Rauðu djöflarnir

Enska úrvalsdeildin

West Ham 2:2 Manchester United

skrifaði þann | 16 ummæli

Jæja, þetta var ansi dapurt. Ferguson stillti upp þessu liði í kvöld:

De Gea

Rafael Rio Vidic Evra

Valencia Carrick Jones Kagawa

van Persie Rooney

Bekkur: Amos, Evans, Giggs, Cleverley, Nani, Welbeck og Hernandez

Það er óhætt að segja að þetta byrjunarlið hafi engan vegin staðið sig í dag. Frá fyrstu mínútu voru okkar menn á hælunum og komst liðið aldrei í takt við leikinn. Það er eitthvað mikið að þegar lið eins og West Ham, þar sem leikstíll liðsins gengur beinlínis út á að forðast það að stjórna leiknum, hefur tögl og haldir nánast allan leikinn. United-liðið var á afturfótunum frá byrjunum og var stálheppið að fá ekki á sig mark á fyrstu mínútum leiksins þegar Andy Carroll komst í gott færi. Skömmu síðar komust West Ham menn þó yfir. Matt Jarvis komst inn í teig og plataði Rio Ferdinand upp úr skónum með afskaplega einfaldri gabbhreyfingu, kom boltanum fyrir og einhvernveginn tókst Vaz Te að hnoða boltanum inn. 1-0 fyrir West Ham.

Ekki batnaði leikur okkar manna við þetta en nánast eina sókn liðsins í leiknum þar sem liðið náði að vinna saman að einhverju ráði bar ávöxt. Van Persie og Kagawa unnu vel saman á vinstri kantinum sem endaði með því að Kagawa komst upp að endamörkum, renndi boltanum fyrir framan markið þar sem Antonio Valencia var mættur og passaði sig að hafa öryggið á oddinum með því að pota boltanum í autt markið. 1-1 og þannig var staðan í hálfleik. Hans fyrsta mark í vetur, merkilegt nokk.

Menn hafa ekki hlustað mikið á Ferguson í hálfleik því í seinni hálfleik buðu menn upp á það sama. Það var augljóst að leikskipulagið og liðsvalið var ekki að virka. Rooney átti afskaplega dapran dag og Phil Jones virtist ekki hafa mikla hugmynd um hvað hann ætti að gera á miðjunni. Rooney kórónaði frammistöðu sína þegar Diame plataði hann gjörsamlega upp úr skónum í seinna marki West Ham með álíka einfaldri gabbhreyfingu og Rio hafði fallið fyrir í fyrri hálfleik. Markið hans Diame var þó nokkuð laglegt því hann sneri sér frá Rooney og sneri boltann í fjærhornið. 2-1 fyrir West Ham og hausinn á Sam Allardyce alveg við það að springa.

Ferguson hafði samt ekki mikinn áhuga á því að breyta til þrátt fyrir að liðið væri að spila illa. Kannski var það sú staðreynd að leikmenn United sköpuðu sér nokkur ágætis færi en Jussi var í hörkuformi í markinu. Engu að síður var liðið að spila hörmulega og full þörf á breytingum. Rooney fór útaf fyrir Giggs og við það braggaðist leikurinn örlítið, ekki mikið en smá. Kannski var það bara sú staðreynd að menn áttuðu sig á því að þeir þyrftu að skora. Okkar mönnum tókst að jafna leikinn þrátt fyrir að eiga ekkert skilið úr þessum leik. Kagawa gerði vel fyrir framan teiginn og átti bylmingsskot í báðar stengurnar, þaðan barst boltinn til Robin van Persie, sem var rangstæður en ekkert dæmt og afgreiddi hann boltann snyrtilega í netið og staðan orðin 2-2.

Síðustu mínúturnar sótti United en sóknirnar fóru yfirleitt í vaskinn og lokaniðurstaða var fullkomlega óverðskuldað jafntefli. City vann sinn leik en það ætti ekki að koma sök. Við þurfum aðeins að sigra tvo leiki af þeim 5 sem eftir eru. Það ætti nú að vera gerlegt og rúmlega það.

Þetta var afskaplega dapurt og eiginlega ótrúlegt að Ferguson hafi ekki séð að þetta væri ekki að virka. Hernandez kom inná síðustu 10 mínútunar en ef það er ekki hægt að nota hann meira en þetta í svona leik þá skil ég það afskaplega vel ef hann er ósáttur hjá liðinu. Okkar menn virtust bara vera með hugan við eitthvað annað og voru eiginlega allir arfaslakir í dag. De Gea stóð sig reyndar ágætlega þrátt fyrir ýmsar árásir frá Andy Carroll en sá sem var minnst lélegastur í kvöld var Shinji Kagawa. Hann reyndi í hvert sinn sem hann fékk boltann þó það hafi ekki mikið gengið upp. Hann lagði upp bæði mörkin og fyrir það fær hann nafnbótina maður leiksins.

