Rauðu djöflarnir

Leikmenn Meistaradeild Evrópu

Meistaradeildardráttur kl 15:45

skrifaði þann | 3 ummæli

Klukkan 15.45 í dag verður dregið í Meistaradeildinni.

ChampionsLeagueUnited

Manchester United er að sjálfsögðu í efsta styrkleikaflokki en annars eru þeir sem hér segir.

1.flokkur:

Bayern München, Barcelona, Chelsea, Real Madrid, Manchester United, Arsenal, FC Porto, Benfica

2. flokkur:

Atlético Madrid, Shakhtar Donetsk, AC Milan, Schalke, Marseille, CSKA Moskva, Paris St-Germain, Juventus

3. flokkur:

Zenit St Pétursborg, Manchester City, Ajax, Borussia Dortmund, FC Basel, Olympiakos, Galatasaray, Bayer Leverkusen

4.flokkur:

FC Kaupmannahöfn, Napoli, Anderlecht, Celtic, Steaua Búkarest, Viktoria Plzen, Real Sociedad, Austria Vín

Eins og venjulega geta lið frá sama landi ekki dregist saman.

Hvað segið þið um að fá Atlético, Dortmund og Napoli? Eða Juventus, Dortmund og Sociedad?

Í gær var dregið í 3. umferð Capital One deildarbikarsins. Ég og fleiri höfum horft til deildarbikarsins spenntum augum í vetur og vonast eftir að Adnan Januzaj, Jesse Lingard, Larnell Cole og svo auðvitað Wilfried Zaha fái þar góð tækifæri. Frumraun þeirra er ekki af verri endanum, Liverpool kemur í heimsókn þann 24. eða 25. september. Svona til að krydda þetta aðeins verður þetta fyrsti leikur Luiz Suarez eftir bannið.

Í gær var tilkynnt um að Ángelo Henríquez hefði verið lánaður til annarar deildar liðs Real Zaragoza allt tímabilið. Vonum að það skili árangri. Einnig lítur út fyrir að Marnick Vermijl verði lánaður til NEC Nijmegen.

Enska úrvalsdeildin

Manchester United 0:0 Chelsea

skrifaði þann | 18 ummæli

Manchester United - ChelseaÞennan leik var búið að byggja rosalega upp. Fyrsti heimaleikurinn hjá  Moyes og jafnframt fyrsti virkilega stóri leikurinn, reyndar er næsti leikur gegn Liverpool alltaf stærri en það er önnur saga. Margir hafa verið spá okkar liði 3.sæti og kannski neðar á meðan flestir eru á því að Chelsea vinni titilinn þar sem Mourinho er kominn aftur.

Frammistaða Chelsea hingað til í deildinni er ekki sannfærandi þó svo að þeir séu með 7 stig úr 3 leikjum. Voru stálheppnir í síðasta leik að missa ekki Ivanovic útaf og fá dæmt á sig víti og Villa menn voru skiljanlega fúlir eftir þann leik.

Liðsval Mourinho í þessum leik var stórskrýtið og augljóslega verið að spila uppá stig og kannski ná að vinna með skyndisóknum. Wayne Rooney átti mjög góðan leik í kvöld og fékk góðan stuðning áhorfenda. Spilamennska okkar manna var á tíðum mjög slök og hefur Carrick oft (eiginlega alltaf) spilað betur en í kvöld. Danny Welbeck náði engan veginn að fylgja eftir stórleik gegn Swansea í fyrstu umferð, en til að vera sanngjarn þá spilaði hann á kantinum en ekki jafn framarlega og síðast. Hann fékk þó færi og fór ekki vel með þau. Vörnin var mjög sannfærandi og eina sem ég hef uppá hana að klaga var að Jones er ekki sóknarbakvörður og því var hægri vængurinn frekar dapur. Robin van Persie fékk ekki úr miklu að moða í kvöld en átti samt ágæta marktilraun í fyrri hálfleik. Engin mörk voru skoruð í kvöld og ef annað hvort liðið var líklegra þá var það allan tímann Manchester United.

Dómir leiksins Martin Atkinson var jafn lélegur og maður bjóst við fyrir fram en það virðist vera samantekið ráð að dæma aldrei hendi á Chelsea á þessari leiktíð. John Terry komst upp með gegn Aston Villa eins og hann gerði alltaf í gamla daga. Ashley Cole í fyrri hálfleiknum í kvöld og loks átti Atkinson að dæma víti á Frank Lampard það sem hann setti hendina klárlega viljandi í boltann fyrir innan teig. Svo er spurning hvort Ashley Cole hefði ekki átt að fá gult spjald fyrir leikaraskap sem ekki einu sinni Luis Suarez eða Gareth Bale hefðu reynt.

Chelsea liðið var gjörsamlega bitlaust og frammistaða okkur manna sýndi það að virkilega vantar flottan mann á miðjuna með Carrick, sá maður er einfaldlega ekki í okkar röðum eins og er. Mezut Özil er ekki það sem okkur vantar en hann væri samt velkominn að því gefnu að miðjumaður verði einnig keyptur.

