Rauðu djöflarnir

Enska úrvalsdeildin

Manchester City á Old Trafford

skrifaði þann | 10 ummæli

Komið þið sæl og blessuð og verið öll hjartanlega velkomin í þessa splúnkunýju útgáfu af „Spáum í spilin“, þar sem tvö lið eru tekin fyrir og greind í frumeindir. Eins og alltaf þá er enginn er óhultur fyrir miskunnarlausri gagnrýni í okkar þætti og þrátt fyrir þráláta orðróma um hið gagnstæða þá tek ég ekki við neinum mútuboðum! Ég heiti Elvar, kalla mig „ellioman“ á veraldarvefnum og verð með ykkur næstu 5-10 mínúturnar eða þann tíma sem tekur ykkur að lesa öll orðin þar til þið sjáið „Skrifa ummæli“. Sem ég mæli eindregið með að þið gerið!

Í þættinum í dag ætlum við að taka fyrir sannkallaðan stórleik í ensku deildinni en það er nágrannaslagurinn á milli Manchester United og hávaðasömu nágrannanna í Manchester City. Það verður breytt út af vananum í dag og verður þátturinn þannig að fyrst verður skoðað hvort lið fyrir sig og svo verður sjálfur leikurinn annað kvöld tekinn fyrir. Við skulum byrja á að fræða ykkur aðeins um Manchester City. Ekki fara langt því fjörið hefst hér eftir stuttar auglýsingar….

…

Manchester City

Velkomin aftur í „Spáum í spilin“. Englandsmeistararnir í Manchester City koma aftur í heimsókn á Old Trafford, í fyrsta skipti síðan 23. október 2011 eða þegar United var niðurlægt með hrikalegu 1-6 tapi. Þetta þrjátíu og fimm þúsund milljarða biljarða geimdollara lið hefur ekki gengið sem skyldi á þessu tímabili. Þrjátíu leikir spilaðir, átján sigrar, átta jafntefli, fjögur töp, 55 mörk skoruð og 26 fengin á sig (+29). Ef við einföldum þetta fyrir hlustendur þáttarins; City hefur tapað stigum í tólf af þrjátíu deildarleikjum sínum eða 40% af öllum deildarleikjum sínum! Á sama tíma hefur United einungis tapað stigum í fimm deildarleikjum af þrjátíu eða 16,67%. Þarna, kæru hlustendur, kristallast ástæðan fyrir því að United leiðir deildina með fimmtán stigum sem á morgun getur orðið allt að átján stigum.

Í síðustu sex leikjum hefur City unnið þrjá, gert eitt jafntefli og tapað tvisvar. Ég get sagt ykkur góðir hlustendur, að eftir að hafa rætt við nokkra hlustendur þá eru litlar vonir á meðal leikmanna og stuðningsmanna City um Englandsmeistaratitil þetta árið. Í staðinn binda þeir vonir við FA bikarinn þar sem þeir mæta í næsta leik á eftir United, eða sex dögum síðar. En ég fullyrði að það mun ekki breyta nokkuð sköpuðum hlut því þeir munu mæta á Old Trafford alveg snarbrjálaðir, sem er eðlilegt þar sem við erum nú að tala um „derby“ slag á milli tveggja af bestu liðum Englands.

Vincent Kompany á það til að búa til einhver furðuleg verðlaun þegar City á ekki möguleika að vinna einhvern eðlilegan. Í fyrra sagði hann City vera ‘Moral Winners’ eftir tapleik gegn United í FA Bikarnum. Svo í þessari viku ræddi hann við fréttamenn í vikunni og reyndi að hvetja sína menn með því að tala um að vera „Champions of Manchester“, hvað svo sem það á að þýða. Þýðir það blár plastfáni í verðlaun ef þeir vinna á morgun?

Eníweis…. Kíkjum aðeins á ólukkutöfluna hjá City.

Meiðsli/Veikindi/Leikbönn:
  • D. Silva (smámeiðsli) => Tilbúinn: 8th Apr
  • S. Nasri (ökkli/fótur) => Tilbúinn: 8th Apr
  • M. Nastasić (ökkli/fótur) => Tilbúinn: 8th Apr
  • J. Rodwell (læri) => Tilbúinn: 8th Apr
  • M. Richards (hné) => Tilbúinn: 14th Apr
  • Maicon (hné) => Tilbúinn: ekki gefið

Samkvæmt töflunni ættu fjórir leikmenn að verða orðnir tilbúnir á morgun og munar nú ekki um minna þegar einn af þeim er David Silva. Michael Richards og Maicon hinsvegar eiga engan sjens á að ná þessum leik. Lítur semsagt nokkuð vel út hjá City en hvern ættu United helst að hræðast á morgun?

