Rauðu djöflarnir

Tryggvi Páll

Pistlar Ritstjóraálit Stjórinn

David Moyes vs Louis van Gaal?

skrifaði þann | 19 ummæli

 

 

 

 

 

 

 

Þetta eru ekkert sérstaklega fallegar myndir hér fyrir ofan. Hvorug þessara mynda lýsir einhverju sem þeir sem tengjast Manchester United á einhvern hátt geta verið stoltir eða ánægðir með. Umræðan undanfarna viku hefur snúist um það sem þessar myndir sýna og verið eitthvað á þessa leið: David Moyes fékk ekki að eyða næstum því jafn miklu og Louis van Gaal en gerði samt betur. Þetta tíst var líkt ansi mörgum sem fjölmiðlamenn og stuðningsmenn annara liða hafa verið að retweet-a og favorite-a yfir á tímalínuna mína á Twitter undanfarna daga. Ég geri ráð fyrir að þessi umræða magnist bara á næstu dögum eftir leik helgarinnar: Lesa meira

Enska úrvalsdeildin

Manchester City 1:0 Manchester United

skrifaði þann | 19 ummæli

Ég veit ekki alveg hvernig mér á að líða eftir þennan leik. 1-0 tap gegn City er ömurlegt, það er óþolandi að tapa á móti þessu liði. En þegar maður horfir heildstætt á leikinn er erfitt að vera mjög brjálaður. Að klára leikinn einum færri með miðjumann, kantmann og algjörlega óreyndan miðvörð í öftustu fjórum og vera svekktur með að United skyldi ekki að minnsta kosti stela stigi er eiginlega alveg fáranlegt. Blendnar tilfinningar. Lesa meira

Enska úrvalsdeildin

United mætir City á Etihad-vellinum á sunnudag

skrifaði þann | 3 ummæli

Jæja. Chelsea á sunnudaginn, City á morgun. Þetta er alvöru.

Eftir að hafa gjörsamlega átt þessa viðureign þegar City var ekki að spila í 2. deild hafa tímarnir aðeins breyst. Eins og allir vita hafa æðstu ráðamenn í Abu Dhabi dælt olíupeningum sínum eins og enginn væri morgundagurinn í þetta City-lið og afraksturinn er þokkalegur. Tvær titlar og einhverjir aðrir bikarar. City hefur líka átt þessa viðureign undanfarin ár. Þeir gjörsamlega snýttu  Manchester United liðinu hans David Moyes í báðum leikjum í fyrra. Unnu okkur eftirminnilega 6-1 um árið. Þeir eru auðvitað ríkjandi meistarar og við erum ennþá að ná áttum eftir að Sir Alex fór af svæðinu. Alexander Kolarov var greinilega með þetta í huga þegar hann lét eftirfarandi flakka í viðtali um daginn: Lesa meira

Enska úrvalsdeildin

Manchester United 2:1 Everton

skrifaði þann | 17 ummæli

Þessi viðureign á síðasta tímabili situr ennþá í mér. Hún fór fram í byrjun desember í fyrra. United var enn í þokkalegri stöðu í deildinni og var að fara að fá leikjatörn sem leit þægilega út á pappír. Það þurfti bara að fara fyrst í gegnum Everton. Everton var að spila vel undir stjórn arftaka David Moyes. Framtíðarfótbolta sem var gaman að horfa á. United var að spila sæmilega undir stjórn arftaka Sir Alex Ferguson. Fortíðarbolta sem var leiðinlegt að horfa á. Ef það var eitthvað sem gat hjálpað David Moyes var það sigur gegn sínu gamla félagi. Það er skemmst frá því að segja að United yfirspilaði Everton í þeim leik en allt kom fyrir ekki, boltinn vildi hreinlega ekki inn þrátt fyrir fjölmörg færi. Auðvitað náði svo Everton að pota boltanum inn á 90. mínútu og hirða alveg einstaklega óverðskulduð þrjú stig. Við þekkjum framhaldið. Þessi Everton-leikur fór hrikalega í taugarnar á mér. Þessvegnar var sigurinn í dag alveg einstaklega sætur. Lesa meira

Enska úrvalsdeildin

QPR á sunnudaginn – Rio snýr aftur

skrifaði þann | 6 ummæli

Undirritaður mætir í útvarpsþátt fotbolta.net á X-inu í hádeginu á morgun þar sem farið verður rækilega yfir gang mála hjá Manchester United.

Þá er landsleikjahléið aaaalveg að verða búið. Það er alltaf jafn pirrandi að menn skulu skera í sundur byrjunina á tímabilinu svona, sérstaklega þegar liðið manns hefur keypt alveg heilan helling af nýjum leikmönnum sem hafa ekki enn spilað fyrir liðið. Blessunarlega tókst þó strákunum okkar að gera þetta landsleikjahlé skemmtilegt með því að rúlla yfir Tyrki á þriðjudaginn. Lesa meira