Aston Villa 2:3 Manchester United

Enn einn háspennuleikurinn hjá Manchester United á þessu tímabili, að þessu sinni gegn Aston Villa á Villa Park í Birmingham. Villa þurfti nauðsynlega á stigum að halda því liðin fyrir neðan náðu jafnteflum fyrr í dag, fyrir utan QPR sem tapaði enn einum leikum. Villa eiga líka erfiða leiki framundan gegn Man City og Arsenal þannig að það var mikilvægt fyrir þá að koma grimmir til leiks og reyna að hirða einhver stig. Stigin voru ekki síður mikilvæg fyrir United þar sem Man City og Chelsea eiga ansi erfiða leiki fyrir höndum á morgun gegn Tottenham og Liverpool, töpuð stig þar geta sett rauðu djöflana í góða stöðu.

Ferguson mætti nánast með sitt sterkasta liði myndi ég segja, fyrir utan Vidic auðvitað, en það leit svona út:

Leikurinn byrjaði frekar rólega, United héldu boltanum ágætlega en voru samt ekki að skapa sér nein alvöru færi þannig lagað. Villa-menn voru flest allir á sínum vallarhelmingi að loka svæðum vel og breyttu svo skyndisóknum, en sóknarmenn liðsins gerðu illa á síða fjórðungi vallarins og náðu því aldrei neinu alvöru skoti á markið. Markmenn beggja liða þurftu til dæmis ekki að verja neina bolta nánast allan fyrri hálfleikinn. Það gekk því ekki ekkert upp í fyrri hálfleiknum hjá United, Villa vörðust aftarlega á vellinum og héldu sig mjög nálægt okkar mönnum. United náði aldrei upp neinum hraða, Valencia og Young voru að reyna að taka menn á, en án árangurs og einnig gekk illa að þræða boltanum inn fyrir vörnina, það var eins og Van Persie og Rooney voru ekki að lesa hvorn annan í dag.

Þegar maður hélt að dómarinn væri við það að flauta fyrri hálfleikinn af fær Villa skyndisókn, Benteke hleypur upp vinstri kantinn, nær að vöðva sig í gegnum Smalling, sendir boltann út í teig þar sem Weimann er mættur og smellir föstum innanfótar-boltanum beint yfir hausinn á De Gea. Menn geta rifist um það hvort Benteke hafi gerst brotlegur gegn Smalling eða hvort De Gea hafi átt að verja skotið frá Weimann. De Gea sá boltann mjög seint og skotið var fast þannig að ég ætla ekki gagnrýnt hann, Smalling aftur á móti get ég gagnrýnt, sama hvort um brot var að ræða eða ekki þá á ekki að vera hægt að henda varnarmanninum svona frá sér eins og Benteke gerði. Hold your ground maður! Allavega, Manchester United lent undir, ekki kom það á óvart, en það versta var að markið kom 5 sekúndum áður en dómarinn flautaði hálfleikinn af. Ekki hægt að hugsa sér verri tímapunkt.

Hernández kom inn á í hálfleik fyrir Young. United voru þó greinilega enn mjög vankaðir eftir markið í byrjun seinni hálfleiks því það tók Aston Villa nokkrar mínútur að bæta við sínu öðru marki. Með mjög einföldum hætti opnuðu þeir lið United upp á gátt, spiluðu sig í gegn og gáfu fyrir á galopinn Weimann sem smellti honum í opið markið. Fáránlega fyrirhafnarlítið eitthvað hjá Villa, maður hefur oft séð okkar menn opna lið svona en ég er ekki enn búinn að venjast því að horfa á United vera fórnarlambið, þrátt fyrir ágætis æfingu á þessu tímabili.