Lykilmaður Manchester City




Fyrir mig er þetta mjög einfalt val, eins skrítið og það hljómar með þennan leikmannahóp sem City ræður yfir. Eins mikið og þessi maður fer í taugarnar á mér í hvert skipti sem ég sé hann spila, þá á sama tíma get ég ekki annað en dáðst að honum. Yaya Toure er alveg óþolandi frábær fótboltamaður! Hann er ekta leikmaður sem á góðum degi getur hreinlega átt og stjórnað miðjunni á sama tíma og hann vælir yfir öllu á vellinum. Tvisvar sinnum hefur hann náð að skora gegn United: í síðasta deildarleik á Etihad sem United vann 2-3 og árið 2011 þegar mark hans náði að slá út United í fjórðungsúrslitum FA Bikarsins. Ef United nær að slökkva á honum þá á liðið góðan möguleika að sigra á morgun. Næst ætlum við að líta á rauða liðið í Manchester.

Manchester United

Fyrir United er þetta prógrammið: City(h), Stoke(a), West ham(a), Aston Villa(h), Arsenal(a), Chelsea(h), Swansea(h), WBA(a). Með öðrum orðum, eftir átta deildarleiki og fjörtíu og tvo daga er þessu tímabili lokið og sumar-leikmanna-kaup-og-sölu-geðveikin hefst.

Ég ætla að segja ykkur eitt. Ég neita að láta einhver vonbrigði í FA bikarnum og meistaradeildinni skemma eitthvað fyrir þeirri tilhlökkun sem ég hef fyrir þessum leik. Af hverju? Setjið á ykkur hlulausu gleraugun og hlustið. Liðið sem við styðjum stefnir hraðbyrði í að vinna sinn tuttugasta deildartitil, er að taka titilinn frá erkifjendunum og fær tækifæri á morgun til að gulltryggja sér titilinn og koma með smá „in your face“ á sama tíma. Svo til að bæta smá rjóma ofan á þetta, Robin Van Persie. Leikmaðurinn sem kom til United til að vinna loksins titla (eftir margra ára vonlausa baráttu hjá ónefndu stórliði), leikmaðurinn sem valdi númerið 20 því hann ætlaði að redda United tuttugasta deildartillinn (eitthvað sem mér þykir ótrúlega svalt), leikmaðurinn sem án efa hefur verið besti leikmaður United þetta tímabil, leikmaðurinn sem sagði nei við 300 þúsund punda vikulaunum hjá City, leikmaðurinn sem mætir bitrum stuðningsmönnum á Emirates með vonandi deildartilinn á bakinu (eitthvað sem þeir hafa ekki snert síðan 2004!). Hann fær loksins tækifæri að vinna titil og góður leikur á morgun tryggir þessum manni loksins alvöru titil!

Kannski er ég voðalega mikil pollýanna og einfaldur en ég hefði umhugsunarlaust sagt já við þessu síðasta sumar.

Á fréttamannafundinum sagði Ferguson:

„I was asked about only winning one trophy. I think that’s a strange question in the context of the kind of competition we have as we’re up against teams from London – Arsenal, Tottenham and Chelsea – plus Liverpool and Everton.

„There are massive challenges every year [for both Manchester clubs]. For every one of those teams, the supporters want to win one trophy. I think we can win the one that really does matter to the fans in particular.

„Yes, I’d love to win the Champions League again but I’d say that we were knocked out in circumstances everyone is still talking about. The disappointment at being knocked out by Chelsea is obvious but the league form has been fantastically consistent.“

Á þessu tímabili er United með langbestu markatöluna eða +39, búnir að skora 15 fleiri mörk en andstæðingurinn á morgun. United hefur ekki endilega verið að spila besta fótboltann í síðustu deildarleikjum en staðreyndin er samt sú að United hefur unnið síðustu 7 leiki og ekki tapað í síðustu átján leikjum! Síðasta tap United kom 17. nóvember 2012 gegn Norwich á útivelli. Á heimavelli hefur United unnið síðustu 12 leiki og kom síðasta tap 29. september 2012 gegn Tottenham. Svo í þokkabót hefur liðið ekki fengið á sig deildarmark í 627 mínútur sem hækkar vonandi í 717 á morgun.

