Rauðu djöflarnir

Enska úrvalsdeildin Pistlar Ritstjóraálit Stjórinn

Við þurfum að tala um Louis van Gaal

skrifaði þann | 26 ummæli

Ég var ekkert sérlega æstur í að skrifa þessa upphitun eftir að liðið hrapaði úr Evrópudeildinni í gær. Það má því ímynda sér hvernig stemmarinn er á æfingasvæðinu fyrir næsta leik.

Já, það er skammt stórra högga á milli. Á sunnudaginn skreppur United í hinn enda borgarinnar til þess að mæta City í Manchester-borgarslagnum.

Þessi lið eru í harðri baráttu um fjórða og síðasta Meistaradeildarsætið í deildinni og leikurinn á sunnudag gæti veitt öðru hvoru liðinu gott spark í áttina að Wenger-bikarnum fræga. Spurning hvort að það mætti ekki fara að kalla þetta LvG-bikarinn enda virðist fjórða sætið vera hans helsta markmið.

Það er reyndar alveg stórfurðulegt að United eigi einhvern möguleika á því að haltra yfir línuna og komast í Meistaradeildina á næsta tímabili eftir gengið á þessu. Eftir sambærilegan fjölda leikja var David Moyes með stigi meira en United er með á þessum tímapunkti í deildinni en þó var möguleikinn á Meistaradeildarsæti fyrir Moyes nánast alveg úr sögunni.

Louis van Gaal er því í raun alveg stálheppinn að lið eins og City og Chelsea hafi ekki verið jafn sterk og við mátti búast og að Arsenal hafi dalað að undanförnu. Það er eina ástæðan fyrir því að United, með sín 47 stig eftir 29 leiki eigi séns á því að ná fjórða sætinu fyrir rest.

Leikurinn á sunnudaginn yrði stórt skref í átt að fjórða sætinu og það sem gefur manni helst von er sú staðreynd að City hefur staðið sig herfilega gegn liðunum í efsta þriðjung deildarinnar. Liðið hefur ekkið unnið einn leik gegn þessum liðum sem er jafn slæmur árangur og hjá langlélegasta liði deildarinnar Aston Villa. United, með sinn fína árangur gegn sömu liðum, ætti því að eiga ágæta möguleika á sunnudaginn.

Nóg um leikinn á sunnudag – Tölum aðeins um Louis van Gaal

Það er svolítið magnað að hugsa til þess að þann  28. september sl. sat United á toppi deildarinnar. Liðið var vissulega ekki að spila áferðafallegustu knattspyrnu í heimi en úrslitin rúlluðu inn og manni fannst hlutirnir vera að stefna í rétt átt undir Louis van Gaal. Maður var jafnvel bara nokkuð bjartsýnn fyrir útileikinn gegn Arsenal 4. október.

Hversu lítil innistæða var eiginlega fyrir þeirri bjartsýni? Frá því að liðið mætti á Emirates og lét rasskella sig hafa hjólin hægt og rólega dottið undan vagninum. Það hefur allt farið til fjandans.

Frá því að liðið var á toppi deildarinnar þann 28. september hefur liðið spilað 33 leiki í öllum keppnum [footnote]Deild, FA-bikar, Deildarbikar, Meistaradeild og Evrópudeild[/footnote].

Af þeim hefur liðið aðeins unnið 12 leiki!

12 sigurleikir af 33![footnote]Og 8 tapleikir og 13 jafntefli[/footnote] Þetta er kannski fínt fyrir lið eins og WBA eða Sunderland en stjóri sem skilar þessum árangri hjá Manchester United á einfaldlega eitt skilið.

796

Liverpool er að flestu eða öllu leyti félag sem United á ekki að módela sig eftir. Það verður hinsvegar ekki tekið af þeim að þeir tóku hárrétta ákvörðun þegar Rodgers var rekinn og Klopp var ráðinn. Stjórnendur félagsins komu auga á það að núverandi stjóri væri kominn á endastöð og einn hæfasti þjálfari sem völ er á að fá var á lausu. Búmm: Út með Rodgers, inn með Klopp.

Þar með fékk Klopp ókeypis tímabil til þess að vinna liðið á sitt band og undirbúa næsta tímabil. Hárrétt ákvörðun og eftir sex mánuði í starfi hjá félaginu sér maður skýr merki þess að þetta Liverpool-lið er á uppleið undir stjórn Jurgen Klopp. Liðið er langt frá því að vera fullkomið og ég held að United hefði vel getað slegið það út í Evrópudeildinni með öðrum áherslum. Það er hinsvegar aukaatriði. Félagið er á uppleið og undir stjórn Klopp er greinilegt að liðið hefur tekið skýra stefnu í rétta átt.

