Enska úrvalsdeildin

Það molnar sífellt undan deildarbikarnum og kæmi líklega fáum á óvart ef stóru liðin hættu þátttöku eða settu U-23 alfarið í keppnina, líkt og þau eru núna í framrúðubikar neðri deilda. En það er ekki enn komið að þeim tíma og Manchester United mætir West Ham í annað skiptið á fjórum dögum á morgun.

Það gerir þó enginn ráð fyrir að liðin verði eitthvað lík því sem þau voru á sunnudaginn. Nú þegar er búið að tilkynna að Anthony Elanga og Alex Telles verði í hópnum og búist er við að Phil Jones verði það líka á sinni löngu leið tilbaka úr meiðslum. Það er þó ekki endilega það sama og að þeir byrji og við skjótum á að liðið verði albreytt. Lesa meira

DJÖFULL er gaman að vinna fótboltaleiki! Manchester United vann rétt í þessu hádramatískan seiglusigur á West Ham United. Lokamínútur leiksins voru vægast sagt tíðindamiklar og það leit ekki út fyrir að okkar menn færu brosandi af velli á London Stadium. En Spánverjinn, sem hóf ferilinn hjá United á kleinuhringjaráni, sá til þess að við brosum hringinn á þessum fallega sunnudegi! Lesa meira

Manchester United gefst kjörið tækifæri til þess að kvitta fyrir vonbrigðin í Sviss þegar að liðið mætir David Moyes og lærisveinum hans í West Ham. Leikurinn hefst kl. 13:00 á morgun, sunnudaginn 19. september. Rétt eins og okkar menn eru Hamrarnir taplausir í deildinni, hafa unnið tvo og gert tvö jafntefli og sitja í 8. sæti deildarinnar með 8 stig.

Búast má við erfiðu verkefni þar sem að lið West Ham er líkamlega sterkt, hávaxið og kröftugt. Auk þess eru bara býsna góðir fótboltamenn í liðinu. Lesa meira

Eftir að því er virtist endalausan landsleikjaglugga þá er loksins, loksins komið að enska boltanum aftur. Vúbb, vúbb! Við höldum aftur á Old Trafford og fáum heimaleik hjá okkar mönnum í Manchester United. Reyndar var landsleikjaglugginn bara þokkalega góður fyrir ansi marga leikmenn hjá Manchester United, þó nokkur rauð mörk litu dagsins ljós. Vonandi að markaskórnir (og marka-ennið hjá sumum) hafi ekki orðið eftir hjá landsliðunum. Lesa meira