Rauðu djöflarnir

Enska úrvalsdeildin

Enska úrvalsdeildin

Leicester á morgun

skrifaði þann | 2 ummæli

Annað kvöld, á versta hugsanlega tíma fyrir Íslendinga í jólaundirbúningi og sérstaklega þau sem hanga á Laugaveginum á Þorláksmessu fer United til Leicester og tekst á við Englandsmeistarana frá því fyrir ári.

Þetta er fyrsti leikurinn í seinni umferðinni, United vann Leicester nokkuð örugglega í ágúst en Leicester hefur bara staðið sig þokkalega síðan og er í áttunda sæti, aðeins sex stóru og Burnley á undan þeim. Þeir voru búnir að vinna fimm leiki í röð í deild þegar Crystal Palace skellti þeim illa um síðustu helgi, 3-0. Varaliðið þeirra náði svo jafntefli gegn City í Carabao bikarnum á þriðjudaginn en tapaði í vítakeppni. Lesa meira

Enska úrvalsdeildin

WBA 1:2 Manchester United

skrifaði þann | 10 ummæli

Eftir góðan fyrri hálfleik og óþarflega erfiðan seinni hálfleikur náði Manchester United að landa sigri gegn WBA. Þrjú stig til viðbótar og það er þegar ljóst að Manchester United er að eiga sinn besta fyrri hluta deildartímabils frá því Ferguson lét af störfum. Liðið er að auki búið að vinna 3 útileiki í röð sem hefur ekki gerst áður á þessu tímabili, gerðist síðast í febrúar. Og svo má líka benda á að liðið er komið yfir 40 stiga múrinn og ætti því að vera öruggt frá falli. Gleðileg jól! Lesa meira

Enska úrvalsdeildin

United fer á toppinn á morgun

skrifaði þann | 3 ummæli

Nei, Manchester United er ekki að fara á topp úrvalsdeildarinnar á morgun, en liðið fer hins vegar á The Hawthorns á morgun og mætir West Bromwich Albion á vellinum sem er hæst yfir sjávarmáli af ölllum völlum í úrvalsdeildinni, og reyndar allri deildarkeppninni, 168 metra yfir sjávarmáli.

Það er ekki hægt að segja að WBA hafi gengið vel í vetur. Liðið vann fyrstu tvo leikina í ágúst en hefur ekki unnið leik síðan! Átta jafntefli hafa hins vegar gert að verkum að liðið hangir einu sæti fyrir ofan fallsætin, þökk sé markatölu.  Tony Pulis var rekinn í nóvember og Alan Pardew ráðinn í staðinn en hann hefur ekki náð að stýra liðinu á sigurbraut. Undir hans stjórn hefur liðið samt ná jafntefli gegn Tottenham og Liverpool og því ekkert hægt að reikna með auðveldum sigri á morgun. Jafnteflið gegn Liverpool hefur eflaust komið liðinu í gott skap og það verður erfitt fyrir United að brjóta liðið niður enda sáum við hvernig gekk móti Bournemouth á miðvikudaginn. Lesa meira

Enska úrvalsdeildin

Manchester United 1:0 AFC Bournemouth

skrifaði þann | 9 ummæli

Scott McTominay fékk tækifæri í byrjunarliðinu í stað Ander Herrera sem satt best að segja ekki verið mjög góður í vetur og Luke Shaw byrjaði fyrsta deildarleik sinn í sjö mánuði og 13 daga. Að auki komu Phil Jones og Juan Mata inn í liðið

1
De Gea
23
Shaw
4
Jones
12
Smalling
25
Valencia
31
Matić
39
McTominay
11
Martial
14
Lingard
8
Mata
9
Lukaku

Varamenn: Romero, Blind, Lindelöf, Young, Ander Herrera, Ibrahimovic, Rashford

Bournemouth leit svona út, enginn Jermain Defoe í byrjunarliðinu. Lesa meira

Enska úrvalsdeildin

Bournemouth kemur í heimsókn

skrifaði þann | 6 ummæli

Eftir vonbrigðin um síðustu helgi fáum við strax annan deildarleik á heimavelli. Tímabilið heldur áfram og næsti andstæðingur er Bournemouth. Manchester United er þrátt fyrir allt enn í 2. sæti og það mjög verðskuldað eftir spilamennskuna í vetur. Nú þarf liðið bara að sýna aftur hvað það getur á heimavelli og vinna þennan leik.

Chelsea er eina liðið af topppakkanum sem á þriðjudagsleik í þessari 17. umferð. Þeir mæta þá Huddersfield á útivelli. Toppliðið í Manchester City á útileik gegn Swansea City, Liverpool á heimaleik gegn WBA, Arsenal á útileik gegn nágrönnum sínum í West Ham United og Tottenham fær Brighton & Hove Albion í heimsókn. Á blaði ættu öll toppliðin að vinna sína leiki en við höfum nýleg dæmi um að þessir leikir fara ekki alltaf eftir gamla, góða blaðinu. Lesa meira