Björn Friðgeir skrifaði þann | 2 ummæli
Manchester United mætir Club Brugge í 32 liða úrslitum Evrópudeildarinnar.
Til að kynna sér andstæðingana er þetta prýðileg byrjun
Í hádeginu verður dregið í Evrópudeildinni. Manchester United er í efra styrkleikaflokki og getur því mætt einu eftirfarandi liða:
APOEL, Bayer Leverkusen, CFR Cluj, Club Brugge, Eintracht Frankfurt, Getafe, FC Köbenhavn, Ludogorets, Olympiakos, Rangers, Roma, Shakhtar Donetsk, Sporting CP eða Wolfsburg Lesa meira
Halldór Marteins skrifaði þann | 13 ummæli
Manchester United spilaði í kvöld lokaleik sinn í riðlakeppni Evrópudeildarinnar. Það var heimaleikur gegn liðinu í 2. sætinu, AZ Alkmaar frá Hollandi. Fyrir leik höfðu bæði lið þegar tryggt þátttöku sína í 32-liða úrslitum en þó var barist um hvort liðið myndi enda á toppi L-riðils og þar með vera í betri stöðu fyrir dráttinn á mánudaginn. Manchester United dugði jafntefli á meðan AZ þurfti að leika til sigurs. Lesa meira
Halldór Marteins skrifaði þann | 2 ummæli
Eftir tvo frábæra sigra í röð í ensku úrvalsdeildinni er aftur kominn tími til að beina sjónum okkar að Evrópukeppninni sem liðið okkar tekur þátt í þennan veturinn. Það er komið að sjötta og síðasta leiknum í riðlakeppni Evrópudeildarinnar. United hefur þegar tryggt sér sæti í 32-liða úrslitunum en það er þó mikilvægt að halda efsta sætinu því þannig sleppur liðið við að mæta efstu liðunum í hinum riðlunum eða þeim fjórum liðum sem koma úr Meistaradeildinni með bestan árangur. Að auki myndi liðið þá fá seinni leik á heimavelli. Jafntefli dugar Manchester United til að halda efsta sætinu í riðlinum en við viljum auðvitað enda þessa riðlakeppni með sigri. Það verður dregið í 32-liða úrslitin á mánudaginn, klukkan 12:00 að íslenskum tíma. Lesa meira
Björn Friðgeir skrifaði þann | 11 ummæli
Það var ungt lið sem hóf leikinn. Ethan Laird, DiShon Bernard og Dylan Levitt léku sinn fyrsta leik fyrir Manchester United og meðalaldur útileikmanna var innan við 21 ár
Varamenn: Kovar, Mengi, Taylor, Galbraith, Puigmal, Bughail-Mellor, Ramazani
Byrjaði mjög frísklega og ungu leikmennirnir sýndu að þeir voru óhræddir við að reyna að spila hratt upp og pressa á Astana. Fyrsta færið kom á fimmtu mínútu, Greenwood með skot beint á markmann. Pressan var næsta stöðug og Astana var komið að mestu inn í teig og á 10. mínútu kom markið. Reynsluboltinn og fyrirliðinn Jese Lingard fékk sendingu frá hinum gamla manninum úti á vellinum, Luke Shaw, lagði boltann fyrir sig og skaut utan teigs, boltinn fór aðeins í varnarmann og í markhornið fjær, mjög smekklegt mark! Lesa meira
Björn Friðgeir skrifaði þann | 1 ummæli
Byrjum á viðvörun: Leikurinn hefst kl 15:50 á morgun að íslenskum tíma!
Þar sem sæti United í 32 liða úrslitum Evrópudeildarinnar er tryggt var það von allra að nokkrir unglingar fengju að spreyta sig í næstu leikjum. Það gat þó enginn búist við því liði sem Ole Gunnar Solskjær fór með til Kasakstan í gær. Hugmyndin er án efa sú að leyfa byrjunarliðinu að sleppa við langt og erfitt ferðalag og fimbulkuldann í Nur-Sultana, þó leikurinn fari fram undir þaki í þolanlegu hitastigi. Að auki eru aðalliðsþjálfararnir Michael Carrick og Kieran McKenna skildir eftir en Nicky Butt er mættur til að hjálpa til við að stjórna unglingunum sem hann þekkir vel Lesa meira
Vertu með í Fantasy leiknum okkar!