Friðrik Már Ævarsson skrifaði þann | 2 ummæli
Erik ten Hag er búinn að festa niður á blað hvaða ellefu leikmenn byrja leikinn gegn Everton í dag. Stóru fréttirnar eru þær að Maguire kemur inn fyrir Varane og Eriksen er á tréverkinu.
Á bekknum eru þeir Butland, Dalot, Lindelöf, Varane, Eriksen, Fred, Pellistri, Martial og Weghorst.
Friðrik Már Ævarsson skrifaði þann | Engin ummæli
United mætir Everton í hádegisleiknum á morgun en um er að ræða fyrsta leik 30. umferðar. Í miðri viku lagði liðið Brentford sem var torsóttur en góður sigur enda hafði Thomas Frank og hans lærisveinar ekki tapað nema stökum leik af síðustu 17 viðureignum sínum í deildinni. Af þeim liðum sem Brentford mætti á þessu tímabili voru Liverpool, Arsenal, Tottenham og City en síðasta tapið kom einmitt gegn næstu mótherjum okkar manna, Everton. Lesa meira
Friðrik Már Ævarsson skrifaði þann | 1 ummæli
Í kvöld tók Manchester United á móti Brentford á Old Trafford en það var einmitt eftir 4-0 ósigur gegn þeim í 2. umferð deildarinnar sem Erik ten Hag lét menn hlaupa 13,4km eins og frægt er orðið. Erik ten Hag stillti loks upp liðinu án Wout Weghorst en Martial var þó ekki í byrjunarliðinu.
Leikurinn var gífurlega mikilvægur sérstaklega í ljósi þess að Newcastle United fór með sigur af hólmi um helgina og jafnaði okkur að stigum en þeir eru með talsvert betri markatölu en við. Newcastle gerði sér lítið fyrir og slátraði West Ham á sama tíma og United marði Brentford. Góðu fréttirnar eru þær að Martial er að verða leikfær og liðið spilar margfalt betur með hann í fremstu línu og Rashford á vinstri kantinum en slæmu fréttirnar eru þær að Luke Shaw fór meiddur af velli eftir hálftíma leik. Lesa meira
Friðrik Már Ævarsson skrifaði þann | 4 ummæli
Það var spennuþrungið andrúmsloftið á St. James’ Park eins og svo oft áður þegar þessi tvö lið mætast. Síðasta viðureign þessara liða endaði með því að þeir rauðklæddu hömpuðu bikar á meðan þeir svarthvítu sátu eftir með sárt ennið í leik þar sem þeir sáu þó nánast aldrei til sólar. En bikarleikir og deildarleikir eru eins og eplabaka og hjónabandsæla. Þessi lið voru búin að spila jafnmarga leiki fyrir daginn í dag og skildu einungis 3 stig þau að í baráttunni um Meistaradeildarsætið. Lesa meira
Ragnar Auðun Árnason skrifaði þann | 5 ummæli
Byrjunarliðið United gegn Southampton var aðeins sóknarsinnaðra en við höfum vanist frá Ten Hag. Það virtist vera 4-1-4-1 með þá Antony, Fernandes, Weghorst, Sancho og Rashford alla inn á og væntanlega eru eitthvað flæðandi í þessum framliggjandi stöðum. Casemiro fékk engan Fred, Sabitzer eða McTominay með sér inn á miðjuna, þá fékk Aaron Wan-Bissaka traustið.
Vertu með í Fantasy leiknum okkar!