Það sama er ekki hægt að segja um United undir stjórn Louis van Gaal

Hannl hefur verið í starfi hjá United í tæp tvö ár og hreinskilningslega spurt, getur einhver séð hvert hann er að fara með þetta United-lið? Sér einhver merki þess að liðið sé á einhverskonar uppleið undir stjórn hans? Nei, United er algjörlega stefnulaust undir stjórn Louis van Gaal.

Louis van Gaal var ráðinn í þetta starf með þeim formerkjum að hann ætti að rétta við skútuna eftir Moyes, á þremur árum átti hann að byggja liðið upp á nýju, styrkja hópinn og koma United aftur í fremstu röð.

Honum hefur mistekist í öllu þessu. Liðið er alveg jafn, ef ekki máttlausara,  og það var undir stjórn Moyes. Honum tókst að minnsta kosti að detta út úr 8-liða úrslitum Meistaradeildarinnar. Louis van Gaal hefur heldur ekki styrkt hópinn að neinu ráði, þvert á móti. Hann hefur selt menn í gríð og erg án þess að fá menn í þær stöður sem losnuðu.

Þau kaup sem hann hefur gert hafa að mörgu leyti verið misheppnuð, sérstaklega þau sem voru gerð í sumar [footnote] Að kaupunum á Martial undanskildum, að sjálfsögðu [/footnote]. Gegn Liverpool í mikilvægasta leik tímabilsins var aðeins 1 leikmaður af þeim 5 útileikmönnum sem voru keyptir í sumar í byrjunarliðinu. Allir voru þeir þó heilir.

Og United er langt frá því að vera í fremstu röð, svo langt, og ekki hefur það færst nær því undir stjórn Louis van Gaal. Það að liðið datt út úr riðli í Meistaradeildinni gegn PSV, CSKA og Wolfsburg segir allt sem segja þarf.

Við þetta má bæta að það virðist vera búið að berja allan vind og baráttukraft úr Louis van Gaal. Þessi stjóri sem í gegnum tíðina hefur verið svo litríkur og kraftmikill virðist vera orðinn fullkomnlega saddur og hugmyndalaus eftir langan stjóraferil. Það gagnast engum að knattspyrnustjóri sem er kominn á þann stað haldi áfram.

Nei, þetta United-lið er algjörlega stefnulaust undir stjórn Louis van Gaal og því fyrr sem hann hættir því betra. Nú þegar Pep fer til City, Klopp er hjá Liverpool og Conte fer til Chelsea er ekkert annað í boði fyrir United en að ráða þann besta sem völ er á. United klikkaði á því þegar Ferguson hætti, United klikkaði á því þegar Moyes var rekinn og United hefur ekki efni á að klikka á því í þriðja sinn.

Jose Mourinho, vertu velkominn á Old Trafford. Því fyrr, því betra.

Evrópudeildin

Manchester United 1:1 Liverpool

skrifaði þann | 30 ummæli

Ander Herrera var eitthvað lítillega meiddur á æfingu og var því hvíldur í þessum leik. Talað var um að Blind myndi líka missa af leiknum en svo var ekki og liðið leit því svona út

Fyrirfram var auðvitað búist við að Mata væri í 10 stöðunni en Lingard byrjaði þar og Mata úti á kanti.

1
De Gea
5
Rojo
17
Blind
12
Smalling
30
Varela
27
Fellaini
16
Carrick
9
Martial
35
Lingard
8
Mata
39
Rashford

Varamenn: Romero, Darmian, Valencia, Williams, Schneiderlin, Schweinsteiger, Memphis

Lið Liverpool var að mestu óbreytt frá fyrri leik, James Milner kom inn í liðið fyrir Moreno: Mignolet; Clyne, Lovren, Sakho, Milner; Can, Henderson, Lallana; Coutinho, Firmino, Sturridge.

Fyrstu tíu mínúturnar skiptust liðin á að vera með boltann og lítið markvert gerðist utan að dómarinn ákvað að dæma hendi á Fellaini þegar Lovren hrinti honum inni í teig, Líklega óbein aukaspyrna inni í teig rétt þar en hvenær er það dæmt?

