Manchester United mætir Chelsea

Manchester United mætir Chelsea á Wembley í seinni undanúrslitaleik ensku bikarkeppninnar á morgun. Þetta verður fjórða viðureign liðanna í vetur en United hefur unnið hina þrjá leikina sem voru deildarleikir og leikur í deildarbikarnum. En þetta er bikarkeppnin og þar skipta fyrri viðureignir eða staða liðanna engu máli, það eina sem skiptir máli er þessi leikur framundan. United liðið hefur staðið sig mjög vel síðan Pogba og Rashford komu aftur inn í liðið í sumar og það að liðið geti eigi enn möguleika á tveimur titlum er frábært.

Frank Lampard sem er greinilega búinn að lesa bók Jose Mourinho er byrjaður að tala um hversu klókir framherjar Manchester United séu að fiska vítaspyrnur. Þetta er klárlega tilraun til að hafa áhrif á dómgæsluna í leiknum á morgun og við vonum vissulega að þetta hafi ekki tilætluð áhrif. N’Golo Kante verður frá vegna meiðsla og er það jákvætt fyrir okkur en vissulega á Chelsea nokkra ágæta miðjumenn sem geta stigið upp þó þeir séu ekki nálægt sama gæðaflokki og Kante. Líklegt þykir mér að Lampard stilli liðinu upp í 4-3-3. Lið Chelsea gæti litið svona út:

Þegar kemur að liðsvali Ole Gunnar Solskjær þá erfitt að segja nákvæmlega hvað hann mun gera. Vitað er að Luke Shaw verður ekki með vegna meiðsla og Brandon Williams er tæpur sem gæti þýtt annan byrjunarliðsleik Tim Fosu-Mensah í röð. Hingað til þessari keppni hefur Sergio Romero staðið á milli stanganna en mun hann gera það á morgun? Mun Odion Ighalo fá byrjunarliðsleik á kostnað Anthony Martial sem hefur verið í miklu stuði? Verður pælingin að hafa Martial á bekknum til að kom inná ef að á þarf að halda? Hverjir verða miðjunni? Veljum við sterkustu miðjuna eða mun annar þeirra Bruno Fernandes og Paul Pogba byrja á bekknum? Það er ómögulegt að vita en þetta er liðið sem undirrataður vill fá að sjá á morgun: