Það er komið að því að kjósa besta leikmann United í apríl. Þrátt fyrir að úrslit leikja hafi kannski ekki verið fullkomin (tap gegn Chelsea og Man City) þá skal það aldrei gleymast að liðið tryggði sér Englandsmeistaratitilinn í apríl 2013. Um það þarf ekki að hafa fleiri orð!
Stoke City 0:2 Manchester United Lesa meira
Kosning á besta leikmanni United í mars er lokið og hafa lesendur síðunnar kosið Michael Carrick með 41% atkvæða en David De Gea varð í öðru sæti með 38%. Þessir tveir leikmenn höfðu mikla yfirburði því næstur á eftir þeim kom Nemanja Vidic með 8% atkvæða.
Carrick hefur ásamt Evra spilað mest allra leikmanna United í vetur eða 36 leiki. Það er engin tilviljun því það hefur sýnt sig í vetur, og kannski sérstaklega núna á endasprettinum, að þegar Carrick er ekki með þá er liðið svolítið brothætt aftast á vellinum. Mikilvægi hans fær mann stundum til að velta því fyrir sér hvað myndi gerast ef hann yrði frá í lengri tíma. Ekki það að ég haldi að allt myndi hrynja, held að liðið myndi alveg spjara sig, en ég tek undir með þeim sem segja að liðinu vanti annan leikmann eins Carrick, sérstaklega þar sem óvíst er hvort Fletcher nokkurn tímann komist aftur í sitt fyrra form. Lesa meira
Sem stuðningsmaður Manchester United er maður stundum alltof góðu vanur. Þegar hugsað er til mars mánaðar erum við flest öll sammála því að það var síður en svo góður mánuður fyrir okkar menn. Liðið vann þó alla þrjá leiki sína í ensku deildinni (reyndar allt „skyldusigrar“) en það sem situr mest í manni er grátlegt tap gegn Real Madrid í Meistaradeildinni. Svo var það jafnteflið gegn Chelsea á Old Trafford í bikarnum, leikur sem maður var kannski ekki alltof ósáttur með á þeim tíma (örugglega útaf sjokkinu sem kom í kjölfarið á leiknum gegn Real) en átti svo eftir að reynast liðinu ansi dýrkeyptur. Lesa meira
Sökum anna hef ég dregið lappirnar í að tilkynna útslit í kosningu á leikmanni febrúarmánaðar. Úrslitin reyndar komu ekki mikið á óvart því lesendur Rauðu djöflanna voru sammála flestum öðrum stuðningsmönnum út í heimi í því að David De Gea var besti leikmaður United í febrúar. Hann sigraði þessa kosningu nokkuð örugglega, fékk 43% atkvæða en næstur í kjörinu var Rafael með 21%, en svo kom Giggs með 18%. Lesa meira
Jæja, ég held að það sé bara best að gleyma þessum skrattans leik gegn Real og vinda sér í það að kjósa besta leikmann United í febrúar. Sökum þess hversu snaggaralegur febrúar er spilaði United aðeins fimm leiki og unnu af þeim fjóra. Góðir sigrar þó svo lítið hafi verið um flugeldasýningar. Besti leikur United í febrúar var gegn Real Madrid á Santiago Bernabeu þar sem gríðar góð barátta var í liðinu, en því miður fór það allt sman fyrir lítið, og þar með rifja ég upp leikinn sem ég ætlaði að gleyma. Lesa meira
Vertu með í Fantasy leiknum okkar!