Rauðu djöflarnir

Björn Friðgeir

Enska úrvalsdeildin

Manchester United 0:0 Chelsea

skrifaði þann | 21 ummæli

Liðið sem átti að reyna að bjarga Louis van Gaal frá því að vera rekinn og, ekki síður, halda okkur í baráttunni um Meistaradeildarsæti leit svona út

1
De Gea
18
Young
12
Blind
4
Smalling
36
Darmian
31
Bastian
28
Schneiderlin
9
Martial
21
Herrera
8
Mata
10
Rooney

Varamenn:  Romero, Borthwick-Jackson, Jones, Carrick, Fellaini, Pereira, Memphis.

Lið Chelsea:

Courtois
Azpilicueta
Terry
Cahill
Ivanovic
Matic
Mikel
Pedro
Oscar
Willian
Hazard

Fàbregas var með hita og fór ekki norður með Chelsea, sömuleiðis voru Rémy og Cahill meiddir.

Fyrsta hálftímann í leiknum sást United lið sem við höfum ekki séð í langan langan tíma. Lesa meira

Enska úrvalsdeildin

Leikur í gær, leikur á morgun – Chelsea á Old Trafford

skrifaði þann | 6 ummæli

Leikmenn og þjálfari United fá ekki langan tíma til að sleikja sárin og reyna að stoppa í götin eftir tapið sæma í gær. Englandsmeistarar Chelsea koma í heimsókn á Old Trafford á morgun og hugsa sér gott til góðarinnar að bæta við í verstu tapgöngu United í áratugi.

En það er ekki liðið í efsta sæti sem er að koma á morgun, það er liðið í 15. sæti. Eftir góðan sigur gegn Sunderland í fyrsta leik eftir brottrekstur Mourinho tók Guus Hiddink við og fór með Chelsea til Watford í gær og þurfti að hafa mikið fyrir 2-2 jafntefli þó að Oscar hefði svo sóað víti að hætti John Terry sem hefði tryggt þeim sigur. Lesa meira

Enska úrvalsdeildin

Norwich í heimsókn á Old Trafford

skrifaði þann | Engin ummæli

Streð síðustu vikna ætti, ef allt er með felldu, að taka sér smá frí á morgun. Norwich sem vermir þriðja neðsta sæti kemur í heimsókn og ætti undir öllum venjulegum kringumstæðum að verða auðveld bráð, En það eru erfiðir tímar á Old Trafford og sjálfstraustið er ekki beinlínis í hæstu hæðum.

Tveir slæmir tapleikir í röð komu á eftir þremur andlausum jafnteflum og það er vandfundinn United stuðningsmaður sem er enn stuðningsmaður Louis van Gaal sem stjóra. Venjulega myndi brottrekstur stjóra eins helsta keppinautar United í gegnum tíðina hressa United við verulega, en nú er Chelsea svo langt á eftir að það skiptir litlu og að auki er stór hópur sem nú sér José Mourinho á lausu og hugsar sem svo að þarna sé gráupplagt tækifæri að gá betri stjóra. Það er þrátt fyrir að Mourinho er enn á ný að sanna að þriðja tímabil hans hjá félagi sé alltaf slys og aðrir gallar, svo sem bolti sem jafnast á við Louis van Gaal bolta í leiðindum og enginn stuðningur við unglingastarf o.fl. séu í mínum huga nóg til að vilja ekki sjá hann. Lesa meira

Evrópudeildin

Manchester United mætir Midtjylland í Evrópudeildinni

skrifaði þann | 2 ummæli

Það er komið að því að ná sér eftir vonbrigðin gegn Wolfsburg og horfast í augu við það að United er ekki lengur í Meistaradeildinni.

Fyrir sum okkar er það huggun en önnur bölvun að fyrir vikið erum við í Evrópudeildinni. Það er oft sagt að leikur á fimmtudegi þýði tap um helgina og sum myndu vilja að United dytti sem fyrst út.

Ég ætla að leyfa mér að vera alveg ósammála! Úr því sem komið er þá er bara eitt að gera og það er að hirða einn af fáum bikurum sem aldrei hefur sést á Old Trafford Lesa meira

Enska úrvalsdeildin

Suður til Bournemouth á morgun

skrifaði þann | 2 ummæli

Við höfum öll hugsað nóg um Þýskalandsför United í vikunn og best að gleyma henni og snúa sér að deildinni. Á morgun verða United piltarnir mættir á Dean Court í Bournemouth, þeim ágæta suðurstrandarbæ, og takast þá á við Öskubuskulið síðustu ára

AFC Bournemouth

Fyrir sjö árum lenti AFC Bournemouth í 21. sæti í League Two. Þeir höfðu fallið árið áður m.a. vegna stigafrádráttar vegna fjárhagsvandræða, og frekari frádráttur skilaði þeim í þetta 21. sæti. Liðið slapp þó við fall í næstsíðasta leik og nýr eigandi tók við um sumarið. Eddie Howe hafði tekið við liðinu í botnsæti um miðjan vetur, þá 32 ára, og bjargað þeim svo snarlega frá fallega og nú kom hann því í 2. sæti og upp um deild. Howe skrapp síðan til Burnley en kom aftur innan við tveim árum síðar og leiddi liðið upp í Championship deildina, staldraði við eitt ár þar og síðasta vetur unnu þeir Championship deildina og eru því mótherjar okkar á morgun. Lesa meira