Rauðu djöflarnir

Félagaskipti Leikmenn Slúður Staðfest

Daley Blind til Manchester United (staðfest)

skrifaði þann | 14 ummæli

Manchester United hefur staðfest að félagið hefur náð samkomulagi um kaup á Daley Blind með fyrir vara um samkomulag við leikmanninn og læknisskoðun

De Telegraaf í Hollandi birti frétt nú í morgunsárið um að Ajax og Manchester United hafi náð samkomulagi um kaup á Daley Blind. Kaupverðið sé 18 milljónir evra eða rúmlega 14 milljónir punda og einhverjar milljónir evra í hugsanlega bónusa.

Van Gaal hefur því virkjað varaáætlunina sem orðrómur hefur verið um í allt sumar, Blind hefur undanfarið ár verið besti miðjumaðurinn í Hollandi þó hann sé vinstri bakvörður að upplagi og getur einnig leyst miðvarðarstöðuna. Miðað við meiðslavesen United fyrr og nú má hann búast við að eiga fast sæti í liðinu ef hann sjálfur helst meiðslalaus. Eina spurningin er hvar. Einnig má líta á það sem svo að hann hafi 4 mánuði til að sanna fyrir Van Gaal að hinn síðarnefndi þurfi ekki að renna augum til Kevin Strootman í janúar.

Við sem erum eldri en þrítug þurfum hins vegar fyrst um sinn að kyrja möntruna reglulega:

Daley. Ekki Danny.
Daley. Ekki Danny.
Daley. Ekki Danny.

Enska úrvalsdeildin

United heimsækir Burnley á Turf Moor

skrifaði þann | 6 ummæli

Burnley - Manchester UnitedÞegar Manchester United heimsótti Burnley árið 2009 voru Cristiano Ronaldo og Carlos Tevez nýfarnir frá félaginu en Antonio Valencia, Gabriel Obertan og Michael Owen voru fengnir í staðinn hóst*Glazer*hóst. Sá leikur endaði með 1-0 sigri heimamanna þar sem Michael Carrick t.d. brenndi af vítaspyrnu. Liðin tvö áttu síðan ólík tímabil þar sem United var í hörkubaráttu um Englandsmeistaratitilinn sem þeir misstu á endanum naumlega til Chelsea en Burnley var í fallbaráttu sem þeir töpuðu á endanum.

c mcKnattspyrnustjóri Burnley er hinn efnilegi Sean Dyche sem lék áður með liðum eins og Chesterfield, Millwall og Watford sem hann þjálfaði tímabilið 2011-2012. Í október 2012 var Dyche ráðinn til Burnley. Hann þykir hafa unnið mikið afrek með að hafa komið Burnley liðinu beint upp í Úrvalsdeildina enda ekki haft mikil fjárráð en virðist geta mótiverað menn vel.

article_6611c3f9d54ad8d6_1351619883_9j-4aaqsk

Fyrir þetta tímabil hafa Burnley fengið leikmennina Michael Kightly, Matthew Taylor, Marvin Sordell, Steven Reid, Lukas Jutkiewicz og Stephen Ward. Önnur kunnugleg nöfn eru t.d. Skotinn Ross Wallace og fyrrum leikmaður Manchester United Tom Heaton. Burnley töpuðu í 1.umferðinni á heimvelli gegn Chelsea 1-3 og í 2.umferð 1-0 á útivelli gegn Swansea.

o-manchester-united-new-kit-facebook

Manchester United hefur byrjað tímabilið skelfilega og er augljóst að Louis van Gaal þarf tíma til að byggja liðið upp. Það hefur ekki hjálpað mikið að mikil meiðsli eru að hrjá hópinn og hefur van Gaal ekki getað stillt neinu sem líkist sterkasta liði og fyrir utan fyrsta leikinn þar sem Ander Herrera lék í 60 mínútur þá hefur enginn af nýju leikmönnunum getað leikið.

article-0-1F2843A100000578-864_634x619

Marcos Rojo er enn ekki kominn með leikheimild og verður ekki með á morgun. Luke Shaw og Ander Herrera eru meiddir og Marouane Fellaini, Jesse Lingaard, Michael Carrick og Chris Smalling einnig. Shinji Kagawa er sagður vera í Dortmund til að ganga frá endurkomu til Dortmund og Tom Cleverley er sagður vera í viðræðum við Aston Villa og Valencia. Juventus eru áhugasamir um framherjann Javier Hernandez.

