De Gea
Jones Evans Vidic Evra
Valencia Carrick Cleverley Young
Rooney
van Persie
Bekkur:
Anders Lindegaard
Ryan Giggs
Javier Hernández
Danny Welbeck
Paul Scholes
Alexander Büttner
Darren Fletcher
Enska úrvalsdeildin
Swansea á morgun
Á morgun mætum við Walesverjunum í Swansea á útivelli. Þeir hafa átt nokkuð góðu gengi að fagna í deildinni í ár undir stjórn Michael Laudrup. Margir bjuggust við erfiðu gengi eftir brottför Brendan Rodgers en liðið spilaði í fyrra virkilega góðan fótbolta á spænska mátann. Michael Laudrup spilaði á sínum tíma fyrir bæði Barcelona og Real Madrid og hefur þjálfað Bröndby, Getafe, Spartak Moskvu og Mallorca. Swansea gerði sennilega bestu kaup tímabilsins þegar þeir fengu spænska snillingin Miguel Pérez Cuesta eða Michu eins og hann er betur þekktur en hann markahæstur í deildinni ásamt Robin van Persie sem hafa skorað 12 mörk hvor. Hann er ekki eini spánverjinn sem Laudrup hefur fengið til liðsins því einnig voru Chico Flores og Pablo Hernández verslaðir. Búast má við því að hraðir vængmenn heimamann geti valdið okkur vandræðum þá helst hinn eldsnöggi Nathan Dyer.
Manchester United 3:1 Sunderland
Eftir frábæra frammistöðu um síðustu helgi gegn Man City var komið að því að leika gegn Sunderland heima. Fyrirfram var þetta svolítið hættulegur leikur, það er alltaf erfitt að halda uppi einbeitingu eftir jafn stóran sigur og gegn City, plús að United hefur verið í bölvuðu basli með liðin í neðri hluta deildarinnar á þessu tímabili. Chris Foy var dómari leiksins, veður var milt, 8 stiga hiti, 11km/klst vindur úr SSV, 85% raki og 988 mb loftþrýstingur. Svona var liðið skipað:
Byrjunarliðið gegn Sunderland
Jæja, byrjunarliðið var að detta í hús, það lítur út svona:
De Gea
Jones Ferdinand Smalling Evra
Valencia Carrick Cleverley Young
Rooney
Van Persie
Bekkur: Lindegaard, Giggs, Hernandez, Vidic, Welbeck, Scholes, Fletcher
Þar hafið þið það, svo virðist sem Ferguson ætli að spila 4-4-2/4-4-1-1 í dag. Vidic er á bekknum, Rafael fær hvíld í dag og því verður Jones í hægri bakverðinum, Smalling tekur svo vaktina fyrir meiddan Evans. Fyrir utan þessar tvær breytingar á vörninni þá er um að ræða sama lið og byrjaði gegn City.
Sunderland á morgun
Það er búið að vera einstaklega gaman að vera United stuðningsmaður þessa vikuna eftir glæsilegan sigur liðsins gegn City síðasta sunnudag, en núna er víst komið að því að halda göngunni áfram í átt að titlinum því á morgun klukkan 15:00 verður flautað til leiks á Old Trafford í viðureign Manchester United og Sunderland. Martin O’Neill og lærlingum hans hefur ekki gengið vel í deildinni í vetur en um síðustu helgi unnu þeir þó góðan heimasigur gegn Reading og lyftu sér upp í 16 sætið í deildinni.