Rauðu djöflarnir

Enska úrvalsdeildin

Chelsea kemur í heimsókn

skrifaði þann | 10 ummæli

Þá er komið að síðasta stórleik tímabilsins. Það er með ólíkindum að vorleikir gegn Arsenal og Chelsea skipti ekki nokkru máli fyrir okkar menn. Eina spennan sem var fyrir leikinn gegn Arsenal var hvort United myndi slá stigamet Chelsea frá 2006, en þar sem leikurinn fór 1-1 (við reyndar rústuðum þeim í gulum spjöldum) þá var það úti. Robin van Persie var valinn leikmaður mánaðarins fyrir frammistöðurnar undir lok mánaðarins. Danny Welbeck er frá vegna meiðsla en Vidic og Scholes eru farnir að æfa aftur og ekki er ólíklegt að sá síðarnefndi verði á bekknum.

Ef að meira væri undir í þessum leik en stoltið þá væri þessi upphitun mun ítarlegri, það er ekki frá því að það komið sé svolítið spennufall í mann.Chelsea eru búnir að vera á ágætis róli, Benítez var valinn þjálfari aprílmánaðar og í gærkvöldi komust þeir í úrslit Evrópudeildarinnar.

Þar sem margumtalaða stigametið er ekki möguleiki þá væri ég til að sjá eitthvað af yngri strákunum fá tækifæri í komandi leikjum. Samt vil ég sjá sterkt lið á sunnudaginn til að reyna að trufla meistaradeildarbaráttu Chelsea manna og þetta er liðið sem ég vil sjá.

De Gea

Rafael Ferdinand Evans Evra

Jones

Valencia Anderson Nani

Rooney van Persie

Ef að liðið sem spilaði seinni hálfleikinn gegn Arsenal mætir til leiks frá byrjun þá verður þetta flottur leikur.
Leikurinn fer fram á Old Trafford á sunnudaginn og hefst klukkan 15:00

Leikmaður mánaðarins

Leikmaður aprílmánaðar

skrifaði þann | 5 ummæli

Það er komið að því að kjósa besta leikmann United í apríl. Þrátt fyrir að úrslit leikja hafi kannski ekki verið fullkomin (tap gegn Chelsea og Man City) þá skal það aldrei gleymast að liðið tryggði sér Englandsmeistaratitilinn í apríl 2013. Um það þarf ekki að hafa fleiri orð!

Leikir United:

Kosning:

[poll id="7"]

Enska úrvalsdeildin

Arsenal 1:1 Manchester United

skrifaði þann | 8 ummæli

Mig langar mikið að skrifa þessa leikskýrslu en ég er einfaldlega skíthræddur að fá gult spjald frá herra Phil Dowd.

Eftir níutíu og fjórar mínútur skildu liðin jöfn eftir mörk frá Walcott og Van Persie. Það var virkilega klaufaleg byrjun hjá okkar mönnum er Van Persie gaf feilsendingul strax á þriðju mínútu, á leikmann Arsenal, þeir bruna í sókn og endar boltinn hjá rangstæðum Walcott sem nær að skora framhjá De Gea. Þetta mark var soldið dæmigert miðað við frammistöðu United í fyrri hálfleik.

Besta leiðin til að lýsa frammistöðu United í fyrri hálfleik er að ímynda sér hóp ellilífeyrisþega að spila bumbubolta í 2 tveggja daga þynnku. Liðið var alveg skelfilegt og var maður hreinlega hissa þegar liðið náði að koma boltanum yfir miðjupunktinn. Á 42 mín ákvað Sagna að hjálpa okkur með því að gefa boltann á Van Persie og svo brjóta á honum inn í teig sem gaf okkur þessa fínu vítaspyrnu. Verð að játa að á þessum tímapunkti var maður orðinn það taugatrekktur að ég varð að loka augunum því e´g gat ekki horft á Van Persie taka vítaspyrnuna. Þegar maður heyrði svo í dönsku lýsendurnum segja að hann hafði skorað gat ég séð að hann hafði tekið þessa frábæru vítaspyrnu.