Í öðrum fréttum þá endurtók De Gea það sem við höfum talað um síðustu 2 tímabil, ROM ræddi við nokkra QPR stuðningsmenn um Fabio, Nani sagði að vonbrigði síðasta tímabils hafi eflt þá og Ferguson hrósaði Phil Jones og De Gea og sagði að Van Persie muni skora brátt fyrir liðið og þurfi enga hvíld. Lítum aðeins á ólukkutöflu United.

Meiðsli/Veikindi/Leikbönn:
  • N. Vidic (bak) => 8th Apr
  • J. Evans (læri) => 8th Apr
  • W. Rooney (nári) => 8th Apr
  • P. Scholes (hné) => 8th Apr
  • Rafael (nári) => no return date
  • D. Fletcher (sáraristilbólga) => óvíst

Ferguson sagði á fimmtudag að Rooney og Rafael væru byrjaðir að æfa með liðinu og eru því mjög líklegir til að spila á morgun. Evans og Vidic voru ekki orðnir tilbúnir en hann vonaði að þeir myndu byrja æfa á föstudag eða laugardag og eiga því góðan sjens. Sem er einn af fáum kostum þess að spila þennan leik á mánudagskvöldi. Nú tökum við stutt auglýsingahlé og endum þetta svo með því að líta aðeins á leikinn sjálfan.

…

Leikurinn

Við skulum hafa eitt á hreinu kæru hlustendur, ég elska stórleiki og þá sérstaklega nágrannaslagi!
Ég elska…

Tölfræði
  • United hafa unnið 18, tapað einum og gert eitt jafntefli í síðustu 20 heimaleikjum.
  • United hefur haldið hreinu í 10 af síðustu 20 heimaleikjum.
  • United hefur skorað amk eitt mark í síðustu 65 heimaleikjum.
  • City hafa unnið 10, tapað fjórum og gert 6 jafntefli í síðustu 20 útileikjum.
  • City hefur haldið hreinu í 8 af síðustu 20 útileikjum.
  • City hafa skorað amk eitt mark í 14 af síðustu 20 útileikjum.
  • Hvorki United né City hafa tapað leik eftir að hafa skorað fyrsta mark leiksins.
Líkleg byrjunarlið

De Gea

Rafael Vidic Ferdinand Evra

Carrick Jones

Valencia Rooney Welbeck

Van Persie

Hart

Zabaleta Kompany Nastasic Clichy

Touré Barry

Milner Tevez Silva

Agüero

Það eru þrír stórleikir eftir af þessu tímabili: City á morgun, Arsenal 28. apríl og Chelsea 4. maí. Á morgun er hinsvegar sá mikilvægasti. Með sigri á morgun getur United aukið forskot sitt í 18 stig og þegar sjö leikir eru eftir af tímabilinu. Með sigri getur United farið upp í 80 stig og átt góðan möguleika á að ná stigameti Chelsea (95 stig). Með sigri getur United nánast gulltryggt sér tuttugasta deildartitilinn. Með sigri getur Van Persie nánast sett aðra höndina á sinn fyrsta deildartitil og klappað sjálfum sér á bakið. Með sigri getur United algjörlega þaggað niður í Mancini sem segir United ekki eiga skilið þetta forskot og að liðin sem mæti United gefist upp.

Ég segi þar af leiðandi að ég heimta að sjá United hrista af sér slenið og koma snarbrjálaða inn í þennan leik. Enda þetta tímabil með stæl! Taka titilinn plús stigametið! Og fyrsta skrefið?

Manchester fokking City!

Enda þennan þátt með flottu upphitunarvídeói af Manutd.com og kveð ykkur að þessu sinni. Sjáumst á morgun góðir hlustendur og munið að skrifa ykkar skoðun hér fyrir neðan.

Leikmaður mánaðarins

Leikmaður marsmánaðar?

skrifaði þann | 4 ummæli

Sem stuðningsmaður Manchester United er maður stundum alltof góðu vanur. Þegar hugsað er til mars mánaðar erum við flest öll sammála því að það var síður en svo góður mánuður fyrir okkar menn. Liðið vann þó alla þrjá leiki sína í ensku deildinni (reyndar allt „skyldusigrar“) en það sem situr mest í manni er grátlegt tap gegn Real Madrid í Meistaradeildinni. Svo var það jafnteflið gegn Chelsea á Old Trafford í bikarnum, leikur sem maður var kannski ekki alltof ósáttur með á þeim tíma (örugglega útaf sjokkinu sem kom í kjölfarið á leiknum gegn Real) en átti svo eftir að reynast liðinu ansi dýrkeyptur.