Næsti leikur er gegn Aston Villa á Old Trafford og þar getum við tekið eitt af þeim tveimur skrefum sem þarf að taka til að gulltryggja titil nr. 20.

Endum þetta á nokkrum tístum:

https://twitter.com/DoronSalomon/status/324628383319330819

https://twitter.com/DoronSalomon/status/324628732893593600

Enska úrvalsdeildin

Liðið gegn West Ham

skrifaði þann | 3 ummæli

Liðin eru komin og þau eru eftirfarandi

Manchester United:

De Gea

Rafael Rio Vidic Evra

Valencia Carrick Jones Kagawa

van Persie Rooney

Bekkur: Amos, Evans, Giggs, Cleverley, Nani, Welbeck og Hernandez

Lítur út fyrir að Jones verði á miðjunni í kvöld og ætli Kagawa verði þá ekki á kantinum miðað við þetta. Nema Rooney dragi sig til vinsti og Kagawa verði í holunni.

Stóri Sam stillir upp eftirfarandi liði:

Jaasskelainen

Demel Collins Reid O’Brien

Jarvis Nolan Diame O’Neil

Vaz Te Carrol

Allardyce er búin að lofa rafmögnuðu andrúmslofti á Upton Park og nú gildir það bara eitt að stíga skrefi nær meistaratitlinum. Leikurinn hefst 18.45.

Muna svo að nota #Djöflarnir á Twitter ef menn eru að tjá sig um leikinn.

Enska úrvalsdeildin

West Ham á Boleyn Ground

skrifaði þann | 7 ummæli

Það eru sex leikir eftir af tímabilinu hjá okkar mönnum og á morgun fer fer einn af þeim leikjum fram. Liðið skellir sér í heimsókn til London til að spila við West Ham. Menn geta talað eins illa um Sam Allardyce og hans leikstíl og vilja en það er alveg morgunljóst að hans aðferðir skila liðum alltaf um miðja deild. Engin fallbarátta og engin hætta á þeim vonbrigðum að missa af titlum. Menn vita hvað menn fá. Það þarf því ekki að koma á óvart að West Ham situr í 12. sæti og ætti að vera öruggt um að falla ekki nema neðstu liðin framkvæmi einhverskonar kraftaverk.

Við kunnum ágætlega við að spila við West Ham og höfum unnið síðustu átta viðureignir gegn þeim og West Ham hefur ekki unnið leik gegn United síðan árið 2007. Það sem meira er kunnum við ágætlega við að spila gegn Sam Allardyce en hann hefur aðeins unnið okkar menn tvisvar í sínum 17 leikjum gegn kunningja sínum og vini, Sir Alex. Við könnumst þó ágætlega við þetta West Ham lið því að við höfum spilað við þá þrívegis á tímabilinu, einu sinni í deild og tvisvar í bikar. Bikarleikarnir voru nokkuð strembnir enda alltaf erfitt að spila við liðin hans Stóra Sam.

Ég hef ekki fylgst mikið með fótbolta síðustu þrjá mánuðina hafandi verið fjarverandi en mér skilst að liðið okkar hafi ekki verið að spila blússandi vel að undanförnu en þó þurfum við aðeins sjö stig úr síðustu sex leikjunum til þess að tryggja okkur meistaratitil nr. 20. Ótrúlegt. Það sem meira er erum við í ágætis séns á að slá tvö met sem Chelsea-liðið 2005/2006 setti og virtust nánast ósláanleg. Hið fyrra er flestir leikir unnir á tímabili (29). Við höfum unnið 26 leiki á tímabilinu og þurfum því aðeins fjóra sigra í viðbót til að slá metið. Næsta met er auðvitað stigametið en það stendur í 95 stigum. Við erum með 80 stig og það eru sex leikir eftir. Glöggir menn geta reiknað út hversu mikið er eftir í pottinum en fyrir þá óglöggu eru það 18 stig. Hinir glöggu hafa væntanlega reiknað út hvað 80+18 og hafa því séð að við erum í bullandi séns á að bæta stigametið. Það sem það er ekki mikið eftir sem hægt er að keppa að á tímabilinu hljóta reiknimeistarar á ‘AON Training Complex’ að hafa komist að sömu niðurstöðu og við og þetta verði því markmiðið út tímabilið. 6 leikir. 18 stig. 6 sigrar. 98. stig. Met. Enn ein rósin í hnappagat Sir Alex.

