Björn Friðgeir skrifaði þann | 22 ummæli
Eftir þessi hrikalegu vonbrigði á miðvikudaginn er annar risaútileikur næstur á dagskrá. United fer til Newcastle og tekst á við Saudi United.
Meiðslalistinn hjá okkur er nokkurn veginn óbreyttur, Mason Mount er byrjaður að æfa en verður nær örugglega ekki með á morgun. Það var skynsamlegt að henda Mainoo ekki í djúpu laugina í İstanbul en hann verður að vera á miðjunni á morgun Lesa meira
Ragnar Auðun Árnason skrifaði þann | 10 ummæli
United heimsótti særða Everton menn á Goodison Park í dag klukkan 16:30. Erik Ten Hag gerði nokkrar breytingar á liði sínu frá sigrinum á Luton fyrir landsleikjahlé. Luke Shaw var kominn aftur í byrjunarlið United, loksins loksins. Martial byrjaði þar sem Rasmus Hojlund er frá vegna meiðsla, en stóru fréttirnar voru að Kobbie Mainoo byrjaði sinn fyrsta leik í ensku úrvalsdeildinni. Sjálfur var Erik Ten Hag í leikbanni og mætti með sixpensarann upp í stúku en Mitchell van der Gaag stýrði skútunni af hliðarlínunni. Eins og kom fram í upphituninni þá voru dregin 10 stig af Everton í landsleikjahléinu fyrir brot á Financial Fair Play (FFP). Stuðningsmenn Everton og klúbburinn eru talsvert ósátt við þessa refsingu þar sem ónefnt ögn ljósblárra lið 50 km í burtu liggur undir grun að brotið reglur FFP ögn oftar. Stuðningsmenn Everton héldu því uppi bleikum spjöldum sem á stóð „Corrupt“. Topp lið deildarinnar gerðu jafntefli um helgina, sem varð til þess að Arsenal tilti sér á toppinn og þá tapaði Tottenham, United gat því með sigri minnkað muninn í toppliðið niður í 6 stig og muninn í Tottenham í 2 stig. Lesa meira
Ragnar Auðun Árnason skrifaði þann | 1 ummæli
Loksins loksins er landsleikjahléið búið og ekkert svoleiðis fyrr en í mars á næsta ári. United heimsækir bláa helming Liverpool borgar, þegar að liðið sækir Everton heim í Guttagarð á sunnudag klukkan 16:30. United mætir til leiks eftir landsleikjahléið sem mest „in form“ lið ensku úrvalsdeildarinnar, sem er fáránleg staðreynd ef horft er á spilamennsku liðsins. Það er þrátt fyrir allt í alvöru staðreynd að í síðustu fimm úrvalsdeildarleikjum hefur ekkert lið fengið jafn mörg stig og Manchester United. United er þó enn bara í 6. sæti deildarinnar 7 stigum á eftir toppliði Manchester City. Lesa meira
Friðrik Már Ævarsson skrifaði þann | 8 ummæli
Það var fátt sem kom á óvart í liðsvali Erik ten Hag í dag fyrir utan það að Reguilón kom inn í vinstri bakvörðinn og Dalot var færður hægra megin. Þetta var 50. deildarleikur ten Hag á Englandi.
Luton stilltu upp í 3-4-2-1.
Leikurinn bar þess merki snemma að Luton hugðist sitja aftur og United fengi að hanga verulega á boltanum. Strax á fimmtu mínútu kom fyrsta VAR atvikið þegar fyrirgjöf frá Bruno Fernandes af vinstri vængnum endaði í upphandlegg eins varnarmanna gestanna en vítaspyrnudómur hefði verið ansi strangur. Lesa meira
Friðrik Már Ævarsson skrifaði þann | Engin ummæli
Nú í vikunni lá United í þriðja sinn í Meistaradeildinni og martraðarbyrjun liðsins virðist engan enda ætla að taka. Liðið situr á botni A riðils með einungis þrjú stig eftir grátlegt tap gegn spræku liði FC Kobenhavn þar sem Marcus Rashford var sendur í sturtu í fyrri hálfleik og dómari leiksins var í aðalhlutverki frá fyrsta flauti til endaloka.
Leiknum lauk með 4-3 tapi en United var í góðri stöðu með tveggja marka forystu áður en Englendingurinn fékk að líta rauða spjaldið eftir um hálftíma leik. 10 manna United liði tókst ekki að kroppa í nein stig á danskri grund og nú er róðurinn orðinn heldur strembinn. En áður en kemur að næsta leik gegn Galatasaray þá fáum við heimaleik gegn nýliðum Luton Town. Lesa meira
Vertu með í Fantasy leiknum okkar!