Það var ekki fyrr en á 18. mínútu að færi kom, frábær fyrirgjöf Martial inn á teiginn þar sem Lingard var aleinn en Mignolet varði frábærlega skallann. Lingard kannske getað gert betur en markvarslan frábær. Upp úr horninu pressaði United vel þangað til Mata átti frekar slakt skot framhjá.

United var frekar með yfirhöndina í leiknum en Liverpool sótti vel á þegar þeir fengu boltann. Bæði lið gerðu hins vegar alltof mörg mistök, misheppnaðar sendingar og boltinn tekinn af leikmönnum á báða bóta.

Það var síðan auðvitað hlutverk David de Gea að bjarga United skömmu eftir miðjan hálfleikinn þegar Liverpool náði loksins að klára sókn. Coutinho skaut en De Gea skutlaði sér hárrétt og varði vel.

En svo kom að því, Martial stakk sér fram hjá Clyne í teignum og Clyne braut klaufalega á honum. Martial tók vítið sjálfur og skoraði örugglega. 1-0 á 32. mínútu.

Strax í næstu sókn braut Blind á Sturridge utan teigs, fékk gult og Sturridge tók frábæra aukaspyrnu, sem small í slánni. Vel sloppið þar.

United hins vegar setti kraft í sóknirnar og næstu mínútur voru þeir bara ansi grimmir uppi við teig Liverpool. Enn snertist það svo og Liverpool sótti og endaði á því að Henderson fékk boltann aleinn inni í teig en setti boltann vel yfir.

Þetta var fjörugur leikur og það var United sem fékk næsta færi, Blind tók á móti hreinsun og setti boltann beint inn á teig Liverpool aftur, Fellaini náði boltanum og gaf út í teiginn þar sem Marcos Rojo hefði átt að gera betur en að skjóta framhjá.

En í blálok hálfleiksins slátraði Philippe Coutinho vonum United, hann óp upp allan kantinn, tók Varela á og skildi hann eftir, kominn einn á móti De Gea og skoraði milli stangar og markmanns. Glæsilegt mark.

Þetta var það síðasta sem Varela gerði, eða gerði ekki í leiknum, því hann fór útaf í hálfleik og inná kom Antonio Valencia.

United byrjaði seinni hálfleikinn mun betur og Rashford fór illa með Clyne sem loksins fékk gula spjaldið sem hann var búinn að sleppa við tvisvar.

United sótti mun meira, enda þurfti Liverpool nú ekki að skora og næsta breyting hjá Van Gaal var að setja Matteo Darmian inná fyrir Rojo.

Þessar breytingar björguðu litlu og United voru alls ekki nógu grimmir í sókninni. Síðasta breytingin sem United gerði var svo að setja Bastian Schweinsteiger inn á og ef það breytti einhverju þá fengu Liverpool frekari tækifæri. De Gea varði t.a.m. skot Coutinho yfir og tvö-þrjú önnur á meðan að Fellaini átti eina skot United á rammann í seinni hálfleik.

Þessi leikur endurspeglaði í raun allt tímabilið. Meiðsli og lítill hópur gerðu byrjunarliðið að þvinguðu vali og skiptingarnar voru næstum gagnslausar og algerlega andlausar.

Næsti leikur er borgarslagurinn við City á sunnudag og það kæmi svo sem ekkert á óvart ef hann ynnist. Það var skeflileg frammistaða í fyrri leiknum sem gerði þennan leik að þeirri skelfingu sem hann var. Það er alveg ástæða samt til að minnast á þá leikmenn sem stóðu sig vel í kvöld. Martial og Rashford voru ágætir, en þurftu frekari stuðning. Fellaini fyrir alla sína galla vann oft ágætlega í leiknum, vann boltann, hélt honum og átti jafnvel ágæta dreifingu á köflum.

David de Gea er svo auðvitað besti markmaður í heimi og þó hann hefði kannske getað gert aðeins betur í markinu þá er það bara heimting út á það að hann sé sá besti.

Evrópudeildin Sagan

Snýr United taflinu við gegn Liverpool?

skrifaði þann | 11 ummæli

Manchester United - Liverpool„We are in three different competitions, and at this stage of the season a lot of other teams and managers cannot say that. We still have the chance to win something.“ #

Þetta sagði Louis van Gaal á blaðamannafundi fyrir leikinn gegn West Ham, aðeins degi eftir tapið gegn Liverpool í fyrri viðureign þessara lið í 16-liða úrslitum Evrópudeildarinnar. Að hans mati er þriggja ára planið sem sett var í gang með ráðningu hans í fullri sveiflu enda liðið í bullandi séns í þremur keppnum.

