Rauðu djöflarnir

Björn Friðgeir

Meistaradeild Evrópu

Olympiakos 2:0 Manchester United: Ei meir, Dave

skrifaði þann | 67 ummæli

Við vitum að

  • Hópurinn sem Sir Alex skildi eftir sig var langt frá því að vera nógu sterkur
  • Að það myndi alltaf hafa áhrif að besti mótivator sögunnar hyrfi frá
  • Að leikmannakaupaklúður síðasta sumars voru ekki alfarið Moyes að kenna
  • Að meiðsli lykilmanna hafa sett strik í reikninginn
  • Að aðrir lykilmenn hafa ekki verið svipur hjá sjón miðað við síðustu ár.

En.

Þetta var slík skelfing að ég gefst upp. Ég hef reynt og reynt og vonað og vonað en það er komið út yfir þolmörk.

Ei meir, Dave.

Ég get alveg fyrirgefið að liðinu gangi ekki vel og það séu ekki að hlaðast inn sigrar. Það sem ég get ekki fyrirgefið er að spilamennska Manchester United sé jafn hrottalega léleg og hún var í kvöld. Ég get ekki fyrirgefið spilamennsku eins og þá sem sást í kvöld þegar leikmenn United virtust líta á miðju vallarins sem einhvers konar glóandi hraun þar sem boltinn mætti alls ekki fara. Boltanum spilað á milli varnarmanna, svo reynt að fara upp kantana og ef fyrirgjöf náðist ekki var leikið til baka til varnarinnar. Lesa meira

Meistaradeild Evrópu

Í vöggu evrópskrar menningar

skrifaði þann | 6 ummæli

Í dag hélt Manchester United til vöggu evrópskrar menningar, Grikklands og mæta á morgun sigursælasta liði Grikklands fyrr og síðar, Olympiakos frá Piræus. Síðan 1997 hafa Olympiakos orðið grískir meistarar öll árin nema tvö og á þessum árum tekið sjö tvennur. Þetta er í fjórða skiptið sem Olympiakos kemst áfram í Meistaradeildinni en Juventus, Bordeaux og Chelsea hafa séð til þess að sextán liða úrslit er enn besti árangur þeirra. Lesa meira

Leikmenn Pistlar Ritstjóraálit Slúður

Er Wayne Rooney besti leikmaður í ensku úrvalsdeildinni

skrifaði þann | 11 ummæli

Slúður helgarinnar snýst allt um einn mann, Wayne Rooney. Í gærkvöld var þvi haldið fram að hann væri búinn að skrifa undir nýjan samning við Manchester United, en í dag virðist ljóst að þó samkomuleg sé í öllum meginatriðum í höfn sé ekki enn búið að setja nöfnin undir. Lykiltölurnar í samningnum eru tvær. Samningurinn er til fimm og hálfs árs, eða til sumars 2019. Laun Rooney á þessum fimm árum munu verða 300 þúsund pund á viku. Þessi laun mynd tryggja hann í sessi sem launahæsta leikmann ensku deildarinnar Lesa meira

Félagaskipti Leikmenn Staðfest

Nemanja Vidić fer frá United í sumar

skrifaði þann | 7 ummæli

Í tilkynningu á vef Manchester United segir Nemanja Vidić að hann ætli sér að leita á nýjar slóðir þegar samningur hans rennur út í sumar. Hann hyggst ekki reyna fyrir sér hjá öðru liði í Englandi og þvi má ætla að orðrómurinn i vikunni um að hann sé á leið til Inter sé réttur.

Vidić hefur verið 8 ár hjá United og unnið fimm titla auk Meistaradeildarinnar að sjálfsögðu og er fyrirliði liðsins. Síðustu þrjú árin hafa hins vegar meiðsli hrjáð hann verulega og hann ekki leikið nema innan við helming leikja liðsins. Eins og Rio Ferdinand og Patrice Evra, hverra samningar renna líka út í sumar, hefur Vidić ekki verið boðinn nýr samningur og því kemur þetta ekki á óvart. Búast má við að hinir tveir fylgi í kjölfar Vidić. Lesa meira

Pistlar Sagan

56 ár frá flugslysinu í München

skrifaði þann | 2 ummæli

Sjötta febrúar ár hvert minnumst við flugslyssins þar sem  8 leikmenn Manchester United, 3 starfsmenn félagsins og 12 aðrir létust.

Leikmennirnir voru Geoff Bent, Roger Byrne fyrirliði, Eddie Colman, Duncan Edwards, Mark Jones, David Pegg, Tommy Taylor og Liam Whelan.

Walter Crickmer, ritari félagsins, Bert Whalley yfirþjálfari og Tom Curry þjálfari létu einnig lífið.

  Lesa meira