Rauðu djöflarnir

Southampton

Enska úrvalsdeildin

Southamptonferð á morgun

skrifaði þann | 1 ummæli

Á morgun er það suðurströndin sem bíður. Southamptonferð og leikur kl 3 á laugardegi, 2 að íslenskum tíma.

Southampton hefur gengið þolanlega í upphafi tímabils og eru með 8 stig eftir 5 leiki, hafa unnið West Ham og Crystal Palace, gert jafntefli við Swansea og Huddersfield en töpuðu fyrir Watford á heimavelli. United er því fyrsti stóri leikurinn þeirra.  Mauricio Pellegrino (ekki Pellegrini) er nýr stjóri þeirra, kom frá Alavés þar sem hann gerði góða hluti með lítið lið og á að gera sama hjá Southampton. Lesa meira

Enska úrvalsdeildin

United fer á Suðurströndina

skrifaði þann | 1 ummæli

Við erum í svolítið skrýtinni stöðu akkúrat núna, við stuðningsmenn Manchester United. Við erum að bíða eftir stærsta leik tímabilsins, úrslitaleik Evrópudeildarinnar eftir rétt rúma viku, en í millitíðinni þurfum við að spila tvo leiki sem skipta engu máli, svona úr því að liðið á ekki tölfræðilega möguleika á því að komast í eitt af sætunum sem gefa Meistaradeildarsæti. Þessi leikur hefði auðvitað átt að vera mjög mikilvægur en töpin tvö gegn Arsenal og Tottenham, sem og jafnteflin 14(!), hafa gert það að verkum að við erum bara úr leik í deildinni. Lesa meira

Enska deildarbikarkeppnin

Manchester United 3:2 Southampton – deildarbikarmeistarar 2017

skrifaði þann | 18 ummæli

Eftir gríðarlega erfiðan úrslitaleik, þar sem Southampton mætti bæði vel stemmt og skipulagt inn í leikinn, náði Manchester United að landa sigri og vinna fyrsta bikarinn sem í boði var á þessu tímabili. Þar með varð José Mourinho fyrsti knattspyrnustjóri í sögu Manchester United sem vinnur titil á sínu fyrsta ári. Manchester United var á löngum köflum lakari aðilinn í leiknum en náði samt að seiglast í gegnum leikinn án þess að lenda undir. Að lokum voru það gæðin og hungrið í einum manni, Zlatan Ibrahimovic, sem skildu liðin að. Lesa meira

Enska deildarbikarkeppnin

Úrslitaleikur á Wembley

skrifaði þann | 3 ummæli

Það er komið að úrslitaleik um fyrsta bikar tímabilsins. Þangað er Manchester United mætt og stefnir að sjálfsögðu á sigur. En það verður ekki auðvelt. Southampton er sterkt lið sem er, ólíkt Manchester United, taplaust í þessari keppni á tímabilinu. Sigur skiptir miklu, það væri sterk yfirlýsing frá Mourinho og hans mönnum að vinna fyrsta bikar vetursins auk þess sem bikarsigrar geta gefið liðum aukið sjálfstraust fyrir framhaldið, bæði á þessu tímabili og því næsta. Lesa meira

Enska úrvalsdeildin

Myndasyrpa úr fyrsta leik Paul Pogba

skrifaði þann | 5 ummæli

Paul Pogba lék sinn fyrsta leik fyrir Manchester United í rúm fjögur ár á föstudagsköldinu síðastliðnu. Það væri hægt að tala um að virkilega góð stemmning hafi verið á vellinum en samkvæmt fólki á vellinum var þetta háværasti leikur sem margir muna eftir.

Ég tók mig saman og týndi saman nokkrar myndir frá þessari sérstöku kvöldstund þar sem aðdáendur Manchester United um allan heim samglöddust yfir því að fá týnda soninn heim. Lesa meira