Tjahh. Liðið er vissulega í þremur keppnum en erum við að fara vinna einhverja þeirra?

Jafnvel þeir allra bjartsýnustu ættu að geta tekið undir það United á ekki séns á því að vinna deildina þetta árið verandi 16 stigum á eftir toppliði Leicester þegar 9 leikir eru eftir. Ef til vill var Louis van Gaal að tala um að liðið ætti enn séns á því að ná í Meistaradeildarsæti, vissulega er það innan seilingar en kommon, að rétt skríða í fjórða sætið annað tímabilið í röð er akkúrat ekkert til þess að stæra sig af.

Í FA-bikarnum bíður okkar ansi erfiður útileikur gegn West Ham til þess að komast á Wembley gegn Everton en samt sem áður hlýtur sú keppni að teljast besti möguleiki United á bikar á tímabilinu. Það yrði afar langþráð enda alltof langt síðan United vann þessa fornfrægu keppni.

 

Og svo er það auðvitað Evrópudeildin, þessi ljóti litli bróðir Meistaradeildarinnar sem enginn vill í raun og veru taka þátt í. Þangað dæmdist lið United ef brotlendingu úr alvöru keppninni og svo að hreinskilnin ráði ríkjum í þessari upphitun verður það að teljast líklegt að United detti út gegn Liverpool eftir fremur háðulegt tap í fyrri leiknum.

Það voru þeir félagar Daniel Sturridge og Roberto Firmino sem skoruðu mörkin fyrir Liverpool sem hefðu vel getað verið fleiri hefði ekki verið fyrir frekar hefðbundna frammistöðu hjá besta markmanni í heimi, David de Gea. 2-0 er staðan í viðureigninni sem þýðir að United þarf að skora að lágmarki þrjú mörk [footnote]Gætum reyndar sloppið með að skora tvö og vinna í vítaspyrnukeppni[/footnote] til þess að komast áfram í átta liða úrslitin.

Samkvæmt einhverju tölfræðilíkani sem ég fann eftir mikla leit eru um 10% líkur á því að liðið sem tapar 2-0 á útivelli í fyrri viðureign í tveggja leikja viðureign í Evrópukeppni komist áfram í næstu umferð.

Líkurnar þurfa þó ekkert alltaf að vera með manni í liði og United hefur svo sem áður snúið við 2-0 tapi í fyrri viðureign í Evrópukeppni. Raunar er ekkert svo langt síðan það gerðist og það hlýtur að gefa okkur von að United tókst að gera það undir stjórn David Moyes af öllum mönnum fyrir rétt rúmlega tveimur árum síðan.

Olympiakos – 16-liða úrslit Meistaradeildarinnar 2013/2014

Líkt og gegn Liverpool síðastliðinn fimmtudag mætti alveg afskaplega andlaust, þreklaust og baráttulaust United-lið til leiks í Grikklandi gegn Olympiakos í 16-liða úrslitum Meistaradeildarinnar. Það er erfitt að velja úr hvaða frammistaða var máttlausust undir stjórn Moyes en þessi frammistaða gegn Olympiakos er sterkur kandídat.

Leikurinn fór 2-0 fyrir Olympiakos og leikskýrsla okkar eftir þennan leik bar titilinn Ei meir, Dave og ég hugsa að flestir okkar hafi endanlega stokkið af Moyes-vagninum eftir þennan leik. Útlitið var því ansi svart fyrir seinni leikinn, þið vitið, 10% líkurnar og allt það.

Moyes til tekna tókst honum þó að á einhvern hátt að blása mönnum byr í brjósti fyrir seinni leikinn og í hann mætti eitthvað allt annað United-lið en við höfðum séð fram að þessu á því ömurlega tímabili. Liðið byrjaði leikinn í fimmta gír og keyrði upp tempó-ið í leiknum. Af öllum mönnum var það Ryan Giggs sem stýrði förinni og með hjálp Robin van Persie tókst liðinu að snúa einvíginu við með 3-0 sigri. 

https://www.youtube.com/watch?v=JfiZXEF23zs

Liðið er því í mjög svipaðri stöðu nú og það var fyrir tveimur árum í Meistaradeildinni. Þó ekki alveg sambærilegri vegna þess að Olympiakos er Olympiakos og United á alltaf, alltaf, að vinna Olympiakos. Það er ekkert óeðlilegt við þá kröfu að dragist United gegn Olympiakos eigi liðið að komast áfram án teljandi vandræða.

