1 endað með jafntefli. Allir tapleikirnir hafa þó komið á útivelli.

Gengi United á heimavelli í þessari keppni hefur verið mjög gott í gegnum tíðina. Af 92 deildarbikarleikjum á Old Trafford hafa 68 verið sigurleikir, 12 leikir endað með jafntefli og 12 tapast.

Byrjunarliðspælingar

Samkvæmt PhysioRoom eru 5 leikmenn meiddir hjá Manchester United. James Wilson er frá lengi vegna alvarlegra hnémeiðsla. Hnémeiðsli Eric Bailly eru sem betur fer ekki jafn alvarleg og fyrstu fréttir gáfu til kynna en það er engu að síður mjög slæmt að missa hann í 4-6 vikur á þessum tímapunkti. Liðið er öllu vanara því að þurfa að komast af án Phil Jones en það væri nú ágætt að hafa kallinn til taks núna. Auk þessara hnjámeiðslagemlinga þá eru vinsælu mennirnir, Wayne Rooney og Marouane Fellaini, líka skráðir meiddir og óvíst með þátttöku þeirra.

Hjá bláliðunum eru Kevin de Bruyne og Bacary Sagna frá vegna meiðsla. Eftir síðasta leik liðanna eru varnarmenn United eflaust mjög fegnir að þurfa ekki að glíma við de Bruyne aftur. Pablo Zabaleta og Fabian Delph eru tæpir og Yaya Toure er að fá Schweinsteiger meðferðina.

1
De Gea
3
Shaw
24
Fosu-Mensah
12
Smalling
36
Darmian
6
Pogba
16
Carrick
11
Martial
8
Mata
22
Mkhitaryan
19
Rashford

Þetta er flottur leikur til að fá Shaw aftur inn í liðið. Miðverðirnir eru vandamál. Það gæti verið að Rojo fengi sénsinn frekar en mig langar að sjá Fosu-Mensah. Ef Smalling er ekki meiddur þá má hann fá tækifæri til að bæta fyrir lélegan leik gegn Chelsea.

Pogba. Ó, Paul Pogba. Þetta væri svosem ágætis tilefni til að hvíla kappann, gefa honum smá tækifæri til að hugsa sinn gang. En Mourinho hefur verið að spila honum mikið, það er ekki ólíklegt að það sé til að spila honum í gang. Ef hvatningin og vinnan á æfingasvæðinu er rétt þá gæti verið skynsamlegast að halda honum í byrjunarliðinu og leyfa honum að sýna úr hverju hann er gerður. En það er stórt ef.

Helstu spurningar stuðningsmanna United síðustu daga og vikur hafa verið: hvar eru Mkhitaryan og Schneiderlin?! Afskaplega góðar spurningar. Mkhitaryan fékk að spila til að byrja með, meiddist svo, kom of snemma inn aftur gegn City, átti ömurlegan leik þar og meiddist í þokkabót aftur. Hefur síðan verið að glíma við að ná sér af þeim meiðslum. Er of mikið déjà vu að henda honum aftur inn í byrjunarliðið gegn Manchester City eftir meiðslatörn? Ég vil sjá það gerast. Hann gæti verið rækilega peppaður í að sanna sig eftir ömurlegan leik gegn þeim síðast. En aftur á móti ef hann kemur inn og stendur sig aftur illa þá gæti hann verið að festa hengilás á frystikistuna sína með því.

Stóra Morgan Schneiderlin málið er heldur dularfyllra. Af hverju fær hann ekki að spila meira?

midjan
Samanburður frá því á síðasta tímabili

Samanburðurinn við aðra miðjumenn Manchester United frá því á síðasta tímabili sýnir í það minnsta ágætis tölfræði hjá kallinum. Auðvitað segir hún þó ekki alla söguna. En þegar jafn brösuglega hefur gengið að ná tökum á miðjunni þá er óneitanlega heldur undarlegt að þessi ágæti leikmaður hafi ekki fengið fleiri tækifæri. Í það minnsta bíður undirritaður spenntur eftir að sjá þriggja manna miðju með Schneiderlin, Herrera og Pogba.

1
Bravo
30
Otamendi
4
Kompany
53
Adarabioyo
11
Kolarov
25
Fernandinho
75
García
8
Gündogan
19
Sané
21
Silva
10
Agüero

Það virðist sérstakt gæluverkefni hjá Pep að færa leikstíl sinna liða aftur í átt að gamla góða 2-3-5 leikkerfinu. Kosturinn við það er að við getum farið að taka upp gömul og góð orð sem voru orðin úrelt, orð eins og innherji, útherji og framvörður.

Mig grunar að Pep muni fara í nokkuð sterkt byrjunarlið en þó ekki sitt allra sterkasta. Hann vill vinna þennan leik, það held ég að sé engin spurning. En þetta er jú eftir allt saman bara deildarbikarinn.