Rauðu djöflarnir

Enska úrvalsdeildin

Enska úrvalsdeildin

Manchester United 0:0 Chelsea

skrifaði þann | 18 ummæli

Þennan leik var búið að byggja rosalega upp. Fyrsti heimaleikurinn hjá  Moyes og jafnframt fyrsti virkilega stóri leikurinn, reyndar er næsti leikur gegn Liverpool alltaf stærri en það er önnur saga. Margir hafa verið spá okkar liði 3.sæti og kannski neðar á meðan flestir eru á því að Chelsea vinni titilinn þar sem Mourinho er kominn aftur.

Frammistaða Chelsea hingað til í deildinni er ekki sannfærandi þó svo að þeir séu með 7 stig úr 3 leikjum. Voru stálheppnir í síðasta leik að missa ekki Ivanovic útaf og fá dæmt á sig víti og Villa menn voru skiljanlega fúlir eftir þann leik. Lesa meira

Enska úrvalsdeildin

Fyrsti heimaleikur tímabilsins, Mourinho og félagar koma í heimsókn

skrifaði þann | 9 ummæli

Þá er komið fyrsta stóra leik tímabilsins og jafnframt fyrsta heimaleik. José Mourinho og dátar hans í Chelsea koma í heimsókn. Margir hafa spáð Chelsea titlinum í vor einfaldlega vegna þess að Mourinho sé kominn aftur. Liðið hefur ekki styrkt sig mikið nema að menn telji að Andrea Schürrle hafi verið týnda púslið sem þá vantaði í fyrra. Síðasta tímabil Mourinho á Englandi tapaði liðið titlinum til okkar manna, hann hætti svo næsta haust. Chelsea tilkynnti í dag um kaup á Willian sem ætlaði til Liverpool, svo til Spurs en endaði svo hjá Chelsea, ég tel það einstaklega ólíklegt að hann muni koma við sögu annað kvöld. Chelsea hafa ekki byrjað tímabilið sannfærandi þó svo að þeir hafi 6 stig, þeir kaffærðu ekki nýliða Hull og voru stálheppnir gegn Aston Villa þar sem dómgæslan hjálpaði talsvert. Lesa meira

Enska úrvalsdeildin

Swansea 1:4 Manchester United

skrifaði þann | 22 ummæli

United stillti svona upp í hellirigningu á Liberty Stadium:

Varamenn: Lindegaard, Anderson, Rooney, Smalling, Fabio, Kagawa, Zaha

Ferdinand og Valencia komu inn í liðið frá Góðgerðaskildinum.

Lið Swansea: Vorm; Rangel, Chico, Williams, Davies; Britton, Cañas; Dyer, Shelvey, Routledge; Michu.

Swansea byrjaði þennan leik af krafti og pressaði vel. Það var þó af öllum mönnum Phil Jones sem fékk fyrsta upplagða færið, Vorm sýndi að hann er fínn markvörður og varði í horn. Pressa Swansea skilaði þo ekki færum, þó United væri farið að draga liðið ansi aftarlega og í hraðaupphlaupum var United að skapa frekar. Van Persie skallaði fyrirgjöf Evra beint á Vorm og Giggs náði ekki að gefa á Welbeck þegar þeir voru komnir í gegn. Eftir kortér hafði Swansea verið með boltann um 2/3 hluta leiksins, en þá fór United að halda boltanum betur og byggja upp spil, Welbeck skaut á Vorm og Giggs skaut framhjá þegar boltinn barst til hans. En beint uppúr því fékk Swansea sitt beta færi, Ferdinand rann á vellinum og hleypti Routledge í skotstöðu. De Gea varði og Dyer fékk boltann en var réttilega dæmdur rangstæður. Lesa meira

Enska úrvalsdeildin

Swansea City fyrstu mótherjar David Moyes

skrifaði þann | 5 ummæli

Á morgun verður flautað til leiks á Liberty Stadium í Swansea og Robin van Persie og Danny Welbeck renna boltanum á milli sín og hefja nýjan kafla í sögu Manchester United. David Moyes er tekinn við.

Í morgun birtum við spekúlasjónir bloggskríbenta Rauðu djöflanna um tímabilið sem koma skal (fimmti pistillinn hefur bæst við frá í morgun), en nú er komið að því að einbeita sér að einum leik í einu. Það er ekki eins og undirbúningstímabilið hafi gefið miklar vísbendingar um hvað David Moyes telur sitt besta lið en svona er mín spá fyrir morgundaginn Lesa meira

Enska úrvalsdeildin Leikjadagskrá

Leikjaniðurröðun næsta tímabils

skrifaði þann | 3 ummæli

Það er ekki nema rétt tæplega tveir mánuðir í að nýja tímabilið hefjist og í dag kom út leikjaáætlunin fyrir næsta tímabil.  Ef Moyes var ekki nú þegar í djúpu lauginni er nokkuð ljóst að það er búið að sprengja sundkútana hans. Hann fær einhverja erfiðustu byrjun sem ég man eftir að United hafi fengið. Fyrstu 5 leikir eru eftirfarandi:

Swansea (úti) – 17. ágúst Lesa meira