Tryggvi Páll skrifaði þann | 8 ummæli
Við höfum bryddað upp á því fyrir stórleiki að ræða aðeins við stuðningsmenn liðsins sem United á að mæta. Við höldum áfram með það hér og þar sem við spilum við Arsenal á laugardaginn fékk ég Jan Eric Jessen, Arsenal-mann, líffræðing og knattspyrnudómara með meiru til þess að svara nokkrum laufléttum spurningum:
Það er eiginlega ekki hægt að byrja þetta á öðru en Robin van Persie. Hann hefur byrjað frábærlega hjá United, hversu sárt var að missa hann? Lesa meira
Tryggvi Páll skrifaði þann | 13 ummæli
Hvar skal byrja?
Þessi leikur var frábær skemmtun og leit mjög vel út allt þar á 94. mínútu. Ég nenni ekki að fara yfir á hvaða mínútu mörkin komu og allt það. Í staðinn ætla ég bara að nefna nokkra hluti sem mér fannst athyglisverðir við þennan leik.
Byrjum á byrjunarliðinu. United stillti upp hefðbundnu deildarbikarliði. Vegna meiðsla varnarmanna okkar fengu M.Keane og S. Wooton tækifæri á ný í byrjunarliðinu ásamt Büttner. Rafael var í hægri bak til þess að gefa varnarlínunni smá reynslu (!). Þrátt fyrir að leikurinn hafi endað 5-4 fyrir Chelsea er ekki annað hægt en að hrósa Wooton og Keane. Allt fram á 94. mínútu stoppuðu þeir nánast allt sem kom að marki United og stóðu sig einstaklega vel. Það eru svo tvenn mistök sem hiklaust er hægt að skrifa á reynsluleysi og þreytu sem gefa Chelsea mark númer 3 og 4. Wooton gerði mistökin en stóð sig annars vel. Ég var samt sérstaklega hrifinn af Keane, mér fannst hann standa sig mjög vel og ég held að hann geti alveg dekkað þessa stöðu vandræðalaust ef meiðslin halda áfram. Auðvitað er grátlegt að mistök Wooton hafi kostað okkur sigurinn í þessum leik en þetta fer í reynslubankann og það er ómetanlegt. Lesa meira
Tryggvi Páll skrifaði þann | 8 ummæli
Jæja, búið að tilkynna byrjunarliðin fyrir leikinn á eftir:
Lindegaard
Rafael Keane Wooton Büttner
Nani Fletcher Anderson Giggs
Welbeck Chicharito
Varamenn: Johnstone, Powell, Macheda, Lingard, Vermijl, Brady, Tunnicliffe
Segjum að þetta sé 4-4-2. Væri þó gaman ef þetta er tígullinn og Nani er fyrir aftan framherja. Hef verið spenntur fyrir því að sjá hann fá tækifæri þar í langan tíma. Sæmilega sterkt byrjunarlið en vörnin er tæp. Rafael okkar reynslumesti varnarmaður inná. Það er einnig ekki mikla reynslu að finna á bekknum. Macheda sá eini sem hefur spilað einhverja aðalliðsleiki að ráðu. Lesa meira
Tryggvi Páll skrifaði þann | 10 ummæli
Rússíbanakvöld í boði Manchester United.
Þetta byrjaði ekki byrlega fyrir okkar menn. Eftir 90 sekúndur voru Braga-menn komnir yfir og þar var að verki tískufyrirmynd Anderson, leikmaður að nafni Alan. Hann var umkringdur varnarmönnum United en náði engu að síður skallanum og inn fór boltinn. Eftir markið var United meira með boltann en Braga ógnaði með fámennum skyndisóknum. Það var úr þannig sókn sem Braga komst í 0-2. Éder og Alan voru einir gegn svona átta United-mönnum. Éder fíflaði miðvörðinn Carrick alveg við hliðarlínuna, gaf inn í teig þar sem Jonny Evans var að horfa á einhverja sæta stelpu upp í stúku, í það minnsta ekki neitt að pæla í því hvern hann ætti að vera að dekka. Alan nýtti sér það og skoraði ágætis mark, staðan 0-2. Lesa meira
Tryggvi Páll skrifaði þann | 29 ummæli
Byrjunarliðin voru að detta inn og þau eru eftirfarandi:
De Gea
Rafael Carrick Evans Büttner
Fletcher Cleverley
Kagawa Rooney(c) RvP
Hernandez
Bekkur: Johnstone, Rio, Anderson, Giggs, Nani, Young, Welbeck
Hernandez, Rooney og RvP byrja allir inná í kvöld. Það verður því vonandi blásið til sóknar. Þið verðið að afsaka hvernig þetta er sett upp hérna, eins og er ræður kerfið ekki alveg við tígulmiðjuna sem verður augljóslega notuð núna. Reikna með að Fletcher sé í uppsópinu á miðjunni með Kagawa og Cleverley fyrir framan. Rooney styður svo við miðjuna og framlínuna fyrir aftan RvP og Hernandez. Þetta er spennandi lið og leikurinn verður vonandi góð skemmtun Lesa meira
Vertu með í Fantasy leiknum okkar!