Rauðu djöflarnir

Tryggvi Páll

Enska deildarbikarkeppnin Stjórinn

Undanúrslit deildarbikarsins – taka 1

skrifaði þann | 5 ummæli

Eftir vonbrigði helgarinnar er vel þegið að fá leik strax í kjölfarið svo að hægt sé að einbeita sér að einhverju öðru en eingöngu því neikvæða. Á morgun mætum við Sunderland í úrslitum deildarbikarsins. Sem betur fer á útivelli.

Ég las ágæta grein fyrir helgina um mikilvægi bikarkeppna. Í henni er haldið fram að sigur í bikarkeppni geti virkað sem stökkbretti fyrir lið og fleytt þeim í átt að frekari velgengni. Tekið er dæmi um Nottingham Forest lið Brian Clough frá áttunda áratugnum sem vann hina merku keppni Anglo-Scottish bikarinn árið 1976. Kannski ekki stærsta bikarkeppnin en Clough sagði seinna að þetta hefði haft sín áhrif: Lesa meira

Enska úrvalsdeildin

Manchester United 3:1 West Ham United

skrifaði þann | 16 ummæli

David Moyes, kallinn. Hann er augljóslega að ná tökum á starfinu. Í fyrsta lagi er hann búinn að banna fyrsta blaðamanninn sinn og í öðru lagi var hann bara að fokka í öllum þegar hann sagði að Rooney væri meiddur fyrir jólaleikina því að hann mætti beint í byrjunarliðið sem var svona:

De Gea

Rafael Evans Smalling Evra

Jones Cleverley

Valencia Rooney Januzaj

Welbeck

Bekkur: Johnstone, Giggs, Hernandez, Young, Kagawa, Buttner, Fletcher Lesa meira

Enska úrvalsdeildin

David Moyes vs Big Sam!

skrifaði þann | 4 ummæli

Það er sæmilega bjart yfir okkar mönnum um þessar mundir eftir ansi myrka byrjun á desember-mánuði. 3 sigrar í röð án þess að fá á sig mark og leikmenn á borð við Tom Cleverley, Danny Welbeck og Ashley Young skoruðu mörk og spiluðu bara ágætlega.

Á morgun kemur Stóri Sam með West Ham í heimsókn á Old Trafford og krafan er einföld: 3 stig og mörk frá Young, Welbeck og Cleverley. Einfalt mál. Er það ekki? Lesa meira

Meistaradeild Evrópu

Manchester United dregið gegn Olympiakos í Meistaradeildinni.

skrifaði þann | 3 ummæli

Það borgaði sig heldur betur að sigra riðilinn í Meistaradeildinni þetta árið! Á meðan Arsenal og City mæta annarsvegar Bayern Munchen og Barcelona hinsvegar getum við prísað okkur sæla með því að fá grísku meistarana í Olympiakos í 16-liða úrslitunum:

16-liða úrslitin líta svona út:

  • Olympiakos – Manchester United
  • Manchester City – Barcelona
  • AC Milan – Atletico Madrid
  • Bayer Leverkusen – Paris Saint-Germain
  • Galatasaray – Chelsea
  • Schalke – Real Madrid
  • Zenit – Borussia Dortmund
  • Arsenal – Bayern München

Fyrsti leikur liðanna fer fram í Grikklandi á Karaiskaki-vellinum þann 25. febrúar og seinni leikurinn verður svo á Old Trafford þann 19. mars. Lesa meira

Enska úrvalsdeildin

Manchester United mætir Aston Villa á Villa Park.

skrifaði þann | 7 ummæli

Okkar menn tryggðu sér 1. sætið í A-riðli Meistaradeildarinnar með ágætum sigri á Shakhtar í vikunni. Aldrei þessu vant skiptast liðin í 1. og 2. sæti í riðlum Meistaradeildarinnar nokkurn veginn eftir getu og eigum við ekki möguleika á að lenda á móti hinum af bestu liðum álfunnar i 16-liða úrslitum. Það er jákvætt.

Moyes glímir við talsverð meiðslavandræði. Carrick er ennþá meiddur ásamt Smalling og í gær bættist Robin van Perse í meiðslahópinn en hann verður frá í heilan mánuð. Það er neikvætt. Vidic, Evra og Fellaini eru einnig tæpir og óvíst með þáttöku þeirra í þessum leik. Eins og lesendur hafa bent á lýsti Nani því svo yfir að hann og heitkona hans hefðu eignast lítinn strák og hann hefði fengið frí til þess að eyða tíma með fjölskyldunni. Hann verður því ekkert viðriðinn leikinn en óskum við honum auðvitað til hamingju með föðurhlutverkið. Hann dettur því út byrjunarliðinu eins og ég hafði spáð að það yrði. Set þá Valencia á hægri kantinn og Januzaj færir sig yfir á þann vinstri. Lesa meira