Ég ætla að spá byrjunarliðinu á morgun svona ef van Gaal heldur sig við 3-4-1-2

1
De Gea
42
Blackett
6
Evans
4
Jones
18
Young
7
Di Maria
8
Mata
24
Fletcher
25
Valencia
10
Rooney
20
Van Persie

Annars myndi þetta vera áhugaverð uppstilling:

1
De Gea
42
Blackett
6
Evans
4
Jones
25
Valencia
10
Rooney
24
Fletcher
8
Mata
11
Januzaj
7
Di Maria
20
van Persie
Fjármál Pistlar

Stuttlega um leikmannakaup

skrifaði þann | 10 ummæli

Eftir að Manchester United hefur loksins sýnt að það eru peningar í handraðanum hafa skriðið úr skúmaskotum alls kyns sérfræðingar og lýst því hve eigendur United séu frábærir við félagið, nú eða að United sé að eyða um efni fram.

Það mætti rannsaka málið lengi og skrifa margar greinar og það hefur verið gert. En það er því sem næst nóg að líta á eina staðreynd. Við yfirtöku á félaginu var það umtalað að félaginu yrði sett leikmannaeyðslu þak sem næmi 25 milljónum punda á ári. Nema ef einstakur leikmaður kæmi fram mætti sum ár bæta 20 milljónum punda við þá upphæð. Viðbrögð Joel Glazer voru:

It is absolutely not true. We are there to provide the manager with what he needs to compete at the highest level and win at the highest level. You can’t have caps. Situations arise and things change.

Uppsöfnuð nettóleikmannakaup frá Glazeryfirtökunni, deilt á fjölda ára
Uppsöfnuð nettóleikmannakaup frá Glazeryfirtökunni, deilt á fjölda ára. 25 milljón punda ‘þakið’ grænt.

Meðfylgjandi mynd sýnir fjárfestingu United í leikmönnum frá því að Glazer fjölskyldan yfirtók félagið.

Það er ekki fyrr en í þessari viku að meðal ársfjárfesting í leikmönnum síðustu 10 árin fór yfir þetta þak sem Joel Glazer hafnaði svo gjörsamlega að væri til og taldi fráleitt að setja.

Það er því einfalt að líta svo á að við séum á nokkurs konar núllpunkti, Eftir áralanga vanrækslu er verið að efna, ekki loforðin frá 2005, heldur það sem var algerlega hafnað að væri loforð því það væri of takmarkandi þáttur.

Á þessum sama tíma hefur velta félagsins aukist úr 170 milljónum punda í 336 milljónir punda. Því sem næst tvöfaldast. Og þetta eru veltutölur fyrir síðasta ár. Fyrir Chevrolet samninginn. Fyrir adidas samninginn.

Það er ekki þar með sagt að 200 milljón punda fjárfesting sé eitthvað sem megi vænta á hverju ári. En allt undir fimmtíu milljónum, nettó, má líta á að sé innan upphaflega „nei það er alltof takmarkandi og er ekki til“ þaksins. Og svo mætti samt setja 40 milljón pund í ‘exceptional’ leikmann eins og það var orðað á sínum tima.

Og þá er ég ekki byrjaður að tala um tekjuaukninguna af nýju auglýsingasamningunum.

Við þetta má bæta að á tímabilinu 2005-20013 hafa Glazerarnir sogað um 700 milljónir punda út úr félaginu til þess að borga upp þau lán og annan kostnað við yfirtöku þeirra á félaginu á tímabilinu. Andy Green fjármálabloggari áætlar að árið 2016 hafi þeir tekið um 1 milljarð punda út úr félaginu eingöngu til þess að fjármagna og þjónusta lán, vexti og annan kostnað vegna eignarhalds Glazer-fjölskyldunnar á Manchester United. Þúsund milljónir punda.

Vinsamlegast nefnið því ekki oftar hvað Glazer fjölskyldan séu frábærir og örlátir eigendur.

Lesefni

Djöfullegt lesefni: 2014:02

skrifaði þann | 4 ummæli

Hér er það helsta sem við lásum í síðustu viku…

Finnst þér eitthvað lesefni vanta hingað inn? Bættu því hér fyrir neðan í athugasemdirnar!

