Rauðu djöflarnir

Enska úrvalsdeildin

Enska úrvalsdeildin

Fótboltaleikinn, á annan í jólum…

skrifaði þann | Engin ummæli

… þann fallega, al-enska sið!

Gleðileg jól kæru lesendur, vona þau séu ykkur öllum góð!

Að sjálfsögðu verður leikið í ensku knattspyrnunni á morgun, heil umferð fer fram og á morgun kl 17:30 tekur United á móti Newcastle United á Old Trafford (já ég er búinn að dobbeltékka!).

Eins og við vitum mætavel voru vonir um betra gengi United rækilega skotnar niður á sunnudaginn með hrikalegu tapi gegn Watford. Þetta þýðir að í stað þess að vera nálægt fjórða sætinu er United í 8. sæti  með 25 stig og mótherjarnir á morgun eru í því níunda, með jafnmörg stig en mun verri markatölu. Steve Bruce er stjóri  Newcastle og hefur átt erfitt með að vinna stuðningsmenn á sitt band enda eru þeir ansi brenndir af einum af fáum eigendum í efstu deild sem verður að teljast verri on okkar ekki-svo-ágætu Glazerar. Lesa meira

Enska úrvalsdeildin

Watford 2:0 Manchester United

skrifaði þann | 36 ummæli

Jólagjöfin sem stuðningsmenn fengu í dag var ein sú súrasta sem sést hefur og vonir hljóta að standa til að sem flest ykkar hafi nýtt tímann í jólaundirbúning og útréttingar frekar en að horfa á þennan leik. Spáin fyrir leik að þessi gæti orðið vesen var alltof góð.

Eftir að hafa misst af nær öllu tímabilinu var Paul Pogba loksins kominn í næga æfingu til að sitja á bekknum gegn botnliði Watford. Lesa meira

Enska úrvalsdeildin

Botnlið Watford heimsótt á morgun

skrifaði þann | 4 ummæli

Það fer að líða að jólum og eins og alltaf er góð törn í ensku knattspyrnunni þá og hefst á morgun þegar botnlið Watford kemur í heimsókn á Old Trafford tekur á móti okkar mönnum. Eins og svo oft áður kom slæmur leikur í kjölfar góðra og jafnteflið gegn Everton þýddi að liði er ekki eins nálægt fjórða sætinu og ella. Á morgun mætast Tottenham og Chelsea þannig að sigur United á Watford kemur liðinu algjörlega í baráttuna, ekki síst ef Chelsea vinnur ekki

En það er orðið langt síðan að við fórum inn í leik gegn botnliðinu á Old Trafford algerlega fullviss um að sigurinn væri formsatriði. United á að vinna þennan leik á morgun en það er stórhættulegt að gera ráð fyrir að sú verði raunin Lesa meira

Enska úrvalsdeildin

Manchester United 3:0 Colchester United

skrifaði þann | 1 ummæli

Í kvöld mætti Manchester United d-deildarliðinu Colchester United í Carabao bikarnum (deildarbikarnum). Litla liðið úr austurhluta landsins var sýnd veiði en ekki gefin en þeim hafði hingað til tekist að leggja bæði Crystal Palace og Tottenham af velli í keppninni.

1
De Gea
23
Shaw
5
Maguire
38
Tuanzebe
18
Young
15
Pereira
31
Matic
10
Rashford
8
Mata
26
Greenwood
9
Martial

Á bekknum voru þeir Grant, Garner, Lingard, Jones, Chong, Williams og McTominay,

 

Lið gestanna var skipað þeim Gerken, Jackson, Tom Eastman, Prosser, Bramall, Lapslie, Pell, Comley, Harriot, Nouble og Norris. Lesa meira

Enska úrvalsdeildin

Colchester mætir á Old Trafford

skrifaði þann | Engin ummæli

Eftir bragðdauft jafntefli í deildinni við vængbrotið lið Everton er komið að leik í miðri viku gegn Colchester United. Leikurinn var merkilegur í alla aðra staði en fyrir úrslitin þar sem United náði þeim merka áfanga að spila 4000 leiki í röð þar sem uppalinn leikmaður er í hópnum.

Leikurinn á morgun er hins vegar merkilegur fyrir allt aðrar sakir. Þetta verður einungis í þriðja sinn sem liðin mætast en fyrsta viðureign liðanna fór fram 20. febrúar 1979. Þá mættust liðin í 5. umferð FA bikarsins en síðan þá hafa liðin einungis mæst einu sinni en það var 8. nóvember 1983 í deildabikarnum. Í báðum leikjunum hélt United hreinu og vann leikinn. Lesa meira