Rauðu djöflarnir

Enska úrvalsdeildin

Hull City 2:3 Manchester United

skrifaði þann | 18 ummæli

Búinn að vera velta fyrir mér hvernig það væri best að byrja þessa skýrslu. Kannski bara með einni spurningu. Er þetta versta byrjun á fótboltaleik hjá United allra tíma? Örugglega ekki en það er amk erfitt að muna eftir jafn skelfilegri byrjun á fótboltaleik fyrir okkar menn.

Moyes stillti liðinu svona upp:

De Gea

Rafael Evans Smalling Evra

Valencie Fletcher Cleverley Young

Rooney Welbeck

Á þriðju mínútu fékk Hull ranglega dæmda hornspyrnu og eftir afspyrnu slæma vörn United lenti boltinn hjá fyrrerandi varnarmanni United, James Chester, sem var galopinn fyrir framan markið og hamraði honum í netið. (GIF).

Skelfileg byrjun en núna sá maður ekkert annað en leikmenn United spýta í lófana og sækja. Það varð ekki raunin. Á þrettándu mínútu komast Hull menn í sókn og eftir mikinn darraðadans í teignum ná Hull menn skoti sem Evans potar löppinni í og kemst framhjá De Gea og inn í netið. Skelfileg vörn hjá okkar mönnum, tvö núll undir og það gegn liði sem aðeins hefur fengið þrjú mörk á sig á KC Stadium á þessum tímabili.

Svo til að gera hlutina enn verri þá meiðist Rafael stuttu eftir þetta sem þýddi að Januzaj var skipt inn á fyrir hann og fékk Valencia það hlutverk að vera hægri bakvörður liðsins.

Semsagt, skeeeelfileg byrjun en hlutirnir fóru sem betur fer upp á við eftir þetta.

Á 19′ mín vinnur Januzaj aukaspyrnu hægra megin rétt fyrir utan vítateig Hull. Rooney tekur aukaspyrnuna og lendir boltinn á höfði Smalling sem kemur honum inn (GIF). 1-2 fyrir Hull eftir 19 mínútur. The fighback is on! United var svo með nokkrar stórsóknir eftir þetta en McGregor í marki Hull varði glæsilega oft á tíðum.

26′ mín kemur Welbeck boltanum til Rooney fyrir utan teig. Hann tekur á móti boltanum og á þessa stórglæsilegu spyrnu sem fær boltann til að enda í marki Hull. (GIF, VINE 1, Vine 2).

Það er ekkert grín að Moyes var að tala um að Rooney væri maðurinn til að drífa liðið áfram. Eftir 26 mínútur er hann búinn að gefa eina stoðsendingu (sú níunda í deildinni á þessu tímabili) og skora sitt níunda mark í deildinni (Númer 150 fyrir United). Fyrri hálfleikur endaði svo 2-2.

Það var ekki alveg sami kraftur í fyrri hluta seinni hálfleiks. Steve Bruce gerði tvær skiptingar strax í byrjun er hann tók út markmanninn McGregor og Meyler. Það verður svo ekki sagt að Moyes hafi gert varnarsinnaðar skiptingar í þessum leik. Fyrst að setja Januzaj inn fyrir Rafael og svo á 60′ mín er Fletcher skipt út (fínar 60 mínútur hjá honum) og inn kemur Javier Hernandez.

Sex mínútum síðar skorar Jimmy Chester stórglæsilegt sjálfsmark. Young með sendingu inn í teig sem stefndi beint á kollinn hans Rooney en Chester bjargaði svona frábærlega er hann skallaði boltann beint í sitt eigið net. 2-3 fyrir United (GIF)

Síðasta skipting Moyes kom á 78′ mín er Carrick (Jeij, hann er kominn aftur) kemur inn fyrir Young. Young með fínan leik í dag sem er frábært fyrir okkur. Klárlega einn af óvinsælli leikmönnum United en þegar Young er í góðu formi þá er hann stórhættulegur sóknarmaður sem við þurfum vel á halda.

