Rauðu djöflarnir

Enska úrvalsdeildin

Liðið gegn Norwich

skrifaði þann | 9 ummæli

Byrjunarliðin voru að detta í hús. Svona líta þau út í dag:

Manchester United

De Gea

Smalling Evans Vidic Evra

Valencia Anderson Carrick Kagawa

Rooney Van Persie

Varamenn:
Lindegaard, Rafael, Cleverley, Nani, Young, Welbeck, Chicharito

Norwich*

Bunn

R.Martin Turner Bassong Garrido

Snodgrass Howson Johnson Pilkington Hoolahan

Holt

* Neita að bera einhverja ábyrgð á því hvort leikmenn Norwich séu í réttum stöðum :)

Athugasemdir

Virkilega sterkt lið sem Ferguson teflir fram í dag. Ef til vill eru margir ósáttir að hann hvíli ekki fleiri aðalleikmenn en við verðum bara að treysta stjóranum eins og alltaf. Á sama tíma er Mourinho hinsvegar að hvíla marga leikmenn í dag fyrir leikinn gegn Barcelona.

Byrjunarlið Real gegn Barcelona er svona í dag:
Diego López, Varane, Pepe, Sergio Ramos, Coentrão, Kaká, Benzema, Essien, Modric, Callejón, Morata.

Khedira, Ronaldo, Özil, Carvalho, Arbeloa og Higuaín á bekknum og Alonso ekki í hóp. Magnað.Það er erfitt að túlka þetta öðruvísi en að Mourinho sé búinn að gefa deildina upp á bátinn og stefni á sigur gegn okkar mönnum á þriðjudag.

Enska úrvalsdeildin

Norwich á Old Trafford

skrifaði þann | 6 ummæli

Þá er komið að því gott fólk! Leikurinn sem allir eru búnir að bíða eftir! Manchester United gegn Rea…

Nei…

Öhmm…

Bíðið aðeins…

…Ahh. Afsakið. Sá leikur er víst næsta þriðjudag. Á morgun koma hinsvegar drengirnir frá Norwich í heimsókn á Old Trafford.

Sigur hér væru frábær úrslit fyrir United. Með sigri getur United aftur náð fimmtán stiga forskoti á City og tíu leikir eftir af tímabilinu. Hinsvegar verður helsti höfuðverkur Ferguson að ákveða hvaða leikmenn verða hvíldir fyrir leikinn gegn Real Madrid og hverjir munu spila. Ég get ómögulega neitað því að ég verð alltaf þónokkuð smeykur fyrir svona leiki því það er svo auðvelt fyrir leikmenn að gleyma sér, halda að þetta séu gefin þrjú stig og enda með því að hleypa City 3 stigum nær og gera deildina aftur spennandi.

Ferguson virðist vera á sömu nótum þegar hann var spurður á fréttamannafundinum. Gamli tók skýrt fram að þeir væru alls ekki horfa framhjá þessum leik:

„Tomorrow is the important one for us because Tuesday will look after itself. It’s an occasion on Tuesday whereas tomorrow is the mundane, practical situation – we need to win. It’s such an important league game for us. That’s what the concentration is on. I can assure you the players will not be thinking about Tuesday at this moment in time. All week we’ve been talking about how important Norwich is.“

Það er ekki hægt að segja annað en að Norwich sé frekar furðulegt lið, amk hvað varðar frammistöður og úrslit í deildinni. Á þessu tímabili hafa þeir sigrað United(h), Arsenal(h), Swansea(a) og Everton(h). Gert jafntefli við Tottenham (2x) og Everton(a) en svo gjörsamlega *beep* á sig í leikjum gegn Liverpool 5-0 og 2-5, Fulham 5-0(a) og Chelsea 4-1(a).

Á síðustu tuttugu árum hafa United og Norwich mæst ellefu sinnum og er ekki hægt að segja annað en að tölfræðin sé svo sannarlega United megin, eins og má sjá í töflunni hér fyrir neðan (fengin frá mufcinfo.com).

Ground P W D L F A Diff Win %
Old Trafford 5 4 1 0 8 3 +5 80.00
Carrow Road 6 4 0 2 9 5 +4 66.67
Total 11 8 1 2 17 8 9 72.73

En þrátt fyrir þessa tölfræði þá eru engir leikir gefnir í þessari deild og getur Norwich verið stórhættulegt og sigrað United ef þeir mæta sterkir til leiks, eins og sást í fyrri viðureign liðanna á tímabilinu. United hefur nú þegar tapað einu sinni gegn þeim og væri það hreinlega geggjun að tapa sex stigum gegn Norwich á þessu tímabili! Fyrir áhugasama þá tók Beautifully Red saman og bjó til GIF hreyfimyndir af öllum mörkum frá United í þessum fimm viðureignum á milli liðanna á Old Trafford.

