Magnús Þór skrifaði þann | 9 ummæli
Leikir þessa liða hafa oftar en ekki verið góð skemmtun oft var mikið skorað í þeim, hver man t.d. ekki eftir þrennunni hans Ronaldo í 6-0 sigri á Old Trafford 2008? Þetta var eina þrennan sem Ronaldo skoraði fyrir United.
Leikir þessa liða á síðustu leiktíð reyndust dýrkeyptir því við gerðum 1-1 jafntefli á heimavelli eftir að dómarinn gaf þeim víti, af því að United fá allar ákvarðanir á Old Trafford. Svo töpuðum við 3-0 á St. James’s Park, það tap skrifast alfarið á okkar lið. Lesa meira
Jæja, fyrsti sigur Tottenham á Old Trafford síðan 1989 staðreynd. Ekki alveg það sem ég bjóst við, reyndi að vera bjartsýnn á að United myndi koma ferskir til leiks og vinna frekar sannfærandi sigur. Hinsvegar voru það 45 mínútur af hörmulegum fótbolta Manchester United í fyrri hálfleik skóp sigur Tottenham í leiknum. Þrátt fyrir að halda alltaf í vonina var ég nánast búinn að sætta mig við tap í hálfleik, þú getur ekki gefið Tottenham tvö mörk með þessum hætti. Í seinni hálfleik spilaði liðið svo frábærlega og í lok leiksins er ég vonsvikinn að hafa ekki a.m.k. fengið eitt stig út úr leiknum. Dómar í óhag, skot í stöng og slá, nokkur dauðafæri, einn af þessum dögum býst ég við. Við skulum hinsvegar byrja á byrjuninni og skoða liðin. Lesa meira
Jæja, þá er stjórinn búinn að koma með sýna útgáfu af byrjunarliðinu. Skoðum hvað hann leggur til.
Lindegaard
Rafael Evans Ferdinand Evra
Nani Scholes Carrick Giggs
Kagawa
Van Persie
Bekkur: De Gea, Anderson, Rooney, Hernandez, Welbeck, Cleverley, Wootton
Jæja, ekki alveg eins og ég spáði, en samt sem áður ekkert sem kemur á óvart, nema kannski að það er smá útfærslubreyting á kerfinu. Virðast ætla að spila meira 4-4-1-1, mér lýst bara vel á það! Markverðirnir halda áfram að skiptast á, þeir gömlu halda sínum sætum, Rooney kemur ekki inn eins og ég hafði spáð (og vonað) og Nani er á sínum stað þrátt fyrir vandræði hans í vikunni. Kannski hefur Ferguson ekki aðra möguleika varðandi Nani, fyrst Valencia og Young eru meiddir, en það voru sögur á kreiki þess efnis að stjórinn hafi verið brjálaður yfir því að Nani hafi slegið Petrucci á æfingarsvæðinu í vikunni. Ef öll sú saga reynist rétt, þá er Nani ekki refsað fyrir það, allavega eins og er. Lesa meira
Það er í nægu að snúast þessa dagana fyrir okkur United menn, leikjaplanið er ansi þétt og núna er komið að því að leika við Tottenham í deildinni á Old Trafford. Leikurinn fer fram á morgun (laugardag) klukkan 16:30. Liðinu hefur gengið afskaplega vel gegn Tottenham undanfarin ár, í síðustu 20 leikjum á Old Trafford hefur Man Utd aldrei tapað, hafa unnið 17 leiki, gert 3 jafntefli og markatalan er 42 mörk gegn 8. Tottenham eru með mjög sterkt lið og auðvitað nýjan þjálfara. Villas-Boas reið kannski ekki feitum hesti gegn United þegar hann var með Chelsea en hver veit, kannski hefur hann lært eitt og annað síðan þá og kannski hentar honum betur að mæta á Old Trafford sem lítilmagninn. Ó vangaveltur. Lesa meira
Magnús Þór skrifaði þann | 55 ummæli
Óhætt er að segja að beðið hafi verið eftir þessum leik með mikilli eftirvæntingu. Þetta var fyrsti heimaleikur Liverpool eftir útgáfu Hillsbrough skýrslunnar og var andrúmsloftið magnþrungið. 96 blöðrum var sleppt til minnast þeirra 96 sem létust í Sheffield og var stemmningin mögnuð. Og voru allir stuðningsmenn til fyrirmyndar.
Liverpool stillti upp sama liði og gegn Sunderland á meðan Ferguson gerði nokkrar breytingar frá leiknum gegn Wigan. Lesa meira
Vertu með í Fantasy leiknum okkar!