Í seinni hálfleik var allt annað að sjá United. Liðið spilaði mun betur og átti nokkur færi sem hefðu getað klárað leikinn. En allt kom fyrir ekki og var seinni hálfleikurinn markalaus þrátt fyrir að hafa verið mun skemmtilegri en sá fyrri. Þar sem klukkan er orðinn nokkuð margt hérna hjá mér hérna í Danaveldi, þá ætla ég koma með nokkra umræðupunkta og segja þetta gott.

Nani og Valencia
Mér þótti vængmennirnir okkar bara eiga fínan leik í dag. Valencia búinn að taka sig á í síðustu leikjum og byrjaður að nálgast sitt fyrra form þó enn vanti þónokkuð upp á. Hann virkar enn alveg dauðhrættur við að taka menn á. Það verður að segja að það sé mjög líklegt að Nani yfirgefi liðið í sumar. Suma daga er hann alveg frábær og stórhættulegur fyrir andstæðinga United og svo aðra nær hann að vera mest pirrandi leikmaður í heimi og klúðra öllu sem fyrir honum er lagt. Sem betur fer átti hann góðan dag fyrir liðið en ég verð að játa að ég er ekki viss um hversu mikið ég mun sakna hans ef hann fer.

Phil Dowd
Í alvörunni, hvað var í gangi hjá Phil Dowd í dag? Fékk hann ekki að vera með í partýinu síðasta mánudag? Nú er ég ekkert að kenna honum um niðurstöðu leiksins en þetta var afskaplega furðuleg frammistaða í dag. Í byrjun leiks fengu leikmenn Arsenal að spila hart og brjóta að vild án þess að Dowd sæi neitt athugavert við það, en á sama tíma ákvað hann að gefa United leikmönnum gult spjald fyrir hvert einasta brot. Á þrettán mínútna kafla voru fjórir United leikmenn komnir með gult spjald og eftir 94 mínútur var Dowd búinn að gefa leikmönnum átta gul spjöld, fimm á United og þrjú á Arsenal. Getur einhver útskýrt fyrir mér hvað í ósköpunum Valencia gerði af sér til að verðskulda gula spjaldið í seinni hálfleik?

Stigametið
Til þess að ná að slá stigamet Chelsea, sem var 95 stig, þurfti United að vinna alla leikina til loka leiktíðarinnar. Þetta jafntefli eyðilagði þann draum fyrir okkur. United er með 85 stig eftir jafnteflið í dag þegar þrír leikir eru eftir og getur því mest náð 94 stigum, sem er nú stórglæsileg tala. En til þess að ná henni þarf liðið að sigra Chelsea, Swansea og West Brom.

Miðjan
Ferguson heldur áfram að leika sér að prófa mismunandi leikmenn við hliðina á Carrick á miðjunni. Í síðustu leikjum hefur hann sérstaklega haft gaman af því að hafa annaðhvort Jones eða Giggs með honum á meðan Anderson og Cleverley sitja á bekknum og bora í nefið. Cleverley höfum við ekki séð síðan 1.apríl í 1-0 tapleiknum gegn Chelsea og síðast sáum við Anderson þrítugasta mars gegn Sunderland. Anderson fékk nokkrar mínútur í seinni hálfleik í dag og var allt annað sjá liðið þegar hann kom inn. Mun betra spil, héldum boltanum betur og sendingin á Evra var stórkostleg. Jones verður frábær varnamaður en ég hef mínar efasemdir um hvort það sé rétt að vera spila honum á miðjunni þegar hann er búinn að standa sig vel í vörninni og liðið er nú þegar með tvo fína miðjumenn á bekknum.

Maður leiksins

Eins og venjan er þá þarf maður að velja besta mann leiksins. Sem betur fer er það auðvelt val í dag! Hann hefur leikið í þáttum eins og Cold Feet, Jekyll og The Passion og sjáum við hann næst í trílogíunni um hobbitann. Þetta er enginn annar en James Nesbitt sem fyrir frábæra frammistöðu á áhorfendapöllunum

Ó, viljið þið kannski að ég velji einhvern í United liðinu? Þá vandast málin því satt að segja fannst mér enginn bera höfuð og herðar yfir rest. Ég ætla því einfaldlega að velja Ferdinand og ég leyfi ykkur að díbeita það hvort þið séuð sammála eða ekki :)

Nokkur vel valin tíst

Bónus

Þessi mynd af Phil Jones og Bacary Sagna er ansi mögnuð

Enska úrvalsdeildin

Liðið gegn Arsenal

skrifaði þann | Engin ummæli

Byrjunarliðið er komið og það lítur svona út:

De Gea

Rafael Ferdinand Evans Evra

Carrick Jones

Valencia Rooney Nani

van Persie

Bekkur: Lindegaard, Büttner, Anderson, Cleverley, Giggs, Kagawa, Hernandez.