Leikmenn liðsins vægat sagt virkilega pirraðir út í dómara leiksins. Rooney fékk gult fyrir munnbrúk og á 91′ mínútu lætur Valencia skapið taka yfir og fær sitt annað gula spjald fyrir að sparka boltanum í burtu í reiði. Sem þýddi það að United voru manni færri síðustu 2-3 mínútur leiksins. Leikmenn Hull voru í stórsókn síðustu mínúturnar. De Gea gerði skelfileg mistök er hann reyndi að kýla boltann í burtu en endaði með að gefa þeim hættulegt færi. Hann hinsvegar bætti upp fyrir þau mistök er Hull komumst í sannkallað dauðafæri, einn á móti markmanni en De Gea varði meistaralega í horn. Og þar við sat, United sigraði Hull með þremur mörkum gegn tveimur.

Maður leiksins?

Auðvelt, herra Wayne Rooney. Ekki fullkominn leikur hjá honum í dag en stoðsending, mark og að taka stjórnina á miðjunni í seinni hálfleik er svo sannarlega nóg. Hann er búinn að vera hreint útsagt stórkostlegur fyrir United á þessum tímabili. Hvar værum við án Rooney á þessu tímabili?

Það jákvæða

  • Baráttusigur eftir hræðilega byrjun
  • Rooney að spila frábærlega
  • Sextíu mínútur fyrir Fletcher
  • Fimmti sigurleikur United í röð í öllum keppnum
  • Tíundi sigurleikur United í röð á ‘Boxing day’
  • United komið upp í sjötta sæti með 31 stig, jafnir Spurs og Newcastle sem eiga leik til góða

Það neikvæða

  • Jones hnémeiðsli, frá í 2 vikur
  • Rafael meiddur
  • Varnarvinna dagsins

Tilvitnanir

Rooney


We didn’t start well today and when it got to 2-0 [dpwn] we knew that we were going to have to dig deep and show our fighting spirit, We had to come back quick and thankfully we got the two goals before half-time.

[Hvort markið sem hann skoraði hafi verið eitt það besta á ferlinum] Probably, but I haven’t seen it back properly yet, it bounced nicely for me and I had a go. It was a big goal for us at an important time in the game. Once we got the third goal we tried to kill the game off [with another]. That didn’t happen. But it’s a great result for us today. We are starting to show some real quality now, We’re having a go and we’re fighting for each other. We’re ready for the challenge and hopefully we can surprise a few people.”

Enska úrvalsdeildin

United heimsækir Hull City

skrifaði þann | Engin ummæli

Hull City - Manchester United Medium

Átjánda umferð ensku úrvalsdeildarinnar verður spiluð á morgun, öðrum degi jóla.

Fyrsti leikur umferðarinnar verður kl 12:45 þegar Steve Bruce og hans leikmenn í Hull City FC taka á móti United á KC Stadium.

Upphitunin

United er í áttunda sæti deildarinnar og átta stig skilja United og Liverpool sem situr í efsta sæti deildarinnar. Okkar menn eru á góðu róli þessa dagana eftir hræðilega byrjun í desember. Desember byrjaði með jafntefli gegn Tottenham og svo tapi gegn Everton og Newcastle (sem eru einmitt þau þrjú lið sem sitja í fimmta, sjötta og sjöunda sæti deildarinnar) en svo komu sigrar gegn Shakhtar, Aston Villa, Stoke og West Ham. Í þokkabót hefur liðið verið að spila betur og betur undir stjórn Moyes. Ég veit að það er alltaf hægt að koma með svona pælingar en… ímyndið ykkur að ef United hefði sigrað en ekki tapað leikjunum gegn Newcastle og Everton. Liðið væri í 4-5 sæti með Chelsea, einu stigi á eftir City og tveimur á eftir Liverpool og Arsenal. Það sýnir okkur hvað allt er í járnum ennþá og enn mjög góður möguleiki á að eiga mjög fínt tímabil undir stjórn Moyes.

Hull situr sem stendur í tólfta sæti deildarinnar með tuttugu stig, átta stigum á eftir United. Þeir hafa krækt í 6 stig úr síðustu fimm leikjum, sigur gegn Liverpool, jafntefli gegn Swansea, Stoke og WBA en tap gegn Arsenal. Það verður ekki sagt annað en að þeir hafi staðið sig afskaplega vel á heimavelli. Fimmtán stig úr átta leikjum (einu stigi meira en United hefur fengið á Old Trafford í níu leikjum) og ekkert lið hefur fengið færri mörk á heimavelli en þeir, þrjú mörk (Þriðji besti varnarárangur í Evrópu). Hinsvegar deila þeir botnsætinu með Tottenham og Crystal Palace með mörk skoruð á heimavelli, sjö mörk skoruð. Á móti kemur að United hefur staðið sig mjög vel á útivelli á þessu tímabili. Fimmti besti útivallar árangur deildarinnar, fjórtán stig úr átta leikjum og sautján mörk skoruð í þeim.

