Ragnar Auðun Árnason skrifaði þann | 3 ummæli
United og Newcastle skildu jöfn á Old Trafford í dag og fyrsta jafntefli United í deildinni á þessu tímabili staðreynd. Byrjunarlið United var talsvert breytt frá síðasta úrvalsdeildarleik, Rashford settist á bekkinn og Sancho koma inn í hans stað, Eriksen var hvorki í byrjunarliði né á bekknum en Ten Hag sagði að hann væri veikur og tæki því engan þátt, Fred fékk því að byrja annan leikinn í röð. Lesa meira
Ragnar Auðun Árnason skrifaði þann | Engin ummæli
Eftir afhroðið gegn City var sigurinn gegn Everton síðustu helgi mjög kærkominn til þess að hleypa liðunum á toppnum ekki of langt á undan. Þrátt fyrir að það Everton hafi legið þungt á United undir lok leiksins þá var sigurinn verðskuldaður. United liðið tók síðan á móti Omonia Nicosia og eftir mikið más og blás að marki Omonia laumaði McTominay inn marki í uppbótartíma og 1-0 sigur í höfn. Næst fær United, Newcastle í heimsókn klukkan 13:00 á sunnudaginn. Eftir hæga byrjun þar sem Newcastle sigraði aðeins einn af sínum fyrstu 7 leikjum og gerði 5 jafntefli hafa þeir aðeins rétt úr kútnum með tveimur sigrum í síðustu tveimur leikjum. Þá hafa þeir einnig unnið þessa tvo leiki stórt 4-1 og 5-1, það má því búst við að drengirnir hans Eddie Howe mæti ágætlega vel stemdir í leikinn gegn United. Erik Ten Hag gerði fjórar breytingar á liðinu frá tapinu gegn City, Varane, Malacia, Sancho og McTominay fóru allir úr liðinu og Martial, Lindelöf, Shaw og Casemiro komu inn. United liðið gaf svolítið eftir undir lokin gegn Everton og gæti spilað inn í leikurinn um miðja viku gegn Omonia Nicosia, það er vonandi að það sama verði ekki upp á teningnum núna á sunnudaginn. Lesa meira
Friðrik Már Ævarsson skrifaði þann | 4 ummæli
Þá er komið að síðari viðureign United gegn Omonia Nicosia en liðin mættust á fimmtudaginn var á heimavelli kýpverska liðsins í 3. umferð Evrópudeildarinnar. Þeim leik lauk með sigri United 2-3, en fátt sem heillaði eftir hroðalegheitin gegn nágrönnum okkar í deildinni. Leikmenn eins og Eriksen og Ronaldo virtust þreyttir og langt frá sínu besta og mistök voru gerð sem kostuðu okkur ódýr mörk en að lokum sigldi United skyldusigrinum heim undir forystu þeirra Marcus Rashford og Anthony Martial. Þeir byrjuðu svo leikinn gegn Everton um helgina sem endaði með baráttusigri United í leik sem var miklu betri en sá á fimmtudaginn. Lesa meira
Friðrik Már Ævarsson skrifaði þann | 1 ummæli
Í dag tók Everton á móti okkar mönnum á Goodison Park á úrkomumiklu kvöldi í Liverpoolborg. Erik Ten Hag gerði fjórar breytingar frá síðasta leik og bar þar helst að nefna að Anthony Martial var mættur upp á toppinn og Casimiro fékk að byrja við hlið Eriksen á miðjunni. Annars var liðið svona:
Á bekknum voru þeir Fred, Pellistri, McTominay, Heaton, Ronaldo (’29), Sancho, Elanga, Malacia og Varane. Lesa meira
Friðrik Már Ævarsson skrifaði þann | Engin ummæli
Vissulega er ekki allt undir í leiknum gegnum Everton á sunnudaginn kemur en leiktíðin hjá United hefur verið „allt eða ekkert“ í þeim skilning að liðið hefur annað hvort tekið öll stigin eða engin stig úr leikjum sínum, leikgleðin og baráttan hefur verið til staðar eða ekki og menn hafa mætt tilbúnir til leiks eða þá bara alls ekki.
Eftir hroðalega byrjun rétti liðið úr kútnum með fjórum sigrum sem voru snögglega kældir niður þegar liðið tapaði fyrsta Evrópuleik tímabilsins. Næsti leikur liðsins var einnig í Evrópudeildinni þegar liðið tók sannfærandi sigur gegn Sheriff en ákvað svo að sleppa því að mæta í grannaslaginn gegn Manchester City. Líklega hafa leikmenn verið svo vanir að leikir þeirra væru að frestast eftir síðustu vikur og misseri að þeir hafi gert ráð fyrir að ekkert yrði af City leiknum miðað við hversu andlega fjarverandi þeir virtust þá. En besta svar við niðurlægingu er að vinna næsta leik ekki satt? Lesa meira
Vertu með í Fantasy leiknum okkar!