Það kemur hinsvegar dagur eftir þennan dag, og í dag kjósum við besta leikmann United í mars.

Leikir United:

Kosning:

[poll id="6"]

Enska bikarkeppnin

Chelsea 1:0 Manchester United

skrifaði þann | 11 ummæli

Liðinu var aðeins öðruvísi stillt upp en í fyrstu fréttum,

De Gea

Valencia Smalling Ferdinand Evra

Nani Jones Carrick Cleverley

Hernandez

Welbeck

Leikurinn byrjaði nokkuð skemmtilega, liðin sóttu á víxl, án þess að skapa neitt mikið, aðallega af því að of mikið var af feilsendingum. Valencia kom vel fram úr bakverðinum en Nani var afskaplega mistækur. Welbeck vann út um allan völl og átti t.a.m. gott hlaup upp völlinn um miðjan hálfleikinn (reyndar hjálpaði að Cole tognaði við að elta hann) en Nani fékk síðan boltann og klúðraði sendingu.

Eftir því sem leið á hálfleikinn voru United síðan enn frekar með boltann, Welbeck lykilmaður í sóknum, og Phil Jones sterkur á miðjunni. en síðan var okkur mislagðir fætur þegar kom upp að teig. Fyrsta alvöur markvarslan kom þó frá David de Gea, Demba Ba átti lokahnykkinn í sókn Chelsea, sem de Gea varði vel. Þetta kveikti aðeins í Chelsea og þeir áttu mun ferskari mínutur eftir það. Hazard var bestur þeirra, vinnusamur og flínkur. Þeir sköpuðu samt ekki opin færi að ráði. Skemmtilegasta færið átti Hernandez eftir að de Gea hafði hirt háan bolta í teignum, og sparkað beint fram á Hernandez, hann freistaði gæfunnar af 30 metra færi. Cech misreiknaði skotið all verulega og rétt náði að slæma fæti í boltann.

Það voru síðan ekki liðnar fjórar mínútur af seinni hálfleik þegar Chelsea tók forystuna. Mata vippaði boltanum inn á teiginn þar sem Ba hafði stungið sé milli Ferdinand og Smalling, komst á undan Rio og skoraði með glæsilegu skoti sem de Gea átti ekki séns í.
United náði lítið að breyta leiknum næstu mínútur fyrr en á þeirri sextugustu þegar fyrirgjöf Welbeck kom beint fyrir Hernandez sem átti frábæran skalla sem Cech varði jafn frábærlega. Mjög súrt. Þá loksins kom breytingin, Robin van Persie kom inná fyrir Cleverley.

De Gea þurfti að verja vel í horn frá Mata skömmu síðar, sem reyndar hvorki dómari né aðstoðardómari tóku eftir, héldu að bolti hefði farið í stöng. Gaman að því. Hazard átti að bæta við þegar hann stakk sér inná milli varnarmanna, skaut fram hjá og United var farið að gefa verulega eftir. Skipting Giggs fyrir Nani hafði lítil áhrif þó að Nani hefði verið arfaslakur. Chelsea var minna með boltann en ógnuðu mun meira í hvert skipti sem þeir komu upp að markinu. United var hins vegar alveg bitlaust, og ég skil hreinlega ekki hvers vegna það átti að vera góð hugmynd að taka Welbeck útaf fyrir Ashley Young af öllum mönnum.

Besta færið kom svo á 88. mínútu, en Robin van Persie dúndraði yfir af markteig. hrikalega slakt þar.

Tvær mínútur inn í fjögurra mínútna viðbótartíma skallaði van Persie svo yfir, dæmigert fyrir hann síðustu tvo mánuðina eða svo.Dómarinn leit framhjá því að Chelsea hafði gert tvær skiptingar í viðbótartíma og flautaði leikinn af, en að skiptir so sem litlu, við hefðum þurft nokkra daga í viðbót til að skora. Frammistaðan var þolanlegí fyrri hálfleik þó að bæði lið hefðu verið frekar slök.

Í seinni hálfleik voru síðan Chelsea mun betri. United hafði ekki náð upp nógu góðu spili í fyrri hálfleiknum, en í þeim seinni var þetta enn verra. Verður þó að benda á að leikurinn réðist af tveim snilldaratvikum, frábæru marki Ba og frábærri markvörslu Cech. Stundum er það bara þannig.

En þá er bara að klára deildina. Þurfum 10 stig og ættum að geta það jafnvel þó við höfum ekki verið að brillera i bikar eða Evrópu. Og deildin er jú það sem skiptir mestu máli.