Það eru góðar fréttir af leikmönnum United. Van Persie og Carrick eru byrjaðir að æfa aftur með liðinu og Welbeck, sem hefur verið frábær í síðustu tveim leikjum, meiddist ekki alvarlega í síðasta leik og á góðan sjens á byrjunarliðssæti. Fellaini fór hinsvegar í uppskurð á úlnlið og verður því frá næstu sex vikurnar. Ég hef góða trú á við fáum að sjá hinn ‘alvöru’ Fellaini spila fyrir liðið þegar hann hefur jafnað sig á meiðslunum.

Hér er liðið sem ég vil sjá spila á morgun:

De Gea

Rafael Evans Vidic Evra

Jones Cleverley

Valencia Rooney Januzaj

Welbeck

Hef þann grun að Moyes muni nota sama mannskap frá síðasta leik fyrir utan að gefa Vidic aftur sæti sitt í hjarta varnarinnar. Welbeck (ef hann er tilbúinn og Persie er ekki orðinn heill) á skilið að halda áfram að spila sína bestu stöðu. Januzaj og Rooney eru búnir að vera okkar bestu leikmenn á þessu tímabili og því engin spurning að hafa þá í liðinu. Svo voru Jones og Cleverley flottir á miðjunni gegn West Ham og var sérstaklega gaman að sjá Cleverley spýta í lófana eftir mikla gagnrýni undanfarið.

Staðreyndir

  • Rooney is one goal away from becoming only the second player in PL history to reach the 150 goal mark for a single club (Henry: 175 for AFC)
  • United have beaten their opponents on all four previous occasions in the Premier League, scoring on average three goals per game. The last time they met, Rooney went one better by scoring all four in 2010.
  • Man United are undefeated in 18 of their last 20 away matches in the Premier League.
  • David Moyes’ side position of eight is their lowest at Christmas since 1989 when they were 12 and eventually finished the campaign on what turned out to be an unlucky 13
  • Since their shock win over Liverpool, Hull have been unable to register a win, losing once and drawing three in the process.
  • Robbie Brady is the team’s top scorer this season with three goals, however he will be unable to haunt his former employers as he has been ruled out of the Christmas schedule with a groin injury.

Tilvitnanir

Giggs um vetrarfrí


I think I would like a winter break, it doesn’t really need to be over Christmas, I think it could just be in January, maybe when you get a couple of weeks off so you can get to go away, maybe get some sun, and then have a week’s training before getting back into the games. I don’t think it is a lot to ask for. But TV is huge over the festive period and obviously all of the stadiums are full. But it does have an effect on the national team. If you have a winter break then it definitely helps you. And going into the Champions League as well, you have had a little week’s rest and it definitely helps you. I have benefitted from that in October and November, getting a few days off in the international breaks. It does help you and you do feel refreshed.“

„It gets harder obviously when you have got kids. When you are single or have not got kids it is not too bad. But you get up early, open all of the presents, you have the kids knocking on the door at 6 o’clock. You do all of that, go to training, then go back home for five or six hours so it’s not too bad. And then, of course, we are off to Hull. It is not too bad. We are used to this Christmas period and I don’t think many people are going to feel too sorry for us!“

Moyes um Rooney


Wayne has turned himself into a real team player. The assists for the team, the goals and his all-round contribution has been fantastic, he looks as if he is beginning to take ownership himself. He is starting to say: ‘Look, come on, we need to play better. We need to make sure we are doing much more than we are doing. I see that in the dressing room. I see it every day in training when he is continually trying to improve himself. Wayne has those qualities. It is good for us. Hopefully in the years to come we are going to need that from him.“

„What he is doing is making the others play well because he is playing well. His performances have been good,“ the boss said. „He needs to show the young players because that is what happens at this club. You go through the years and look at people like Ryan Giggs and the advice he gave to Wayne Rooney.