Ég ætla að spá því að United komi ákveðnir inn í þennan leik og sigri örugglega. Draumurinn væri að skora nokkur mörk snemma og ná að skipta lykilmönnunum út í hálfleik.

Tölfræði
  • Í síðustu sex leikjum hefur United unnið alla!
  • Í síðustu sex leikjum hefur Norwich unnið einn, gert fjögur jafntefli og tapað einum
  • Í síðustu 20 heimaleikjum hefur United hefur unnið 18, gert eitt jafntefli og tapað einu sinni
  • Í síðustu 20 útileikjum hefur Norwich hefur unnið 3, gert 7 jafntefli og tapað tíu sinnum
  • Í 90% af síðustu 20 útileikjum, hefur Norwich fengið á sig mark
  • United hefur skorað á Old Trafford 63 leiki í röð
Meiðsli/Veikindi:

Van Persie er búinn að jafna sig á mjaðmarmeiðslunum sem hann varð fyrir í leiknum gegn QPR. Hann er búinn að vera æfa með liðinu og getur spilað gegn Norwich.

Phil Jones byrjaði að æfa í dag og verður þar að leiðandi ekki tilbúinn fyrir leikinn á morgun. Ferguson sagði að það væri möguleiki fyrir hann að ná leiknum gegn Real en það yrði tæpt.

Að öðru leyti eru bara Scholes og Fletcher á meiðslalista. Síðustu fréttir af Scholes voru að hann hefði farið til sérfræðings vegna meiðsla í hné og ekki vitað hvenær hann verði tilbúinn.

Lykilmaður Norwich




Sebastien Bassong er búinn að vera gríðarlega mikilvægur fyrir vörnina hjá Norwich og er þar að auki kominn með þrjú mörk í deildinni. Að auki má nefna framherjann Grant Holt sem er kominn með fimm mörk (þar á meðal eitt gegn Everton um síðustu helgi) og Snodgrass sem hefur skorað fjögur mörk og gefið fjórar stoðsendingar.

Líklegt byrjunarlið

Ég held að Ferguson muni hafa nokkuð sterkt lið á morgun og taki svo leikmenn út ef liðið nær góðri forystu. Sem betur fer fyrir okkar menn þá mætir Real mætir Barcelona í deildinni sama dag, í annað skiptið í þessari viku og vonar maður að einhver þreyta muni sitja í þeim fyrir stórleikinn næsta þriðjudag.

Eins og áður, þá er ég búinn að gefast upp á því að þykjast vita hvernig Ferguson stillir upp liðinu þannig að ég kem bara með „mitt lið“ fyrir leikinn á morgun.

De Gea

Rafael Smalling Vidic Evra

Carrick Cleverley

Nani Rooney Young

Van Persie

Helstu keppinautar…
  • Chelsea mætir West Brom á heimavelli á morgun
  • Arsenal og Tottenham mætast á sunnudag
  • Manchester City mætir Aston Villa á útivelli á mánudag
Í öðrum fréttum…

Á miðvikudaginn sigraði Chelsea Middlesborough í FA bikarkeppninni og mun mæta United í næstu umferð. Sá leikur verður spilaður 10.mars.

Ferguson telur líklegt að Rio skrifi undir nýjan samning við United.

Ryan Giggs hefur skrifað undir nýjan eins árs samning og mun því spila með United á næsta tímabili. Í tilefni þess ætla ég að láta hér nokkra skemmtilega hlekki:

Að lokum

Ef einhverjir lesendur hér eru að fara á leikinn á morgun, þá ætlar Chevrolet að taka aðra 360° ljósmynd inn á vellinum á morgun sem verður svo birt daginn eftir. Síðast var tekin mynd þegar Liverpool kom í heimsókn og getið þið skoðað hana hér: manutd.com/360fanpic.

Ég held svo áfram að minna ykkur sem eru skráð á Twitter að tísta með #Djöflarnir. Mér finnst gaman að hafa skemmtileg tíst í leikskýrslunum mínum þannig að verið hress og skemmtileg.

Pistlar

Úr bókaskápnum: Sons of United – Unglingastarf United frá 1937

skrifaði þann | 2 ummæli

Þau sem eru hvað hörðust á Twitter hafa kannske tekið eftir mrmujac sem tístir um unglingalið og varalið United. Frá því í haust hafa reglulega komið tíst á borð við þetta

 

Tölfræði þessi er sprottin af stórvirki sem mrmujac, sem í raun heitir Tony Park, hefur unnið að í hátt í 20 ár ásamt Steve Hobin. Afrakstur þessara vinnu félaganna er bókin Sons of United og kom út fyrir jólin.

