Manchester United mætir á Liberty Stadium í Wales á morgun. Gestgjafarnir Swansea City hafa staðið sig vel í sínum leikjum á tímabilinu. Liðið átti stórgóðan leik gegn Chelsea í fyrstu umferð og hefðu getað með smá heppni tekið öll stigin úr þeim leik. Þeirri frammistöðu fylgdi heimasigur gegn Newcastle og jafntefli gegn Sunderland á útivelli. Garry Monk er vissulega að gera stórgóða hluti með þetta Swansea lið. Heimamenn eru ekki með neinn leikmann á meiðslalistanum og ættu því að geta stillt upp sínu sterkasta liði.
Manchester United ætlar að halda áfram góðu gengi á tímabilinu með sigri á morgun. Vaskleg frammistaða Wayne Rooney í vikunni hefur gefið fólki vonir um að hann sé kominn í gang. Ég býst ekki við öðru en að Louis van Gaal muni stilla upp óbreyttu liði á morgun. Líklega verður eina breytingin sú að Ander Herrera muni byrja í stað Adnan Januzaj sem mun vera meiddur. Einnig myndi ég telja það líklegt að Morgan Scheiderlin og Bastian Schweinsteiger muni koma aftur inn í liðið.
Eftir úrslitin í dag þá hlýtur það vera enn mikilvægara að sækja þrjú stig á morgun og ná almennilegu bili á Liverpool, Arsenal og Chelsea. Einnig er mikilvægt að halda í við Man City.
Líklegt byrjunarlið:
Hjörtur says
Það bara verður að vera sigur á morgun, eins og fram kemur í pistlinum að fjarlægjast A, C og L, og halda í við City. En erfiður verður leikurinn, og einhverstaðar sá ég að í síðustu 12 leikjum milli þessara liða, hefði Utd unnið 2. Er það virkilega tilfellið?
Helgi P says
þetta verða bara vera 3 stig á morgum
Rúnar Þór says
í þessari uppstillingu myndi ég hafa Schneiderlin aftast og Schweinsteiger og Herrera sitthvoru meginn við hann ;)
Hannes says
Er United að rétta af fjárhaginn eða spara peninga ? þannig lítur það allavegana út. Við erum með 0 í net spend sem er fáranlegt miðað við að við höfum losað svakalegan launapakka. Hvar er þessi Adidas peningur ? Vonandi að það þurfi ekki tap gegn swansea á morgun til að menn fari að 8sig.
gudmundurhelgi says
Hræðilegur leikur frá a til ö algjört bitleysi í sókn liðsins og sköpunargáfan lítil.allt of hægur leikur.Rooney alltof hægur,vinsamlegast eyðið peningunum í leikmenn sem bæta liðið og skapa eitthvað af viti.Bæði mörk Swansea voru allgjor óþarfi takk fyrir mig.