Rauðu djöflarnir

Enska úrvalsdeildin

Manchester United 3:1 Queens Park Rangers

skrifaði þann | 9 ummæli

Jæja, enn einn leikurinn þar sem United lendir undir og kemur tilbaka. Þessir leikir ættu að koma með viðvörun til hjartveikra.

Fyrri hálfleikur leiksins var ekki dæmi um góðan knattspyrnuleik. Hrafnistubolti á við leikinn gegn Norwich. Líkt og Felipe Melo í Champions League þá komst Scholes upp með nokkrar vel hressar tæklingar. Rooney áttu nokkur ágætis skot og van Persie átti skot í hliðarnetið sem einhverjum sýndist þó hafa farið í markið. Engin mörk voru skoruð í hálfleiknum, eða ætti ég að segja engin lögleg mörk.

Seinni hálfleikurinn hófst með óbreytt lið nema Welbeck og Young skiptu um kanta. Leikurinn spilaðist álíka og fyrri hálfleikurinn þangað til að Jamie Mackie af öllum mönnum skoraði og QPR voru allt í einu líklegir til að hirða 3 stig. Scholes ólíkt Melo fékk loks gult spjald eftir ansi slæma tæklingu rétt fyrir utan teig. Fergie brást vil ég meina hárrétt við og átti frábærar innáskiptingar. Anderson kom inná fyrir Scholes og Hernandez fyrir Young sem var að spila eins og Nani í dulargervi. Eins og svo oft áður kveikti þetta mark í okkar mönnum sem dúndruðu inn 3 mörkum á 8 mínútum. Jonny Evans skoraði sitt 3. mark á leiktíðinni þrátt fyrir að United væri að spila með fjóra framherja. Svo leið ekki á löngu þangað til að Darren Fletcher skoraði gott mark. Javier Hernandez gerði sér lítið fyrir og skoraði svo þriðja mark liðsins og eftir það voru QPR hættir og United spilaði restina af leiknum í fyrsta gír. Hefðu reyndar getað skorað meira en miðað við hvernig leikurinn var að spilast framan af er ég bara sáttur við 3 stig.

Ég ætla að velja Anderson sem mann leiksins. Hann kom inná með hraða og kraft inná miðjuna og gjörbreytti flæðinu í liðinu. Ef hann byrjar ekki gegn West Ham þá ætti það verða rannsóknarefni.

Ekki menn leiksins: Ashley Young, Danny Welbeck og Paul Scholes.

Nokkur vel valin tíst:

Enska úrvalsdeildinEnska úrvalsdeildin

Upphitun fyrir Man Utd – QPR

skrifaði þann | 7 ummæli

Nú þegar Chris Smalling og Phil Jones eru komnir tilbaka eftir langa fjarveru ætti það að losa álag á Rio Ferdinand reyndar hefur verið hörkugóður á þessari leiktíð, fyrir utan Tottenham leikinn. Frammistaða miðjumannanna ungu í Meistaradeildinni á þriðjudaginn lofaði góðu, Anderson var mjög duglegur og við þörfnumst þess að hafa hans drifkraft á miðjunni nema planið sé að svæfa andstæðingana. Phil Jones var frábær og erfitt var að sjá að hann væri nýstiginn uppúr meiðslum.

Mark Hughes eyddi töluverðum fjármunum í að styrkja lið sitt í sumar og fékk meðal annars bakvörðinn José Bosingwa á frjálsri sölu frá Chelsea. Einnig leika með QPR okkar fyrrum hetja og jaxl Ji-Sung Park sem keyptur var í haust og hinn tvíburinn Fabio da Silva. Lítið sem ekkert hefur gengið hjá þeim í deildinni og sitja þeir í neðsta sæta með 4 stig og án sigurs. Þeir hafa skorað 9 mörk en fengið á sig 23. Allt leit út um fyrir að Mark Hughes hefði verið rekinn á dögunum en hann slapp við brottrekstur. Hughes mun líklega  þurfa stig í þessum leik ef hann ætlar að halda starfinu. Gæti samt verið verra ef hann væri hjá Chelsea hefði hann verið rekinn í ágúst.

Ég spái 3-0 sigri okkar manna í þessum leik.

Mögulegt byrjunarlið:

Lindegaard

Rafael Ferdinand Smalling Evra

Carrick Anderson Cleverley

Rooney

van Persie Chicharito

Svo viljum við benda á lesendum okkar sem eru virkir á Twitter að nota hashtagið #djoflarnir ef þið eruð að tísta um leikinn á meðan honum stendur. Bestu tvítin verða svo birt hér á þessari síðu í leikskýrslu og mögulega á fleiri stöðum.