Það sama er ekki hægt að segja um Liverpool. Þó að viljum auðvitað alltaf vinna þessa labbakúta getum við ekki sett fram þá kröfu að United eigi alltaf að vinna Liverpool líkt og við setjum fram þá kröfu að United vinni lið eins og Norwich, Bournemouth og WBA í hvert einasta sinn. Liverpool er stórlið og og þessi viðureign er á allt öðru stigi en viðureignin við Olympiakos um árið.

Saga United er þó ansi drjúg og við þurfum ekkert að leita neitt rosalega langt aftur til þess að finna þá frammistöðu sem United þarf að endurskapa á morgun gegn Liverpool.

Barcelona – 8-liða úrslit Evrópukeppni bikarhafa 1983/1984

Vorið 1984 kom Barcelona á Old Trafford með tveggja marka forskot í farteskinu og Diego Armando Maradona í treyju númer tíu. Í stórfenglegasta leik sem Old Trafford hefur séð vann United 3-0 sigur og komst áfram.

Barcelona-menn voru svo sigurvissir að nánast engir áhorfendur fylgdu liðinu sínu frá Spáni. Það þýddi að Old Trafford var smekkfullur af United-mönnum og fróðir menn segja að hvorki fyrr né síðar hafi stuðningsmenn United látið jafn vel í sér heyra. Gefum Arthur Albiston, bakverði United í leiknum orðið:

Because there were hardly any away fans the ground was literally full of United supporters, and they kept up an incredible level of noise all through the game. I’ve never heard anything like it before or since.

I didn’t think the crowd would be able to keep it up for 90 minutes but we were lucky enough to score goals at exactly the right time. Bryan Robson got the first two to put us level on aggregate, and that was all the encouragement they needed.

Og Bryan Robson, hetja kvöldsins, tók undir orð Albiston um stemminguna sem myndaðist á Old Trafford þetta kvöld:

It was shrill, deafening, and it just got louder as the game went on. The atmosphere that night was incredible, but it helped that we scored at the right time.

Lætin voru hrikaleg og maður getur fengið örlitla tilfinningu fyrir þeim með því að horfa á þetta myndband úr leiknum og líkt og sést á skjáskotinu fylltist völlurinn af stuðningsmönnum United þegar flautað var af.

Liverpool – 16-liða úrslit Evrópudeildarinnar 2015/2016

Í báðum þessum leikjum sem ég hef farið yfir skoraði United fyrsta mark leiksins tiltölulega snemma og það er nákvæmlega það sem þarf að gerast á morgun. United verður einfaldlega að skora snemma til þess að opna viðureignina upp á gátt. United verður að skora í það minnsta þrjú mörk og ef liðið skorar ekki í fyrri hálfleik verður brekkan ansi brött í þeim seinni.

Í báðum þessum leikjum hélt liðið hreinu sem er auðvitað frumskilyrði þess að United fari áfram á morgun. Liverpool þarf ekki nema eitt mark til þess að drepa viðureignina og því þurfa varnarmenn okkar auk David de Gea að eiga sinn besta leik, þeir þurfa að gefa sókninni færi á að sækja að marki.

Í báðum þessum leikjum stigu einstaklingur upp og leiddu United áfram í næstu umferð. Bryan Robson skoraði tvö mörk og tók öll völd á vellinum gegn Barcelona 1984. Gegn Olympiakos voru það Ryan Giggs og Robin van Persie öðrum fremur sem tóku hlutverk Robson að sér. Á morgun þarf einhver leikmaður að taka þetta hlutverk að sér. Einhver þarf að eiga Robson gegn Barcelona eða Keane gegn Juventus frammistöðu á morgun. Einhver þarf að stíga upp rækilega upp.bryankeane

Og áhorfendurnir þurfa að vera í sínu alla besta formi. Þeir þurfa að soga boltann í netið hjá Liverpool eins og Sir Alex talaði svo oft um. Þeir þurfa að setja pressu á dómarann og gera Liverpool-liðið stressað. Þeir þurfa að gera Old Trafford að vígi, alveg eins og gegn Barcelona 1984.

