Liðið komið, rótasjón og endurkomur eftir meiðsli allsráðandi!
Lindegaard
Rafael Smalling Jones Büttner
Valencia Anderson Giggs Nani
Hernandez Rooney
Varamenn: Amos, Ferdinand, Carrick, Welbeck, Van Persie, Scholes, Kagawa
Og það er nóg af kanónum á bekknum til breyta leiknum ef þarf. Líst vel á þetta!
Hún verður ekkert rosaleg löng þessi upphitun þar sem ekki er langt síðan að þessi lið mættust síðast. Í millitíðinni unnum við Liverpool heima á meðan West Ham töpuðu úti gegn Sunderland 3:0.
Á dögunum bárust þær fréttir að meiðslalistinn frægi væri að verða styttri og nánast allir heilir fyrir leik morgundagsins fyrir utan Jonny Evans sem er eitthvað meiddur í hásin. Svo er óvíst hvort Wayne Rooney verði með en hann hefur verið í leyfi eftir að konan hans missti systur sína á dögunum. Nemanja Vidic og Ashley Young verða líklega hvíldir eftir að hafa farið laskaðir af velli á sunnudaginn.
Fyrri leikurinn á milli liðanna í bikarnum.
Hér kemur mín spá um sterkt byrjunarliðið annað kvöld:
Loksins! Loksins! Fyrsta skipti sem við vinnum Liverpool heima og heiman í deild í fimm ár!
Liðið var aðeins öðruvísu upp raðað en ég bjóst við í uppstillingarpóstinum:
De Gea
Rafael Vidic Ferdinand Evra
Young Cleverley Carrick Kagawa
welbeck Van Persie
Það er ekki hægt að segja að leikurinn hafi verið spennandi fyrsta kortérið. Bæði lið voru með boltann, United þó meira, og reyndu að loka spili andstæðingsins og tókst að verulegu leyti þangað til á 19. mínútu að snyrtilegt spil endaði hjá Evra sem smellti inn fyrirgjöfinni. Agger hafði hleypt Van Persie hálfan metra frá sér og það var nóg til að Van Persie átti auðvelt með að ná öflugu innanfótarskoti fram hjá Reina. Ekta Van Persie.
Hann hefði mátt bæta við sex mínútum síðar þegar hann skaut yfir frá vítateig en annars var þetta sama streðið. Ashley Young lenti í slæmu samstuði við Daniel Agger og virtist meiðast illa en kom svo aftur inná. Enn voru það síðan United sem voru að gera betur, Welbeck átti færi en var ekki alveg nógu góður með vinstri fætinum í tvígang. United fór síðan að taka meiri völd og færin komu fleiri. Cleverley átti gott skot framhjá og á 44. mínútu kom frábær sending frá Carrick inn á Rafael, hann var ekki í góðu jafnvægi og í stað þess að skjóta gaf hann, Van Persie tók hælinn framhjá Reina, Agger varði á línu og síðan náði Kagawa ekki boltanu en náði Reina hins vegar ágætlega. Ekki Shinji að kenna enda var hann ekki í jafnvægi eftir að Wisdom fór í hann og hefði átt að dæma víti á það sem hrindingu.
Fyrri hálfleikur var þannig verulega United í hag og hefðum helst átt að vera búnir að skora fleiri mörk. Meðal þeirra sem stóðu sig vel voru Carrick og Welbeck, þó að vissulega væru Danny eilítið mislagðir fætur fyrir framan mark.
Young var greinilega ekki orðinn góður og fór útaf í hálfleik og Valencia kom beint inn í staðinn. United náði ekki alveg upp spilinu aftur en á 53. mínútu kom löng sending fram sem Reina hirti en Skrtl braut á Welbeck í eltingarleiknum og United fékk aukaspyrnu utan við teiginn. Van Persie tók aukaspyrnuna og sveiflaði boltanum yfir á fjærstöng. Vidic stökk upp náði ekki til boltans, það gerði hins vegar evra, skallaði í Vidic og undir handarkrikann á Reina. Örlítil heppni þar að línuvörðurinn var góða 2 metra fyrir aftan og sá ekki að þegar Evra skallaði var fóturinn á Vidic framan við boltann þannig að tæknilega var þetta rangstaða. Það hefði hins vegar nær ógjörningur að sjá þetta nema í hægri endursýningu og kom á á móti vítinu sem við áttum að fá í fyrri hálfleik.