„Wayne has now got to give it to Adnan Januzaj and the new players coming up. He has a big responsibility to show the next generation the standards that Manchester United set and what you have to do every week if you are going to play for this club.“

Moyes um Steve Bruce


„Steve Bruce has done a good job with Hull – he has really brought them back, They looked as though they were dipping and going in the wrong direction. I think he has done a great job in getting momentum going again. They have got some good players and they will be a hard team to beat, as they have had a decent first half to the season.“

Kveðjur

Gleðileg jól!

skrifaði þann | 2 ummæli

Ritstjórn Rauðu Djöflanna óskar lesendum sínum og landsmönnum öllum, nær og fjær, gleðilegra jóla!

Manchester-United-Ch_7090550-6366860

Enska úrvalsdeildin

Manchester United 3:1 West Ham United

skrifaði þann | 16 ummæli

David Moyes, kallinn. Hann er augljóslega að ná tökum á starfinu. Í fyrsta lagi er hann búinn að banna fyrsta blaðamanninn sinn og í öðru lagi var hann bara að fokka í öllum þegar hann sagði að Rooney væri meiddur fyrir jólaleikina því að hann mætti beint í byrjunarliðið sem var svona:

De Gea

Rafael Evans Smalling Evra

Jones Cleverley

Valencia Rooney Januzaj

Welbeck

Bekkur: Johnstone, Giggs, Hernandez, Young, Kagawa, Buttner, Fletcher

Fjórði sigurinn í röð staðreynd og ljóst að spilamennska liðsins hefur batnað mjög mikið síðan í byrjun desember. Það er miklu meiri ákefð í leikmönnum og meiri hraði í leik liðsins. Liðið mætti mjög ákveðið til leiks og pressaði stíft á fyrstu mínútunum. Tom Cleverley, sem hefur heldur bætt leik sinn undanfarið var mjög nálægt því að skora strax á 2. mínútu.

United sótti vel í fyrri hálfleik og uppskar tvö mörk. Fyrra skoraði Danny Welbeck, sitt þriðja í jafnmörkum leikjum, eftir fína sendingu frá Wayne Rooney. Mark nr. 2 var ekki af verri endanum. United vann boltann hátt uppi á vellinum, Januzaj og Welbeck tóku léttan þríhyrning áður en að sá fyrrnefndi fíflaði varnarmann West Ham upp úr skónum og lagði hann glæsilega í markið. Frábært mark og kórónaði frammistöðu Januzaj í leiknum sem geislaði af sjálfstrausti.

Seinni hálfleikur var rólegri, United menn voru miklu meira með boltann og stýrðu leiknum frá A-Ö. Þriðja markið kom svo frá Ashley Young sem kláraði fína viku hjá sér með því að klína boltanum upp í samskeytin eftir sendingu frá Wayne Rooney. 3-0. Leik lokið.

Ekki alveg því að jólasveinninn Büttner var í góðu skapi og færði Carlton Cole eitt mark í skóinn eftir að hann spilaði hann réttstæðann um fleiri tugi metra. Cole gerði vel og klárað færið. 3-1. Leik lokið.

Þetta var skemmtilegur leikur og þetta var klassísk Old Trafford frammistaða hjá okkar mönnum. Ekkert kjaftæði og leiknum var lokið löngu áður en dómarinn flautaði hann af. Það er eitthvað sem hefur vantað uppá og ég við bara endilega um meira svona.

Liðið spilaði eiginlega 4-3-3 á köflum þar sem Wayne Rooney dró sig mjög niður á miðjuna. Það virðist vera vænlegt til árangurs og hentar t.d. Tom Cleverley afar vel að hafa tvo á miðjunni með sér.   Vörnin var virkilega örugg og það er alveg morgunljóst að Moyes á að reyna að forðast það að spila Vidic og Rio mikið meira. Það virðist allt vera öruggara með Evans og Smalling saman í miðverðinum. Rio og Vidic eru farnir að draga sig svo svakalega neðarlega á völlinn að allt liðið þarf að verjast mun aftar á vellinum.

Næsti leikur er svo 26. desember gegn Hull á útivelli.

Enska úrvalsdeildin

David Moyes vs Big Sam!

skrifaði þann | 4 ummæli

Það er sæmilega bjart yfir okkar mönnum um þessar mundir eftir ansi myrka byrjun á desember-mánuði. 3 sigrar í röð án þess að fá á sig mark og leikmenn á borð við Tom Cleverley, Danny Welbeck og Ashley Young skoruðu mörk og spiluðu bara ágætlega.