Á morgun þarf allt að ganga upp. Louis van Gaal þarf að nota hvern einasta dropa af reynslu sem hann hefur sankað að sér í gegnum tíðina. Eldri og reyndari leikmennirnir þurfa að stíga upp og yngri leikmennirnir þurfa að láta ljós sitt skína eins og ungum og óreyndum leikmönnum er einum lagið. Eftir leikinn á morgun verða engir felustaðir eftir fyrir Louis van Gaal og leikmennina. Það er sigur eða dauði. Það er allt undir.

Ekki bregðast okkur.

Enska bikarkeppnin

Manchester United 1:1 West Ham

skrifaði þann | 18 ummæli

Manchester United - West Ham UnitedÉg veit ekki með ykkur en ég er löngu hættur að pirra mig þegar United klikkar á því að vinna leiki á mikilvægum tímapunktum. Samkvæmt allri tölfræði átti United að klára West Ham á heimavelli í dag, það þurfti ekki að vera fallegt, það þurfti bara að klárast. Það gekk auðvitað ekki upp eins og allt annað á þessu tímabili. Það er enn smá glæta að við getum fagnað einhverju á þessu tímabili en útlitið er satt best að segja ekki gott. Við þurfum að vinna Liverpool í vikunni með meira en tveimur mörkum til að komast áfram í Evrópudeildinni, og núna þurfum við líka að ferðast til London í þeim tilgangi að spila annan bikarleik á mjög erfiðum útivelli gegn West Ham. Frábært!

Auðvitað er langt síðan ég hætti að reyna að skilja þankargang Louis Van Gaal. Það er hægt að segja margt um hans hugmyndafræði en liðsuppstillingar (og skiptingar) er eitthvað sem getur oft verið erfitt að skilja. Í dag leit liðið út svona:

1
De Gea
5
Rojo
17
Blind
12
Smalling
30
Varela
27
Fellaini
16
Carrick
35
Lingard
21
Herrera
39
Rashford
9
Martial

Varamenn: Romero, Darmian (87 min), Williams, Schneiderlin, Schweinsteiger (76 min), Januzaj, Memphis (76 min).

Ekki veit ég af hverju honum þótti það góð hugmynd að hafa þá Carrick og Fellaini saman þarna á miðjunni. Carrick hefur í fyrsta lagi átt erfitt uppdráttar undanfarið og að halda Fellaini í byrjunarliðinu eftir slaka frammistöðu gegn Liverpool átti ég mjög erfitt með að skilja. Ég hafði lengi vel mikla trú á því að Fellaini myndi standa sig hjá United en mér er farið að snúast hugur þessa dagana. Hann er góður í mjög svo sérstakri stöðu og undir sérstækum kringumstæðum, sem er að vera stóri og sterki skalla/brjóstkassa maðurinn uppi á vellinum, en við erum flest sammála því að þannig viljum við helst ekki sjá United spila. Í öðrum stöðum hefur hann því miður ekki spilað nægilega vel. Maður hefði viljað sjá Basta og Schneiderlin taka miðjuna í dag en kannski sjáum við þá byrja gegn Liverpool í staðinn.

https://twitter.com/shamoonhafez/status/709060004557492225

Mér finnst United vera heilt yfir að spila betur þessa dagana, þ.e.a.s miðað við spilamennskuna fyrir 2-3 mánuðum síðan. Eftir hroðaleg úrslit í desember, og upp og niður spilamennsku í janúar, virtist liðið ná botninum gegn Sunderland/Midtjylland í byrjun febrúar. Síðan þá hefur United sýnt betri takta í sókninni, reyndar á kostnað varnarinnar reynar, en so be it. Staðreyndin er aftur á móti sú að þetta er enn langt frá því að vera nægilega gott. Liðið er spila fleiri sendingar fram völlinn, það vantar hinsvegar alveg drápseðlið á síðasta fjórðungi vallarins. Það eru engin alvöru færi sköpuð. Tölfræðin til dæmis yfir hversu mörg skot á markið liðið er að ná í hverjum leik er sjokkerandi og ein sú versta sem sést hefur í sögu deildarinnar.