En United fékk ekki að njóta tveggja marka forystu lengi, Gerrard vann boltann vel, átti þrumuskot að marki sem De Gea gerði vel að setja hendina í. Boltinn fór út í teiginn og Sturridge ar á undan Rafael sem vaar alveg sofandi og Sturridge skoraði auðveldlega. Ekki í fyrsta sinn sem De Gea ver svona út í teiginn, en í þetta skiptið var skotið erfiðara en í fyrri tilvikum og varslan mikilvægari en hitt. Rafael má hins vegar alveg kíkja á þetta í endursýningu og passa sig betur næst.
United hélt áfram að fá færin, Reina varði stórvel skot Kagawa en úr horninu lenti Vidic illa saman við Wisdom og lenti er og varð fyrir hnéhnaski. Hann harkaði það þó af sér.
Uppúr þessu kom Sturridge vel inn í leikinn og Liverpool fór að ógna. Vörn United átti í vandræðum með að koma boltunum frá, voru að senda sín á milli í alltof hættulegum aðstæðum. Miðjan hvarf og Liverpool hélt boltanum nær stöðugt.
Þetta reyndi Ferguson að leysa með að setja Phil Jones inn í stað Kagawa, Jones fór á miðjuna og Danny út á vinstri kantinn. Stuttu seinna kom svo Smalling inn fyrir Vidic til að þétta þetta enn frekar. Það var samt ekki alveg að gera sig og pressan jókst frá Liverpool og trekk í trekk komu þeir boltanum inn á teiginn þar sem Suarez gat haldið boltanum von úr viti og tengst Sturridge. Tvö slík færi klúðruðust þó hjá þeim.
United átti staka sókn sem endaði með hælskoti Robin og góðri vörslu Reina. Fjórum mínútum var bætt við og United náði að halda boltanum loksins og spila út tímann.
Eftir mjög góðan fyrri hálfleik varð þetta síðan alltof erfitt. Danny Welbeck var góður í leiknum og Gary Neville valdi hann mann leiksins. Ég ætla að velja Robin van Persie sem með smá heppni hefði getað skorað þrjú mörk, á gríðarlega hættulegar sendingar úr föstum leikatriðum, sýndi hvers vegna við keyptum hann og síðast en ekki síst, skorar í stóru leikjunum.
Aðrir sem nefna má eru Carrick eins og fyrr segir, Örning var að mestu örugg, Evra og Rafael góðir, nema Rafael í markinu þeirra, Vidic og Ferdinand náðu vel saman og nú bíður slæm bið eftir fréttum af meiðslunum. Loks ber að nefna Kagawa sem vann hörkuvel í leiknum
En einfalt að ljúka þessu með að segja: Njótið vikunnar á vinnustöðunum, í skólunum, á MSN, Facebook og Twitter!
Liðið er svona
De Gea
Rafael Vidic Ferdinand Evra
Carrick Cleverley
Welbeck Kagawa Young
Van Persie
Varamenn: Amos, Jones, Valencia, Anderson, Giggs, Smalling, Hernandez
Evans er meiddur. Welbeck er Manchester maður og kemur með hjartað í þetta. Líst vel á það. Enginn Rooney á bekknum þannig að ekki var Fergie að fara með fleipur þar.
Lið Liverpool: Reina, Wisdom, Johnson, Agger, Skrtel, Lucas, Gerrard, Allen, Downing, Sterling, Suarez
Koma svo!!
Einn af stórleikjum ársins er á morgun þegar Liverpool kemur í heimsókn.
Eins og alltaf í aðdraganda þessara leikja hefur undanfarna daga mikið púður farið í að tala um liðin, og alltaf snýst umræðan um hvort Liverpool sé nú ekki örugglega stórlið, og jafnvel stærra en United. BBC birti töflu þar sem bikarafjöldi Liverpool telst þrem fleiri en United, telur reyndar þá ekki með keppnir eins og Góðgerðaskjöldinn, Ofurbikar Evrópu og Heimsmeistarakeppni félagsliða, en, hey, leyfum þeim það.