Wayne Rooney var algjörlega maður leiksins og eiginlega enginn annar sem kemur í hugann fyrir utan Ferdinand og Vidic sem eru sameiginlega í 2-3 sæti. Ég vil meina miðað þessa frammistöðu í kvöld og leik City gegn Cardiff í gær að þá eigum miklu jafnari sjens í titilinn en menn bjuggust við.

Næsti leikur er svo útileikur gegn Liverpool. David Moyes hefur aldrei unnið útileik gegn stóru liðunum (eða Liverpool), en hann hefur aldrei stjórnað liði eins og Manchester United gegn þeim heldur.

Enska úrvalsdeildin

Fyrsti heimaleikur tímabilsins, Mourinho og félagar koma í heimsókn

skrifaði þann | 9 ummæli

Manchester United - ChelseaÞá er komið fyrsta stóra leik tímabilsins og jafnframt fyrsta heimaleik. José Mourinho og dátar hans í Chelsea koma í heimsókn. Margir hafa spáð Chelsea titlinum í vor einfaldlega vegna þess að Mourinho sé kominn aftur. Liðið hefur ekki styrkt sig mikið nema að menn telji að Andrea Schürrle hafi verið týnda púslið sem þá vantaði í fyrra. Síðasta tímabil Mourinho á Englandi tapaði liðið titlinum til okkar manna, hann hætti svo næsta haust. Chelsea tilkynnti í dag um kaup á Willian sem ætlaði til Liverpool, svo til Spurs en endaði svo hjá Chelsea, ég tel það einstaklega ólíklegt að hann muni koma við sögu annað kvöld. Chelsea hafa ekki byrjað tímabilið sannfærandi þó svo að þeir hafi 6 stig, þeir kaffærðu ekki nýliða Hull og voru stálheppnir gegn Aston Villa þar sem dómgæslan hjálpaði talsvert.

Lítið hefur breyst hjá okkar mönnum frá síðasta leik. Enginn hefur komið eða farið, fyrir utan hinn unga Scott Wootton sem fór til Leeds. David Moyes hefur undanfarna daga talað um að það sé engin pressa á að fá leikmenn þó svo að hann myndi gjarnan vilja fá 2 leikmenn, sennilega skynsamlegt að orða það þannig svo hann líti ekki út fyrir að vera örvæntingarfullur eins og kollegi hans á Emirates.

Ég eins og margir aðrir United menn vil klárlega fá flottan mann á miðjuna sem passar vel við Carrick, Fellaini er kannski ekki allra en ég held að hann sé samt þetta stál sem okkur vantar á miðjuna. Hann getur leikið aftarlega en ef vantar þá getur hann klárlega leikið framar á vellinum. Leighton Baines er frábær leikmaður og þau kaup meika bara sens fyrir mér ef hann eða Evra eigi að fara á vinstri kantinn. Það má ekki gleyma því að þetta er ennþá liðið sem kláraði deildina í apríl og hin liðin hafa vissulega styrkt sig fyrir utan Chelsea, nema að „sá einstaki“ ætli sér að leika líka með liðinu. City hafa keypt skynsamlega og fljótt. Þeir hafa líka losað sig við vandræðapésan Tevez.

En að leiknum á morgun, þá tel ég að liðið verði svipað skipað og í leiknum gegn Swansea. Ætla að spá því svona:

De Gea

Jones Ferdinand Vidic Evra

Cleverley Carrick

Valencia Rooney Welbeck

van Persie

Leikurinn hefst klukkan 19:00

Mánudagspælingar Opin umræða Slúður

Mánudagsmorgunkaffiskammtur

skrifaði þann | 20 ummæli

Eftir góða byrjun okkar manna um helgina er ágætt að rúlla aðeins í gegnum fréttir og slúður.

Fyrst af öllu erum við búnar að bjóða 28m punda í Fellaini og Baines. 16m í Fellaini sem kostaði Everton 17.5m fyrir 6 árum, og 12m í Baines, aftur. Einhverra hluta vegna finnst Everton þetta lélegt boð.

Daniel Burdett (@luzhniki2008) tísti í gær mynd sem hann tók eftir 3. mark United í leiknum á laugardag. Myndin fór eins og eldur í sinu um netið, sem ekki er furða:

Svo er spurning hvað þetta segir um Rooney?

Að skemmtilegri hlutum. Eric Harrison, unglingaþjálfari United í áratugi er sannfærður um að Ryan Giggs verði frábær þjálfari. Líklega fáir sem ég myndi treysta betur að spá um það.

Við munum auðvitað vera með „næsta leik“ hér alltaf á forsíðu bloggsins, en fyrir þau sem vilja fá leikjaplanið allt í dagatalið sitt er hægt að mæla með þessu. Farið eftir leiðbeiningunum og þá kemur þetta inn, og uppfærslur á leikdögum og tímum koma sjálfkrafa.

Orðið annars laust.

