Rauðu djöflarnir

Djöflavarpið Spá

Podkast Rauðu djöflanna – 13. þáttur

skrifaði þann | 10 ummæli

Jæja, örfáir dagar í að herlegheitin fari af stað og því ákvaðum við að skella í lauflétta spá fyrir tímabilið. Fyrirkomulagið var ósköp einfalt: Hver og einn raðaði liðunum í sæti. Liðið í efsta sætinu fékk 20 stig og svo koll af kolli þangað til komið var í neðsta sætið sem fékk 1 stig. Við lögðum svo saman heildarstigafjölda og svona endar tímabilið að okkar mati:sparaududjoflanna

Þetta er nátturúlega allt saman hávísindalegt en auðvitað með þeim fyrirvara að við lögðumst ekki í mikla rannsóknarvinnu en spiluðum þetta frekar eftir tilfinningunum. Svo þarf auðvitað að hafa í huga að það er mánuður eftir af glugganum og því ýmislegt sem getur breyst.

Við skelltum svo auðvitað í glænýjan podkast-þátt þar sem við ræddum örlítið um botnliðin og meira um þau lið sem við teljum að endi í 6. sæti og ofar. Við tókum einnig létta umræðu um stöðuna hjá Manchester United með áherslu á kaup og sölur. Tryggvi Páll, Björn Friðgeir, Magnús, Sigurjón og Elvar voru mættir til leiks að þessu sinni.

Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:

Gerast áskrifandi í iTunes
Gerast áskrifandi í öðrum forritum

MP3 niðurhal: 13.þáttur

Félagaskipti Staðfest

Rafael da Silva farinn til Olympique Lyonnaise *staðfest*

skrifaði þann | 3 ummæli

Olympique Lyonnaise staðfesti nú áðan að Rafael da Silva hefði skrifað undir fjögurra ára samning við félagið og United fylgdi um síðir á eftirRafael hjá Lyon

 

https://twitter.com/ManUtd/status/628293756928815104

Þannig lýkur átta ára sögu Rafael hjá United. Hann og Fabio tvíburabróðir hans komu til United sumarið 2008 þegar þeir voru átján ára, en höfðu skrifað undir samninga árið áður.  Fyrsta árið hjá United gekk vel en meiðsli settu síðan strik í reikninginn og Rafael vann sér ekki fast sæti í liðinu fyrr en á meistaraárinu 2012-13. Það ár lék hann  28 leiki í deild og skoraði þrjú mörk, þar af tvö sérlega glæsileg gegn Liverpool og gegn QPR

En stjóratíð David Moyes fór illa með drenginn, hann lék aðeins 10 leiki í deild og náði ekki þessu flugi aftur. Eftir að Louis van Gaal tók við voru dagar hans hjá liðinu taldir enda var spilamennska hans ekki öguð, ekki einu sinni þegar hann var upp á sitt besta, og Van Gaal vill jú aga í leik liðsins.

Rafael og TevezEn Rafael var einn af þeim sem skildi hvað það var að fara í rauðu treyjuna og berjast fyrir liðið og var aldrei hræddur við að láta andstæðingana vita af sérRafael gegn Liverpool

 

 

 

 

https://twitter.com/Millar_Colin/status/628278624693657601/photo/1

Rafael er sá síðasti af þessari skemmtilegu miðju sem Sir Alex stillti upp í 6. umferð bikarsins í mars 2011 og vann Arsenal léttilega 2-0 á Old Trafford. Hann á eftir að standa sig vel hjá Lyon þó að starfskrafta hans sé ekki lengur þörf á Old Trafford og við óskum honum góðs gengis!

Slúður

Brottfarardagur?

skrifaði þann | 7 ummæli

Um leið og hálf þjóðin vaknar og fer að tygja sig til brottfarar eftir skemmtanir helgarinnar lítur út fyrir að í dag sé einnig brottfarardagur í Manchester.

di maría í KatarFréttir bárust af því í gær að United hefði samþykkt boð PSG upp á 44,4 milljónir punda í Ángel di María og seinni partinn komu myndir af honum þar sem hann var að koma til Katar þar sem hann á að gangast undir læknisskoðun í dag.

Í morgun var síðan komið að næsta manni út, Forseti Lyon tísti í morgun að Rafael væri kominn til Lyon og ætlaði að ganga til liðs við félagið. Aðeins ætti eftir að ganga frá samkomulagi við Manchester United um kaupin en hann býst við því skjótlega. Ekki í fyrsta skipti í sumar sem leikmenn eru komnir á áfangastað án þess að nokkuð sé frágengið milli félagana. Slúðrið vill meina kaupverðið sé 2,1 milljón punda og hlýtur Lyon að vera að gera einhver bestu Bónuskaup gluggans,

https://twitter.com/JM_Aulas/status/628124525264306176

Af David De Gea er það að frétta að fréttir frá Spáni sögðu Louis van Gaal hafa beðið stjórn United um að selja hann enda sé hugur hans ekki lengur hjá United og honum ekki treystandi. Blaðamenn á Englandi halda því fram að ekkert hafi breyst í viðhorfum United.

En um leið og þessar brottfarir gerast líklegri er talið um Pedro sömuleiðis komið á það stig að búast má við fréttum í vikunni. Barcelona ku vilja halda honum meðan Messi og Neymar eru ekki komnir á fullt skrið en það myndi ekki stöðva endanleg kaup.  Svo hafa líka önnur ensk félög áhuga og það þýðir að Barcelona er ekki í skapi fyrir prúttið sem United virðist vera að reyna.

Við erum sem fyrr alltaf á vaktinni og flytjum frekari fréttir ef og þegar þessar væntu sölur verða staðfestar.

Æfingaleikir

Myndasyrpa frá Chicago

skrifaði þann | 3 ummæli

Ég tók þá skyndiákvörðun að henda mér til Chicago, frá New York, í þeim tilgangi að sjá okkar menn spila gegn PSG. Þetta var kannski ekki alveg það skynsamlegasta sem mér gat dottið í hug þar sem ég var að vinna til miðnættis á þriðjudeginum og átti svo að vera mættur aftur á föstudeginum. Ég hafði því 48 tíma til að keyra til Chicago og til baka, samtals 2600km.

Þetta hafðist allt saman og þó svo spilamennskan hjá okkar mönnum hafi verið arfaslök þennan daginn, þá var stemmningin í mannskapnum góð og umgjörðin hin flottasta. Ég tók nokkra ramma og má sjá afraksturinn hér að neðan:

Opin umræða

Nýja treyjan

skrifaði þann | 6 ummæli

Áhugamenn um Unitedtreyjur geta nú steðjað í Jóa útherja og fjárfest í einni slíkri.

Adidas treyjurnar eru sem sé komnar. Reyndar er einhver töf á stutterma treyjunni fyrir fullorðna en hún er hugsanlega væntanleg fyrir lokun. Fullorðinstreyjur kosta 14.990 fyrir langerma og 13.990 fyrir stutterma. Aðdáendur Bastian Schweinsteiger sem eru í nettari kantinum gætu þurft að sætta sig við Bastian á treyjurnar, þar sem breið bök þarf til að bera Schweinsteiger.

treyja4 treyja3 treyja2 treyja1