Rauðu djöflarnir

Enska úrvalsdeildin

Aston Villa á Villa Park

skrifaði þann | 8 ummæli

Á morgun ætla leikmenn United að skutlast til Birmingham til að spila við Aston Villa á Villa Park. Verður þetta síðasti leikur dagsins á morgun og byrjar klukkan 17:30. United hefur farið í gegnum ansi þétta dagskrá undanfarið, dagskrá sem ég persónulega missti mest megnis af vegna fellibylsins Sandy en hún tók af mér rafmagnið í heila viku hér í New York. Ég veit því lítið um hvernig spilamennska liðsins hefur verið síðan í deildarleiknum við Chelsea. Úrslitin hafa verið þó verið góð, sigur gegn Chelsea og Arsenal. Aston Villa hefur gengið hálf brösuglega það sem af er tímabilinu, eru í 17 sæti með aðeins 9 stig. Það eru mikil vonbrigði fyrir Villa aðdáendur en þetta er lið sem ætti aldrei að fara mikið neðar en um miðja deild.

Af United er það að frétta að Jonny Evans og Nani nældu sér í smá meiðsli gegn Braga og verða ekki með um helgina. Engin breyting er á þeim Vidic, Jones og Kagawa sem eru ennþá frá. Hér er það sem verður að teljast líklegt byrjunarlið:

De Gea

Rafael Ferdinand Smalling Evra

Carrick Cleverly

Valencia Rooney Young

Van Persie

Semsagt, nokkuð veginn sama lið og byrjaði leikinn gegn Arsenal. Tölfræðin er með okkur hliðholl í þessum leik, Ferguson hefur víst ekki tapað á Villa Park í deildinni síðan 1995! Ég er þó farinn að taka öllu slíkum tölum með fyrirvara því mér hefur fundist úrslit hafa farið mikið „gegn sögunni“ undanfarið. Það er því ekkert gefins í þessum leik, Villa þurfa að girða sig í brók og fara að leika betur og það hefur sýnt sig að minni liðin leika oft hvað best gegn United. Villa er þó í miklum vandræðum með meiðsli, er með einhverja 4-5 lykilmenn meidda. Ég ætla því að spá frekar „öruggum“ 2-0 sigri í þessum leik. Van Persie með bæði mörkin og ég held að við höldum hreinu, sem er svaka djörf spá af minni hálfu.

Fyrst við erum að tala hér um Villa, þá ætla ég að enda þetta á einu af mínum uppáhalds United mörkum. Scholes á Villa Park árið 2006.

http://www.youtube.com/watch?v=LEBuxDDBRtU

Lesefni

Rauðu djöflarnir lesa:

skrifaði þann | 2 ummæli

Því miður klikkaði ég í síðustu viku og hafði ekki tíma til að skila af mér lesefni vikunnar. Þar af leiðandi fáið þið tvöfaldan skammt í þetta skiptið. Hér er það áhugaverðasta sem Rauðu djöflarnir lásu í þessari og síðustu viku:

Enska úrvalsdeildin

S.C. Braga 1:3 Manchester United

skrifaði þann | 15 ummæli

Fyrir leikinn var United á toppi riðilsins með 9 stig og þurfti 1 stig til að tryggja sig áfram. Leikurinn fór mjög rólega af stað og fátt markvert gerðist fyrstu 23 mínúturnar. Heimamenn fóru að sækja í sig veðrið og sýndu ágætis sóknartilburði en áttu engin dauðafæri fyrir utan skalla í stöng sem De Gea hefði þó líklega varið. United voru töluvert meira með boltann eða í kringum 60% en áttu aðeins eina marktilraun sem var ekkert til að hrópa húrra fyrir. Nani sem byrjaði leikinn sást ekkert í hálfleiknum nema þegar hann tók innköst. Markalaust í hálfleik.

Seinni hálfleikur hófst með látum og Braga fengu víti eftir brot Jonny Evans,  Alan skoraði örugglega úr spyrninni, 1-0 fyrir Braga. Skemmtilegt atvik átti sér stað þegar ljósin fóru af vellinum sökum rafmagnsleysis og tafðist leikurinn um 12 mínútur. Eftir hléið gerði Ferguson skiptingu, Rio Ferdinand kom inná fyrir Jonny Evans. Danny Welbeck fór svo af velli fyrir Robin van Persie, skiljanleg skipting þar sem Welbeck átti vægast sagt dapurt kvöld. Nani sem hélt ósýnileikanum áfram í seinni hálfleik var svo skipt út fyrir Rafael sem fór í bakvörðinn og Valencia fór upp á kantinn. Ólíkindatólið Robin van Persie jafnaði metin algjörlega uppúr þurru á 80. mínútu í autt markið eftir skógarferð hjá markverði Braga, 1-1. United fengu svo dæmt vafasamt víti sem Wayne Rooney skoraði úr, 1-2. Javier Hernandez skoraði svo eftir mikinn barning í teignum, 1-3. Stórfurðuleg staða svo ekki meira sé sagt af því það var ekkert í spilunum fyrr en van Persie jafnaði.

Þessi úrslit þýða að United vinnur riðilinn örugglega og geta farið ansi rólegir í síðustu 2 leiki riðilsins. Ekki veit ég hvern ég myndi velja mann leiksins, líklega aðilinn sem sér um að borga rafmagnsreikninginn á Estadio AXA.

Meistaradeild EvrópuMeistaradeild Evrópu

S.C. Braga – Manchester United annað kvöld

skrifaði þann | 7 ummæli

Það má heldur betur segja að völlur Braga manna sé öðruvísi og umhverfið magnað.

Annað kvöld byrjar seinni hluti riðlakeppninnar hjá okkar mönnum. Aftur mætum við Braga en í þetta skiptið fer leikurinn fram á heimavelli Portúgalana, Estádio AXA í Braga. Fyrri leikur þessara liða var dæmigerður leikur fyrir okkar menn á þessari leiktíð, lenda snemma undir og þurfa svo að vinna sig aftur inn í leikinn. Góðu fréttirnar eru þær að í síðustu deildarleikjum gegn Chelsea og Arsenal hefur annað verið upp á teningnum og hafa United menn skorað snemma og stjórnað leikjunum. Sir Alex sem á 26 ára starfsafmæli í dag hefur gefið það út að það verði breytt lið sem spilar í kvöld frá því um helgina. Búast má við að Rio Ferdinand verði hvíldur ásamt fleirum. En stefnan er samt sett á að vinna leikinn og tryggja liðið áfram. Hópurinn sem fer til Portúgal: De Gea, Lindegaard; Rafael, Evans, Ferdinand, Büttner, Smalling, Evra; Cleverley, Giggs, Anderson, Nani, Valencia, Carrick, Young, Powell; Rooney, Welbeck, Hernandez, van Persie.

Braga hefur unnið báða leikina sem þeir hafa spilað í Portúgölsku deildinni síðan þeir töpuðu á Old Trafford. Heimamenn eru meiðslalausir og munu án efa stilla upp sínu sterkasta liði. Þar sem hættulegastir verða teljast framherjarnir Éder og Alan sem skoraði einmitt mörk Braga í fyrri viðureign liðanna.

Erfitt að gera spá fyrir um mögulegt byrjunarlið í þessum leik, en miðað við hvað Ferguson hefur sagt þá gæti það verið á þessa leið:

Lindegaard

Rafael Smalling Evans Büttner

Cleverley Anderson

Nani  Rooney  Giggs

Hernández

 

Ég spái því að þessi leikur endi í 1-1jafntefli sem verður nóg til að komast upp úr riðlinum. En hvað haldið þið?