Enska úrvalsdeildin

Swansea 1:4 Manchester United

skrifaði þann | 22 ummæli

United stillti svona upp í hellirigningu á Liberty Stadium:

2013-08-17 Swansea(a)

Varamenn: Lindegaard, Anderson, Rooney, Smalling, Fabio, Kagawa, Zaha

Ferdinand og Valencia komu inn í liðið frá Góðgerðaskildinum.

Lið Swansea: Vorm; Rangel, Chico, Williams, Davies; Britton, Cañas; Dyer, Shelvey, Routledge; Michu.

Swansea byrjaði þennan leik af krafti og pressaði vel. Það var þó af öllum mönnum Phil Jones sem fékk fyrsta upplagða færið, Vorm sýndi að hann er fínn markvörður og varði í horn. Pressa Swansea skilaði þo ekki færum, þó United væri farið að draga liðið ansi aftarlega og í hraðaupphlaupum var United að skapa frekar. Van Persie skallaði fyrirgjöf Evra beint á Vorm og Giggs náði ekki að gefa á Welbeck þegar þeir voru komnir í gegn. Eftir kortér hafði Swansea verið með boltann um 2/3 hluta leiksins, en þá fór United að halda boltanum betur og byggja upp spil, Welbeck skaut á Vorm og Giggs skaut framhjá þegar boltinn barst til hans. En beint uppúr því fékk Swansea sitt beta færi, Ferdinand rann á vellinum og hleypti Routledge í skotstöðu. De Gea varði og Dyer fékk boltann en var réttilega dæmdur rangstæður.

Leikurinn hélt áfram í þessu fari. Swansea var mun meira með boltann, og sóttu meira en búast mætti við m.v. spilamennsku þeirra síðustu tvö ár. Samt var það loksins enginn annar en Robin van Persie sem braut ísinn þegar rúmur hálftími var liðinn af leik. Frábær sending frá Ryan Giggs á miðjunni inn á Van Persie sem var ekki í nógu strangri gæslu Chico Flores og skoraði með góðu skoti. Varla tveim mínútum síðar kom Danny Welbeck United í 2-0. Evra gaf fyrir, skalli Van Persie fór í varnarmenn og barst til Antonio Valencia sem sendi inn á Welbeck á markteig og hann skoraði örugglega.

Þetta var gegn gangi leiksins hvað spilamennsku varðaði en samt ekki óverðskuldað þar sem færi United höfðu verið opnari. Síðustu tíu mínútur fyrri hálfleiks var Swansea svo með boltann án þess að gera nokkuð.

Í hálfleik kom Bony svo inn á fyrir Swansea. Hann hafði verið í landsleik með Fílabeinsströndinni gegn Mexíkó og ekki þótt nógu ferskur fyrir heilan leik. Pabo Hernandez komi inná miðjuna og Routledge og Britton fóru útaf. Breytingar breyttu þó leikum ekki mikið, Swansea hélt boltanum og fékk fyrsta góða færið, Bony skallaði niður botann í teignum og De Gea var aðeins á undan Michu í boltann og varði í horn. Hnjaskaðist eitthvað við það en hélt áfram.

Rooney hitaði upp og þeir einu sem púuðu voru stuðningsmenn Swansea, Unitedmenn sungu honum til heiður. Hann kom svo inná fyrir Giggs þegar hálftími var eftir.

Leikurinn var svo sem ekki alltof vel leikinn af hálfu United, miðjunni hélst illa á boltanum og vörnin virkaði óörugg stöku sinnum, þó það væri meira fyrri hluta leiksins. De Gea var hins vegar öruggur aftast, og hirti bolta sem komu á hann af öryggi.

Það var mikil tilbreyting í fyrra þegar við fórum allt i einu að skora uppúr hornum og Evra var nálægt þvi að halda þeim sið áfram en Cañas skallaði frá á marklínu.

Robin van Persie tryggði endanlega sigurinn á 72. mínútu, fékk sendingu frá Rooney á miðjum vallarhelmingi Swansea, lék upp að teig, fintaði sig frá varnarmönnunum og hamraði boltanum í netið.

En það fór ekki svo að Swansea fengi ekki einhver laun erfiðisins, á 82. mínútu endaði nett spil þeirra á því að Vidic skildi Bony eftir óvaldaðan og þeir fundu hann og hann skoraði með nákvæmu skoti í fjær horn, óverjandi fyrir De Gea.

Van Persie fékk skiptingu þegar skammt var til leiksloka, Anderson kom inná. Þetta þétti miðjuna og United hélt boltanum mestan hluta þess sem eftir var af leiknum og tveim mínútum fram yfir venjulegan leiktíma kom frábær stunga frá Rooney sem splundraði vörninni. Welbeck tók vel við boltanum og vippaði glæsilega yfir Vorm.

Frábær byrjun United í deildinni, ekki alveg fullkominn leikur hjá okkar mönnum, en sýnir svo ekki verður um villst hvað við getum. Ekki spurning um að Robin van Persie var maður leiksins. Þvílíkur leikmaður