Ég ætla ekki að dvelja of mikið yfir leiknum í dag, hann var bara eins og leikir United hafa verið í allan vetur. Flestir leikmenn voru mjög svo í meðallagi, Martial var enn og aftur besti maður United en síðan fannst mér Rashford, Rojo og sérstaklega Varela skila sínu ágætlega. Martin Atkinson dómari leiksins var slakur, hafði það til dæmis ekki í sér að sýna Payet sitt annað gula spjald fyrir leikaraskap, þrátt fyrir að það sé mjög skýrt í reglum, en það réði samt ekki úrslitum leiksins þannig lagað. Mark West Ham kom eftir frábæra 30 metra aukaspyrnu frá Dimitri Payet (sem átti ekki að vera inn á vellinum) og jöfnunarmarkið okkar kom seint í leiknum og það eftir baráttu, ekki beint það fallegasta sem Anthony Martial hefur skorað, en telur alveg eins og öll hin. 1-1 niðurstaðan og í raun sanngjörn úrslit þegar allar hliðar eru skoðaðar.

Það er hinsvegar þetta að þurfa að spila þennan leik aftur sem pirrar mann svolítið, svona miðað við breiddina á hópnum, meiðslin og álagið þessa síðustu mánuði tímabilsins. En jæja, liðið var allavega ekki slegið út í dag, sem er gott. Crystal Palace, Everton og Watford eru komin í undanúrslit þannig að ef við klárum West Ham þá verður að segjast að við séum í dauðafæri til að vinna þennan bikar, sem væri klárlega sárabót eftir erfitt tímabil („erfið tímabil“ ætti ég frekar að segja!). Þó svo ég sé löngu farinn af Van Gaal lestinni þá væri alveg gaman að sjá hann taka eina dollu í lok tímabilsins, svona sem kveðjugjöf áður en hann stígur til hliðar fyrir Jose Mourinho.

Endum þetta á nokkrum tístum:

https://twitter.com/optajoe/status/709073935032328196

https://twitter.com/UnitedPeoplesTV/status/709087494223097856

https://twitter.com/Squawka/status/709079377569587200

https://twitter.com/ManUtd/status/709075211677736961

Enska bikarkeppnin

Bikarslagur gegn West Ham

skrifaði þann | 3 ummæli

Manchester United - West Ham UnitedÁ morgun mætir West Ham í heimsókn á Old Trafford í 8 liða úrslitum FA bikarkeppninnar. Það má færa rök fyrir því að þetta sé einn síðasti séns United að afreka eitthvað á þessu tímabili, útlitið er ekki gott í deildinni sem stendur og þó svo liðið eigi seinni leikinn eftir gegn Liverpool í Evrópudeildinni, þá gæti róðurinn orðið ansi þungur í þeirri viðureign. West Ham hefur staðið sig best allra gegn „stóru liðunum“ (hvað sem það þýðir nú í dag) á Englandi á þessu tímabili þannig að leikurinn á morgun verður allt annað en auðveldur.

Þó svo United hafi átt góðu gengi að fagna gegn West Ham í gegnum tíðina vitum við öll að slík tölfræði skiptir nákvæmlega engu máli á þessari stundu. Liðin skildu jöfn í desember, 0-0, það var reyndar á þeim tímapunkti sem allir leikir United enduðu 0-0 þannig að ég býst ekki við sömu úrslitum á morgun, aðallega vegna þess að sókn United hefur batnað og vörnin versnað.

Hjá okkur eru sömu meiðsli og venjulega. Nýjustu fréttir herma að Rooney verði til dæmis lengur frá en talið var í byrjun þannig að við munum eflaust sjá Martial eða Rushford í framherjastöðunni fram í lok apríl, jafnvel byrjun maí. Jones og Valenca eru báðir nálægt því að koma aftur inn í liðið, en eru eflaust ekki klárir til að spila á morgun. Liðið ætti því að líta út einhvern veginn svona:

De Gea
Rojo
Blind
Smalling
Darmian
Carrick
Schneiderlin
Martial
Herrera
Lingard
Rashford

West Ham eru temmilega vel skipaðir, ekki mikið um meiðsli þar á bæ þannig að þetta verður erfiður leikur eins og ég sagði hér áðan. Það er hinsvegar mikilvægt að rífa sig upp eftir töpin gegn WBA og Liverpool (og fyrir seinni leikinn gegn LFC!) þannig að á morgun til fullkomið tækifæri til þess!

Leikurinn byrjar klukkan 16:00 og dómari verður Martin Atkinson. Þangað til væri gott að nota tækifærið og hlusta á Tryggva Pál í útvarpsþætti Fótbolta.net fyrr í dag. Innslagið byrjar í kringum 20 mínútu.