Eftir strembna fjögurra leikja hrinu þar sem leikið var á útivelli var loksins komið að leik á Old Trafford. Ekki voru miklar sviptingar í leikmannahópi Manchester United en Eric Bailly kom tilbaka eftir mánaðar fjarveru sökum meiðsla og munar um minna. Sömu sögu er ekki hægt að segja um lið Tottenham Hotspur en liðið var án Harry Kane sem meiddist í leiknum gegn Liverpool á Wembley. Bæði lið þurftu nauðsynlega þrjú stig úr þessum leik til að halda í við Manchester City.
Enska úrvalsdeildin
Loksins heimaleikur aftur – Tottenham kemur í heimsókn
Loksins er fjögurra leikja útileikjahrinunni lokið. Um var að ræða Benfica í Meistaradeildinni, Swansea í deildarbikarnum og Liverpool og Huddersfield í úrvalsdeildinni. Leikirnir gegn Benfica og Swansea unnust en fyrrnefndi sigurinn var afskaplega ósannfærandi og í raun aðeins mistökum ungs markvarðar Benfica að þakka. Deildarleikirnir tveir voru nóg til að sumt stuðningsfólk snerist gegn knattspyrnustjóranum en þessir leikir voru minna ánægjulegir en þreföld rótarfylling án deyfiefna.
Huddersfield 2:1 Manchester United
Þetta er var bara andskoti léleg frammistaða hjá okkur mönnum í dag. Liðið var hægt, fyrirsjáanlegt og ógnaði marki Huddersfield aldrei að neinu viti. Leikmenn Huddersfield voru að berjast virkilega vel í leiknum og átti alveg skilið að vinna þennan leik. Það má deila um hvort að United hefði átt að fá vítaspyrnu í fyrri hálfleiknum eftir að það virtist sem að Kachunga hefði brotið á Herra inni í teig. United lifnaði aðeins við undir lok leiksins þegar Lukaku lagði upp mark fyrir Rashford en það reyndist einfaldlega of lítið og of seint.
Heimsókn til Huddersfield
Góðu fréttirnar eru þær að Manchester United hefur ekki tapað gegn Huddersfield Town síðan í mars árið 1952. Manchester United hefur haft töluverða yfirburði í síðustu viðureignum félaganna. En það er líklega ágætt að hafa það í huga að síðast þegar liðin mættust þá skoraði George Best fyrir Manchester United. Það er, með öðrum orðum, kominn töluverður tími frá því þessi lið mættust síðast á fótboltavellinum.
Djöfullegt lesefni 2017:07
Ýmislegt um liðið og leiki
Telegraph skrifaði um hvernig United er aftur komið í gírinn að skora allt fram á síðustu mínútu.
Skemmtileg taktísk greining á leik Manchester United gegn Everton.
Er breiddin í núverandi leikmannahópi United nægilega mikil var spurt eftir leikinn í deildarbikarnum og Jonathan Wilson spyr hvort þetta United lið sé meistarakandídat.
Sparkspekingar og knattspyrnustjórar eru ekki sammála um hvort það sé auðveldara eða erfiðara fyrir framherja að skora mörk þessa dagana. Michael Cox greindi það aðeins nánar.