Þeir félagar hafa í allan þennan tíma unnið að því að finna allar þær upplýsingar um unglingastarf Manchester United sem hófst fyrir alvöru árið 1937 með stofnun Manchester United Junior Athletics Club, eða MUJAC.

Síðan þá hefur unglingastarf United verið með þvílíkum ágætum að í öllum leikjum fram til 1. maí 2011 var leikmaður sem kom upp úr unglingastarfinu í byrjunarliði United. Þann dag sat John O’Shea á bekknum og bjargaði því að hægt að segja eins og ofan að uppalinn leikmaður hefur verið  í hóp óslitið frá 1937.

Það er því full ástæða til að fylla í skarð það sem hefur verið í bókasafni Manchester United og gera unglingastarfinu hátt undir höfði.

Óhætt er að segja að Sons of United gerir það og vel það. Bókin hefst á inngangi þar sem rekin er saga MUJAC og eiginlegs unglingastarfs. Meginhluti hennar er síðan saga United í FA Youth Cup, eða Bikarkeppni unglinga. Sú keppni var lengst af langmikilvægasta keppnin sem unglingalið tóku þátt í. Aðeins á síðustu árum hafa deildakeppnir unglingaliða fengið aukið vægi. Þetta er því skynsamleg ákvörðun að fókusera á þessa keppni, alveg er bókin nógu stór þó ekki sé bætt við. Unglingabikarinn er að auki United kær enda vann liðið hann fyrstu fimm árin sem keppnin fór fram, 1953-1957 og þarf engum að segja hvaða piltar voru þar á ferð, né örlög sumra þeirra. Aftur vann United bikarinn 1964 og síðan 1992. Um ’92 piltana þarf ekkert sérstaklega að fjölyrða heldur. Loks vannst bikarinn 1995, 2003 og 2011.

Hér er sem sé ekki um að ræða bók sem rekur framgang unglingaliðsins í samfelldu máli eða einstökum sögum, heldur er hver einasti bikarleikur tekinn fyrir. Höfundar hafa grafið upp umsagnir blaða um hvern einasta leik og geta þannig sagt frá þeim hverjum fyrir sig. Inn í umsagnirnar er síðan myndað samhengi við fyrri og síðari leiki þar sem við á, þannig að hægt er að ná samfelldri sögu liðsins og leikmanna.

Bókinni er skipt í kafla eftir tímabilum og milli kafla eru æviágripskaflar þar sem helstu leikmönnum hvers tímabils er gerð greinargóð skil, hvort sem það voru framtíðarhetjur United, leikmenn sem áttu feril annars staðar eða leikmenn sem áttu sinn hátind í unglingaliðinu. Í þeim köflum kemur reyndar einn af fáum göllum bókarinnar í ljós, leikmenn eru þar ekki í stafrófsröð og ekkert efnisyfirlit er í bókinni og nafnaskrá vísar aðeins til ára sem leikmenn léku í unglingaliðinu, ekki síðna þar sem þeir koma við sögu. En við fyrirgefum það, bókin er unnin af höfundum sjálfum og aðstoðarmönnum, ekki atvinnubókaforlagi.

Þetta er því fyrst og fremst bók sem þarf að grípa niður í, renna í gegnum stutt tímabil, skoða leikina, liðin og markaskorarana, taka eftir frægum, og minna frægum nöfnum, lesa æviágripin og týna sér í þessum hluta sögu United. Finna kunnugleg nöfn, rekja feril þeirra og leiki, rekast á önnur minna kunnugleg nöfn, og njóta gríðarlegs fjölda mynda sem höfundar hafa safnað.

Enga samantekna tölfræði er að finna í bókinni af plássleysi, en í stað þess er tölfræðin birt á heimasíðu bókarinnar.

Í stuttu máli sagt, Sons of United er alger skyldueign fyrir þá sem vilja lesa sem mest um Manchester United og safna United bókum. Hún segir söguna sem mörgum United stuðningsmönnum er svo annt um, og er unnin af sönnum stuðningsmönnum og af sannri ástríðu. Sendingarkostnaður er verulegur hingað, en höfundur selur hana sjálfur fyrir utan Old Trafford á leikdögum ef þú ert á leiðinni út, en annars má láta rafrænu útgáfuna nægja. 45 vantar upp á að Facebook síða bókarinnar nái 1500 ‚lækum‘ en þá verða gefnar 5 rafrænar bækur af handahófi.