Á morgun kemur Stóri Sam með West Ham í heimsókn á Old Trafford og krafan er einföld: 3 stig og mörk frá Young, Welbeck og Cleverley. Einfalt mál. Er það ekki?

Pottþétt ekki.

Robin van Persie er meiddur eins og kunnugt er og Moyes tilkynnti fyrir leikinn gegn Stoke í vikunni að Wayne Rooney væri meiddur í nára og væri tæpur fyrir jólaleikina. Persónulega held ég reyndar að Moyes sé að púlla klassískan Ferguson á þetta og Rooney verði mættur í byrjunarliðið á morgun. Carrick er ennþá meiddur og Vidic og Fellaini eru tæpir fyrir leikinn á morgun. Moyes tilkynnti einnig áðan á blaðamannafundi að Nani væri meiddur og yrði frá í einhverjar vikur.

Ég sé reyndar ekki eina einustu ástæðu afhverju Vidic ætti að koma inn í byrjunarliðið fyrir Evans/Jones/Smalling. Þeir hafa staðið sig með ágætum og mér finnst vörnin mun stöðugri þegar þeir Vidic og Rio eru ekki í liðinu. Það er af sem áður var.

Andstæðingurinn

Stóri Sam er í ákveðnum vandræðum með liðið sitt. Þrátt fyrir taktíska snilld sína situr hann í 17. sæti með lið sitt. Hann er reyndar kominn í undanúrslit í deildarbikarnum en West Ham á álíka miklar líkur á að komast í úrslitin og að jólin verði 23. desember í ár. (Jinx!)

Frammistaðan í deildarbikarnum og frammistaða Ravel Morrison á þessu tímabili eru jákvæðu punktarnir. Fyrir nokkrum árum var alltaf verið að tala um að Ravel væri nýjasta vonarstjarna Manchester United, Sir Alex Ferguson sparaði ekki stóru orðin um hann og Rio Ferdinand lét hafa eftir sér að hann myndi borga fyrir að fá að horfa á Ravel á æfingum, hvorki meira né minna. Hann var þó í stöðugum vandræðum utan vallar og Sir Alex og Manchester United gáfust hreinlega upp á kappanum. Menn þar á bæ gerðu sér þó nákvæmlega grein fyrir því hversu góður hann gæti orðið enda fékk Big Sam þessi ráð frá Sir Alex þegar hann keypti hann:

„I hope you sort him out because you will have a top-class player.“

Hann er ekki ennþá orðinn topp-topp-topp-topp-topp leikmaður en lífið í London hefur haft jákvæð áhrif á hann. Hann hefur sýnt frábær tilþrif á köflum og gæti gert okkur skráveifu á morgun, enda líklega ákafur í að sýna öllum á Old Trafford hvað þeir létu frá sér fara.

West Ham spilar þennan týpíska direct-stórkallabolta. Þeir verjast vel og treysta á skyndisóknir og háa bolta upp völlinn. Það mun ekkert koma á óvart á morgun í þeirra spilamennsku og spurningin verður bara hversu vel okkar menn verða klárir í þennan leik.

Byrjunarliðið

De Gea

Rafael Smalling Evans Evra

Jones Cleverley

Valencia Kagawa Januzaj

Welbeck

Mér finnst eina spurningamerkið í þessu byrjunarliði vera í sókninni og hvaða fjórir leikmenn fái tækifærið þar. Mér finnst líklegast að Welbeck byrji enda skoraði hann tvö mörk í síðasta deildarleik og staðreyndin er sú að Chicharito hefur bara verið algjörlega týndur í nánast öllum leikjunum sem hann hefur spilað á tímabilinu. Valencia, Kagawa, Young eða Januzaj eiga jafnmikla möguleika á að byrja leikinn og Kagawa ætti að fá sénsinn á nýjan leik, það er að segja ef hann hemur sig í kvöldmatnum í kvöld.

Þessi jólatörn er gullið tækifæri fyrir okkur að saxa á forystusauðina sem spila innbyrðis í næstu umferðum á meðan við mætum West Ham, Hull og Norwich. Við vitum að það er ekkert gefið á þessu tímabili en ef við getum ekki gert kröfu um 9 stig úr þessum leikjum er alveg eins gott að hætta þessu bara.

Leikurinn hefst klukkan 15.00 á morgun, laugardag.