Jones á miðjunni á meðan Cleverley og Anderson sitja á bekknum. Þetta er orðið virkilega furðulegt. En þetta er fínt lið og ætti að vera góð skemmtun.

Ekki góðar fréttir af Welbeck og Vidic ef marka má tístið hér fyrir neðan. Vonandi að þetta sé ekki alvarlegt.

Arsenal

Byrjunarlið: Szczesny, Sagna, Mertesacker, Koscielny, Gibbs, Arteta, Ramsey, Rosicky, Cazorla, Walcott, Podolski

Bekkur: Mannone, Vermaelen, Jenkinson, Monreal, Wilshere, Oxlade-Chamberlain, Gervinho

Muna svo að nota #Djöflarnir á Twitter ef menn eru að tjá sig um leikinn.

Enska úrvalsdeildin

United heimsækir Arsenal

skrifaði þann | 9 ummæli

Eitt sinn sagði góður vinur minn, „Ég er ekki hrifinn af pólítík, ég vil einungis komast lífs af“. Sú setning kemur þessari upphitun ekki nokkurn skapaðan hlut við, fyrir utan það að ég vona að hún lífgi aðeins upp á lífið og tilveruna hjá lesendum Rauðu Djöflanna á þessum kosningadegi. Er ég sit hér fyrir framan tölvuna klukkan hálf tvö að nóttu til og skrifa þessa upphitun, þá átta ég mig á því að vinur minn sagði ansi margt sem á mjög vel við þennan stórleik sem við fáum að upplifa á morgun. Ég ætla því að nýta tækifærið og samtvinna þessa upphitun við marga gullmola sem hann hefur látið frá sér í gegnum tíðina. Til að forðast óþægilegar samræður í framtíðinni verður þessi vinur minn kallaður Benjamín eða hinn spaki maður í þessari grein. Kæru lesendur, It’s Showtime!

Á morgun heimsækir United Emirates leikvöllinn í London þar sem þeir mæta Wenger og leikmönnum hans í Arsenal. Í fjöldamörg ár var herra Robin Van Persie búinn að vera aðalmaður liðsins og kallað hann til stuðningsmanna eftir hvert mark „Hver elskar ykkur og hvern elskið þið?“ en eins og gerist fyrir bestu menn þá fékk kappinn nóg af titlaleysi Arsenal og ákvað að yfirgefa London. Er hann talaði um að litli strákurinn í honum hafi viljað United, þá hafa eflaust margir Arsenal stuðningsmenn hugsað með sér að þessi meiðslapjési myndi pottþétt enda á sjúkrabörunum í Manchester og að hann myndi einungis sjást aftur í endursýningu. En eins og Benjamín sagði við óvin sinn einu sinni: „Ég tek ekki við óskum“, sem er nákvæmlega upp á teningnum núna er hann kemur aftur á Emirates sem markahæsti leikmaður deildarinnar og nýbúinn að tryggja nýja liðinu sínu tuttugasta deildartitilinn. Til að gefa stuðningsmönnum United enn meiri standpínu þá neitaði Persie samningstilboði frá City sem ég tengi alltaf við orð spaka mannsins er hann fékk slæman samning í hendurnar: „Ég myndi óska að sjá þig borða þennan samning, en ég vona að þú skiljir eftir örlítið pláss fyrir hnefa minn því hann mun fylgja með og kitla á þér mænuna“. Svolítið gróft hjá spaka manninum en kom skilaboðunum til skila og gladdi aðstandendur umtalsvert.

Heimavöllur Arsenal er hinn stórglæsilegi Emirates völlur sem rúmar rétt yfir sextíu þúsund manns og skemmtilegt að segja frá því að áhorfendametið var sett árið 2007 þegar United kom í heimsókn. Þrátt fyrir að veðurspáin spái 10° hita og rigningu þá býst ég við ansi miklum kulda á milli leikmanna liðanna. Sem maður getur nú skilið að vissu leyti fyrir hönd vesalings Arsenal stuðningsmanna. En þá er um að gera að hugsa til spaka mannsins er hann sigraðist á nýstingskulda eitt skiptið og sagði: „Hér er ykkar nýstingskuldi, nú aðeins kuldi“. Þessi orð hafa fylgt mér í mörg herrans ár enda ristir það alldjúpt í lífssálina.

