Tryggvi Páll skrifaði þann | 4 ummæli
Það er sæmilega bjart yfir okkar mönnum um þessar mundir eftir ansi myrka byrjun á desember-mánuði. 3 sigrar í röð án þess að fá á sig mark og leikmenn á borð við Tom Cleverley, Danny Welbeck og Ashley Young skoruðu mörk og spiluðu bara ágætlega.
Á morgun kemur Stóri Sam með West Ham í heimsókn á Old Trafford og krafan er einföld: 3 stig og mörk frá Young, Welbeck og Cleverley. Einfalt mál. Er það ekki? Lesa meira
Magnús Þór skrifaði þann | 11 ummæli
Það hlaut að koma að því. Ekki bara sannfærandi sigur heldur mörk frá þeim Danny Welbeck og Tom Cleverley sem hafa mikið verið gagnrýndir fyrir slakar frammistöður og þá sérstaklega Welbeck. Sérstaklega var ánægjulegt að sjá Darren Fletcher koma inná og fá 20 mínútur.
United stóð frammi fyrir því að mögulega tapa 3 leikjum í röð en það hefur bara tvisvar gerst í sögu úrvalsdeildarinnar (Bjössi við vitum að fótboltinn var ekki fundinn upp þá). United var nánast að spila 4-3-3 með Rooney sem framliggjandi miðjumann fyrir framan Cleverley og Giggs. Það var mjög mikill léttir að sjá Jones þar sem hann á heima á kostnað Ferdinand sem hefur alls ekki verið að gera góð mót hingað til. Hinn unga Januzaj er alltaf gaman að sjá í byrjunarliði og hann lýsti því yfir á dögunum að vilja að vera allt sitt líf hjá United. Einhverjir voru eflaust efins með þá ákvörðun að láta Welbeck byrja en það borgaði sig í dag, heldur betur. Lesa meira
Tryggvi Páll skrifaði þann | 7 ummæli
Okkar menn tryggðu sér 1. sætið í A-riðli Meistaradeildarinnar með ágætum sigri á Shakhtar í vikunni. Aldrei þessu vant skiptast liðin í 1. og 2. sæti í riðlum Meistaradeildarinnar nokkurn veginn eftir getu og eigum við ekki möguleika á að lenda á móti hinum af bestu liðum álfunnar i 16-liða úrslitum. Það er jákvætt.
Moyes glímir við talsverð meiðslavandræði. Carrick er ennþá meiddur ásamt Smalling og í gær bættist Robin van Perse í meiðslahópinn en hann verður frá í heilan mánuð. Það er neikvætt. Vidic, Evra og Fellaini eru einnig tæpir og óvíst með þáttöku þeirra í þessum leik. Eins og lesendur hafa bent á lýsti Nani því svo yfir að hann og heitkona hans hefðu eignast lítinn strák og hann hefði fengið frí til þess að eyða tíma með fjölskyldunni. Hann verður því ekkert viðriðinn leikinn en óskum við honum auðvitað til hamingju með föðurhlutverkið. Hann dettur því út byrjunarliðinu eins og ég hafði spáð að það yrði. Set þá Valencia á hægri kantinn og Januzaj færir sig yfir á þann vinstri. Lesa meira
Björn Friðgeir skrifaði þann | 30 ummæli
Liðið sem átti að reyna að bæta fyrir frammistöðuna gegn Everton leit svona út
De Gea
Rafael Vidic Evans Evra
Nani Cleverley Jones Januzaj
Hernandez Van Persie
Varamenn: Lindegaard, Ferdinand, Anderson, Valencia, Young, Zaha, Welbeck
Eftir nokkuð varfærna byrjun fór sókndjörf uppstillingin að segja til sín og United náði upp nokkrum nettum sóknum. Það hjálpaði ef til vill að Yohan Cabaye sem byrjaði leikinn mjög fyrirferðarmikill á miðjunni fékk gult spjald áður en tíu mínútur voru liðnar. Nani og Januzaj voru nokkuð nettir en þegar Newcastle fékk boltann áttu þeir frekar auðvelt með að halda honum, lítil pressa á þá á miðjunni frá Jones og Cleverley. Jones tók sig þó á og var farinn að tækla grimmúðlega út um alla miðju. Þó ekki jafn oft og stíft og Newcastle sem sannarlega létu finna fyrir sér. Lesa meira
Björn Friðgeir skrifaði þann | 2 ummæli
Newcastle kemur í heimsókn til Manchester á morgun og hefst leikurinn kl. 12:45. Newcastle átti mjög góðan nóvember og var Alan Pardew valinn stjóri mánaðarins og Tim Krul leikmaður mánaðarins. Fyrir vikið er Newcastle stigi á undan United í 7.sæti. Þeir byrjuðu þó ekki desember gæfulega, töpuðu 3-0 í Swansea. Það er franska innrásin í Newcastle sem er að gera góðu hlutina þar (auðvitað fyrir utan Hollendinginn Krul, Fílabeinsstrendinginn Tiote, Senegalann Cissé og Argentínumanninn Coloccini) og leikmenn á borð við Loïc Rémy, Yohan Cabayé (sem hefur oft verið orðaður við okkur), Yoan Gouffran, Mathieu Debuchy, og Moussa Sissoko hafa allir staðið sig vel í vetur. Þannig það verður ekki mjög enskt lið sem kemur á Old Trafford! Lesa meira
Vertu með í Fantasy leiknum okkar!