Lokaleikur á morgun: Til hvers?

Loksins loksins loksins lýkur þessu, hörmungarnar taka af og við taka þrír mánuðir af STURLUÐU slúðri.

Orðið á götunni í gær var að Ralf ætlaði ekki að spila með neinn af þeim mönnum sem fara í sumar. Svo áttuðu menn sig á því að þarf að spila með 11 manns þannig að það plan gengur ekki upp.

Ég held ég geti fullyrt að það er enginn spenntur fyrir þessum leik á morgun. Við höfum mörg verið að vona að yngri drengirnir fengju sénsa en það hefur ekki náð lengra enn á bekkinn. Samt er nú talað um að leikmaður ársins í U-23 liðinu, hinn 17 ára Alejandro Garnacho fái eitthvað tækifæri á morgun. Það er hægt að tala um að það sé bjarnargreiði að setja unga leikmenn inn í svona hrunið lið og það er alveg punktur en það þarf líka að herða drengina aðeins. Það væri líka fínt að sjá Hannibal fá meira en fimm mínútur.

EN allavega

Og grínlaust verða þessir allir á næsta tímabili, utan Alex Telles. Jájá.

Og að lokum ef að West Ham vinnur Brighton og United vinnur ekki Palace verður United í framrúðudeild Evrópu, einnig þekkt sem Europa Conference League. Sem er jú bikar sem félagið hefur aldrei unnið. Það er nú eitthvað!

Crystal Palace

Palace hefur litið vel út í vetur og Viera fengið hrósið en eru í raun á mjög svipuðum slóðum og í fyrra þrátt fyrir að hafa mann innanborðs sem er einn af sex efstu mönnum í kjöri um leikmann ársins. Conor Gallagher er hins vegar í eigu Chelsea og verður augljóslega þar á næsta árin þannig að þeir munu eiga erfitt með að fylla það skarðið.

Palace var með sigur í höndunum á móti Everton í hálfleik á miðvikudaginn en Everton setti í gír og bjargaði sér frá falli með 3-2 sigri og vallarinnrás. Spurning hvort þetta hefur einhver áhrif á leikmenn. Annars er þetta bara steindauður lokaleikur. Að lokum samviskurspurning: Ætlar þú að horfa?