Rauðu djöflarnir

Enska úrvalsdeildin

Enska úrvalsdeildin

Heimsókn til spútnikliðsins Watford á morgun

skrifaði þann | 5 ummæli

Fyrst: Ekki missa af djöflavarpi gærkvöldsins:

Næst: Watford.

Það hefðu líklega sum okkar spáð því að þegar kæmi að fimmta leik mótsins að þar myndu mætast lið annars vegar með fullt hús stiga og hins vegar helming þess. En að það væri Watford með tólf stig og United með sex held ég að enginn þori að segjast hafa haldið.

Fyrir tímabilið var Watford ekki spáð góðu gengi og ritstjórn RD plantaði þeim í þriðja neðsta sæti. Watford átti þrjá fyrstu leiki sína gegn Brighton, Burnley og Crystal Palace og komst á góðan skrið með að vinna þá alla. Síðan spáðu flest að þetta góða gengi myndi enda þegar kom að leik við Tottenham Hotspur en öllum á óvörum unnu Watford þann leik líka, þrátt fyrir að hafa lent undir, 1-0. Lesa meira

Enska úrvalsdeildin

Burnley 0:2 Manchester United

skrifaði þann | 11 ummæli

Þá er 4. umferð ensku úrvalsdeildarinnar lokið en okkar menn sigldu heim 3 stigum manni færri eftir vægast sagt skrautlegan leik. José Mourinho skellti Fellaini inn á miðjuna í staðinn fyrir Fred sem átti ekki sérstakan leik gegn Tottenham fyrr í vikunni. Sanchez og Linfelöf komu líka báðir inn en Mourinho stillti upp í frekar hefðbundið 4-3-3 á meðan Burnley stillti upp í 4-4-2. Lesa meira

Enska úrvalsdeildin

United fer í heimsókn á Turf Moor

skrifaði þann | 1 ummæli

Þá er komið að fjórðu umferð í enska boltanum en hún hófst í dag með viðureign Leicester City og Liverpool. Okkar menn mæta á Turf Moor í öðrum af síðustu tveimur leikjum umferðarinnar á morgun þar sem heimamenn í Burnley taka á móti okkur. Hvorugt liðið hefur fengið draumabyrjun á tímabilinu en stuðningsmenn beggja liða vonast eflaust eftir því að leikurinn á sunnudaginn komi til með að marka upphafið að nýjum og betri tímum. Hvort af því verði verður að koma í ljós en eitt er víst að okkar menn þurfa að átta sig á að sumarfríið er búið og menn þurfa að fara skrúfa hausinn á og byrja tímabilið. Lesa meira

Enska úrvalsdeildin

Manchester United 0:3 Tottenham Hotspur

skrifaði þann | 34 ummæli

Eftir slæmt tap gegn Brighton var komið að stórleik á heimavelli. Tækifæri til að bæta fyrir frammistöðuna í síðasta leik og sýna almennilegan lit í deildinni. En allt kom fyrir ekki, þrátt fyrir verulega góða spretti á köflum þá var niðurstaðan slæmt tap.

José Mourinho ákvað að gjörbreyta liðinu sínu frá því í síðasta leik, bæði leikmannavali og liðsuppstillingunni. Af þeim sem byrjuðu gegn Brighton þá duttu 6 úr byrjunarliðinu og 4 þeirra voru ekki einu sinni í leikmannahópnum í þetta skiptið. Lesa meira

Enska úrvalsdeildin

Tottenham heimsækir Old Trafford

skrifaði þann | 7 ummæli

Manchester United spilaði á föstudegi í fyrstu umferð, sunnudegi í annarri umferð og nú er komið að mánudagsleik í 3. umferðinni. Í næstu umferð verður svo aftur sunnudagsleikur og það er ekki fyrr en í fimmtu umferðinni sem United klárar safnið og fær loks laugardagsleik.

En þessi leikur verður eins og áður segir á mánudegi, hefst klukkan 19:00 að íslenskum tíma og dómarinn í leiknum verður Craig Pawson. Lesa meira