Það þarf hins vegar enga bikaratöflu til að vita það að síðan Liverpool varð síðast Englandsmeistari hafa bæði Fram og Víkingur orðið Íslandsmeistarar og einmitt núna í vor verður stór hluti þeirra háskólanema sem klára sitt þriggja ára nám á ‘réttum’ tíma fædd eftir þennan merka atburð. Þeir geta huggað sig við það að það eru amk ekki komin 26 ár. Yfir á kop.is fór hann Tryggvi Páll okkar yfir leikinn með þeirra manni Kristjáni Atla og svaraði fimlega góðum skotum púlarans.
En nóg um skotin, það sem gefur Liverpool tilkall til stórliðstignar í dag eru fyrst og fremst stuðningsmennirnir enda er það ljóst að hér á Íslandi munu vinnustaðir, skólastofur, samfélagsmiðlar og spjallforrit loga á mánudag þegar leikurinn á morgun verður gerður upp, miklu frekar en þegar United og City etja kappi saman. Það væri því algerlega rangt að halda fram að þessi leikur skipti ekki miklu meira máli en t.d. leikur gegn West Bromwich eða Swansea svo við tökum nú liðin sitt hvoru megin við Liverpool í töflunni í dag.
Liverpool hefur gengið brösuglega í vetur. Þeir klúðruðu leikmannaskiptaglugganum eftirminnilega í haust og hafa þurft að reiða sig á Luis Suarez til allra hluta síðan þá. Þessu hafa þeir bætt úr með kaupum á Daniel Sturridge frá Chelsea sem á að hjálpa til við markaskorunina. Þeir hafa átt þokkalega leiki upp á síðkastið en inn á milli komu töp gegn Stoke og Villa. Einhver hélt því fram á twitter að Liverpool hefði enn ekki unnið lið sem var fyrir ofan þá í töflunni (hvort meint var liðin fyrir ofan þá nú eða á leikdegi hef ég ekki hugmynd um og nenni ekki að skoða). Sem sé, frammistaða þeirra hefur verið nokkurn veginn eins og við er að búast af liði í 8. sæti. Þeir hafa þó fjórum stigum meira en úr sömu leikjum á síðasta tímabili sem bendir til að Brendan Rodgers sé eitthvað að taka til hjá þeim.
En að okkar mönnum. Fréttir í gær komu um að meiðslalistinn okkar væri að hreinsast upp. Nani og Anderson verða í hóp á morgun og Rooney og Jones eru byrjaðir að æfa og verða með á móti West Ham. Virkilega góðar fréttir þar. Reyndar væri ég ekkert hissa ef Rooney byrjaði á morgun, býst amk við honum á bekknum, svona bara ef þarf á honum að halda.
Það er erfitt að spá Nani og Anderson beint inn í liðið, þó að klárlega ef báðir væru í leikæfingu þá væru þeir þar. Þess vegna spái ég liðinu svona:
De Gea
Rafael Ferdinand Evans Evra
Valencia Cleverley Carrick Young
Hernandez Van Persie
Það er helst Hernandez sem ég er óöruggur með. Kagawa er ekki að spila eins og hann á að geta, ég á ekki von á einhverri fimm manna miðju, og eins og áður sagði, Rooney gæti komið sterkur inn. Jonny Evans er fyrir mér alveg búinn að stimpla sig inn í byrjunarliðið og þó ég vilji frekar sjá Vidic inni en Ferdinand, þá hefur Vidic ekki verið sannfærandi undanfarið og virkar ansi mikið rýrari og hægari en hann var.
En í 90 mínútur á morgun verður ekki spurt um stöðu í deild eða nýlega titla, það verður blóðug barátta og ég spái markaleik sem fyrr hjá okkur. Það eru sextán leikir síðan leikur þessi á Old Trafford endaði með jafntefli, og það heldur áfram 3-2 fer þetta. Suarez fær sanngjarnt víti, en besti sóknarmaður deildarinnar mun sjá um þetta.
Eftir það tekur við að fylgjast með leik Arsenal og City og væri ekki leiðinlegt að sjá Arsenal hirða stig þar.
Ljúkum þessu með smá skilaboðum frá Úrúgvæ:
A message today from Diego, Woah! pic.twitter.com/7l450dDr
— Andy Mitten (@AndyMitten) January 11, 2013