 

Uppfært: Mark Hughes hefur verið rekinn frá QPR.

Lesefni

Rauðu djöflarnir lesa:

skrifaði þann | 1 ummæli

Hér er það áhugaverðasta sem við lásum í þessari viku:

Beautifully Red sýnir okkur það helsta úr leik United gegn Norwich og United gegn Galatasaray

Hernandez er að njóta ávaxtanna af skipulagðri hvíld í sumar

Hverjir skipta máli þegar kemur að því að fá miða á stærsta útileik vetrarins?

Oliver Holt með fína grein um Pep Guardiola

The Guardian hrósar Powell eftir leik United gegn Galatasaray

Edwin van der Sar var ráðinn til Ajax

Sam Robinson skrifar um ‘Alvöru aðdáendur’

Kenny Morgans lifði af flugslysið í München en ferill hans beið þess aldrei bætur

 

Skemmtileg tíst:

https://twitter.com/AltFootball/status/271209539985096704

 

Vídeó:

Gary Neville velur sitt lið í ‘5 gegn 5’ fótboltaleik

 

Fyrir þá sem skoða okkur á Facebook:
Facebook hefur tekið upp þá stefnu að fyrirtæki sem nota „Pages“ þurfi að borga fyrir hverja stöðuuppfærslu til þess að ná til aðdáenda sinna. Þetta þýðir að núna eru bara um það bil 10-15% af þeim sem hafa sett „like“ á síðuna okkar sem sjá þetta í News Feed hjá sér.

Ef þú vilt halda áfram að fylgjast með því sem við erum að deila, svo sem nýjum pistlum hér á raududjoflarnir.is sem og fleira skemmtilegt, þá þarftu að fara á síðuna okkar og lengst til hægri er mynd af tannhjóli (við hliðina á „liked“ og „message“). Með því að smella á það og velja svo „add to interest lists“ ætti ekkert að fara framhjá þér. Það skal koma fram að þetta verður ekki til þess að færslurnar komi á „News Feed“ heldur þarf að velja þennan „interest list“ til að sjá færslurnar.

Meistaradeild Evrópu

Galatasaray 1:0 Manchester United

skrifaði þann | 7 ummæli

Galatasaray - Manchester UnitedEins og byrjunarliðið sannaði þá fengu ungu strákarnir að njóta sín og meðalaldurinn á varamannabekknum ekki hár.

Fyrsta skot leiksins átti hinn ungi Nick Powell sem markvörðu Tyrkjanna greip auðveldlega. Nick Powell var svo tæklaður gróflega af Felipe Melo sem slapp við spjald. Skömmu seinna áttu heimamenn hörkuskot sem Lindegaard varði. Semih Kaya fékk gult spjald fyrir hressilega tæklingu á Alex Büttner sem var á hörkusprett upp völlinn. Felipe Melo virtist vera á sérdíl hjá dómaranum, gæti verið kominn með 3 gul spjöld fyrsta hálftíma leiksins en fékk ekkert. Lindegaard varði aftur vel hörkuskot frá Altintop. Nick Powell átti svo skalla í slánna eftir fyrirgjöf frá Anderson. Fínn fyrri hálfleikur og fjörugur undir lokin en staðan samt sem áður markalaus.

Seinni hálfleikurinn fór fjörlega af stað og bæði liðin sóttu, Galatasaray fengu hornspyrnu eftir að Lindegaard varði vel skalla frá síbrotamanninum Felipe Melo. Og uppúr horninu skoraði Yilmas  fínt mark með skalla, 1-0. Ekki ókunn staða fyrir United að vera undir á þessu tímibili. Leikurinn var áfram mjög opinn og ungu strákarnir voru að spila ágætlega, sérstaklega Jones sem var sterkur í vörninni og Anderson sem var allt í öllu hjá okkur á miðjunni og flestar sóknirnar fóru í gegnum hann. Hann fór síðar af velli og Kiko Macheda kom inn fyrir hann og Nick Powell fór af velli og fyrir hann kom Ashley Young. Heimamenn voru svolítið í því að leika og reyna að fiska. En dómarinn sá í gengum þá.  Markaskorarinn Yilmas fékk svo gult fyrir leikaraskap en vildi fá víti. Hinn norski Joshua King kom inn fyrir Welbeck sem oft hefur spilað betur á 85. mínútu.

Leiknum lauk með sanngjörnum sigri heimamanna en gaman að sjá unga leikmenn spreyta sig og vonandi fáum við að sjá svipaða uppstillingu gegn í lokaleik riðilsins gegn Transilvaníu mönnunum Cluj á Old Trafford.

Menn leiksins: Anders Lindegaard, Phil Jones og Anderson.