Ég verð að játa það að ég er svolítið að giska út í loftið með þetta lið. Segjum að það verði svona:

De Gea

Rafael Jones Vidic Evra

Rooney Carrick Kagawa Giggs

van Persie Hernandez

Mér finnst líklegt að van Persie og Rooney byrji frammi því að Rooney kann einstaklega vel við sig gegn West Ham.  Ég vil samt sjá Litlu Baunina fá að spila núna út tímabilið, hann á skilið að fá fleiri leiki og núna er gullið tækifæri til þess.

West Ham menn eru duglegir að að skora á heimavelli og því fer þessi leikur 1-2.  Jones og Carrick halda áfram uppteknum hætti og skora mörkin.

Leikurinn hefst kl. 18.45 og er í beinni á Stöð 2 Sport.  Á sama tíma spilar City á heimavelli gegn Wigan. Ég vil minna menn á að nú er sá tími árs  sem Wigan fer í gang til þess að næla sér í 17. sætið og því allt eins líklegt að liðið stríði City. Ef svo fer að Wigan vinni City og við West Ham þurfum við aðeins eitt stig úr næstu 5 leikjum.  Húrra fyrir því.

Enska úrvalsdeildin

Stoke City 0:2 Manchester United

skrifaði þann | 17 ummæli

United byrjaði með sókndjarft lið og var augljóst að það átti að skora mörk. Enda algjörlega nauðsynlegt að klára þennan leik örugglega og ná aftur 15 stiga forystu (í bili að minnsta kosti.)

 Ekki tók nema rétt rúmar 3 mínútur að skora, Michael Carrick gerði það uppúr hornspyrnu, ekki fallegasta markið sem við höfum skorað en það telur. Þeir hafa nú skorað flest mörkin í deildinni úr hornum strákarnir okkar, eitthvað sem virtist ómögulegt þegar hornamennirnar okkar voru Giggs og Nani. Stoke fór aðeins að verða meira áberandi þegar leið á hálfleikinn án þess þó að fá einhver færi en hefðu alveg mátt fá gul eftir tvö brot á United í sömu sókninni. Staðan í hálfleik 0-1 fyrir Man Utd.

Í seinni hálfleik byrjuðu United af krafti en illa gekk að búa til færi gegn skemmtilegu liði Stoke. Heimamenn voru mjög fastir fyrir í dag og nánast óskiljanlegt að þeir fengu bara eitt gult spjald allan leikinn. Það var svo á 67.mínútu þegar Wilkinson braut mjög viljandi á van Persie inní teig og vítaspyrna var réttilega dæmd. Van Persie steig sjálfur upp og skoraði af miklu öryggi. Markið var greinilega mikill léttir því hann hljóp beint til Ferguson og faðmaði kallinn. Það var svo á 86.mínútu að Stoke menn fengu fyrsta og eina gula spjaldið sitt í leiknum, hefðu auðveldlega getað verið búnir fá fleiri. De Gea varði svo meistaralega eins og honum einum er lagið eina færi Stoke í leiknum.

https://twitter.com/Tr16ia/status/323445317389402115

Van Persie um fagnið: „I wanted to celebrate with the players and the staff because they have been there for me.“

2-0 sigur gegn Stoke á útivelli staðreynd og mjög sanngjörn úrslit.

Næstu leikir eru gegn West Ham úti og Aston Villa heima. Með sigri í dag er ljóst að við þurfum í mesta lagi 7 stig úr síðustu 6 leikjunum gegn því að City vinni alla sína.

Maður leiksins í dag er Phil Jones, aðallega fyrir að vera hörkunagli og gefa ekkert eftir í samskiptum við leikmenn Stoke.

https://twitter.com/AFC_Ell/status/323445963253493760

 

Enska úrvalsdeildin

Liðið gegn Stoke

skrifaði þann | 3 ummæli

De Gea

Jones Ferdinand Vidic Evra

Valencia Carrick Rooney Kagawa

van Persie Hernandez

Bekkur: Lindegaard, Evans, Giggs, Smalling, Welbeck, Cleverley, Büttner

Stoke: Begovic; Cameron, Shawcross, Huth, Wilkinson; Shotton, Whelan, Nzonzi, Adam, Walters, Jones
Michael Owen er á bekknum.