Rauðu djöflarnir

Lokadagur félagaskiptagluggans

Ritstjórn skrifaði þann 1. febrúar, 2015 | 5 ummæli

00:02 Darren Fletcher er orðinn leikmaður West Bromwich Albion. Við þökkum honum samfylgdina og búumst allt eins við að sjá hann síðar meir sem þjálfara hjá United.

23:57 UNITED FÆR ANDY KELLETT AÐ LÁNI FRÁ BOLTON WANDERERS. Jahér. Kellett er 21 ára varnarmaður sem búinn er að vera að spila sem lánsmaður fyrir Plymouth Argyle í D-deildinni í vetur. Ef einhver heldur að við séum að redda okkur hægri bakverði þá er það misskilningur. Kellett er nefnilega vinstri bakvörður. Kellett er án efa hugsaður fyrir U21 liðið sem er nú reyndar orðið mjög þunnskipað eftir öll útlánin

Saidi Janko er farinn í hina áttina og verður hjá Bolton út tímabilið

23.00 – Glugginn er lokaður. Félög hafa þó einhvern frest til þess að ganga frá lausum endum og við gerum fastlega ráð fyrir því að WBA nái að klára kaupin á Darren Fletcher. Frekar tíðindalítill gluggi hjá okkar mönnum en ágætt þó að ná að losna við nokkra leikmenn sem voru á háum launum án þess að spila mikið. Það verður þó eftirsjá eftir Darren Fletcher enda hefur hann verið frábær liðsmaður Manchester United í gegnum árin. Við þökkum samfylgdina og sjá má lista yfir kaup og sölur United í þessum glugga neðst í þessari færslu.

Enska úrvalsdeildin

Manchester United 3:1 Leicester City

ellioman skrifaði þann 31. janúar, 2015 | 14 ummæli

Flokkast kannski ekki sem okkar besti leikur en þrjú mörk, þrjú stig og þriðja sætið skora samt ansi hátt á ánægjuskalanum mínum. Fyrri hálfleikurinn var samt umtalsvert betri en sá síðari. Shaw fékk loksins að sjá nafnið sitt í byrjunarliðinu sem og Januzaj og spilaði Mark Schwarzer, sem er nýkominn frá Chelsea, sinn fyrsta deildarleik fyrir Leicester. Á föstudag fengum við svo þær fréttir að Carrick hafi meiðst og verður frá í amk fjórar vikur sem er svo sannarlega skarð fyrir skildi.

Leikurinn

Svona stillti Van Gaal upp liðinu:

De Gea

Shaw

Rojo

Jones

Valencia

Di Maria

Blind

Januzaj

Rooney

Falcao

Van Persie

Á bekknum voru svo Valdes, Mata, Smalling, Herrera, Fellaini, McNair og Wilson. Van Gaal ákvað að spila ekki þetta blessaða 3-5-2 kerfi og sáum við því loksins fjögurra manna varnarlínu hjá United. Blind var svo fenginn til að leysa af Carrick á miðjunni.

Enska úrvalsdeildin

Leicester City – Old Trafford – Laugardagur.

Tryggvi Páll skrifaði þann 30. janúar, 2015 | 6 ummæli

Við eigum harma að hefna gegn Leicester sem eru að koma á Old Trafford á morgun. Við máttum þola alveg sérstaklega óþolandi tap gegn þeim í fyrri leik þessara liða. Leikurinn var spilaður 21. september og var annar leikurinn sem liðið spilaði eftir lokun sumargluggans. Hinn leikurinn var gegn QPR þar sem liðið sundurspilaði máttlaust lið QPR og vann 4-0. Eftir brösuga byrjun á tímabilinu vonaði maður því að framtíðin yrði eins og QPR-leikurinn. Öll sumarkaupin komin í hús, allt klárt.

Eftir klukkutíma leik gegn Leicester litu hlutirnir mjög vel út. United var 1-3 yfir og var á köflum að spila alveg frábæran bolta. Markið hjá Ángel di Maria var auðvitað alveg stórglæsilegt og ef það hefði verið árið 2012 hefði Robin van Persie auðveldlega verið kominn með þrennu. Ég var svo ánægður með spilamennsku liðsins eftir um klukkutíma leik og bjartsýnn á framhaldið að ég asnaðist til þess að láta þetta út úr mér:

Núna er maður með glott allan helvítis hringinn allan leikinn og manni finnst eins og United geti skorað í hverri einustu sókn.

