Halldór Marteins skrifaði þann | 4 ummæli
Manchester United náði í stórgóð úrslit á útivelli í 8-liða úrslitum Evrópudeildarinnar í kvöld. Marcus Rashford og Bruno Fernandes tryggðu liðinu 0-2 sigur til að taka með heim til Manchester. Dómarinn var þó í fullmiklu spjaldastuði og sendi samtals fimm leikmenn í bann fyrir seinni leikinn.
Það var ágætt að ekki þurfti mikla orku í þennan leik því framundan er spennandi leikur gegn Tottenham Hotspur á útivelli næsta sunnudag. Lesa meira
Halldór Marteins skrifaði þann | 3 ummæli
Þá er komið að fjórðungsúrslitum í Evrópudeildinni. Aðeins 8 lið eru eftir og berjast um hinn mátulega eftirsótta Evrópudeildarbikar (áður UEFA-bikarinn). Bikarinn sjálfur er fallegur gripur og það er skemmtilegt að vinna keppni en við vitum öll að þetta er ekki Evrópukeppnin sem við viljum helst vera í. Hvað um það, það er bikar undir og skemmtileg ferð til fallegrar borgar framundan. Lesa meira
Björn Friðgeir skrifaði þann | 19 ummæli
Liðið er alveg staðlað, án Pogba.
Varamenn: De Gea, Grant, Alex Telles, Tuanzebe, Williams, Amad, Pogba, Matic, Van de Beek
AC Milan var án Ante Rebić og Leão, þannig að Castillejo var fölsk nía en Zlatan beið á bekknum
United var sterkara liðið frá fyrstu mínútu, sótti vel og pressaði hátt, færin létu þó á sér standa eins og oft áður. Milan reyndi gagnsóknir en vörn United gekk vel í að stoppa þær áður en hætta skapaðist. Lesa meira
Björn Friðgeir skrifaði þann | 17 ummæli
Upphitarinn góði í gær var með byrjunarlið United á tæru
Varamenn: Bishop, Grant, Lindelöf, Shaw, Tuanzebe, Williams, Fred, Amad, Shoretire
Lið AC Milan
United byrjaði betur í leiknum og fyrir utan rangstöðu“mark“ Leao í skyndisókn fóru þeir að ógna fljótlega. Fyrsta færið var þegar Martial tók bolta frá Alex Telles á kassann og smellti honum síðan að marki en Donnarumma sló boltann yfir. Skemmtilegt skot hjá Martial og ágætlega varið. Lesa meira
Halldór Marteins skrifaði þann | Engin ummæli
Manchester United að mæta AC Milan. Rauðu djöflarnir gegn þeim rauðsvörtu. Það eru titlar í þessu kombói, samtals 38 deildartitlar og 17 bikarsigrar í sínum löndum auk þess sem liðin hafa unnið samanlagt 14 titla í Evrópu (þá er ofurbikarinn ekki talinn með). Tvö gamalgróin lið með sögu sem nær aftur til 19. aldar, tvö lið með goðsagnakennda leikvanga og langan leikmannalista af goðsögnum. Tvö lið sem hafa oft staðið betur en núna en þó líka bæði upplifað töluvert erfiðari tíma en þetta. Lesa meira
Vertu með í Fantasy leiknum okkar!