Friðrik Már Ævarsson skrifaði þann | 1 ummæli
Þá heldur boltinn áfram að rúlla eftir að ryðguð og rykfallin úrvalsdeildarliðin tóku að leiða hesta sína saman á ný. Fyrsti leikur United eftir hlé var gegn Tottenham Hotspur en bæði lið virtust ansi langt frá sínu besta.
Þrátt fyrir það virtust yfirburðir United ansi miklir og mikil vonbrigði fyrir Ole Gunnar Solskjær að ná ekki öllum stigunum í baráttunni um hið margrómaða fjórða sæti. Lesa meira
Friðrik Már Ævarsson skrifaði þann | 8 ummæli
Þá er komið á hreint hvaða 11 leikmenn Ole Gunnar Solskjær hefur valið fyrir kvöldið. Mikil umræða fyrir leik var um það hvernig honum tækist að koma bæði Bruno og Pogba inn í liðið. Hann hefur þó valið að halda sig við Fred-Bruno-McTominay fyrir þennan leik. Þá er gaman að sjá að Rashford er kominn inn í liðið á nýjan leik en hann hefur verið iðinn við markaskorun gegn „heimamönnum“ í síðustu viðureignum. Lesa meira
Björn Friðgeir skrifaði þann | 1 ummæli
Það eru 99 dagar frá því að lið Manchester United steig síðast á stokk í keppni og burstaði LASK Linz 5-0 fyrir luktum dyrum. Heimurinn hefur breyst, en Ísland er að mestu komið í gamla gírinn, og þá líklega sirka 2004, túristalaust.
En í Englandi er enn ekki séð fyrir endann á fyrstu bylgjunni þó létt hafi verið á mörgum takmörkunum og til að létta lund er knattspyrnan dregin fram. Hvers vegna óhætt er að spila fótbolta í efstu deild en ekki fimmtu er ég ekki nógu skarpgreindur til að átta mig á en það gæti haft eitthvað með peninga að gera. Síðan þarf að létta lund lýðsins! Panem et circenses! Brauð og leikir! Lesa meira
Magnús Þór skrifaði þann | 12 ummæli
Ole Gunnar Solskjær ákvað að fara í 5-2-1-2 kerfið sitt sem hefur reynst ágætlega í stóru leikjunum á tímabilinu. Scott McTominay var settur á bekkinn eflaust einhverjum til gremju. Miðjutríóið Fred, Nemanja Matic og Bruno Fernandes fékk traustið en þeir félagar hafa náð vel saman frá því að sá síðastnefndi var keyptur undir lok janúargluggans.
Björn Friðgeir skrifaði þann | Engin ummæli
Eftir jafnteflið við Everton um síðustu helgi kemur önnur og meiri prófraun á atlögu Ole Gunnars og liðsins hans að fjórða sætinu. Manchester City kemur í heimsókn. Það er ekki hægt að segja að það sé hægt að líta hýru auga á heimavallarforskot þegar kemur að því að taka á móti bláu grönnunum. Frá tapinu stóra 1-6 í október 2011 hefur City unnið fimm leiki til viðbótar á Old Trafford í deildinni, gert tvö jafntefli og United hefur aðeins unnið einn deildarleik gegn þeim á þessum rúmu níu árum, í frábærum 4-2 sigri árið 2015 sem lofaði góðu um framtíðina en eins og svo oft áður var það fölsk von. Lesa meira
Vertu með í Fantasy leiknum okkar!