Pistlar Ritstjóraálit Stjórinn

Ekki missa móðinn

skrifaði þann | 14 ummæli

Með tapinu gegn MK Dons í gær datt United út úr Meistaradeildinni og er einnig útséð með það að liðið geti unnið deildina enda aðeins 36 leikir og 108 stig eftir í pottinum. Eftir þessa útreið fer ritstjórn þessarar síðu fram á það að Louis van Gaal verði reki…

Þetta sagði Louis van Gaal í júlí:

Every club where I have been, I’ve struggled for the first three months. After that, they [the players] know what I want—how I am as a human being and also a manager, because I am very direct. I say things as they are, so you have to adapt to that way of coaching. It’s not so easy.

Gáfnaljósin töluðu um að með þessu væri Louis van Gaal að næla sér olnbogarými til þess að geta afsakað sjálfan sig.

Púllum Benitez á þetta og lítum aðeins á staðreyndirnar:

  • Þegar Louis van Gaal tók við Ajax fyrir 100 árum síðan vann hann ekki hollenska titilinn fyrr en á þriðja tímabil. Eftir það fór hann með þetta Ajax-lið m.a. taplaust í gegnum deildina auk þess sem hann vann Meistaradeildina með leikmönnum sem voru mestmegnis aldir upp af félaginu. Þetta er eitt mesta afrek í knattspyrnusögunni. En það tók sinn tíma.
  • Þegar Louis van Gaal vann titilinn með AZ tapaði liðið fyrstu tveim leikjum tímabilsins gegn NAC og Ado den Haag.
  • Undir stjórn Louis van Gaal var Bayern í sjöunda sæti eftir 13 leiki með aðeins 5 sigurleiki. Jafnframt tapaði liðið fyrstu þremur leikjunum í riðlakeppni Meistaradeildarinnar. Liðið vann bæði titilinn og tapaði naumlega gegn Inter Milan í úrslitaleik Meistaradeildarinnar þetta tímabil.
  • Hann tekur við félagi sem hefur verið mergsogið að innan í tæpan áratug af blóðsugunum sem eiga þetta félag. Kostnaður við yfirtöku Glazerana fer að nálgast 1 milljarð punda. Athugið það að ekki eyrir af þessum kostnaði hefur verið greiddur úr vasa þeirra, þetta hefur allt komið úr peningakössum United. 1 milljarður punda. Það hefði verið hægt að gera ýmislegt við það.
  • Hann tekur við félagi þar sem leikmannahópur félagsins hefur verið vanræktur á nánast kerfisbundin hátt vegna þess að allur kraftur félagsins fór í það að greiða niður lán og borga vexti. Kaupstefnu United má best lýsa með þessum hætti undanfarin ár: Cristiano Ronaldo og Carlos Tevez út, Michael Owen og Antonio Valencia inn. Þetta segir allt sem segja þarf.
  • Það er fyrst núna sem félagið er að eyða einhverjum af þessum peningum sem félagið prentar af einhverju vit í annað en afborganir og lán og ráðgjafagjöld og FIT-kostnað. Það er gott. Andstæðingar okkar geta tuðað eins og þeir vilja um að United sé að eyða fáranlega háum upphæðum. Þetta eru peningar sem United vinnur sér inn fyrir eigin verðleika. Manchester United er ekki leikfang einhverja vafasama mannréttindaþrjóta frá Rússlandi eða Abú Dhabi.

#Facths

Nú er ég ekki að halda því fram að LvG stýri United til sigurs í þessari deild. Eigum við samt að ekki gefa honum a.m.k. þessa þrjá mánuði sem hann biður um áður en við förum að búa okkur undir THE #ARMAGEDDON

Allt félagið var byggt upp af Sir Alex Ferguson fyrir Sir Alex Ferguson. Það virkaði fáranlega vel fyrir hann en það virkar ekki fyrir neinn annan en hann. Það kaffærði David Moyes og mun kaffæra öðrum stjórum ef það heldur áfram. Louis van Gaal þarf að byggja félagið upp á þann hátt að einhver annar geti tekið við af honum og haldið áfram með kyndilinn. Það er verkefnið. Og það er enginn hæfari í starfið en Louis van Gaal.

Það mun hinsvegar taka meira en 2 leiki í deild og einn í bikarkeppni.

Ekki missa móðinn.