Arsenal hafa ekki unnið titil í ansi langan tíma, eða eins og þessi stórskemmtilega heimasíða sýnir okkur, þá eru orðin sjö ár og ellefu mánuðir síðan þeir unnu FA bikarinn. Mig dreymdi eitt skipti draum sem útskýrir vandamál Arsenal manna nokkuð vel og hina óþægilegu stöðu sem Van Persie var staddur í. Þar birtist hinn spaki maður og sagði: „Það eina sem ég hef séð er hópur af mönnum með lág enni sem halda að þeir geti breytt heiminum með draumum og tali. Ég skal segja þér nokkuð, ef þú ert ekki tilbúinn til að taka af skarið þá skaltu einfaldlega láta mig vera og þegja“. Mikill sannleikur í þessum orðum og ætti að gera ákvörðun Van Persie skiljanlegri fyrir flesta.

Satt að segja býst ég við, þegar leikmennirnir stíga inn á völlinn, að sjá United liðið kalla til Arsenal: „Sælar elskurnar, annað okkar er í miklum vandræðum“. Af hverju spyrjið þið. Því United hefur efni á slíkum orðum því í síðustu tíu viðureignum liðanna þá hefur United unnið átta leiki, gert eitt jafntefli og tapað einum. Hin fínasta tölfræði þar á ferð. Bæði lið eru svo á ágætis siglingu þessa dagna, Arsenal hefur unnið fimm af síðustu sex leikjum sínum (+ eitt jafntefli) á meðan United hefur unnið fjóra, tapað einum og gert eitt jafntefli. Annars þá hafa nú leikir á milli þessara tveggja liða oftast verið stórskemmtilegir og á ég ekki von á það breytist á morgun. Þetta ‘Guard of honor’ rugl, sem Arsenal þarf að ganga í gegnum á morgun, ætti að hleypa smá drama inn í leikinn sem oft er ávísun á góða skemmtun fyrir áhorfendur.

Meiðsli/Veikindi/Leikbönn

Hjá United….

  • N Vidic (Smámeiðsli) => Tilbúinn: 28 apríl
  • C Smalling (Smámeiðsli) => Tilbúinn: 28 apríl
  • A Young (Ökkli/Fótur) => Tilbúinn: Óvitað
  • P Scholes (Hné) => Tilbúinn: Óvitað
  • D. Fletcher (Sáraristilbólga) => Tilbúinn: Óvitað

Hjá Arsenal….

  • Arteta (Ökkli/Fótur) => Tilbúinn: 28 apríl
  • Miyaichi (Ökkli/Fótur) => Tilbúinn: 14 maí
  • Fabianski (Rifbein) => Tilbúinn: Óvitað
  • Diaby (Hné) => Tilbúinn: Óvitað
Lykilmaður Arsenal

Santi Cazorla. Verður ekki sagt annað en Wenger hafi gert snilldarkaup er hann náði í Santi Cazorla frá Málaga. Cazorla hefur núna spilað 34 deildarleiki og í þeim hefur hann skorað tólf mörk og gefið sjö stoðsendingar. Hann er markahæsti leikmaður Arsenal og skoraði meðal annars eina mark Arsenal í síðustu viðureign liðanna á Old Trafford. Ekki slæmt hjá leikmanni að spila sitt fyrsta tímabil á Englandi. United þarf því að hafa góðar gætur á spænska miðjumanninum á morgun.

Líkleg byrjunarlið

Ég er nokkuð viss um að liðsuppstillingin verði eitthvað í líkingu við þetta í byrjun útsendingarinnar:

En svo þegar leikurinn hefst þá á ég von á að liðinu verði stillt upp svona:

De Gea

Rafael Jones Vidic Evra

Cleverley Carrick

Valencia Rooney Kagawa

Van Persie

Að lokum

Hef grun um að margir muni telja mig snargeðveikan eftir þessa upphitun. Vil bara taka það fram að ég er fullkomlega heill á geði… held ég…