Á hinn bóginn, ef þú átt enga United bók, þá er þetta ekki bókin fyrir þig. Fyrir þig get hiklaust mælt með „Rauðu djöflarnir: Saga Manchester United 1878-1999“ eftir Agnar Frey Helgason og Guðjón Inga Eiríksson, sem er besta saga félagsins á íslensku, en ég veit ekki hvort eða hvar hún er enn fáanleg.  Í Eymundsson í Kringlunni fæst svo  The Man Utd Miscellany eftir Andy Mitten, skemmtileg lítil bók uppfull af mismerkilegum staðreyndum og fróðleik um uppáhaldsliðið okkar.

Færsla þessi er nefnd og flokkuð sem „Úr bókaskápnum“ og ætlunin er að þetta verði að reglulegum lið hér á blogginu. Skv. ófullkomnum lista eru eitthvað á níunda tug United bóka í skápnum mínum og ætti því að endast eitthvað. Þessi tala United bóka skýrir líka hvers vegna ég var þollaus að fá Sons of United í hendur frá því ég frétti fyrst af henni.

Enska úrvalsdeildin

Queens Park Rangers 0:2 Manchester United

skrifaði þann | 26 ummæli

Manchester United er með fimmtán stiga forystu í deildinni. Hljómar fáránlega en samt svo fallega. Hver hefði trúað því? Eftir rosalega slaka frammistöðu City gegn Southampton þar sem þeir töpuðu sanngjarnt og sannfærandi þá áttum við Everton daginn eftir. Fergie sá þarna tækifæri til að ná tólf stiga forystu í deildinni og breytti liðinu í samræmi við það, það skilaði árangri og munirinn orðinn tólf stig.

En aftur að þessum fimmtán stigum. Ég verð að viðurkenna að ég var frekar smeykur við leikinn í dag. Hélt að þessi mikla forystu myndi leiða til vanmats gegn liðinu sem er neðst í deildinni og sárvantar stig til að bjarga sér.

Rafael da Silva ákvað á 23.mínútu að hjálpa mér að sigrast á óttanum með þessu frábæra marki. Robin van Persie var ekki alveg á sama máli og fór meiddur af velli fyrir leikhlé, óttinn ákvað að koma aftur.

Í seinni hálfleik var aðeins meira jafnvægi í leiknum en svo kom sá tími leiksins sem er alltaf áhyggjuefni þegar United virðast ekki ná að strengja saman 2-3 sendingar í röð án þess að gefa boltann frá sér. QPR sótti  töluvert en voru aldrei neitt rosalega nálægt því að skora en maður neitt aldrei. Það kom ekki á óvart að í þessari viðkvæmu 0-1 stöðu og van Persie farinn af velli að Fergie myndi bregðast við. Rooney kom inná fyrir Chicharito. Það virðist nauðsynlegt að hafa að minnsta kosti annan þeirra á vellinum. David de Gea átti nokkrar fínar vörslur eins og venjulega og það stefndi í stressandi lokamínútur. En á 80.mínútu kom flott sókn hjá United og Nani stakk boltanum inn á Giggs sem gerði þetta. Nú slökknaði hressilega á QPR og milljamaðurinn Samba gat ekki sinni hjálpað þeim né Remy sem kom inná en gerði nákvæmlega ekki neitt. 0-2 sigur staðreynd og munirinn eins og áður sagði orðinn fimmtán stig á City sem eiga leik til „góða“ gegn Chelsea á morgun.

Það er stundum vandasamt verk að velja mann leiksins, sérstaklega þegar allt liðið er að leika vel. Auðvitað skoruðu Rafael og Giggs mörk leiksins en vörnin og markvarslan var freka solid í dag líka. Ætla að vera djarfur og Nani. Veit að það eru ekki margir endilega sammála þessu en ég vel hann í hvatningarskyni. Veitir ekki af að hann fái smá sjálfstraust.

Nokkur tíst:

fyrir dömurnar:

 

 

Enska úrvalsdeildin

Liðið sem byrjar gegn QPR

skrifaði þann | 2 ummæli

Liðið er komið

De Gea

Rafael Ferdinand Vidic Evra

Nani Giggs Carrick Young

van Persie Hernandez

Bekkur: Lindegaard Evans Valencia Anderson Rooney Welbeck Cleverley

Sterkt byrjunarlið hjá okkar mönnum og það á greinilega að ná fimmtán stiga forskoti. Ánægjulegt að sjá Nani byrjunarliðinu eftir góða frammistöðu gegn Reading. KOMASO!