Eftir að vera komir 2-0 undir, á útivelli, í erfiðustu deild heims, þá loksins fara okkar menn í gang. Hernández fær góða sendingu inn fyrir vörn Villa frá Scholes (sem var búinn að eiga hörmulegan leik fram að þessu) og af miklu harðfylgi klára litla baunin færið eins og honum einum er lagið. Frábær innkoma hjá honum, en hann var ekki hættur strákurinn því á 62 mínútu er hann aftur mættur á staðinn, þá á fjærstöng eftir fyrirgjöf frá Rafael, og setur sitt annað mark í leiknum. Markið er tæknilega skráð sem sjálfsmark hjá Vlaar, en allt Hernández að þakka. Déjà vu einhver?

Komnir 2-0 undir eftir 50 mínútur, en á 5 mínútum er staðan allt í einu orðin 2-2. Tottenham leikurinn var nærri því búinn að endurtaka sig því litlu munaði að Aston Villa setti sitt þriðja mark örfáum mínútum eftir að Man Utd jafnaði, en það var stórkostlegri markvörslu De Gea að þakka að svo fór ekki. Á 72 mínútu, rétt eftir að Cleverly kom inn á fyrir Scholes átti Van Persie hörku í þverslána, og innan við einni mínútu eftir það átti hann svo ÞRUMUSKOT, aftur í þverslána. Ég get trúað því leikmönnum Villa hafi fundist þeir væru að eiga við flóðbylgju á þeim tímapunkti. Þeir féllu mjög aftarlega á völlinn og United reyndu eins og þeir gátu að herða snöruna. Anderson kom inn á fyrir Rooney á 78 mínútu sem varð fyrir smá meiðslum sem við vonum að það sé ekki alvarlegt.

Svo kom það sem allir voru farnir að sjá fyrir á þessum tímapunkti, Manchester United skorar þriðja mark leiksins og hver sá um það annar en Javier Hernández. Van Persie með aukaspyrnu inn í teig og þar er strákurinn klár í slaginn, enn og aftur, og stýrir boltanum í færhornið með kollinum sínum. Ó hvað ég elska þennan mann! 5 mínútum var bætt við leikinn, sem voru stressandi því Aston Villa voru með boltann allar 5 mínúturnar. De Gea gerði vel, óð út og sló boltann í burtu nokkrum sinnum, eitthvað sem hann hefur verið gagnrýndur fyrir að geta ekki gert. Okkar menn náðu að halda út þessa pressu og hrikalega dýrmætur sigur staðreynd.

Ég er, eins og allir aðrir held ég, kominn með meira en nóg af svona „rugli“. Það er rosa gaman að vinna einn og einn leik á þennan hátt, en að setja sig aftur og aftur í þessa stöðu gengur ekki lengur, í alvöru talað. Ég veit að ég tala um þetta eftir hvern einasta leik, en það er ástæða fyrir því. Ég er viss um Ferguson hljóti að vera að pæla alvarlega í þessum varnarmálum og hugsanlega horfir hann til janúargluggans til að leysa þau. Í 17 leikjum á þessu tímabili er liðið búið að halda hreinu í 3 leikjum. Svo er það þessi tölfræði:

2 – Man Utd have come from two goals down to win on seven different occasions in the PL, with six of them away from home. Belief.

— OptaJoe (@OptaJoe) November 10, 2012

Ástæðan fyrir þessu er auðvitað ekki sú að við séum með lélega varnarmenn, það er bara eitthvað stress í gangi sem menn hafa ekki náð að hrissta úr sér, þrátt fyrir að það sé komið nóvember. Þessu mynstri verður samt að ljúka því menn geta ekki komið til baka í hverjum einasta leik það sem eftir er tímabilsins. Það sýndi sig gegn Tottenham, og það mun sýna sig aftur ef þetta verður ekki lagað.

Maður leiksins var klárlega Ole Gunnar Solskjær…afsakaði, ég meina Javier Hernández, litla eitraða baunin. Ég ætla að kalla ég eftir honum í byrjunarliðið í næstu leikjum, spilum Rooney, Hernández og Van Persie saman í gegn Norwich um næstu helgi!