— Tryggvi Páll (@tryggvipall) September 21, 2014

Lesefni

Djöfullegt lesefni: 2015:04

ellioman skrifaði þann 28. janúar, 2015 | Engin ummæli

Lespakki vikunnar kominn í hús og inniheldur hann mikið af slúðri í þetta skiptið…

Lesefni vikunnar:

Þökk sé risasamningnum við Adidas eru peningar engin fyrirstaða fyrir United á leikmannamarkaðnum. United er að verða langríkasta félagslið í heiminum en það skiptir engu máli ef við komust ekki aftur í Meistardeildina á næstunni.
ROM svarar spurningunni um hvort keypt meira af United eða City treyjum í Manchester.
Andy Mitten skrifar um James Wilson.
Blaðamenn eru byrjaðir að gagnrýna Van Gaal. Fyrst var það Henry Winter hjá Telegraph og svo Samuel Luckhurst hjá MEN.

Giuseppe Marotta er hræddur um að missa Pogba frá Juventus því þeir geti ekki boðið honum jafn há laun og stóru klúbbarnir.
Scott the Red og Musa Okwonga ræða mögulegan skiptidíl á De Gea og Bale.
Það hefur enginn áhuga á aumingja Anderson.
Daily Mail fjallar aðeins um Juan Cuadrado, sem var orðaður við United eftir HM. Hinsvegar hafa Chelsea einnig áhuga á kappanum og ætla sér að selja Salah og Schürrle til að fjármagna kaupin. Svona upp á fönnið, þá er hér jútúb vídeó af kappanum
Telegraph segir Fletcher vera á leið frá United til West Ham og vilja þeir fá hann frítt.
Það virðist allt benda til þess að United sé að fara kaupa Aleksandar Dragovic og hér er grein sem útskýrir hver er í ósköpunum þessi Dragovic er.
Robin van Persie er ekki viss um að fá nýjan samning hjá United þegar núverandi samningur hans rennur út 2016.
Louis van Gaal neitar að hleypa Januzaj til PSG hvort sem er á lán eða til sölu.

Það eru 20 ár síðan Cantona lét vaða í áhorfendastúkurnar á Selhurst Park.
BBC fagnar einnig 20 ára afmæli Kung-fu sparksins.
Guardian-menn geta ekki látið BBC og Telegraph fá alla athyglina og eru því með eigin umfjöllun um 20 ára afmæli Kung Fu sparksins fræga.
Og fyrst að menn eru byrjaður að rifja þetta upp er ekki úr vegi að grafa upp viðtal frá 2008 við Le Dieu sjálfan.

Lag vikunnar:

Soen – „Tabula Rasa“

Pistlar Taktík

Besta byrjunarliðið – Tryggvi Páll

Tryggvi Páll skrifaði þann 26. janúar, 2015 | 5 ummæli

Í síðustu leikjum Manchester United hefur Louis van Gaal stillt upp í 3-4-1-2 uppstillingu sem hefur farið mikið í taugarnar á stuðningsmönnum United. Við hér á ritstjórninni munum á næstu dögum birta okkar skoðanir á því hvernig best væri að stilla upp liðinu, við vitum jú auðvitað miklu betur en Louis van Gaal!

Fyrirkomulagið er þannig að við birtum tvo byrjunarlið, eitt sem á að rúlla upp QPR á heimavelli og annað sem á að ná í sigur á Stamford Bridge gegn Chelsea. Runólfur birti sína færslu á mánudaginn. Á þriðjudaginn kom Bjössi með sitt álit, á miðvikudaginn lét Spaki maðurinn ljós sitt skína, á fimmtudaginn birti Sigurjón sitt óskabyrjunarlið. Maggi kom með sínar hugmyndir á föstudaginn og nú er komið að Tryggva Páli:

Áður en ég fer yfir mínar skoðanir á því hvernig best sé að stilla upp langar mig að fara aðeins yfir afhverju ég þoli ekki 3-4-1-2 uppstillinguna.

Eins og flestir er ég ekki mikill aðdáandi 3-4-1-2 uppstillingarinnar sem við höfum fengið að njóta undarfarnar vikur. Það er þó ekki hægt að neita því að hún veitir okkur ákveðið öryggi varnarlega enda er liðið ekki búið að vera að fá á sig mikið af mörkum undanfarið. Liðið spilaði 9 leiki í röð með þessa uppstillingu og fékk aðeins á sig 5 mörk og aldrei meira en eitt mark í leik. Þetta hefur gert það að verkum að eftir brösuga byrjun okkar manna eru nú aðeins tvö lið búin að fá á sig færri mörk í deildinni, Southampton og Chelsea.