Enska bikarkeppnin

Liðið gegn Chelsea

skrifaði þann | 6 ummæli

Enginn Rafael, enda virkar víst ekki að óska sér einhvers í liðsuppstillingu og vænta þess að það rætist.

De Gea

Jones Smalling Ferdinand Evra

Valencia Cleverley Carrick Nani

Hernandez Welbeck

Varamenn: Lindegaard, Giggs, Young, Van Persie, Powell, Kagawa, Vermijl

Evans og Rooney hljóta að vera meiddir.

Annars verður að viðurkennast að þetta kemur mér á óvart. Bjóst ekki við að Valencia og Nani yrðu þarna, en eigum við ekki bara að vona að þeir spili loksins eftir getu en ekki eins og þeir hafa stundum verið að spila, og á ég þá auðvitað aðallega við Valencia.

Nú er hægt að byrja að vera spenntur!

Chelsea er með sitt sterkasta lið eins og búast mátti við, Mata er frískur (kemur á óvart…) Cech, Azpilcueta, Ivanovic, Luiz, Cole; Mikel, Ramirez, Hazard, Mata, Oscar, Ba

Enska bikarkeppnin

Bikarleikur gegn Chelsea á morgun

skrifaði þann | 8 ummæli

Ath: Evrópa færði klukkuna í nótt og leikurinn á morgun er kl. 11:30!

Mér skilst að við séum með þokkalega forystu í deildinni, en á morgun skiptir það litlu máli.

Við förum til London og mætum Chelsea í aukaleik í átta liða úrslitum bikarsins eftir að hafa verið nokkuð heppnir að halda jöfnu gegn þeim í fyrri leiknum. Bæði lið verða eitthvað breytt eða þreytt eftir leiki gærdagsins. United fór eins og við vitum þokkalega auðveldlega í gegnum leik móti Sunderland en Chelsea tapaði fyrir Southampton á útivelli.

Benítez hvíldi eitthvað af leikmönnum, og þurfti svo að kasta þeim inn á til að reyna að vinna leikinn, en það virðist sem hann meti það meira að vinna bikara fyrir sjálfan sig en að koma Chelsea í Meistaradeildina. Við kvörtum ekkert ef hið síðarnefnda mistekst, en þurfum að sjá um að hið fyrra takist ekki, a.m.k. hvað varðar enska bikarinn.

Byrjum á okkar liði. Það hlýtur að hafa verið áhyggjuefni eftir fyrri leikinn hversu auðveldlega Chelsea tókst með skiptingum að breyta þeim leik í sér í hag. Carrick og Cleverley á miðjunni eru einfaldlega ekki hörðustu miðjumenn sem vitað er um. Og þess vegna ætla ég að spá einni breytingu frá liðinu í fyrri leiknum, og segja að Phil Jones spili þennan leik ef hann er heill.

De Gea

Rafael Ferdinand Evans Evra

Nani Carrick Jones Kagawa

Rooney Hernandez

Þarna er ég að vona að það sé allt í lagi með Rafael, og miðað við hvernig Kagawa er að spila þá er hann líklegri en Welbeck. Þetta telja heilar 7 breytingar frá leiknum í gær og sýnir sem fyrr breiddina í hópnum

Af Chelsea liðinu sem byrjaði gegn okkur voru Luiz, Cole, Ramirez og Ba á bekknum í gær. Hazard líka og miðað við frammistöðuna í seinni hálfleik gegn okkur er hann klárlega að fara að byrja. Hann var svo sá eini af þessum fimm sem kom inn á. Búumst því við a.m.k. fjórum breytingum hjá Chelsea, ekki svo viss að Ramirez sé að fara að byrja.

Þetta ætti að gefa okkur forskot, en ég er hræddur fyrir þennan leik. Þegar kemur að síðustu mánuðum leiktíðarinnar koma stóru leikirnir… og ef við vinnum næstu þrjá leiki gæti þetta orðið eitt besta tímabilið okkar. En þriðji leikurinn verður þá og því aðeins alvöru að við vinnum á morgun. Og það er sama hvað okkur hefur gengið vel í vetur, það er alltaf smá púki á öxlinni sem er að reyna að segja mér hvað þetta sé allt ósannfærandi. Eigum við ekki bara að spá að þetta ráðist í vítakeppni?

p.s. Chelsea var fjórum stigum á eftir okkur þegar Di Matteo var rekinn. Núna er munurinn 22 stig. Ef þú getur hugsað um þetta án þess að hlæja þá ertu líklega Chelsea stuðningsmaður. Gaman að sjá þig!